img
الرئيسة / أطباق رئيسية / صينية لحمة بالفخارة على الطريقة التركية ملكة أطباق اللحوم

صينية لحمة بالفخارة على الطريقة التركية ملكة أطباق اللحوم

/
/
/
2492 مشاهدات

 

صينية لحمة بالفخارة على الطريقة التركية ملكة أطباق اللحوم

صينية لحمة بالفخارة على الطريقة التركية ملكة أطباق اللحوم

صينية لحمة بالفخارة على الطريقة التركية ملكة أطباق اللحوم

صينية لحمة بالفخارة على الطريقة التركية ملكة أطباق اللحوم, معكم صديقة زاكي الشيف الموهوبة ,

المقادير

  • 2 كيلو لحمة قطع أي نوع أنااستخدمت لحمة عجل
  • حبة بندورة مبروشه
  • كاسة لبن زبادي
  • زيت زيتون مقدار نص كاسة
  • ملح
  • ملعقتين دبس رمان وممكن استبدالها ب عصير ليمونة مخلوطة بملعقة سكر
  • البهارات ملعقة من:
  • ببريكا
  • فلفل اسود
  • بهارات مشاوي
  • بصل بودرة
  • ثوم بودرة
  • للعجين:
  • 4 كاسات طحين
  • نص كاسة لبن زبادي
  • نص كاسة زيت
  • ملعقة خميرة
  • 3ملاعق حليب بودرة
  • ملعقتين سكر
  • ملح
  • كاسة مي دافية او أقل
  • حبة البركة وسمسم
  • الخضار المستخدمة حسب الرغبة والكمية حسب الرغبة:
  • بطاطا
  • بندورة
  • بصل
  • فلفل اخضر حلو
  • فلفل اخضر حار

الخطوات

السلام عليكم ورحمة الله وبركاته

بسم الله نبدأ الطريقة:

أولاً :

نقطع اللحمة بالحجم المناسب أو حسب ذوقك ونغسلها .

بنخلط البندورة المبروشة واللبن الزبادي والزيت والبهارات والملح وننقع اللحمة فيهن .

ثانياً:

نضع اللحمة مع تتبيلتها بصينة فخار (أنا ماعندي استخدمت صينية عادية)

نغلف الصينية بقطعتين قصدير ونضعها بالفرن بالرف الاوسط على حرارة 180 ونتركها مدة ساعه ونص

ثالثاً:

نطلع الصينية من الفرن ونشيل القصدير ونرتب الخضار فوق اللحمة ونرجع نغلفها ونرجعها عالفرن نفس المكان ونفس درجة الحرارة ونتركها مدة ساعه كاملة

رابعاً:

خلال فترة وجود الصينية بالفرن بنكون عجنّا العجينة وتركناها تتخمر

خامساً:

بعد ماوضعنا الخضار وتركنا الصينية بالفرن ساعه بنطلعها ونشيل القصدير

بنرق قطعة عجين مناسبة لحجم الصينية ونغلف الصينية فيها واذا في زوايد نشيلها بالسكين وندهن وجه العجين باللبن الزبادي ونرش حبة البركة وسمسم انا ماكان عندي سمسم اكتفيت بحبة البركة ،

ونرجعها عالفرن الرف الوسط حرارة 180 بتوخذ معك ربع ساعة حسب فرنك وبعد هيك بتحمريها وبتطلعيها من الفرن وصحة وهنا على قلوبكم.

ملاحظة :

بالنسبة للبهارات ممكن الاستغناء عنها حسب ذوقك

العجين الزايد ممكن تعملي منه رغيف خبز

وبالنسبة للخضار ممكن تحطيها من البداية بس انا فضلت وضعها قبل الاستواء بساعه مابدي تنهري وتذوب ويخرب منظرها

والتقطيع كمان حسب رغبتك بتحبي تحطي الخضار مثل ماهي او قطع كبيرة او قطع صغيرة برجع لذوقك وحسب عيلتك شو بتحب

وكمان بتقدري تدهني وجه العجين بصفار البيض للي بحبوه

85 تعليقاً

    • بس تحطي اللحمة بالصينية بتغلفي الصينية من فوق بطبقتين قصدير وبتحطيها بالفرن .

      بالنسبة لدرجة الاستواء مليون بالمية وبتطلع اللحمة ذايبة وبدون مي لأنه التتبيله اللي حطيناها البندورة واللبن ودبس الرمان بتطري اللحمة وبتساعد على استواءها وثاني شي احنا مغلفينها بقصدير طبقتين ولاحظي انها بتكون بفرن حرارة 180 وبالرف الوسط يعني مارح تنشف مع ابداً ورح تستوي على مهلها
      انا استخدمت لحمة عجل وخلال ساعتين ونص بالفرن استوت وذابت
      ياريت اكون وصلتلك الفكرة بالشكل المطلوب واي استفسار انا جاهزة 🙂

  1. جاء رجل إلى ابن مسعود رضى الله عنه فقال له : حدثنا عن النار كيف هي ؟! فقال ابن مسعود رضى الله عنه : (لو رأيتها لزال قلبك من مكانه!).

    اللهم نعوذ بك من النار

  2. يسلم اديكي ام هديل ريتو الف صحة وهنا يا رب ما شاء الله عليكي شغلك مرتب بوركتي يا عسل ربنا يباركلك يا رب 😙😙😙😙

  3. يمي يميييييي
    من ألذ الوصفات والله ربي يسلم هالأنامل الذهبية المبدعة ياقلبي وصفاتك كلها تحفة اللهم بارك😀😍
    أبدعتي كالعادة وان شاء الله هنا وعوافي على قلوبكم ياعسل😄😘

  4. في زمن الرخاء قد لا تُعرَف القلوب الصادقة والمخلِصة ؛ ففي الفتن تتباين القلوب !

    ‏قال شيخ الإسلام ابن تيمية -رحمه الله-:

    ‏” *كمائن القلوب تظهر عند المحن*”

    ‏مجموع الفتاوى | ( 11 / 6 ).

    ‏ومَنْ لم يخشَ على نفسه الفتن فهذا بداية وقوعه فيها .

  5. 🗒

    قال بعض السلف:

    كنت إذا قرأت مثلا ًمن القرآن فلم أفهمهُ بَكيتُ على نفسي لأن الله تعالى يقول :
    {وَمَا يَعْقِلُهَا إِلَّا الْعَالِمُونَ}

    📖 تفسير ابن كثير

  6. يقول شيخ الإسلام رحمه الله:
    ‏”إذا لم تجد للعمل حلاوةً في قلبك وانشراحًا؛ فاتّهمه، فإن الربَّ تعالى شكور”.
    ‏أي:
    ‏”أنه لابدَّ أن يُثيب العامِل على عمله في الدنيا من حلاوة يجدها في قلبه وقوة وانشراح وقرةِ عين، فحيث لم يجد ذلك؛ فعمله مدخول!”.

  7. وعليكم السلام ورحمة الله وبركاته
    ما هذا الإبداع والجمال .. اللهم بارك
    تفوقت على المطاعم التركية بلماستك ونفسك الطيب
    تسلم إيدك ويعطيك العافية يا رب🌷

اترك تعليقاً

لن يتم نشر عنوان بريدك الإلكتروني.