صفيحة باللحمة ملكة أطباق اللحوم

117 8٬293
 

صفيحة باللحمة ملكة أطباق اللحوم

صفيحة باللحمة ملكة أطباق اللحوم

صفيحة باللحمة ملكة أطباق اللحوم

صفيحة باللحمة ملكة أطباق اللحوم, معكم صديقة زاكي الشيف الموهوبة ,

المقادير

  • مقادير العجين:
  • 6 كوب طحين ابيض
  • كوب حليب بودرة
  • نصف كوب زيت ذرة
  • م.ك خميرة
  • 2 م.ك سكر
  • م.ك ملح
  • م.ك بيكينج باودر
  • 3 كوب ماء دافئ تقريبا ممكن اقل او اكثر حسب نوع الطحين
  • مقادير اللحمة:
  • كيلو لحمة مفرومة ناعم وجهين ربعها دهن ضروري
  • كيلو بندورة مطحونة
  • نصف كيلو بصل مطحون
  • قرن فليفلة حارة مطحون او م.ك دبس فليفلة
  • 2 م.ك دبس الرمان
  • م.ك بهاراتك المفضلة
  • م.ص فلفل اسود
  • م.ك كزبرة بودرة

الخطوات

السلام عليكم ورحمة الله وبركاته

من اطيب انواع المعجنات الصفيحة باللحمة وكل ست الها طريقتها الخاصة ونكهاتها المميزة حبيت اقدم طريقتي وان شاء الله تعجبكم. وارفقت صور لمناقيش الزعتر وخلية النحل بنفس العجينة القطنية الراااااائعة.

أولاً/ اللحمة

طبعا لحمة الصفيحة لازم تكون مطحونة عالناعمة وجهين عشان تطلع زي العجينة وتستوي وتطلع موزعة صح عالعجين ( انا كانت اللحمة مفرومة خشنة وماعندي ماكنة لحمة فضربتها عالكبّة وما نعمت زي مابدي) وبنخلط معها البندورة والبصل وباقي الخلطة وبنتركها بمصفى لحتى نعمل العجينة بتكون تخلصت من السوائل الزيادة.

ملاااحظة/

كمية الدهن والبندورة والبصل لازم تكون مضبوطة وكثيرة عشان ما تكشّ اللحمة عن الخبزة ونعومة اللحمة عامل مهم كمان.

ثانياً/ العجينة القطنية الرائعة

بنخلط كل المواد مع بعض عدا الماء وبنخلطها لحتى تصير مثل الرمل بسبب الزيت وبنبدأ نضيف الماء لحتى تصير عجينة طرية بتلزق شوي باليد وهاد سر طراوتها وهشاشتها.

—بنتركها تخمر

ثالثاً/ تشكيل وشوي الصفيحة

بنقطع العجين لكرات صغيرة يعني إذا صغرتي الصفيحة بتعمللك الكمية 50 حبة وإذا وسط 40 حبة.

—بنبدأ نفرد كل كرة بشكل بيضوي او دائري كمان بصير ، الصفيحة بتكون رقيقة كثير بس انا ما رققتها كثير بحب اشعر بطعم الخبز مع اللحمة. انتي زي ما بتحبي رققيها.

—بنفرد طبقة رقيقة من اللحمة عالعجين

—شوي الصفيحة بفرن محمي على اعلى حرارة بالرف الوسط لحتى تستوي وتتحمر.

رابعاً/ مناقيش وخلية النحل

زادت معي عجينة عملتها مناقيش وخلية نحل مش محشيه اي شي بس لما استوت وتحمرت دهنت وجهها قطر وطلعت خرافيه.

—بتمنى تكون الوصفة عجبتكم وتجربوها وصحة وهنا

117 تعليقات
  1. ام عبود :

    الله يسلم ايديك والله شكلهم بجنن
    واكيد طعمها اطيب

    1. 💠أم جاسم💠 :

      الله يسلمك ام عبود كلك زووووق نووووورتيني

  2. ام علاء ابو يحيى :

    تسلم ايدك حبيبتي ام جاسم تبارك الله بشهوا طالعين من تحت دياتك ربن يكرمك ويباركلك🌹🌹

    1. 💠أم جاسم💠 :

      ربي يعزك ويبارك فيكي ام علاء
      نووووورتيني وشرفتيني بمرورك الطيب

  3. 🌼:-*ام علي:-*🌼: :

    ياسلاااااام شو شكلهم طرايه وطيبين..خاصه الخليه
    الله يسلم اديك ويعطيك الف عافيه
    بكل شي متميزة

    1. 💠أم جاسم💠 :

      الله يعافيكي ويبارك فيكي ام علي
      اه والله كثيير طرايا طلعوا
      نووووورتيني وشرفتيني كلك زووووق

  4. ام البنات :

    ماشاء الله تبارك الرحمن …..تسلم يمينك يارب عن جد شكلهم بشهي …ربي يزيدك من نعيمو …شكل الصفيحه دماااااار من الاخر ….

    1. 💠أم جاسم💠 :

      يسلمك ربي ام البنات ويبارك فيكي يا رب
      نووووورتيني وشرفتيني بمرورك الطيب

    2. ام البنات :

      طيب الله اعمالك …

  5. لولو :

    ااااا

    1. 💠أم جاسم💠 :

      شكرا

  6. 🌸جمانة🌸 :

    يسلمو هالايدين ترتيب و زوووء و اكيد بشهو ….الله يحفظك …..اسم الله عليكي حبيبتي

    1. 💠أم جاسم💠 :

      يسلمك ربي ويحفظك جمانة كلك زووووق نووووورتيني

  7. أم مشعل :

    ابدعتي يا ام جاسم

    1. 💠أم جاسم💠 :

      شكرا ام مشعل نووووورتيني

  8. الآء محمد :

    يمي يمي يسلم ايديكي منظرهم بشهي

    1. 💠أم جاسم💠 :

      ربي يسلمك آلاء ويسعدك نووووورتيني

  9. 🌹🌹🌹 :

    يا سلام اشي بيفتح النفس
    يسلمو اديك
    يا الله ما أجملها الخلية رائعة

    1. 💠أم جاسم💠 :

      يسلمك ربي ويسعدك
      فعلا الخلية كثييير طرية وهشة زي القطن
      ياريت تجربيها وتعطيني رأيك بالطعم
      نووووورتيني

  10. القدس عربية :

    يعطيك الف عافيه ويسلم ايديكي زاااكي كتيييير
    معجنات الزعتر بتشششههيي كتيييير

    1. 💠أم جاسم💠 :

      يعافيكي ربي ويسلمك نووووورتيني
      فعلا انا اكثر نوع بحبه مناقيش الزعتر رائعة

  11. حنان أم أنس 💖💖 :

    😍😍 يا عيني يا عيني شو هالجمال المنظر بيفتح النفس😋😋 يعطيكي العافية ويسلمو دياتك

    1. 💠أم جاسم💠 :

      ربي يعافيكي ويسعدك ام انس
      نووووورتيني

  12. الاميره$ :

    روعه بكل معنى الكلمه

    1. 💠أم جاسم💠 :

      انتي الاروع اميرة نووووورتيني

  13. 💝نونو 💝 :

    يسلموا ايديك عن جد شي بفتح النفس ما شاء الله شو ما بتعملي فيه إبداع 👍👍

    1. 💠أم جاسم💠 :

      ربي يسلمك نونو ويسعدك نووووورتيني

  14. ٤ :

    يسلمو
    صحتين وهنا
    بقدر استعمل الطحين البلدي

    1. 💠أم جاسم💠 :

      الله يسلمك ويبارك فيكي يا رب
      الطحين البلدي لحاله ما بطلع هش وقطني اذا بتحبي اخلطي نص بنص. نص اسمر ونص ابيض

  15. أمي جنتي :

    ماشاءالله تبارك الله
    يفتحو النفس معجناتك رائعة ولمساتك فيهن أروع
    الزعتر سيد المعجنات في قلبي شكلة مغررررري الله يسلم إيديكي المبدعة ونفسك الطيب .

    1. 💠أم جاسم💠 :

      يسلمك ربي امي جنتي نووووورتيني وشرفتيني بمرورك الطيب وتعليقك الحلو

  16. fatima :

    ماشاءالله شكلهم كثييير بيشهي وواضحه ان الطعم ولااروع
    والعجينه بجد رائع..
    يسسسلمو ايديك ام جاسسم وماننحرم من ابداعاتك
    والله لايحرمك أجر جهدك وتعبك ..

    1. 💠أم جاسم💠 :

      وما يحرمني ربي منكم ومن متابعتكم وتعليقاتكم الحلوة نووووورتيني

  17. ام زيد :

    ماشاء الله تبارك الرحمن . ربي يحفظك ويتمم عليك صحتك وعافيتك . واللسان يعجز عن الكلام من جمال المنظر . ربي يسعدك ويعطيكي من فضله . لانك عن جد تستاهلي كل خير على الإبداع. وتستحقي كل الاحترام

    1. 💠أم جاسم💠 :

      ربي يبارك فيكي ويسعدك يا ام زيد دائما منوريتني بمرورك العطر وتعليقاتك الرائعة

  18. ام حمزه :

    ماشاء الله عفيه النشميه

    1. 💠أم جاسم💠 :

      مشكوورة ام حمزة على كلامك الطيب
      نووووورتيني

  19. 💖amhamza💖 :

    اسم الله عليكي ام جاسم الله يسلم اديكي يا قلبي هي الوصفه دمار شامل الله يبارك فيكي 😘😋

    1. 💠أم جاسم💠 :

      الله يسلمك ام حمزة ويحفظك كلك زووووق نووووورتيني

  20. وردة الأردن(الجبل) :

    روعة حبيبتي يعطيكي العافية ما في أزكى من الصفيحة والمعجنات

    1. 💠أم جاسم💠 :

      انتي الاروع وردتنا نووووورتيني

  21. الياسمين💗💗💗 :

    ما بقدر احكي غير انك فنااااااانه بمعنى الكلمه
    👑👑👑👑

    1. 💠أم جاسم💠 :

      مشكووورة الياسمين كلك زووووق نووووورتيني

  22. أم صبحي :

    ماشاء الله عليك يا أم جاسم.. إنت ذواقة عشان هيك وصفاتك كأنه أول مرة بسمع فيها.. إلك لمسات على الوصفة مبتكرة بتزيد من روعتها
    يسلموا إيديك يا ملكة الإبداع 💞💖💞

    1. 💠أم جاسم💠 :

      يسعدك ام صبحي انتي الذوق واللطف نفسه
      نووووورتيني وشرفتيني بمرورك الطيب وتعليقك الحلو

  23. 💖 أم جيلان💖 :

    يسلمو ايديكي ام جاسم منظر الصفيحة لايقاوم اللهم بارك ❤

    1. 💠أم جاسم💠 :

      ربي يسلمك ويكرمك ام جيلان نووووورتيني

  24. 💖 أم جيلان💖 :

    ‏اجعل لنفسك “خلوات” بينك و بين الله ذكر و دعاء و استغفار و قرآن و تدبر و تفكُّر .. هذه “الخلوات”هي : التي تعينك على مصاعب الحياة و همومها.

    1. 💠أم جاسم💠 :

      بارك الله فيكي

  25. نادية :

    شي خررررافي تسلم ايدك ياملكة

    1. 💠أم جاسم💠 :

      يسلمك ربي ناديه نووووورتيني

  26. صفاء 👒 :

    ما شاء الله لا قوة الا بالله ..
    يعني ما بعرف هي الصدفة ولا انا حظي حلو .. المرة الماضية عملتي سمك وانا زوجي لسا حاكيلي قبلها بدي أجيب سمك وفعلا عملته عطريقتك طلع بشهي وهيك فاخر بجنن تسلم ايدك وبالخلطة وبدون بهارات سمك
    اليوم بحكيلي ابني 5 سنين عمره بحكيلي بدي عجينة صرت احكيله بكرة إن شاء الله منعمل عجينة واشي زاكي .. وكنت محتارة انه شو اعمل اشي بعجين ولا وصفتك بوجهي الصفيحة سبحان الله
    خلص صفيحة بكرة وعلى طريقتك المميزة إن شاء الله رب العالمين .. ربي يسلمك يا ام جاسم الغالية ويجزيكي عني كل خير
    .. عفكرة ابني مش قصده الأكل عجينة هو قصده اللعب هههههه .. انا كل ما اعمل عجينة بعطيهم لكل واحد كرة صغيرة من العجين ويصيرو يلعبو فيها ويعملو اشكال لأنه ما بشتري المعجونة الجاهزة ابدا ..

    1. 💠أم جاسم💠 :

      هههه سبحان الله صفاء القلوب عند بعضها وربي يكثر هالصدف الحلوة وتضلي تجربي وصفاتي😄
      والف صحة وهنا على السمك يارب كثير مبسوطة انه عجبك.
      وعقبال ما تعجبك العجينة والصفيحة.
      ربي يحفظلك ابنك ويفرحك فيه يارب.

    2. ام البنات :

      هلا صفاء الروح…كيفك….ربي يحفظكم جميعا…..جربيها وانتي مغمضه والله وصفات ام جاسم حسنت كتييييير من طبيخي ماشاء الله عليها ….ربي يزيدها علم ونور ويشافيلها جواد يارب يا كريم

    3. صفاء 👒 :

      يسعدك ويسلمك يا ام جاسم الغالية .. ربي يزيدك من فضله ونعيمه يا ست الكل
      تسلمي تسلمي 👐

    4. صفاء 👒 :

      يسعدك يا ام البنات .. والله انا صرت خبيرة طعام وكتير كمان اكلي تحسن
      طبعا وصفات موثوقة أم جاسم والله كتير مجربة من وصفاتها الله يجزيها عنا كل خير
      الله يسعدك ويسلمك يا صديقتي الصدوقة 👐

    5. 💠أم جاسم💠 :

      ربي يجزيكم الخير والله كثير هالكلام عليه
      وانتوا تبارك الله عنكم رائعات وفنانات بالطبخ وبكل شي.

    6. صفاء 👒 :

      تسلمي يا رب هذا من كرمك وحسن ظنك .. الله يجزيكي الجنة يا رب

  27. ام البنات :

    مسا الخير جميعا ….رح اتغيب عنكم لسبب شخصي انشالله برجعلكم «استودعتكم الله الذي لا تضيع ودائعه »» حبيبتي ام محمد ربي يسر امرك وينور دربك ويكفيكي شر بني آدم……..سلامي للجميع

    1. صفاء 👒 :

      يسعد مساكي وكل اوقاتك يا قلبي
      الله يجيب يلي فيه الخير يا ام البنات
      انتبهي عحالك وخليكي مبسوطة
      استودعتك لله الذي لا تضيع عنده الودائع

    2. أم صبحي :

      لعله لخير يا أم البنات.. لا اتطولي الغيبة اتعودنا وجودك.. والله معك 💐

    3. لين :

      حبيبتي ام البنات ان شاءالله يكون غيابك خير والله يسهل ييسر امرك لا اتطولي الغيبة علينا رح نشتألك كتير اتعودنا على اطلالتك البهيه وكلامكم مثل البلسم علينا ابقي طمنينا عنك 😘🌹💞

    4. روان عمر :

      ان شاء الله الغيبة لخير الله يسر امرك وريح بالك ديري بالك على حالك الله معك

    5. 💠أم جاسم💠 :

      ربنا يسهل امرك ام البنات ويكون غيابك خير
      لا تطولي الغيبة رح نفتقدك كثير.
      ورح اوصل سلامك ودعواتك لأم محمد لانها ما بتفتح زاكي حاليا. رح تفرح كثير.

    6. 🌼:-*ام علي:-*🌼: :

      الله يسهل امرك ام البنات…

      ام جاسم وينها ام محمد خير

    7. 💠أم جاسم💠 :

      ام علي
      ام محمد سافرت مع زوجها عالسعودية ورح تغيب فترة عن زاكي عشان كركبة السفر زي ما بتعرفي. الله يهون عليها غربتها يارب.

    8. fatima :

      ام البنات ربي ييسسرلك امرك ويحفظك الرحمن
      وترجعي لنا بـ السسلامه يارب

    9. 🌼:-*ام علي:-*🌼: :

      ام محمد الله يسهل امرها

      بطلت جارتك 😢😢
      الله يهونها عالجميع

    10. ريحانة🌿 :

      أختي أم البنات .. ربي ييسر أمرك ويصلح حالك ويقدر لك الخير حيث كان🌷 نستودعك المولى🌷

    11. ريحانة🌿 :

      وسلامي لأم محمد الغالية .. ربي ييسر أمرها ويسها عليها🌹

    12. رشا رشا :

      ام البنات ربي يحفظك وييسر امورك ان شاء الله ما بتطولي غيبتك عنا لانو بنحبك كثير ورح نشتاقلك 😘😘❤
      نستودعك الله الذي لا تضيع ودائعه

    13. رشا رشا :

      الله يسهل على ام محمد ويحفظها ويعينها على غربتها يا رب واحنا بنتظار ترجع تشاركنا بوصفاتها الروعه ووصليلها سلاامنا واشواقنا لانو فقدناها الله يحفظها ويعطيها الف عافيه 😘😘

    14. وردة الأردن(الجبل) :

      مع السلامة حبيبتي ترجعي بالسلامة

  28. روان عمر :

    الف صحة وهنا ويعطيكي العافية مبدعه ماشاء الله تبارك الله عليكي

    1. 💠أم جاسم💠 :

      الله يعافيكي روان نووووورتيني وشرفتيني بتعليقك اللطيف

    2. روان عمر :

      الله يسعدك ام جاسم ويريح بالك بس بدي اطلبك طلب بدي عجينة تكون لثلاث اشخاص بكميه قليقه وبمقادير مزبوطه اذا ماعندك مشكله والله يجزيكي كل خير يارب ميزان حسناتك

    3. 💠أم جاسم💠 :

      اهلا روان
      نصف الكمية يلي بالوصفة بطلع منيح يعني بعمللك 20 حبة معجنات وسط تقريبا
      يعني عيار 3 كوب طحين
      اقسمي كل المقادير بالنص

  29. 💓EMAN💓 :

    يسلم اديك ام جاسم
    صحه وهنا
    ماشاءالله منظرهم بشهـهـــــــــــــــي

    1. 💠أم جاسم💠 :

      واديكي ايمان شكرا الك نورتيني

  30. JASMIN :

    الله عالابداع … تسلم الأيادي …

    1. 💠أم جاسم💠 :

      يسلمك ربي جاسمين نووووورتيني

  31. اختي ام لمى :

    يسعد صباحك ام جاسم
    سامحيني ع التقصير بمر بظروف كتير صعبه
    وصفه ولااروع والحمد الله ماحرمتينا من إبداعاتك وشاركتي بمسابقه
    كتير بتشهي اللهم بارك
    بس سؤال اها وين حصة ابنا جواد اكيد هالصغيحه مابتتعوض من تحت دياتك
    معلش عندي كمن سؤال خارج نطاق الأكل بتحبي تاخدي وتعطي معي لاني ضايعه مش عارفه شو اعمل

    1. 💠أم جاسم💠 :

      اهلا هديل شكرا الك على كلامك الطيب
      حصة جواد موجودة بس ما صورتها ، شكرا على سؤالك. نووووورتيني

  32. لين :

    منظرها بشهييي وبفتح النفس ربي يسلمهم ديااااتك حبيبتي ام جاسم ما شاءالله عنك الله يعطيكي الصحه والعافيه 😘🌹💞

    1. 💠أم جاسم💠 :

      ربي يسلمك لين ويسعدك ويبارك فيكي
      بانتظار وصفاتك المدهشة والاكثر من رائعة

  33. فاطمة..ام ملك.. :

    ماشاء الله
    رائعة

    1. 💠أم جاسم💠 :

      انتي الاروع فاطمة شكرا لمتابعتك نووووورتيني

  34. ام عمرو :

    ربي يسلم هالديات يا وردة زاكي منظرهم بيشهههههي ولا أروع واكييييد صار بالمفضلة ع طووووول وقيد التجربة بإذن الله

    1. 💠أم جاسم💠 :

      ربي يسلمك ويبارك فيكي ام عمرو
      بتشرف بتجربتك للوصفة وان شاء الله تعجبك
      نووووورتيني

  35. هبة :

    يسلم ايديكي يامبدعتنا
    اللهم بارك اللهم بارك😍
    طالعة بتشهي من تحت دياتك
    الله يعطيكي الف عافية وبالف هنا عقلبكن😍😘

    1. 💠أم جاسم💠 :

      ربي يسلمك هبه ويسعدك يا مزوقة
      نووووورتيني

  36. وردة الصحراء :

    عاشت الايادي 👏👏👏👏👏😘😍

    1. 💠أم جاسم💠 :

      شكرا وردة نووووورتيني

  37. ام رغد :

    بسم الله ماشاء الله تسلم ايدك حبيبتي مبدعه ربنا يبارك لك في اولادك

    1. 💠أم جاسم💠 :

      وربي يبارك فيكي ويكرمك يارب

  38. only me :

    وااااااااااااااو

    مبدعه ام جاسم 👌

    1. 💠أم جاسم💠 :

      شكرا الك نووووورتيني

  39. ريحانة🌿 :

    ما شاء الله .. تسلم الأيادي🌹

    1. 💠أم جاسم💠 :

      يسلمك ربي ريحاانة نووووورتيني

  40. رشا رشا :

    ما شا الله تبارك الرحمن
    كلشي من تحت اديكي غير ولو لمسه خاصه فيكي الله يحفظك لعيلتك والف صحه وهنا 😘

    1. 💠أم جاسم💠 :

      ربي يحفظك ويحفظ احبابك ويبارك فيكي يا رب
      نووووورتيني

  41. ام يعرب :

    ما شاء الله تبارك الرحمن يا ام جاسم كلك ابداع وصحه وهنا ع قلوبكم. سؤالي الك بتزبط هاي العجينه لعمل السينابون واذا لا شو افضل عجينه لعمله انا بستخدم عجينة العشر دقايق بطلع زاكي بس نفسي ينفخ معي اكتر ويكون هش

    1. 💠أم جاسم💠 :

      اهلا وسهلا فيكي ام يعرب نووووورتيني وشرفتيني بمرورك الطيب.

      طبعا هالعجينة رااائعة للسينابون رول وبتنفخ وهشه جدا ، بس لا تنسي انه السينابون بده تخمير مرتين مرة قبل التشكيل ومرة بعد التشكيل حتى تحصلي على افضل نتيجة.

  42. om saleh :

    ماشاء الله تسلم ايدك بيجنن شغلك دايمن من اروع ما يكون

    1. 💠أم جاسم💠 :

      الله يسلمك ام صالح نووووورتيني

  43. 💖نور أحمد💖 :

    روعاااااااااتك يا مبدعة😍
    ماشاء الله لاقوة الا بالله انا جعت وعصافير بطني صارو بالأردن هههههههه😁
    ربي يباركلك ويسلم هالأنامل وهني عيلتك فيكي حبيبة قلبي شي بشهي😄😘

    1. 💠أم جاسم💠 :

      هههههه الله يسعدك نوارة زاكي كلك زووووق نووووورتيني

  44. إم مصطفي 😉 :

    ما شاء الله عليكي حبيبتي بتشهيييي سلمت يداك يا رب 😍😙

    1. 💠أم جاسم💠 :

      الله يسلمك ام مصطفى ويسعدك نووووورتيني

  45. ام امير :

    ما شاء الله بشهي شي طيب يسلم ايديكي

    1. 💠أم جاسم💠 :

      الله يسلمك ويبارك فيكي يا رب

  46. ام امير :

    شي بشهي

    1. 💠أم جاسم💠 :

      شكرا ام امير نووووورتيني

  47. ام محمد الجالولي :

    ماشاءاللة شكلها بتشهي روعه

    تسلم ايدك على هيك معجنات

    1. 💠أم جاسم💠 :

      الله يسلمك ام محمد ويسعدك نووووورتيني

  48. ام محمد ❤ :

    حبيبتي ام جاسم بتمنى تشوفي سؤالي لاني بي اعملها كمان شوي
    اول شي يسلم ايديكي يارب.
    بس سؤال اللحمة بنحطها ع العجينة ما بتكون مستوية صحيح
    وهل بتستوي

    1. 💠أم جاسم💠 :

      اسفه جدا عالتأخير بالرد ام محمد بس ماكانت الاشعارات شغالة فما شفت التعليق.

      اللحمة نية مش مستوية بتكون على العجين

اترك رد

لن يتم نشر عنوان بريدك الإلكتروني.