مقلوبة اللحمة يلي مابحبها رح يصير يحبها ملكة أطباق اللحوم
مقلوبة اللحمة يلي مابحبها رح يصير يحبها ملكة أطباق اللحوم
مقلوبة اللحمة يلي مابحبها رح يصير يحبها ملكة أطباق اللحوم
المقادير
- 10 قطع لحمة بالعظم متوسطة الحجم
- كيلو ارز حبة وسط
- بهارات لحمة
- كاري
- بهارات الماجي ( بديل ماجي طبيعي)
- ملح وفلفل وسكر
- زيت ذرة
- خضار حسب الرغبة استخدمت:
- باذنجان
- زهرة
- بطاطا
- مطيبات لسلق اللحمة:
- بصل
- ورق غار
- حب هال
الخطوات
السلام عليكم ورحمة الله وبركاته
المقلوبة من آطيب الاطباق على سفرتنا وبالعزايم ملكة الى جانب المنسف طبعا سيد العزايم.
بس اغلب الناس بتحب مقلوبة الدجاج اكثر ، ومع وصفة اليوم يلي كان مابحب مقلوبة اللحمة رح يصير يحبها لانها طعم رائع وريحة مميزة وطيبة.
أولاً/ تحضير اللحمة
بنسلق اللحمة مع المطيبات ورشة سكر بتساعد على استواء اللحمة وما نضيف ملح نهائيا الا بعد الاستواء ، والبهارات ما بنضيفها الا بعد ما نرفع الريم يلي بتشكل على وجه ماء السلق، لانه اذا حطينا بهارات رح تروح مع الريم.
* اعطي اللحمة حقها بالسلق خليها تستوي لآخر نفس، وإذا عندك طنجرة ضغط احسن واسرع.
—بعد استواء اللحمة بنقليها بالزيت لونها بصير احلى وبتضيف نكهه لذيذة للطبخة وريحة بتشهي.
ثانياً/ تطبيق المقلوبة
—بنقلي الخضار
—بنجهز المرقة يلي سلقنا فيها اللحمة وبنصفيها وانا بحب احط كمية ماء المقلوبة نص مرقة لحمة ونص ماء عادي اخف دسامة للطبخة، وبنبهرها وبنضبط الملح والفلفل وبنضيف زيت ذرة وبنغليها طبعا.
—بنرتب طنجرة المقلوبة اول طبقة اللحمة بدون رز بقعر الطنجرة لانه الرز بالقعر بشوّه شكل المقلوبة بس تنقلب ، الاحلى تكون اللحمة عالوجه بتلمع وبتشهي.
اذن أول شي اللحمة بعديها الخضار بعديها الرز المغسول والمنقوع.
—بنضيف المرقة لحتى تنغمر المكونات اكثر من عقلة اصبع ، المقلوبة ما بيتعاير كمية سائل قد الرز لاء بتاخد اكثر من السائل.
—بنخليها تغلي وبس تتنشف بنوطي الغاز كثييير زي الشمعة وبنغطيها وانا بحب احط قطعة قصدير تحت غطاء الطنجرة بسوي الطبخة اسرع واحسن.
لحتى تستوي بدها ثلث ساعة بعد التغطية.
ثالثاً/ التقديم والطعم
بعد استواء المقلوبة اتركيها ترتاح عشر دقائق قبل القلب .
—اقلبيها وقدميها مع المكسرات والسلطة واللبن .
—طعمها خرافي نكهة اللحمة رائعة خاصة مع القلي بتختلف المعادلة كليا.
—بتمنى تجربوها وتعجبكم وصحة وهنا
ملاحظة/
ارفقت صور مقلوبة الدجاج واتبعت نفس الطريقة بس بهارات الدجاج استخدمت وكمية كاري اكثر.
يسلمو أيديكي وعينيكي يارب…بحب المقلوبة انا بعشقها
الله يسلمك لبنى نووووورتيني زمان عنك
يسلمو ايديكي ام جاسم المنظر روووعة
الله يسلمك ام يامن نووووورتيني
يسلمو ايديكي👍رووووعه
الله يسلمك انتي الاروع ريم نووووورتيني
ربي يسلمهم دياااتك منظرها بشهييي وهيك بعملها زيك دايبه دوووب انا بس مقلوبة الباذنجان هي الي بطبخها باللحمه بس بحط باذنجان وبندوره بتطلع بتشهي والمقلوبه الجاج فيها الخضار 😋😘🌹💞
ويسلمك ربي لين اكيد المقلوبة بتطلع من تحت اديكي فخامة الف صحة وهنا يارب.
والله انا بحب الخضار على الجهتين حتى بزيد كمان جزر بس ماكان عندي ، الخضار بتعطي نكهه وغنى للطبخة.
نووووورتيني وشرفتيني
شكل الرزات بتلمعر والمقلوبه دمااااار..
الله يسلم اديكِ الذهب👍👍🎀🎀
انا بميل اكثر لمقلوبة الدجاج😋😋
الله يسلمك ام علي ويسعدك
وانا مثلك بحب مقلوبة الدجاج اكثر
بس لا غنى عن مقلوبة اللحمة.
نووووورتيني
ماشاءالله عليكي مقلوبتك منظرها بشهي عنجد فنانة يعطيكي العافية …اناولامرة عملت المقلوبة مع لحمة بس عنجد فتحتي نفسي ع هالصبح شكلي رح اطبخها اليوم بتجنن عنجد منظرها بجنن
ربي يسعدك ويبارك فيكي ام عبود يلا تشجعي واعمليها واحكيلي رأيك. والف صحة وهنا مقدماً.
نووووورتيني
بتشهي انا من عشاق المقلوبه من تحت دياتك فخمه تسلم ايدك
الله يسلمك ام عمر ويسعدك نووووورتيني
يا سلااااام على الرزات المستويات مع الخضروات حكااااية.. يسلموا إيديك يا قلبي مقلوبتك بتتكلم
عن جد من الآخر بتشهي 👌
ملكة الطبخات بإشراف ملكة زاكي طبعاً بدها تكون أكثر من رائعة.. أتحفتينا يا أم جاسم ❤️
يسعدك ربي ام صبحي شو بحب وصفك للطبق اللي بقدمه حتى انا برجع اتطلع عالصور من بعد وصفك هههه نووووورتيني
لوحه فنيه يسلمو ام جاسم
الله يسلمك الاميرة نووووورتيني
ما شاء الله بتشهي يسلمو دياتك يارب♥️😍
ربي يسلمك وسام نووووورتيني
يسلم ايديكي يا رب والله اشي بشهي
سؤال؟
كيف عندك الوزن ان شاء الله ما يكون زايد من الأكلات الطيبه
ربي يسلمك شامة ويسعدك نووووورتيني
بالنسبة للوزن ههههه لا اقل من المطلوب
صح بطبخ كثير بس مش هالاكل يعني.
يسلمووووا اديكي يارب أنا من عشاق المقلوبه مقلوبتك طالعه دمار ما شاء الله عنك حبيبتي ام جاسم حماك المولى وجزاكي الله عنا خير جزاء❤️😋😋
ربي يحفظك ويحفظ احبابك يارب شكرا جزيلا الك نووووورتيني
ياااااا سلام ع ريحة وطعم وشكل المقلوبة انا والمقلوبة عشق لا ينتهي حتى لو كنت شبعانة لا أقدر أقاوم المقلوبة وباكل حتى أنتهي ههههههه
ربي يسلم هالديات يا وردة منظرها ولا أطيب وانا بعملها بنفس الطريقة طعمها جد روووووعة بيكون ولا أطيب ومين ما داقها بعتمد هاي الطريقة وبنصح الكل هون بزاكي يتبعو الطريقة هاي لانها جد جد رووووووووووعة وقمة اللذاذة الي بتكون فيها لا توصف ان شاء الله انا بكرة بدي أطبخها يا ريت البرنامج عندي بنزل كان نزلتلك اياها وتشوفي كيف ما بتفرق شي نهااااائيآ 👍👍👍👍
أم عمرو ممكن تكلميني على البريد علشان أحللك مشكلتك؟
مهو انا بفوت ع البريد تبعك بيحكيلي أكتبي كلمة السر شو أعمل 🤔🤔
يا ريت تساعديني يا قلبي بكون ممنونتك
ربي يسعدك ويبارك فيكي يا رب وما شاء الله عنك اكيد بتكون مقلوبتك بتشههههي صار نفسي اشوفها هههههه .
يلا رح انتظر تنحل مشكلتك وتنزلي صور
منووورة ادمن
اه ما ازكاهه يسلمو كتير
الله يسلمك نائلة شكرا الك نورتيني
ياعيني عليكي محبوبة الملايين المقلوبه رووووعه
نووووورتيني روان
الله عليكي الله . منظر خرافي بفتح النفس فنانة .مبدعة .ملكة المطبخ . عن جد طالعة معك المقلوبة . لوحة فنية متقنة جميلة ورائعة . ربي يبارك فيكي ويحفظلك عائلتك الكريمة.
وربي يبارك فيكي ام زيد ويسعدك يا رب
كلك زووووق ومرورك اسعدني جدا نووووورتيني
الله يعطيكي الف الف عافية وصحة
ما شاء الله زاكية ومشهية
ولحاله الحكي والوصف وخطوات الطبخ بتفتح القلب والنفس تبارك الله
الله يعافيكي ويسعدك صفاء نووووورتيني وشرفتيني كلك زووووق
انتي يلي الله يسعدك ويبارك فيكي أم جاسم حبيبة قلبي
ماشاءالله عليك واضحه لذيذه من قلب
ربي يسسسلم دياتك ويعافيك ياكريم مالك منافسسس فيها أبدًا😍
شغلك نظيف ومرتب واكيد اللذاذه مابتفارقه..
جد لما اطلقوا عليك البنات ملكة زاكي لان بجد بتستاهلي..
❤
ربي يسعدك ويجزيكي كل خير على طيب اخلاقك وكلامك الطيب.
كلك زووووق نووووورتيني
انتِ اللي منوريتنا بوصفاتك ام جاسم ال👑
تسلمي لي ام علي🌷
يمممممي
ماشاءالله ولا افخر مطاعم
الله يسلم ايديكي ولايحرمنا وصفاتك الحلوة
اللهم بارك
الف صحةوهنا عقلبكن😚😚
الله يسلمك هبه ومايحرمني من متابعتك وتعليقاتك المشجعة نووووورتيني
ماشاءالله تبارك الله
جمال على جمال نظافة إتقان أمانة أستوفيتي شروط الشيف الأمين
الله يبارك بصحتك ويزيدكم من نعمة .
ربي يبارك فيكي ويسعدك امي جنتي
جزاكي ربي كل خير على هاللقب الرائع
خجلتيني بذوقك ودماثة اخلاقك
نووووورتيني
تستحقي كل خير والله 🌹
بسم الله ماشاء الله
عنجد عنجد بتشهي يسلم دياتك
فعلا نفسي اذوقها علقد مهو شكلها بشهههههههههههههههي
يسلمك ربي نهلة كلك زووووق ومرورك اسعدني
نووووورتيني
شكلها بشهي ما شاء الله
يسلمو اديكي ام جاسم الله يباركلك ويحفظك لعيلتك 😘❤
والف صحه وهناا
الله يسلمك ويبارك فيكي ام احمد منووووريتني
يمي يمي لذيذه وبتشهيييي كتير ربي يسلم ديادك ويبارك فيهم ياااارب 😍
عشق لا ينتهييييي أبدعتي👍🌹
ربي يسلمك ويسعدك ام مصطفى زمان عنك نووووورتيني
ما شاء الله تبارك الله يا ام جاسم على مقلوبتك عنجد شكلها بشهههههههي بس للأسف انا ما باكل اللحمة مع رز ابدآ ما بحبها بس فعلآ طرقتك رووووعة وأعطيتها لأختي لأنها عكسي بتمووووت بالأكلات هاي ههههههههههه يسلمي اديكي يا عسل 😙😙😙😙😙😙😙😙😙😙😙
ربي يسعدك ويبارك فيكي ام حسن
يلا الف صحة وهنا على قلب اختك يارب
نووووورتيني
ربي يسلمهممممممم هالأنامل الذهبية اللي بتلتف بالحرير
قلبي الصغير لا يتحمل كل هالدسامة والجمال😍
ربي يباركلك ويعطيكي الف عافية شي بشهي والله وأكلاتك لا يعلى عليها😄😙
هنا وعوافي عقلوبكم
ويسلمك ربي نوارة زاكي كلك زووووق
وتعليقك اسعدني جدا
نووووورتيني
ام جاسم شو اعمل انا هلأ 😭😭😭
الدنيا ليل وجعانة وعاملة رجيم وكملت معي بصور مقلوبتك 😭😭
بصراحة منظرهم بشهيييييييييي😋😋😋😋
ما شاء الله على نفسك على الأكل
استودعتك الله. الله يحفظك
لمن صفي جنبي😂
لكن*
ههههه الله يسعدك توت وين هالغيبة زمان عنك وعن تعليقاتك. نووووورتيني
ههههه نور يسعدك يلا مشيها بسندويش عالماشي
نور
والله المصيبة ازا انك شاطرة بالاكل متلك انو رجيم هاد
لسا انا جديدة بالطبخ 😅 يعني مرة زابط ومرة 😂😂😂
الله يتمم رجيمنا على خير
ام جاسم الله يسعدك ❤️
مشاغل مع البيبي الجديد يالله يالله افضى
جربت الكيكة القبرصية مبارح مع جمعة اخواتي
عجبتهم كتير يسلمو ايديك شو زاكية. بس فعلاً بتشبع زي ما حكيتي
ويسعدك ام جاسم حبيبتي
والله هالمناظر مارح يملي عيني السندويش لهيك سملت أمري لله 😂
توت يا عسولة فيكي الخير والبركة واكيد كل شي منك بشهي😄
والله بصراحة موقفة الطبخ هالفترة لارجع انحف وخصوصاً الطبخات الدسمة اللي صعب اعمل كونترول فيها😂😂
هيك الدايت أسهل هههههه
ان شاء الله بس اوصل للوزن اللي بدي ياه رح اعمل انتقام شامل من الدايت وليذهب الى الجحيم😈
وهنا وعوافي الك ولأخواتك عالكيك ياقلبي
وصفات ام جاسم كلهن تحفة ربي يباركلها😍😙
ما شاء الله شكل مقلوبتك بيشهي يسلموا ايديكي طبعا كل وصفاتك رائعة ولا يعلى عليها وبتستاهلي الفوز حبيبتي موفقة يا رب
الله يسلمك وردتنا ويسعدك
نووووورتيني
ممممم شو مبينه زاكيه بكرا ان شاالله جوزي جاي من السفر شجعتيني اعمل مقلوبه يسلمو هل ادين ❤❤
الله يسلمك ويبارك فيكي يا رب
ويوصلوا غيابك بالسلامة يارب
نووووورتيني
تسلم الايادي رووووعه ريتها الف صحه وهنا وما يحرمنا من وصفاتك الطيبه يا طيبه🌹🌹
الله يسلمك ام علاء ويحفظك نووووورتيني
يسلموووو اديكي شكلها ليأخذ العقل
الله يسلمك ام راشد ويسعدك
نووووورتيني
حبيبتي ام جاسم مبدعه انتي من يومك
أخ بس بدي صحنين من كل نوع شهيتيني
منظر لا يقاوم كالعاده ع المفضله ع طول يسلم دياتك
على حسابك كل الطبخات فرح
ربي يسلمك ويسعدك ويبارك فيكي يا رب
نووووورتيني
بتجنن صحه وعافيه ربي يباركلك
الله يعافيكي ام صالح نووووورتيني
ماشاء الله منظر بشهي خصوصا الباذنجان الدايب بين الرز دوبني بس اهم سؤال في حدى أكل قاع الطنجره 😋 هاد لحالو دمار،،
هههههه اكيييد قاع الطنجرة بيتاكل قبل المقلوبة نفسها ، يسعدك ربي دينا نووووورتيني
بكون ازكا اشي
يعني هيك والله حراااام شووو هاااد
مشاءالله عليكي خالتو المنظر بجنن ومتأكدة الطعام بشهيي
صحة وعافية على قلوبكم يارب 💕💕👐
الله يعافيكي ويسعدك ام اميير نووووورتيني وشرفتيني بمرورك الطيب وتعليقك الحلو
كتييير هيك انا الي مابحب مقلوبة اللحمة اول مرة بشتهي اوكلها منطررررر خررررااااااافي تسلم اديكي يا ملكة التالق
ههههه الله يسعدك ناديه ياريت تجربيها عنجد زاكيه مع انه كثير ناس ما بحبوها بس بكون بسبب ريحتها او طريقة تحضيرها . بس بوعدك بهالطريقة رح تصيري تحبيها.
نووووورتيني
شكلها يشهي مثل كل مرة وصفاتج روعة 💝💝💝💝💝💝
شكرا الك وردة انتي الاروع
نووووورتيني
والله نفسي فيها بحبها من ايام رحمة امي بس أولادي ما بحبوها
يعطيك العافية شكلها بفتح النفس
وفعلا زاكيه
الله يعافيكي ويرحم والدتك يارب
نووووورتيني
ما شاء الله
صحة وعوافي يا رب🌹
على قلبك ريحانة نووووورتيني
خلص صار لازمك زياره ام جاسم
وبدي مقلوبه على جاج
منظرها بشهي بموت فيها بس زوجي ما بحبها 😞😭
يا مية اهلا وسهلا فيكي وسام بتشرفيني
كلك زووووق ومرورك اسعدني
غريبة انه في ناس ما بتحب مقلوبة الدجاج!
بالعادة مابحبوا مقلوبة اللحمة.
يمييي المنظر خيال واكيد الطعم غير شي صحتين وهنا 🌺🌺
على قلبك جودي يسعدك يا رب نووووورتيني
يا سلام على هالمقلوبة ما شاء الله شكلها بشهي الف صحة وهنا على قلوبكم يارب
ام جاسم بالله بدي اسألك اللحمة كيف قليتيها بزيت غزير؟ او لا؟
والجاج نفس الشي؟
اه توت قليتهم بعد السلق والاستواء بالكامل بزيت غزير لحتى تحمروا.
يسلموووووو كتيييييييير
الله يسلمك توت
يسلمووو الايادي
يا مبدعة بتجنن والله
يسلمك ربي لولو نووووورتيني
يسلمو الانامل الذهبيه
يسلمك ربي سوزان نووووورتيني
بحس هاي المقلوبه الاصليه جد تكون ماخذه الطعم ورطبه وكلها خضار
يسلم ذوقك جويرية هيه فعلا كلها نكهات ورطوبتها بتشهي . نووووورتيني
يزيدك نور.. عفكره طبقت من حلاوه المنظر..