عرايس اللحمه

43 5٬544
 

عرايس اللحمه

عرايس اللحمه

عرايس اللحمه

عرايس اللحمه , معكم صديقة زاكي الشيف الموهوبة ,

المقادير

  • خبز الي
  • لحمه مفرومه ناعم
  • ٢حبه بندوره
  • واحد بصله
  • قرن فلفل حار
  • و بقدونس وكزبره
  • باكيت ماجي
  • دبس رمان معلقتين كبار
  • معلقه رب البندوره
  • ملح وفلفل
  • زيت قلي مخلط بزيت زيتون

الخطوات

بنفرم الخضره كلها بالفرامه وبنحطها عاللحمه و بنحط الماجي وملح والفلفل ودبس الرمان ورب البندوره هيك الخلطه جاهزه

بنجيب الخبز بنفتحه وبنشربه بزيت مخلط و بنحط اللحمه فيه و عالشوايه او الفرن او عالحطب وصحتين وعافيه

43 تعليقات
  1. الاميره$ :

    منظرهم بشهي يسلمو ايديكي

  2. زاكي😘😘😘

  3. القدس عربية :

    يعطيك الف عافيه 👍👍👍

  4. إم مصطفي 😉 :

    يعطيكي العافيه حبيبتي وربي يسلم ديادك ويبارك فيهم روووعه 😍🌹

  5. أميرة فلسطينية :

    ما شاء الله عالزكاااااوة.. أبدعتي😉

  6. أم صبحي :

    أممممم بتشهي 😋 يسلموا إيديك على هالوصفة
    صحة وهنا 💞

  7. رشا رشا :

    يسلمو اديكي بشهو وبفتح النفس
    صحتين وهنا

  8. نادية :

    تسلم اناملك بيشهووووا

  9. نادية :

    وين ام علاء وام مصطفى ليش مابتشاركوا اشتقنا لوصفاتكم

    1. إم مصطفي 😉 :

      حبيبتي هيني كيفك إن شاء الله بخير عم أبعت وصفه إن شاء الله بتعجبك😍😉🌹

    2. نادية :

      انا بخير كيفك انتي واكيد وصفتك رح تعجبني

  10. ام حمادة :

    ما شاء الله
    يسلمو ايديكي ويبارك فيهم
    روووعة 👍

  11. ام عبود :

    يعطيكي العافيه
    انا بعملها بدون ماجي بجيب كيلو لحمه ناعمه فيها شوية ليه وبفرم على الخلاط حوالي نصف كيلو بندوره وراسين بصل وفلفل أسود وفلفل أخضر وملح وبهارات لحمه وشوية زيت زيتون وبخلطهم سوا وبحطهم فوق اللحمه وبدعكهم صح
    وبعدين بكون فاتحه خبز آلي وبعبي الخبز لحمه وبشويهم بالمنقل على الفحم وصحتين وعافيه 😊😊
    مع مقبلات مخلل وجرجير وشنينه😁☺😊

    1. Om Kady :

      ماعليش ام عبود فديتك
      ايش يعني (شنينة)
      اعذري فضضضولي😘

    2. ام حمادة :

      الشنينة هو شراب اللبن او اللبن المخفف
      om kady

    3. وردة الأردن(الجبل) :

      ام كادي الحلوة اسألي متل ما بدك وإحنا بنجاوبك لبن الشنينة هو لبن حامض ومالح شوي زاكي بينعمل من لبن البقر أو الغنم وبيكون سائل مش رايب ثقيل ممكن ينشرب بارد وبيستعمل للطبخ خصوصا المنسف بيكون غير شكل طيب متل اللبن إلي بالعلب بتشربوه بالسعودية

    4. Om Kady :

      تسلميلي ام حماده يسعدك ربي😘

    5. Om Kady :

      وردتنا يسعدلي قلبك ع لطفك
      وماانحرم منك ياكريم وتسلميلي يارب ع توضيحك

      فهمت عليك😊❤

    6. ام عبود :

      متل ما حكتلك ورده الشنينه هي لبن بس بكون حامض ومالح شوي واخف شوي
      بتقدري تعمليها عندك اذا عندك لبن قديم شوي أو جديد بس الاطيب قديم مشان يكون شوي حامض وبتحطيه بالخلاط وبتحطي معه شوية ملح وبتضيفي ماسة مي وبتخلطيهم وصحه وهنا واذا كان مش حامض ضيفي آية ملح ليمون صغيره 😘😘

  12. أمي جنتي :

    ماشاءالله
    صحه وعافيه عليكم تسلم يدك .

  13. وردة الصحراء :

    شكلها يشهي 😘😋👏👏👏

  14. Om Kady :

    يسسسلمو ايديك شكلهااا شهي ولذيذ
    أكله مفضله ع ندي كثيررر
    ربي مايحرمك الصحه والعافيه

  15. 💠أم جاسم💠 :

    يسلمو اديكي وصحة وهنا

  16. ريحانة🌿 :

    يعطيك العافية عزيزتي🌹

  17. وردة الأردن(الجبل) :

    يسلموا ايديكي بيشهواااا

    1. ام عبود :

      شكلها بشهي تسلم ايدك

    1. جوري :

      ما شاء الله فتحتي نفسي يا ورده الله يهدي بالك يا ورده انتي

    2. وردة الأردن(الجبل) :

      تسلمي يا وردة جورية إنتي

    3. ام عبود :

      آخ قلبي 😦ماشاءالله غير شكل👌

    4. Um Rital :

      مممم بحبها كثير

    5. 💖نور أحمد💖 :

      دماااار شامل هاد يا وردة😍

    1. Um Rital :

      بشهو ماشاالله

  18. ام عمرو :

    ربي يسلم هالديات الي بيلتفو بالذهب

  19. joudi :

    صحة وهنا ياحلوة منظرهم تحفة

  20. روان عمر :

    يسلموو دياتك ويعطيكي العافية

  21. شيف محترف :

    تسلم ايدك ويعطيكي الف عافية يا رب وان شاء الله رح اجربها…….انا بحبها كتير 🤗🤗🤗

  22. هبة :

    يميميييي
    ياعيني عليكي😄
    ماشاءالله منظرا بيشهي اللهم بارك😍
    الف صحةوهنا عقلبكن😚

  23. ام علاء ابو يحيى :

    تسلم ايدك بشهوا حبيبتي الف صحه وهنا ما شاء الله عنك

  24. 💖نور أحمد💖 :

    بميييييييي😍
    رائعة ماشاء الله تبارك الرحمن بشهووو
    وصفة لذيذة😋

  25. 💖 أم جيلان💖 :

    تسلم ايدك كثير طيبة ومنظرها بشهي الله يعطيكي العافية

اترك رد

لن يتم نشر عنوان بريدك الإلكتروني.