img
الرئيسة / معجنات / أعشاش اللحمه المفرومه بالجبنه بطريقه عصريه ولذيذه على ذوقي ملكه أطباق اللحوم

أعشاش اللحمه المفرومه بالجبنه بطريقه عصريه ولذيذه على ذوقي ملكه أطباق اللحوم

/
/
/
1818 مشاهدات

 

أعشاش اللحمه المفرومه بالجبنه بطريقه عصريه ولذيذه على ذوقي ملكه أطباق اللحوم

أعشاش اللحمه المفرومه بالجبنه بطريقه عصريه ولذيذه على ذوقي ملكه أطباق اللحوم

أعشاش اللحمه المفرومه بالجبنه بطريقه عصريه ولذيذه على ذوقي ملكه أطباق اللحوم

أعشاش اللحمه المفرومه بالجبنه بطريقه عصريه ولذيذه على ذوقي ملكه أطباق اللحوم , معكم صديقة زاكي الشيف الموهوبة ,

المقادير

  • مقادير الحشوه:
  • نص كيلو لحمه مفرومه
  • أربع بصلات وسط مقطعين مكعبات
  • قرن فلفل أخضر مقطع
  • سنين ثوم مقطعين
  • معلقه كبيره زيت نباتي
  • م.ص بهار شاورما
  • م.ص بهار جاج
  • م.ص كاري
  • م.ص فلفل أسود
  • ملح
  • حبه بندورة مقطعه
  • مكونات العجينه:
  • ٦أكواب طحين أبيض
  • ١ م.ك خميره فوريه
  • ٢ م.ك حليب بودرة
  • م.ص ملح
  • م.ص سكر
  • م.ص خل
  • ربع كوب زيت نباتي
  • ماء دافئ للعجن
  • جبنه صفرا مبشوره

الخطوات

بسم الله نبدأ

سخنت المقلايه وحطيت فيها الزيت ضفت البصل والفلفل والتومه رشيت عليهم رشه ملح وتركتهم ليدبلو ضفت اللحمه المفرومه والبهارات وحركتهم مع بعض كويس لما إستوت اللحمه والبصل ضفت البندوره وقلبتها معهم وطفيت النار تركتها لتبرد

عجنت مكونات العجينه مع بعض كويس تركتها لترتاح قطعتها لكرات دهنت الصواني بشويه زيت أخدت كوره وحطيتها على الصينيه وجبت قاع كاسه حطيته بالطحين منشان ما يلزق بالكوره وصرت بالقاع أعمل تجويف بالنص لاقدر أحط الحشوه خلصت بكل قرص حطيت جبنه صفرا مبشوره بعدين معلقه من الحشوه خلصتهم وخبزتهم على نار متوسطة لما طلعوا من الفرن غطيتهم بقطعه قماش هالخطوه كتير بتعطي نتيجه رووعه البخار بنحبس وبيعطي طراوه غير شكل بنصحك مع كل أنواع المعجنات إتبعي هالخطوه وحتحسي بالفرق روووعه

بتمنا هالوصفه البسيطه تعجبكم وتدعولي بالخير والعافيه وبعتذر كتير على تقصيري الظروف كانت أقوي مني

♡ وصحه وعافيه بحبكم أنا ♡

91 تعليقاً

  1. ما شاء الله تبارك الرحمن المنظر لا يقاوم يسلمو دياتك يا عمري وربي يخليلك احباب قلبك وين زماااااااااان ما بينتي انتي ووصفاتك الرووووووع متلك ربي يحفظك ويحفظ عيلتك

  2. يا عيني صحه ومية هنا اشي بشهي وتسلم اديكي ويعطيكي الف عافية ما شاء مبدعه كالعاده عنجد زمان عن وصفاتك يلي اكتر من روعه

  3. تبارك الله الله يسلم هالايدين ويعطيك الف عافيه حبيبتي اشتقنالك واشتقنا لوصفاتك الطيبه وصفتك رووووعه اتقان وطبيعه خلابه ربنا يباركلك حبيبتي ويحميك ويزيدك علم ونور وابداع ويرزقك اطيب واحلى ذريه صالحه انتي وحبيبتنا نور وكل الصبايا

  4. بسم الله ما شاء الله
    بالرغم من بساطة الوصفة إلا إنها من تحت دياتك طالعة فخمة وأنيقة بشكل كبير .. اللهم بارك
    تسلم الأيادي الناعمة والمبدعة 🌹
    وأما صورة الحلو.. فحكاية جمال بانتظار أن ترويها لنا في الوصفة القادمة إن شاء الله…

  5. زاكي منوووووووور بهالوصفة اللذيذة وصاحبتها المميزة والصور الرائعة😍😍
    تبارك الرحمن ما أجملك وما أروع شغلك ولمساتك
    شي بشهي وبيفتح النفس ويبعث على الراحة النفسية ههههههه
    خصوصاً هي آخر صورة خلت قلبي يرفرف ههههه
    الله يباركلك ويسلم أناملك ياعمري أبدعتي وتألقتي كالعادة😍😘
    عم نستنى وصفة الحلا ها ماتطولي علينا فيها😄
    الله يريح قلبك بكل شي بيسعدك ويكرمك بالذرية الصالحة اللي تسر قلبك وخاطرك❤

  6. بسم الله وماشاءالله
    عم قول زاكي منور اتاري ام مصطفى منزلة وصفة لاقبلا ولابعدا اللهم بارك🤗😄
    اي شوهادا ياغادة
    ابدعتتتتتتي ماشاءالله🤗
    الله يسلم ايديكي ياعسل ولايحرمنا هالوصفات الحلوة😍
    ولا الحلو حكاية تانية اللهم بارك😍
    الله يريح بالك وبالنا ويرزقك الذرية الصالحة ياقلبي😚😚

  7. يسعد قلبك يا ام مصطفى ما ازكى وصفاتك…….تسلم ايدك يا رب ويعطيكي الف عافية 😘😘😘😘😘😘😘😘😘😘😘😘😘😘انا بحب هاي الوصفات كتيييير

  8. بسم الله ماشاء الله لاقوة الا بالله
    مااجمل هالوصفة والطبيعة والحلو ..كل صورة الها رونق خاص اللهم بارك
    ربنا يشفيكي شفاء عاجل ويبارك فيكي ويعطيكي مع خيري الدنيا والاخرة

  9. يسلمو اديكي ام مصطفى ما شاء الله عنك شكلهم كتير طيبين وبفتحو النفس اللهم بارك
    الله يرزقك الذريه الصالحه عاجلا غير آجل يا رب ❤😘😘❤

  10. والله يا ام صاافو اول ما شفت الوصفة حكيت انها الك
    ربي يباركلك يااااارب ولله منظررها بفتح النفس بدي منهاااااا دائما مميزة ومبدعة تسسلم ايديكي يااارب

اترك تعليقاً

لن يتم نشر عنوان بريدك الإلكتروني.