img
الرئيسة / سلطات و مقبلات / طريقة عمل البابريكا والشطة البودرة

طريقة عمل البابريكا والشطة البودرة

/
/
/
2215 مشاهدات

 

طريقة عمل البابريكا والشطة البودرة

طريقة عمل البابريكا والشطة البودرة

طريقة عمل البابريكا والشطة البودرة

طريقة عمل البابريكا والشطة البودرة, معكم صديقة زاكي الشيف الموهوبة ,

المقادير

  • كمية من الفلفل الاحمر الحلو
  • كمية من الفلفل الاحمر الحار
  • ملح

الخطوات

السلام عليكم و رحمة الله و بركاته

بهارات اليوم البابريكا و الشطة البودرة ، كونهم بيدخلو بأغلب وصفات البهارات حبيت نتعلم سوا كيف نعملهم بالبيت بكل سهولة.

الطريقة بسيطة جدا

بنغسل الفلفل و بنقطعه و بنتخلص من البذور بالنسبة للبابريكا ، اما الشطة بنخلي البذور معها.

—بنقطعهم قطع متوسطة او صغيرة اسرع للتجفيف و بنرشهم ملح و بنتركهم ساعة بنلاقي نزلوا ماء كمية كبيرة ، و هالخطوة بتسرّع عملية التجفيف.

—بنفردهم بمصفى بالشمس طبقة واحدة و نقلبهم كل يوم ، و فترة الليل ندخلهم للداخل عن الندى.

—عملية التجفيف بتاخد بأيام الحر الشديد 4 ايام .

—بس نتأكد من جفافهم تماما و بطلعلهم صوت بس نحركهم و بتكسر كسر القطع بكون جف و حان وقت الطحن.

—بنطحن الفلفل بمطحنة البهارات حتى تنعم و بتكون جاهزة للاستخدام، بنحفظها في مرتبان نظيف بعيد عن الرطوبة.

ملاااحظة

انا لما طحنتهم حسيت البابريكا ما نطحنت ناعم كفايه لانها جلدتها صعبة شوي بالجفاف، فتركتها منشورة بعد الطحنة الأولى كمان يومين و رجعت طحنتعا نعمت بشكل ممتاز.

—بتمنى تجربوا تعملوا هالشغلات بالبيت سهلة و سريعة و مضمونة و نظيفة.

106 تعليقاً

  1. يسسسلمو ايديك ويعطيك الف عااافيه..
    مبدددعيه دائمًا..
    والله تحتار الكلمات لـ توفيك حقك..
    ربي يرزقك من واسسع فضله💕

  2. الله يعافيك . ويسلمك . ويحفظلك اولادك . انت صاحبة الانامل الذهبية .وصاحبة الفخامة والرقي والشطارة . جزاكي الله الف الف خير . ويارب ربنا يبارك في صحتك زعافيتك .ويبعد عنك كل شر انت وعائلتك الكريمة ترى انا حبيتك والله من كل قلبي . من ذووقك الرفيع والراقي

  3. لولو

    ماشاءالله يسلم ايديكي
    بحلب مافي بيت مابيعملا كل سنة ريحتها بتجنن انضف
    الجاهزة اذا مو مجففة منيح بصرلا ريحة موحلوة
    ونفس الطريقة بالضبط
    كنا نجفف النعنع المطحون ومعجون فليفلة والبندورة وبندورة وفليفة مجففين لبعض الطبخات وكان من مستحيل نشتري جاهز كلو شغل البيت مضمون واطيب حتى التوابل تنطحن بالبيت
    الله يباركلك يارب 😙

  4. الله يعطيكي الف عافية على هالابداعات.. متميزة دائما…
    بس سؤال عندك طريقة لعمل معجون الفليفلة او دبس الفليفلة وكمان طريقة البندورة المجفف ولشو بنستعملها وهل بتنفع للطبيخ

    • الله يعافيكي ويسعدك ام قصي نووووورتيني وشرفتيني بمرورك العطر

      دبس الفليفلة
      كيلو ونص فلفل احمر حلو و5 قرون فلفل احمر حار
      بنضفهم وبنشفهم وبنضهم من البزر والعروق البيضاء .
      —بنطحنهم عماكينة اللحمة او بالمحضرة وعالغاز العين الصغيرة اول عشر دقائق على نار عالية لحتى يغلي وبعدين على اقل حرارة ل 3—4 ساعات لحتى تتنشف من المي مزبوط بتعملي خط بالملعقة بنص الفليفلة اذا مانزل سوائل بتكون نشفت. بنطفي عليها وبنتركها تبرد تماما بعدين بنضيفلها ملعقتين ملح هي بتكون مالحة شوي وملعقتين زيت زيتون وبنحرك وبنفرغه بمرتبان زجاجي وملعقة زيت عالوجه وبتحفظ بالثلاجة.

      البندورة المجففة نفس طريقة الفليفلة المجففة بالوصفة بتتقطع اما ارباع او شرائح اسرع للتنشيف وبتنش بكمية وفيرة من الملح وبتنشريها بالشمس على صفايات او قماش وبتضلي تقلبيها كل يوم لحتى تنشف بتاخد وقت بالشمس الحارة اسبوع واكثر كمان اذا كانت شرحات.

      وبعد ما تنشف بتتنضف من الملح بتكتكتيها وبتمسحيها بفوطه نظيفة وبتحطيها بمرتبان نظيف وبتغمريها بالزيت لما تيجي تستعمليها بتلاقيها طرية ما بتحتاج نقع ولا شي بتكون رائعة ولون غامق حتى لون الزيت بصير غامق.

      استخداماتها ، المعجنات ممكن مع قلاية البندورة تفرمي قطعتين بس وتضيفيهم للقلاية، للبيتزا كمان.
      زماان كانوا يفرموها ويقلوها مع بصل .

  5. طريقتي المفضله
    مرا أمي الله يشفيها جففت فلفل حار وخلتني اطحنو انا واخوي حملوني على المستشفى قد ما كان حار وريحتو حاده صار معي ضيق تنفس
    بس عنحد طريقه مرتبه ولسا بعملها 😂😂وما بخلص من البيت
    يسلمو اديكي أم جاسم الحب فناااااانه مبدعه
    💞💞💞

  6. يا ام جاسم يا ام جاسم
    ربي يسلم هالايدين ويخليلنا اياك يا وردة زاكي ويزيدك علم ونور ويفتح عليك فتوح العارفين فعلا خير الناس انفعهم للناس ان شاء الله هذا العمل يكون سبب دخولك الجنه لانك بتقدمي بصدق واخلاص

  7. يسلمو ايديك يا عسل
    ما شاء الله عليكي عن جد مبدعه
    الله يحميكي
    كن بدي اسالك سؤال
    اذا ما فيها غلبه
    عن طريقه الفلفل الحامض الي بيحطوه ع ساندويتش الفلال
    اذا بتعرفي احكيلي
    اذا ما فيها غلبه

  8. يسعد صباحك..كيفك…«بزورية ام جاسم ترحب بكم »»ماشاء الله عنك ربي لا يحرمك الاجر ورفع ربي مقامك دنيا وآخرة …انا لما اطحن فليلفه حاره البس نقاب لانه ريحه مؤذيه كتييييير للنفس ….
    سلامي لام محمد انشالله انها بخير يارب …

  9. ماشاءالله عنك ياام جاسم الله يزيدك ويباركلك يارب ويجزيكي كل خير متل ماعم تفيدي الصبايا😘
    الله يسلم ايديكي يارب♥️

  10. بستخدمها كتيييييير ههههه
    تبارك الرحمن ما أروعك حبيبة قلبي
    انا اللي قلبي عم يتفلفل على ماجرب هالبهارات الحلوة ههههه
    بس للأسف البلكون اللي عندي كلو مقزز ومافي مكان اقدر جفف فيه شي😁
    عداكي عن الرطوبة القوية بمنطقة سكني
    الله يعطيكي الف عافية امتعتينا بهالسلسلة الحلوة😍

    • ههههههه ربي يسعدك نوارة زاكي ، يلا معلش ما الك نصيب تجربيها ما بتزبط مع الرطوبة ، بس بكفيني تعليقك الرائع ورأيك يلي اكيد بهمني وبحب اسمعه. نووووورتيني

    • ويسعدك ياقلبي
      اي والله للأسف
      كل مانزلت وصفة بهارات الك بصير ينطف قلبي هههههه
      حابة كتير خوض هالتجربة بس مستحيل تزبط لأنو حاولت كذا مرة جفف نعنع عالأقل لاعمل نعنع يابس ومازبط
      بس بيدبلو تدبيل😁
      والله يكرمك على اهتمامك حبيبتي أنا شهادتي فيكي وبوصفاتك الرائعة مجروحة😍😘

    • ربي يكرمك نور
      بس للورقيات جففيها بالميكرويف
      النعنع بقدونس كزبرة زعتر كرفس
      قطفي الورق واغسليه ونشفيه وافرديه بالميكرويف 30 ثانية وافتحي حركيهم ورجعيهم نفس المدة وهيك ليجفوا ما بياخدوا وقت بالمرة دقيقتين بكونوا جافين ولونهم بجنن اخضر ما ببهت زي التجفيف بالشمس.

      يلا لا تقولي في رطوبة نشفي نعنع ههههههه

    • وصلتي ام احمد أبشري

      الفيتوتشيني
      بتسلقي المعكرونة الفيتوتشيني مع معلقة زيت ورشة ملح لحتى تستوي .
      بتكوني مجهزة لحمة مفرومة مقليه مع بصل وبهارات وبتضيفيها عليها وبتقلبي شوي شوي.
      بتحتاجي للصلصة كريمة طبخ بتخففيها بشوية ماء وبتغليها وبعد الغلي بتضيفي نصف كوب جبنة موزريلا وبتذوبيها معها وبتضيفيهم للفيتوتشيني وبتقلبي مزبوط وبتكون جاهزة ورائعة جدا.
      بدك تنتبهي لاستواء المعكرونة ما يكون زيادة عشان تحافظ على قوامها وما تعجن مع الكريمة.

      اللزانيا
      بتحضري صلصتعا بالاول كمية منيحة من اللحمة مقلية مع بصل وبندورة وملعقتين صلصة بندورة وبتخليها تستوي وتتسبك ويكون صوصها زيادة يعني سوائلها كثيرة شوي. لانه ما بدنا نسلق اللزانيا.

      بترتبي شرائح اللزانيا بقعر جاط او صينية بدون سلق وبتصبي عليها من الصلصة مع اللحمة ورشة جبنة موزريلا
      وبعدين طبقة لزانيا وفوقها صلصة وجبنة وهكذا. وعالوجه زيادة جبنة.
      وبتدخليها الفرن حرارة وسط بالرف الوسط حوالي ثلث ساعة بس تستوي اللزانيا من سوائل الصلصة وتتسبك. وصحة وهنا

  11. ما شاء الله لا قوة الا بالله ..
    والله بابريكا عن صح وصحيح
    يا إلهي يا ام جاسم باسم الله عليكي موسوعة اللهم بارك
    مرة قرأت بتعليق وحدة بدها طريقة مربى وبتجاوبي بثقة وبشكل صحيح عن كل شي باسم الله عليكي
    يا ريتك جارتي يا ام جاسم

    • يا حبيبتي الله يسعدك يارب ويبارك فيكي ..
      هههه شفت التعليق لاني كل يوم باجي على هالوصفة حبيتها كتير بتفرج عالصور وبتفرج على الوصفات بملفك بكون بحضر شو بدي اطبخ لبكرة ان شاء الله
      الله يعطيكي الف عافية ملف حافل ورائع ☺

اترك تعليقاً

لن يتم نشر عنوان بريدك الإلكتروني.