img
الرئيسة / أطباق رئيسية / مشاوي شقف و كباب بكل بساطة وطعم لا يقاوم

مشاوي شقف و كباب بكل بساطة وطعم لا يقاوم

/
/
/
3815 مشاهدات
 

مشاوي شقف و كباب بكل بساطة وطعم لا يقاوم

مشاوي شقف وكباب بكل بساطة وطعم لا يُقاوم

مشاوي شقف و كباب بكل بساطة وطعم لا يقاوم

مشاوي شقف و كباب بكل بساطة وطعم لا يقاوم , معكم صديقة زاكي الشيف الموهوبة ,

المقادير

  • كيلو لحمة خروف صغير مقطعه شقف
  • كيلو كباب
  • كمية من اللية
  • ملح وفلفل
  • عصير بصل
  • ارز للتقديم

الخطوات

السلام عليكم ورحمة الله وبركاته

رغم انه بالفترة الاخيرة نزل كمية وصفات مهولة للمشاوي بس برضه حبيت اشارككم نفس الوصفة بس بطريقتي البسيطة جدا واللذيذة جدا جدا.

أولاً/ تتبيل اللحوم

المشاوي ما بتحتاج تتبيل كثير هيه مجرد ملح وفلفل فقط ، وللشقف بحب ازيد عصير البصل لانه بيعطي نكهه خرافيه صراحة وبدون نقع ولا نتركها بالتتبيله، يعني عادي تبلي وقت الشوي.

ملاحظة مهمة

الكباب ما بيتبل بماء البصل ولا دهون او زيت لانه لازم يكون جاف عشان يمسك عالسيخ مزبوط.

ثانياً/ الشوي

بنشك الشقف والكباب عالسياخ وبنكون مجهزين الجمر وبنشوي مع التقليب وما نطول بالشوي لحتى ما تنشف المشاوي وتضل طرية.

ثالثاً/التقديم

انا شخصيا بحب اقدم المشاوي شو ماكان نوعها على رز مبهر مش مع الخبز ويلي بحب الخبز برضه بصير.

—ومع اللبن والسلطة

ملاحظة

زاد معي شوية كباب عملتهم ثاني يوم بالفرن بس ضفتلهم زيادة شوية زيت الزيتون وشويتهم على حرارة عاليه حتى تحمروا عالجهتين.

—بتمنى تكون الوصفة عجبتكم وصحة وهنا يارب

145 تعليقاً

  1. ماشاء الله ماشاء الله تبارك الرحمن….ربي يزدكم من نعيمو ابدعتي ابدعتي والقعده غير شكل ربي يهنيكو ….سؤال… عندي زياده كباب بستو منيح بلفرن وعلى اي رف احطهم حاب اجربهم زي حضرتك ما عملتي ياريت تجاوبيني شو درجه الحراره والشيش كيف بعملو معلش اتحمليني ….سؤال تاني شفت وصفه الجمبري والسلطان بنفع الخلطه السائله اعملها لاي نوع سمك واقليهم ؟معلش طولت عليكي …وشكرا على تعبك معي

    • اهلا ام البنات ربي يكرمك ويسعدك ويبارك فيكي.

      *الكباب بعد ما تعمليه اصابع على اول رف من تحت والنار عاليه اعلى شي بس يتحمر من تحت بتحمريه من فوق ما بياخد وقت ، لا تتخني الاصابع احسن.

      *خليط التمبورا تاع السمك يصلح لأي نوع سمك.

      * سؤال الشيش ما فهمته
      ممكن توضحي

    • اذا قصدك شيش الدجاج بتقطعي مكعبات حجم وسط مش صغير وبتتبليه بملح وفلفل وعصير بصل وشوية زيت زيتون وممكن ملعقة صلصة بندورة عشان اللون وبتشكيه عالسياخ وشوي عالفحم او بالفرن.
      مشاوي الدجاج بشكل عام يفضل يكون الدجاج مبرد او مجمد مش طازج بنفس اليوم لانه ما بستوي وبصل شادد.

  2. الله يفتح نفس زي ما فتحتي نفسي ع الصبح وزيدك من نعيمو يا رب وما تحرمنا من إبداعاتك يا مبدعه الله ينور بصيرتك وجزيكي الجنه أختاه 😋😋⁦❤️⁩💖

  3. ماشاء الله عليك يا أم جاسم.. المشاوي الكل بيعملها.. بس وصفتك إلا متحطي عليها لمستك السحرية 😁
    وصفه من الآخر روووووووعة وغير شكل
    يسلموا إيديك يا قلبي 👌

  4. ما شاء الله تبارك الرحمن المنظر لا يقاوم يسلمو دياتك يا عمري جد مش عارفة شو أحكي اقل كلمة بحقك والله انك مبدعة بكل ما تحمل الكلمة من معنى ربي يديم عليكم النعم ويخليلنا اياكي وتظلك تتحفينا بوصفاتك الي اكتر من روعة حبيبة قلبي أم جاسم

    وين هالقعدة الحلوة لأنو جد المنظر رووووعة
    هاد بيتك 🤔🤔

  5. ماشاءالله اللهم بارك
    رووووعة شكل المشاوي وأفضل شي أنه مافيها بهارات خاصة أنها طازجة وصغيرة تكون طعم اللحمة لذيذ
    الطبخ روح وفن والطباخ الماهر هو اللي يعرف قيمة كل أكلة وماتحتاجة مو كل الطبخات تحتاج بهار
    وباالتركي ياستي عفارم عليكي
    هذة الكلمة ورثناها من أيام كانو العثمانيين ببلدنا وقرانا .

    • ههههه تشكرات امي جنتي ربي يحفظك ويبارك فيكي يارب ، فعلا مش كل الطبخات بتجيب طعمتها البهارات خاصة المشاوي حرام تتغطى نكهتها الاصلية.
      نووووورتيني وشرفتيني

  6. السلام عليكم للجميع ..كيفكم ان شاء الله اموركم تمام ..
    اعذروني عالغياب بس ظروف وانشغال بالسفر منعتني عنكم وعن تنزيل وصفاتي ..ان شاء الله قريبا برجع انزل وصفات ..وبحب اتشكر جميع الاخوات يلي فقدوني وسألو عني وسلامكم وصلني جميعا من الغاليه ام جاسم
    ربنا يسلمكم ويسعدكم وما تفقدو غالي يا رب

  7. ام جاسم اعذريني عالتقصيري بتعليقي عالوصفاتك ..بس انتي عارفه ظروفي كيف كانت كثير كنت مشغوله
    ووصفتك اليوم رائعه وبتشهي صحه وعافيه ورحله موفقه المره الجايه بدي زي هيك سفره ومكان وجو ومعك اكيد غير شكل راح تكون 😊

  8. روووعة روووعة رووووغة بكل ماتحمل الكلمة من معنى…ياتووووب شيف انتي….بالفرن حطتيهم شوي من تحت والا تحمير من فوق ليستوي

  9. ماشاء الله تبارك الرحمن الف الف صحة وعافية على قلوبكم . والله يتتمم عليكم السعادة ويحفظلك اولادكم منظر اكثر من رائع فنانة فنانة فنانة

  10. ما شاء الله .. اللهم بارك
    صحة وعوافي يا رب وأوقات ممتعة مع العائلة تقضيها على طول يا رب
    ربي يباركلكم ويديم عليكم النعم ويعينكم على شكرها🌹

  11. مناااظر خلااااابة ومميزة وأجواء أكتر من رائعة واكل خيالي😍😀
    ربي يباركلكم ويهنيكم ويسعدكم ويديم عليكم نعمو ياقلبي😘
    بس ليش ما اخدتيني معك😂😂
    المشاوي بتفتح النفس ماشاء الله

    • فعلا ام البنات صفاء كانت اول المعلقين تكون ان شاء الله فعل يكون المانع خير

      وام ادم كمان زمان عنها وعن وصفاتها ولين بطلت تنزل وصفات بس بتعلق مرات عالمواضيع المنوعة.

    • الله يرضى عليكم سامحوني .. الله يسعدكم دنيا آخره يا ام البنات ويا أم جاسم
      كنت مسافرة مقضية حياتي بالطيارات الله وكيلكم .. شغل زوجي واجتماعاته واحنا بالمعية انا والاولاد .. هلأ ببيتي بقطر الحمد لله

  12. بسم الله وماشاءالله عنك ياام جاسم😘
    منظر الكباب لحالو حكاية غرااااام
    ولا المي ماشاءالله
    الله يهنيكن ويسعدكن 😍
    ويسلم اناملك على هالاكلات اللذيذة اللهم بارك♥️

  13. اللهم بارك شو هالمناظر والابداع والرواق
    يسلمو ايديكي ام جاسم مهما حكينا مابنوفيكي حقك ابداعاتك بلا حدود
    اللهم بارك لكِ وبارك عليكِ ربي يهنيكم بمشاويركم ورحلاتكم ياملكة 👑

اترك تعليقاً

لن يتم نشر عنوان بريدك الإلكتروني.