img
الرئيسة / حلويات / غزل البنات او شعر البنات

غزل البنات او شعر البنات

/
/
/
2164 مشاهدات

 

غزل البنات او شعر البنات

غزل البنات او شعر البنات

غزل البنات او شعر البنات

غزل البنات او شعر البنات, معكم صديقة زاكي الشيف الموهوبة ,

المقادير

  • كاسة سكر
  • نص كاسة مي
  • عصير نص ليمونة
  • كاستين طحين
  • نكهة الي بدكن ياه انا حطيت فانيلا

الخطوات

مين منا مابحب شعر البنات او غزل البنات

جربت هالوصفة وكانت كتيرررر طيبة وحبيت افيدكن فيا ان شالله بتجربوا وبتعجبكن انتو واطفالكن يلا نبلش

بسم الله الرحمن الرحيم

حطيت السكر في طنجرة وحطيت عليه المي وحركتو حركة خفيفة وتركتو يغلي بس بلش يغلي حطيتلو عصير الليمون وتركتو يغلي تقريبا عشر دقايق جبت معلقة ومي باردة بصحن صغير اخدت شوي من السكر لاختبرا حطيت معلقة من السكر بالمي باردة وتركتا ثانية لازم تكون معنا كرة قاسية شوي مو كتير واذا شديتيا بتمط شي بسيط

تركتا بصحن لتهدا شوي

وجبت الطحين وحمصتو عالغاز مالازم ياخد لون مجرد تحميص بصيط حطيتلو فانيلا وشلتو بصينية اكبر لاشتغل فيه

جبت السكر بعد مابرد شوي لازم يكون سخن نشتغل فيه

جبتو وشكلتو كرة وفتحتو من النص متل حلقة وحطيتو بالطحين وبلشت شغل فيه صرت اشد من الاطراف شوي شوي وارجع الفن حوالي بعض وانا عم احطن بالطحين تميت اعمل هالخطوة لوقت شفتا صارت متل خيوط رفيعة وارجع احطلا طحين لحتى ماتلزق ببعض

اذا بدكن بتحسنو تحشو بلي بدكن ياه او تتركو يادة متل ماعملت انا وبس هيك صار عندي اطيب غزل بنات من صنع بيتنا احسن واطيب من الجاهز

يارب تجربو ورح يعجبكن كتيرررر ويعجب اطفالكن

والف عووووووااافي عقلبكن

36 تعليقاً

  1. ماشاءالله
    مافيه بعد شغل البيت الله يسلم إيديكي
    أحب التجارب مثلك مرت عليا سنين الغربة وأنا اجرب كل شيء
    ههههههههه اللي احب اكله واللي ما احبه فضولية .

    • ههههههه
      الله يديم صحتك وعافيتك ياروحي😘
      اي صح كلامك انا بحب اجرب كلشي
      مع انو مو صحبة مع هاد الحلو بس زوجي واولادي بحبو وحبيت افاجئن فيا😍

  2. بموت بهل حلوه جربتها مرة وما زبطت شكلي طولت عليها والي فترة عم فكر اعملها وانت نزلتيها وعامليتها بإتقان يعطيك العافية ورح ارجع جربها ان شاء الله تسلم ايدك مبدعة بكل معنى الكلمة 🌺🌺

    • حولك ياقلبي
      من بعدكن روحي
      اي ونحن عنا غزل البنات شي وشعر البنات شي ههههه مهم كلو بنات
      ههههه
      😍
      الله يسلمك عمري😘

    • الله يعافيكي ياقلبي
      من بعدك مافي معدلة ياغالية😄
      هاد من زوقك😍
      دايمن غامرتيني بكرمك ولطفك الله يخليلي ياكن😘

    • انتي الاروع ريحانتنا الحلوة😍
      الله يسلمك ياقلبي😄
      خجلتيني بكلامك والله انا من بعدك ياعمري
      والله يباركلي فيكم وبمحبتكن😘

  3. هي الإبداعات مابتطلع الا من ست بيت رائعة ومن الطراز الرفيع😍
    ماشاء الله اللهم بارك شكلها بشهييييي والله والصور عم تحكي عن لذاذتها
    ربي يسلم اناملك يافنانة ويهني اهل بيتك فيكي 😘

اترك تعليقاً

لن يتم نشر عنوان بريدك الإلكتروني.