كعكة النسكافيه البارده طعم راائع ملكة الابداع

92 6٬458
 

كعكة النسكافيه البارده طعم راائع ملكة الابداع

كعكة النسكافيه البارده طعم راائع- ملكة الأبداع -

كعكة النسكافيه البارده طعم راائع ملكة الابداع

كعكة النسكافيه البارده طعم راائع ملكة الابداع , معكم صديقة زاكي الشيف الموهوبة ,

المقادير

  • ظرفين كريما
  • 2 باكيت بسكويت ساده
  • 2 باكيت قشطه
  • 1 كوب حليب بودره
  • 1 كوب سكر بودره،او كوب الا ربع
  • معلقة نسكافيه او معلقتين حسب الرغبه
  • نص كوب حليب سائل بارد
  • كوب مي فاتره
  • للتزين:
  • فستق حلبي

الخطوات

السلام عليكم كيفكم جميعا عساكم بخير وصحه وعافيه

غبت عنكم لفتره لعدة ظروف وان شاء الله بعوضها بالايام الجايه بالوصفات القادمه

اليوم وصفتنا رااائعه وهي كعكة النسكافيه البارده سهله وبسيطه وبنفس الوقت طعم رهيب وضيافه فخمه

ويلااااا نشوف الطريقه وان شاء الله بتعجبكم

& اول شي بنخفق ظرف كريما واحد مع نص كوب حليب بارد جداااا بعد ما ينخفقو مزبوط بنضيف السكر البودره

والحليب البودره والقشطه ومعلقتين من سائل النسكافيه يلي راح نعمله للبسكويت .. وبضيف ظرف الكريما الثاني وبخفقهم كلهم مزبوط وهيك الخليط صار جاهز معنا

& كوب مي فاتره بضيفله معلقة نسكافيه او معلقتين حسب ما بتحبو قوة النكهه ..وبغمس فيه البسكويت وبصفه بالبايركس او الصينيه بعد اول طبقة بسكويت بضيفله طبقه من خليط الكريما يلي جهزناه مسبقا

وبنضل نعمل طبقات كريما وبسكويت لحتى نخلص كمية الكريما واخر طبقه بتكون كريمه وبندخلها الثلاجه بفضل عملها من قبل بيوم لانه كل ما ضلت وقت اكثر بالثلاجه كل ما كان احسن لقوامها

ملاحظه : 1) اذا ما بتحبوها تطلع حلوه كثير بتقللو كمية السكر لكوب الا ربع او حسب ما بتحبوو حلاوتها لانها بكوب زي ما عملتها انا بتطلع حلوه زياده

2) اذا ما بتحبوها تكون دسمه زياده بتقللو كمية القشطه من بكتين ..لبكيت واحد

3) ممكن زيادة كمية الكريما بين طبقات البسكويت

انا كنت مخففها لما عملتها هيك بفضلها بتكون اخف

& واخر شي وقت التقديم بنزينها بالفستق الحلبي او حسب الرغبه وبنقطعها وبنقدمها مع فنجان قهوه من تحت دياتكم ما في اروع من هيك اااكيد

وصحه وعافيه مقدما

عرض التعليقات (92)