img
الرئيسة / سلطات و مقبلات / فواكه بأشكال بعيدة عن الروتين الكم ولأطفالكم ملكة الإبداع

فواكه بأشكال بعيدة عن الروتين الكم ولأطفالكم ملكة الإبداع

/
/
/
1808 مشاهدات

 

فواكه بأشكال بعيدة عن الروتين الكم ولأطفالكم ملكة الإبداع

فواكه بأشكال بعيدة عن الروتين الكم ولأطفالكم♡ _ملكة الإبداع_

فواكه بأشكال بعيدة عن الروتين الكم ولأطفالكم ملكة الإبداع

فواكه بأشكال بعيدة عن الروتين الكم ولأطفالكم ملكة الإبداع , معكم صديقة زاكي الشيف الموهوبة , مرحباااا تفاحاتي ههههه اليوم مافي وصفة أكيد لا رح قلكم كيف منزرع التفاح ولا كيف منطبخ الدراق ههههه بس بدنا نغير شوي بطريقة التقديم لنرغب أطفالنا بأكل الفواكه ونخليهم يستمتعو فيها بالنسبة الي عم حاول اقنع حالي انو الفواكه طيبة وبتفتح النفس بس عبث بتضل الشاورما أطيب
يلا حولو نشوف الطريقة السهلة
منحتاج فواكه حسب المتوفر بس حاليا كلامنا عن التفاح
فهاتولكن تفاحتين ويلا معايا ياضنايا

المقادير

  • تفاحتين

الخطوات

☆بسم الله الرحمن الرحيم☆

الموضوع بسيط كتير شوية لعب مع التفاحة بتعطينا أشكال حلوة

بالصور الأولى رح نعمل جرح صغير بالسكينة بشكل مائل من اليمين واليسار بحيث تنفصل عن التفاحة قطعة صغنوتة متل مو مبين بالصورة ورح نعمل نفس الحركة تحتا بحجم أكبر وبس نخلص منسحبهم لبرا بالتدريج

يارب يكون الشكل واضح معكم بالصور

أما بالنسبة للفراشات فرح نقطع حز تفاح صغير يعني مثلا بتقطعو التفاحة ل 6 أو 8 أقسام حسب حجم التفاحة وبكل قطعة منعمل فراشة

☆رح نشيل مكان البذور بعدين نفصل القشرة عن التفاحة لنصف الحز بس مابدنا نشيل القشرة كلها

بعدين بشيليمونة منعمل فتحتين على جانبي التفاحة واذا مافي شيليمون عادي بتنعمل براس السكينة

☆بعد الفتحتين رح نقطع حز التفاح بالنص بس بدون ما نقطع القشرة الملزوقة بالتفاح (لأنو بدنا القشرة توصل بين جناحين الفراشة)

بس رح نقطع القشرة من فوق محل ما فصلناها عن التفاحة كمان من النص لتعطينا شكل قرون الفراشة هههه ومنفتحها منلاقي أحلى فراشة

حطوها بصحن وخلوها تطير لعند أطافيلكم الحلوين ربي يباركلكم فيهم وتشوفوهم من الصالحين والصالحات

بالنسبة للدراق كانت الشيليمونة بإيدي لسا وماعندي أعواد خشبية فشكيت شرائح الدراق الصغيرة فيها هههههه

وآخر صورتين مافيهم شي مميز كتير عاملتهم من زمان بس حبيت ضيفهم مع الصور

بحبكم انا ولا تنسوني من دعواتكم الحلوة

121 تعليقاً

  1. شووووو هاااالابددددددااااااع يااااا قلبي شووو هااااالففففن شوووو هالززززووووووء شو هالجممممممااااال
    اي ده اي ده اي الجمال دا كلوووو يخررااشي عليكي يا نووووارتناااااا دااائماااا ابداااااع وتفووووق وانجاااازز وحلاااااااوة بالوصفاااات اللي بتفتح النفس
    ربي يباركلك بحياتك وفي بيتك وبشغلك ويعطيكي ليرضيكي ويززيدك تفوووق ونجاااااح من زايد لازززود يااارب

  2. بسم الله ما شاء الله ربنا يسلم هالايدين قمة الابداع بالتصوير والتقديم اللهم بارك الي ما بحب الفواكه على هالمناظر رح يحبها غصبن عنه
    الله يكرمك حبيبتي وانا مصره على انك لازم درستي هندسة ديكور يا ام الديكورات الحلوه انتي

    • ههههههههههه انا بعد شوي من ورا اصرارك رح سدق اني مهندسة ها😂
      ربي يسعد قلبك ومايحرمني منك
      الترتيب والوصفة بسيطين بس قلبك وعيونك الحلوين بشوفو الجمال دائماً اللهم بارك 😍😘

  3. ماشاء الله عليك يا نوارة زاكي.. وصفة البيض وقولتيلنا عنها بسيطة..
    والتفاحة 🤔؟؟؟ التفاحة اللي منظرها جذاب وشكلها تحفة فنية يسلموا إيديك يا قلبي مبدعة كالعادة 💞

  4. ماشاء الله عليك يا نواااارة ياعيني عالمناظر الي بتفتح النفس والدلع للتفاحات من قدهم مدلعات ربي يسلمهم ديااااتك يافنانه وصحتين على ألبك وألب الحجي 😂😘💞🌷

  5. يسلم اديكي…فن وإبداع وشي بفتح النفس وماشاالله عليكي شو طولة هالباااال والرؤان اللي عندك
    أن شاء الله بضلك سالمه لبيتك وحبايبك وبتزيدي فن وإبداع
    💝

  6. ربي يسلم هالديات الي بيلتفو بالذهب ما شاء الله تبارك الرحمن المنظر لا يقاوم جد انك زووووووووووق وفنانة ومبددددددعة بكل ما تحمل الكلمة من معنى ربي يديم عليكم النعم ويخليلنا اياكي يا غالية القلب ودقاته نوووووارتي حبيبتي ♥️♥️♥️♥️♥️

  7. يقول ابن الجوزى رحمه الله : البلايا ضيوف ، فأحسن قِراها حتى تَرحل إلى بلادِ الجزاء مادِحة لا قادِحة . فلولا البَلايا .. لوردنا القيامة مفاليس .. .. ولو فُتحت لك أستار الغيب لأحببتَ حزنك … ولو رأيت كيفَ يُغرف للصّابر غرفًا من الثّواب ، لانتشى قلبك وتلذذت بكلّ وخزة ألم .

  8. حال المحب مع من يحب
    أنتظر وصفاتك لتحادثيني من خلال شرحك وأسلوبك ولطافتك لا لأتعلم بل لأستمتع غاليتي كم أشتاق لأخواتي في الديار لكني حين أتذكرك أعرف أن شوقي أصبح متغرباً في بلدان كثيرة
    أحبك في الله وأرجو الله أن يكون أصدق وأعمق من كلماتي
    أختي نور .

  9. نووووورررر يا عمررررري ❤️💓
    💕I love you very very mutch 💕

    ما شاء الله تبارك الله شو هالابداع و الأناقة و الرقي هاد شغلات بسيطة بتطلع معك بمنتهى الفخامة و الجمال عين الله تحرسك و تحميكي يا قلبي ❤️ هدول لازم الواحد ما ياكلهم بس يضل يمتع نظره فيهم هههههه حرام خطي ههههه يسلم هالانامل الحلوين و الناعمييين اللي بتخلي كل اشي حلووووو
    و ربي يكرمك و يسعدك سعادة ما الها نهايةةةةة
    🤲🏻😘😘
    و مبارك الصورة (اللي بتشبهك) كلها رقة و طيبة و نقاء وجمال يا ياسمينة الشام 💖♥️😘😍

    • Me tooooooooooooo 😍😍
      ياعمري شو بحبك انا حبيبتي أم ليث ربي يسعدك ومايحرمني طلتك اللي بتغمر قلبي بالفرح واللهفة😀
      تسلمي لقلبي ما ألطفك وأرق قلبك ودعواتك
      انتي الوردة والعسل كمان ههههه
      والله بس شوف اسمك قلبي بيفرح
      الله يسعدك ويحققلك كل شي بتتمنيه لأنك بتجنني😍

اترك تعليقاً

لن يتم نشر عنوان بريدك الإلكتروني.