سلة نفايات أو مضيفة جميلة ملكة الابداع
سلة نفايات أو مضيفة جميلة ملكة الابداع
المقادير
- سله بلاستيك فاضيه مع غطا
- شبر ساتان
- سناره
- قطعة قماش
- سيليكون
- كاسه بلاستيك
- علبة رش اللون اللي بترغبيه
- اكسسوارات اللي بتحبوها
- قطعة بوليسترين
الخطوات
كيفكم يا اميرات زاكي كتيييييير كتيييير اشتقتلكم حبيت اشاركم اليوم فكره من افكاري الكتيره وهواياتي المتواضعه جنب افكاركم وهلا اليكم الطريقه يا عسولات
بجهز اغراضي كلها قبل لا ابدأ العمل بنبلش بالسله انا استعملت علبة رش ذهبي الك حرية الاختيار رشيتها من برا وجوا والغطا نفس الشي بعدين جبت قطعة القماش فردتها على طاولة العمل وجبت الغطا وحطيتها فوق قطعة واخذت القياس المطلوب بشرط نلفها كامله من الجهتين وقصيت الزايد هلا الغطا بكون فيه اله فراغات زي رسمه يعني ثبتت الغطا على القماشه ورشيت القماشه من فوق الغطا اول ما تشيليه بتطلعلك رسمة الغطا على القماشه هلا بتركها تنشف وبجيب قطعة البوليسترين الرفيعه وبلزقها بفرد السيليكون فوق الغطا وبلزق فوقيها قطعة القماش مع مراعات تكون الرسمه واضحه من فوق وبجيب الاكسسوارات وابره وخيط اول شي بدخل الخيط بالغطا لفوق القماش وبرجع انزله لتحت الغطا وبشد الخيط وبعمله عقده وبقص الخيط بحيث تتكون عندي زي حفره متل تنجيد الكنبايات بكرر للعدد اللي بدي اياه وثبت الاكسسوارلت على الغطا بالسيليكون متل ما هو بالصور
هلا خلصنا من الغطا بنيجي للسله والكاسه انا عارفه اني كتير طولت عليكم اسفه تحملوني بس هادي الخطوات ضروري تعرفيها هلا بنجيب السناره وبنبلش شغل فيها وبنقيس على القاعده بعدين بنطلع فيها لنوصل للطول المطلوب وبنقطع الخيط وبنلبسها للسله وبنثبتها من كل الزوايا وبتزينيها بالطريقه اللي بتحبي طبعا بتقدري تغيري استعمال السله ممكن مضيفه وممكن سلة نفيات وممكن تعملي من نفس الفكره بكيتات فاين وبالنسبه للكاسه اشتغلتها نفس الطريقه ولبستها للكاسه وزينتها بتمنا هالفكره تعجبكم وبكرر اسفي بالأطاله عليكم ودعواتكم الحلوه الله يسعدلي قلبكم بحبكم بالله كتيييير كتييير
ملاحظة من الأدمن قمت بتغيير الاسم ليتناسب مع المحتوى أتمنى أن أكون أصبت
تسلم الايادي….تحفه
💖
كثيييير حلو …حبيت
💋💋💋
ماشاءالله يسسسلمو ايديك أبدعتتتتتي تبارك الرحمن😍
وايديكي يا قلبي من بعض ما عندكم
ما شاء الله تبارك الله بتجنن
حبيبتي انتي بتجنني
بجنن إبداع يسلم اديكي ❤️❤️
وايديكي يا قلبي
تسلم ايدك
حبيبتي وايديكي يارب
رووووعاتك إم صهيب وعوده حميده وينك مغيبه زمان عنك
شغلك بيجنن
تسلمي يا قلبي انتي اللي بتجنني وما الي غنى عنكم خوات وعزيزات الله بيعلم بس الحياه تلاهي الله بعين الجميع
روعاتككك يا شيفف بتجنن ماشاءالله الله يحميكيي
تسلمي يا قلبي ويحميكي ويسعدك
ماشاء الله شغل مرتب وحلو تسلم ايدك ِ😘😘
👄👄👄
ماشاءالله
روووووعة وجميلة تسلم يدك اختي .
وايديكي يا قلبي
ماشاء الله على الأناقة والترتيب.. يسلموا إيديك حبيبتي مبدعة 💞
حبيبتي انتي المبدعه بنتعلم منك وربي يسعدك 💖
شوفو الشطاره والله بدعتي محلاهن يسلم هالادين
حبيبتي الله يسعدك ربي يسلمك ويسعدك 💞
الله يارب يفتحها عليكي كتييييير شغل حلو ……
يا عمري ويفتحها عليكي انتي كمان وعالجميع ويعطيكي ليرضيكي ياااارب 👄👄👄
ما شاء الله عليكي حبيبتي ربي يسلم ديادك ويبارك فيهم روووعه بجننووووووو😍😙🌹
ويسلم ايديكي ياروحي ويبارك بعمرك تسلمي يارب وشكرا لمروركم 💝💝
تسلم الأيادي إن شاء الله حبيبتي
اكيد ادمن بطلعلك وبتموني اكيد ياقلبي 👄👄👄
فنانة يسلم دياتك حبيبتي
كتير حلوة الفكرة
حلوووووو كتتييررر
ما شاء الله حلو كتير
يسلم ايديكي فكرة كتيررررر حلوة
شغلك حلو ومتقن ما شاء الله
يعطيكي العافيه
مبدعه ما شاء الله عنك يسلمو اديكي 😘
شغل حلوو ..يعطيكي العافيه
يسلموا ديااااتك حبيبتي 😘🌷
ماشاء الله عالفن والشطارة والإبداع😀
ربي يسلم أناملك ويباركلك حبيبتي ام عبود شغلك حلو كتير😍
ونحنا اشتقنالك كمان 😙
يا عيني حرام تكون سلة نفايات هي لازم تقولي سلة مجوهرات تسلم ايدك ع الابداع
كتير حلوة تسلم إيدك عزيزتي🌹
متل هيك اشياء بدها فيديو
هيك مافي طريقة لحتى نتعلمها
مبدعة يعطيكي العافية