img
الرئيسة / منوعات / زراعة نبتة العنكبوت والاكثار منها ملكة الإبداع

زراعة نبتة العنكبوت والاكثار منها ملكة الإبداع

/
/
/
2257 مشاهدات
 

زراعة نبتة العنكبوت والاكثار منها ملكة الإبداع

زراعة نبتة العنكبوت والاكثار منها

زراعة نبتة العنكبوت والاكثار منها ملكة الإبداع

زراعة نبتة العنكبوت والاكثار منها ملكة الإبداع , معكم صديقة زاكي الشيف الموهوبة ,

المقادير

  • تربه صالحه للزراعه
  • سماد
  • ماء
  • قواره

الخطوات

بسم الله نبدأ

يسعد اوقاتكم يا وردات الوطن العربي كله

خلينا نبدأ بكيفية زراعة هذا النبته من البدايه للنهايه اول شي هذه النبته اشتريتها شتله بقواره واكتشفت انها عباره عن عدة شتلات وحضرت قوواير وتراب وقمت بنقل بعض الشتلات ونجحو والحمد لله وهذا النوع من الزريعه ما شاء الله ما بغلب ابدا وبعد فتره طلع عددمن الشتلات الصغيره سبحان الله على فروع النبته بتقدروا تشوفوهم من الصوره اخذته ووضعتهم بفنجان صغير وضفتهم المي لما طلعت جذورهم وقمت بتحضير التربه والسماد وزرعتهم وسقيهم بالمي وتركتهم بالفي لمدة ثلاثه وهذا النوع بكون داخل البيت وخارجه بس داخل البيت بده منطقه فيها اضاءه وهوا وما بتشربيه مي الا بعد ما تلاحظي انه تربتها بلشت تنشف حتى ما تتعفن الجذوراما اذا كاتت بالبلكونه بدها تقريبا يوميا مي خاصه بالصيف لانها بتعشق الرطوبه وما بتحب الجفاف

جربو ازرعوها وخلوها تتكاثر عندكم وفي منها الاخضر والاخضر المقلم بالابيض الجميل والي عندها مكان ما تقصر

حابه انبهكم لشغله كمان هذه الايام وقت زراعة البصل الاخضروالورقيات ما اطيب البصل الاخضر لما تزرعيه بايدك وتسقيه مي نظيفه كثير بفرق عن بصل السوق

طولت عليكم اشكركم جزيل الشكر حبيباتي

استودعتكم لله الذي لا تضيع ودائعه

74 تعليقاً

    • اختي الله يكرمك رب العالمين ان حاطاهم بالبلكونه بضل الفي عليهم لبعد الظهر وبعدين بتوصلهم الشمس وضعهم تمام لكن نقلت وحده جو البيت فضارو حوافها شود شوي رديت رجعتها لبره وانتبهي كمان هاي النبته بتحب الرطوبه بس مش لدرجة تشبعيها بالمي بتخافي جذورها واسهل من تربية هاي النبته ونبتة قطر الندى ما في

  1. ياسلاااام عليكي خالتو هالزرعة زكرتني ب زكريات كتيررر
    يسلم ايديكي ياقلبي
    والله يعطيكي الف عافية وربي يباركلك يارب😍😀😀

    • حبيبتي قلبي الله يصلح الحال ويعوضكم ربنا ويعيدكم سالمين غانمين وتزرعوا وترجعوا الذكريات اي والله سوريا ام الجمال وام المزروعات الطيبه والبيوت العربيه الرائعه يلي كان صدرنا ينشرح لما نشوفها بالتلفزيون وصارت جزء منا وتاكدي انه معاناتكم معاناتنا وما بهدا بالنا الا نشوف وطنا العربي كله بخير وامان وسلام
      ربنا يهدي البال ويصلح الاحوال

    • اللهم ااااامين
      امين يارب الله يفرجها عبلاد العالم اجمعين ويرجع الامن والامان لكل البلدان العربية
      والحمدلله ع كل حال
      الله يجزيكي كل خير ياقلبي على هالدعوات الحلوة متل قلبك ❤

  2. ماشاء الله عليك يا أم علاء عندك معلومات منيحه عن الزراعة.. هاي النبتة كتير حلوة خاصة إنها ما بتنحصر بلون واحد.. يسلموا إيديك يا قلبي مبدعة بشتى المجالات
    🌹🥀🌹🥀🌹

  3. على فكره هاي النبته بتقدري تزرعي الشتلات بدون تجذير مباشره بالتربه انا هيك بعمل وجد زريعه روعه وبتملا مساحه كبيره بالبيت او بالحديقه وما بدها عنايه كثير

  4. يسسلمو ايديك ويسعدك ربي
    جمالها تبارك الرحمن 😍
    ماشاءالله عليكم بيوتكم مابتخلا من اي زريعه جميله بتفتح النفس وتريح الخاطر شوفتهم ووجودهم..

    عندنا للاسف هذا الجانب مهمل اما حديقه كامله ولا مافي..
    بس انا تحمست لما اشوف شغلكم تبارك الرحمن اني اهتم بكذا بس أستقر بـ بيتي 😍

    • حبيبتي ربنا يكرمك
      الوالد الله يرحمه كان عامل بيتنا جنه حتى الخضار كان يزرعها بين الشجر مع انه كان يروح تعبان بس كان يصر يدخل الحديقه بالساعات وما كان يكل ولا يمل وحببنا بالزريعه واللون الاخضر بتمنى اني اقدر اعمل حزء بسيط من عمله

  5. والله ياخالتوا ام علاء شجعتيني ع الزراعه عنجد اشي بعطي طاقه ايجابيه
    سؤال مش تضحكو علي هلاء الزريعه بتجيب النمل للبيت عشان هيك خايفه اجازف
    انا كتير بحب الخضار
    رح تكون نقله نوعيه بحياتي لوجربت ازرع
    شوبتنصحيني وخصوصا حياتي كلها وجع والم وقهر وظلم

  6. ماشاء الله زريتك بتجنن عندي من هالنوع بس مو كبرانه الها عندي اكثر من سنه وماحسيتها كبرت بالمره بحب هاض النوووع ي ريت تفيديني انا زارعتها جوا

  7. ماشاءالله
    والله مناظر ترد الروح الخضره فيها شيء جذاب يهدئ النفس سبحان الله
    الله يبارك لك بمزروعاتك الجميلة
    استمري بتنزيل وصفات الزرع
    صحيح البصل اللي ينزرع باالبيت روعه
    كنا نزرع البصل الاخضر والنعناع والفلفل الأخضر ببيتنا ومن العطريات الشذاب والمونسه والحماحم واشياء ثانيه ناسي له والله ريحتة أحلى من عطور الماركات
    وناس بتزرع كل شيء في سطح بيته او بحوش البيت من البابايا والبطيخ الاحمر والقرع والكشديه والهنديه والطماطم والذرة الصفراء والجوافة والمنجا والليمون وانواع الحبوب اللي تطحن
    واالبيوت اللي تكون بقرب الوديان يزرعو الموز والمنجا والبن والبرتقال وباقي الفواكة
    قرانا زراعية وتربتها ذهب كل شيء ينزرع فيها
    اكتب ونفسي تتحسر والله لأنه ناس كثير تركو القرى وذهبو المدينة .

  8. ما شاء الله عليكي يا ام علاء مبدعة بكل المجالات اللهم بارك يسلم اديكي ع هيك زريعة بتجنن الله يحفظلك ياهم 💖💖💖💖💖💖

اترك تعليقاً

لن يتم نشر عنوان بريدك الإلكتروني.