img
الرئيسة / أطباق رئيسية / قالب الشاورما شاورما باطيب طعم ملكة الابداع

قالب الشاورما شاورما باطيب طعم ملكة الابداع

/
/
/
1877 مشاهدات

 

قالب الشاورما شاورما باطيب طعم ملكة الابداع

شاورما باطيب طعم* قالب الشاورما* ملكة الابداع

قالب الشاورما شاورما باطيب طعم ملكة الابداع

قالب الشاورما شاورما باطيب طعم ملكة الابداع , معكم صديقة زاكي الشيف الموهوبة ,

المقادير

  • صدور دجاج
  • لتبلة الشاورما:
  • معلقة كبيرة توابل كبسة
  • معلقة كبيرة ملح
  • معلقة صغيرة فلفل اسود
  • معلقة صغيرة كزبرة
  • معلقة صغيرة فليفلة ناعمة
  • نص معلقة صغيرة زنجبيل
  • معلقة صغيرة حبة بركة
  • معلقة كبيرة لبن
  • معلقة كبيرة دبس فليفلة
  • سنين توم
  • لتقلاية الشاورما:
  • زيت
  • سمنة
  • للتومية:
  • كاسة مي
  • نص كاسة حليب
  • سنين توم
  • معلقة صغيرة ملح
  • معلقة كبيرة عصير ليمون
  • معلقتين كبار نشا
  • فنجان صغير زيت
  • معلقتين كبار مايونيز

الخطوات

*يسعدلي كل اوقاتكن يااميرات زاكي

مين منا مابحب الشاورما وكل وحدة منا الها طريقتا الخاصة بس انا بضمنلكن اذا جربتو هالطريقة مارح تنسو طعمها ابدآااااا يلا نبلش*

♡بسم الله الرحمن الرحيم♡

*قطعت صدور الجاج شرايح طويلة ورفيعة غسلتن منيح وضفت عليهن التوابل خلطتن سوا وتركتن ساعتين منقوعين سوا

بعد ساعتين بطواي عالغاز حطيت سمنة وزيت نباتي وحطيت فوقن الجاج وتركتن عالغاز لاستوا الجاج بالكامل

لعمل التومية:

حطيت الحليب والمي وبتحسنو تحطو مقدار السوائل كلو مي بس الحليب بيعطيا طعم اطيب وحطيت النشا ودوبتن وتركتو عالغاز لحتى يسمك مع التحريك بس بلش يغلي بتركو كم دقيقة لحتى تروح طعمة النشا

بعد ماشلتو من عالغاز وهو سخن

حطيت فوقو التوم والمايونيز والملح وعصير الليمون وخلطتن منيح واخر شي حطيت الزيت وتميت اخفقو مدة خمس دقايق ليبرد شوي ويتماسك اكتر

طبعآ هي الطريقة لازم تخلص بنفس اليوم لانو فيها نشا رح تصير لتاني يوم متل المهلبية

لتحضير الساندوش :

جبت الخبز

دهنت من التومية والكاتشب وحطيت الشاورما والبطاطا وشرايح بندورة ومخلل ولفيتا جبت صينية فرن دهنتا بشوية زيت مو كتيرر وقطعت الساندويشة لاحجام متساوية وطبقتن جنب بعض مع الرص لحتى مايفتحو القطع سخنت الفرن وحطيت عوجها جبنة حسب شوبتحبو انتو واذا بدكن بتحسنو تستغنو عنا بس الجبنة عطت طعمة بتاخد العقل مع الشاورما دخلتا الفرن حامي يادوب عشر دقايق وطالعتا وقدمتا سخنة

جربوا ومارح تنسو طعمتا *

وبالف صحةوهنا

♡لاتنسوني من دعوة حلوة متل قلبكن♡

86 تعليقاً

  1. يا ويلي شو هذا يا هبوش والله جوعتينا وعامليتها للشاورما كيكة والله الشاورما بكل حالاتها طيبة واكيد من ايدك بتطلع أطيب تسلم ايدك♥️

    • لك تسلملي ام مصطفى ودعواتا الحلوة متلا😙😙
      اللهم اااامين والك بالمثل ياقلبي😄
      الله يفرح قلبك بالذرية الصالحة متل مابتفرحي قلبي بكلامك الحلو😍
      الله يسلمك ويخليلي ياكي ياروحي😙

    • حولك ياعمري😍
      ههههه ليش الي بدو يشوفا رح يحسن يمسك حالو هههه😄 رح تخلص بلحظتا
      خلص عمليا وعزميني اساعدك بأكلا😂
      على قلبك روحي😙

  2. يارب تصبرني على هالبنت وفنونها اللي رح تجنني 😂
    انا بدي افهم شو سكنك بقيصري
    ليش ما سكنتي باسطنبول وبحارتي تحديداً لييييييش😂😂
    أبدعتي ياقلبي انا بعشق الشاورما فكيف لو كانت بهالجمال ومن تحت ايدين فنانة متلك😍
    الله يباركلك ويعطيكي الف عافية 😙

اترك تعليقاً

لن يتم نشر عنوان بريدك الإلكتروني.