img
الرئيسة / حلويات / بسكويت اللوز الخالي من الجلوتين سلسلة صحتي في غذائي

بسكويت اللوز الخالي من الجلوتين سلسلة صحتي في غذائي

/
/
/
2118 مشاهدات

 

بسكويت اللوز الخالي من الجلوتين سلسلة صحتي في غذائي

بسكويت اللوز الخالي من الجلوتين سلسلة صحتي في غذائي

بسكويت اللوز الخالي من الجلوتين سلسلة صحتي في غذائي

بسكويت اللوز الخالي من الجلوتين سلسلة صحتي في غذائي, معكم صديقة زاكي الشيف الموهوبة ,

المقادير

  • كوب الا ربع دقيق ارز ناعم
  • نصف كوب نشا الذرة
  • ثلث كوب لوز مطحون
  • نصف كوب سكر
  • 50 غم زبدة او نصف اصبع
  • بيضة
  • م.ص فانيلا
  • رشة ملح
  • ممكن تضيفي نصف م.ص بيكينج باودر انا ماضفت

الخطوات

السلام عليكم ورحمة الله وبركاته

بدايةً اعتذر على التأخير في نشر الوصفات انشغلت شوي وهيني رجعت الحمدلله.

وصفة اليوم نوع من البسكويت فاخر ولذيذ وسهل جدا

بتمنى يعجبكم وتجربوه، وممكن تتحول الوصفة لبسكويت عادي بتبديل الرز والنشا بنفس الكمية من دقيق القمح.

أولاً/عجينة البسكويت

نخلط المواد الجافة كلها سوا وبنضيف الزبدة وبنفتتها بطريقة البسبسة وبعدين بنضيف البيضة والفانيلا وبنخلط بطريقة اللم والضغط.

ملاحظة/اذا ضلت العجينة طرية بترشي رشات طحين رز لحتى تجمع معك.

—بنريحها في الثلاجة نص ساعة

ثانياً/الفرد والتقطيع

بنطلع العجينة من الثلاجة وبنفردها بين ورقتين زبدة او قطعتين بلاستيك ، وبتكون السماكة قليلة بس مش رقيقة كثير بتنحرق بعدين.

—بنستخدم القطاعات يلي بنحبها وبنزينها بأي نقوش بدنا ياها.

ثالثاً/ الخبز

تخبز في فرن محمي في الرف الوسط على حرارة 180 لمدة عشر دقائق.

رابعاً/الطعم

طعم البسكويت طيب ولذيذ ولكنه بيكون ناشف شوي بسبب طحين الرز انتي ممكن تعوضي طحين الرز بطحين عادي رح يطلع اطرى. بتمنى تجربوها وتعجبكم وصحة وهنا

104 تعليقاً

  1. بسم الله ما شاء الله عليكي حبيبتي ربي يسلم ديادك ويبارك فيهم روووعه وشكله كتيررر بشهييي 😍
    صحه وعافيه يارب على قلب جواد البطل🌹
    روووووعاتك حبيبتي نور زاكي بهالوصفه
    عودا حميدا إن شاء الله 😙

  2. يا هلا يا هلا ….كيفك…الله يارب يهدي بالك ويجعل عينك تفرح بشفى جواد ……حنونه يا قلبي حنيتك هاي لحالها احلى دوا لجواد …….الله يرضى عليكي يا ام جاسم الحنونه ……

  3. الله الله ع الزاكي ولووو كرمال عين جواد تكرم الف عين ولا شو يا ام جاسم 😍😍 الله يخليلك اياه ويطول بعمرو هو واخوانو وتشوفيهم عرسان وعرايس وخريجين

    تسلم ايدك حبيبتي والله يهدي بالك …بس كأنو انا حزرت شغله الصور كانهم لفيديو والتقديم صح 🙊🙊🙊

  4. تسلم ايديكي …..ماشاء الله عنجد مش ملحقة المفضلة صارت مليانة بتروحي يمين بتلاقي وصفة ام جاسم بتروحي شمال بتلاقي وصفة ام جاسم بتطلعي لفوق بتلاقي وصفة ام جاسم بتنزلي لتحت بتلاقي وصفة ام جاسم…….الي خاطر اغير اسمي لأم جاسم 😊😊😊😂😂😂😂😂يسعد اوقاتك حبيت امزح معك شوي …..عنجد وصفاتك رائعة وغريبة وما بتخطر عالبال 😘😘😘😘😘😘😘😘😘😘😘😘😘😘والله يعطيكي الف عافية

  5. 【موعظة بليغة تفزع القلوب وتوقظها من الغفلة فاللهم سلم سلم】

    ـ╝═ 🍃🌺 ══════╚

    قال المفسر المالكي العلامة القرطبي رحمه الله:

    تفكَّر الآن فيما يحل بك من الفزع بفؤادك

    إذا رأيت الصراط ودقَّتَه،

    ثم وقع بصرك على سواد جهنم من تحته،

    ثم قرَع سمعَك شهيق النار وتغيُّظُها،

    وقد كُلِّفت أن تمشي على الصراط، مع ضعف حالك،

    واضطراب قلبك،

    وتزلزل قدمك،

    وثقل ظهرك بالأوزار المانعة لك من المشي على بساط الأرض،

    فضلاً عن حدة الصراط،

    فكيف بك إذا وضعت عليه إحدى رجليك،

    فأحسست بحدَّته،

    ـ╝═ 🍃🌺 ══════╚

    واضطررت إلى أن ترفع قدمك الثانية،

    والخلائق بين يديك
    يزِلُّون
    ويتعثرون،

    وتتناولهم زبانية النار بالخطاطيف والكَلاليب،

    وأنت تنظر إليهم

    كيف ينكسون إلى جهة النار رؤوسهم وتعلو أرجلهم،

    فيا له من منظر ما أفظعَه،
    ومرتقًى ما أصعبَه،
    ومجال ما أضيقَه،

    فاللهم سلِّم سلم”

    التذكرة للقرطبي 【ص757】

  6. ما شااااااء الله قمة في الإبداع.. ربي يبارك فيكي ام جاسم وجميع الأخوات في القروب الرائع
    في شخص قريب مني اصابه العصب السابع واستخدم الكي للعلاج لكن الى الان ما استفاد ياريت اذا حدا عنده تجربة او خبرة بالموضوع يساعدني ولها دعاء بظهر الغيب ان شاء الله

  7. ربي يسلم هالديات يا مبدعة بسم الله ما شاء الله تبارك الرحمن المنظر لا يقاوم ما الي دخل بدي منها لو حبة وحدة او تنتين انتي كريمة وانا بستاهل ههههههه

    حبيبتي أم جاسم ربي يحفظك ويحفظ عيلتك ويديم عليكم الصحه والعافيه والستر وربي يطعمك فوق ما تتمني وربي يشفيلك ابنك نور عيونك ويعافيه من كل داء فيه وما شاء الله عنك نيااااااااااااااااالو على هالإم الي عندو ربي بخليكي إلو

    ويحفظلي امي انا كمان ماما متل حكايتك كتيييير حنونة وعايشة ع راحتنا ربي يخلي جميع الأمهات ويحفظهم ويرحم من كان منهم يرقد تحت الأرض 😭😭😭😭😭🤲🤲

  8. ام جاسم ياعمري انتي اتمنه اني اصير وحده من جاراتج حتى اي طبخه تعمليه دزيلي صحن اذوقه😁والله كل يوم يزيد حبي الج ع وصفاتج وع اسلوبج الطيب ربي يحفظج ويطول بعمرج اللهم امين قولي امين😍

  9. ما شاء الله لا قوة الا بالله
    الله يحميكي أم جاسم حبيبة قلبي
    بيجننو هالبسكويتات تسلم ايديكي
    والله يعطيكي العافية والصحة والسعادة عقد تعبك ووفاءك واخلاصك لعيلتك الكريمة

  10. تبارك الرحمن ما احلااااااهم😀
    ربي يسلم ايديكي عالابداع والاتقان اللامحدود ويديم عليكي صحتك وشطارتك ويباركلك ياقلبي😍
    ماشاء الله عنك مزوقة وشغلك مرتب وبيفتح النفس والله😘
    الله يحميلك جواد ويعافيه ويهنيه بأم رائعة متلك😘

اترك تعليقاً

لن يتم نشر عنوان بريدك الإلكتروني.