img
الرئيسة / منوعات / شموع بعطرك الخاص ملكة الإبداع

شموع بعطرك الخاص ملكة الإبداع

/
/
/
2251 مشاهدات

 

شموع بعطرك الخاص ملكة الإبداع

شموع بعطرك الخاص ملكة الإبداع

شموع بعطرك الخاص ملكة الإبداع

شموع بعطرك الخاص ملكة الإبداع, معكم صديقة زاكي الشيف الموهوبة ,

المقادير

  • شمع خام من عند العطار او شموع بيضاء الخاصة بالانارة. استخدمت باكيتين.
  • عطرك المفضل
  • قلم احمر شفاه باللون المفضل عندك
  • فتيل الشمع

الخطوات

السلام عليكم ورحمة الله وبركاته

مافي احلى ولا اروق من الشموع وريحة الشموع والأحلى كل ما شعلتي الشمعه تفوح ريحة عطرك منها. اليوم رح نصنع شموع ملونة ومعطرة خلينا نشوف الطريقة

أولاً/ تذويب الشمع

بنجيب الشموع البيضا وبنضعهم في اناء على الغاز نار هادية وبنتركهم يذوبوا لا تكسريهم الا نصفين فقط لان الفتيل بتكسر معها . واحنا بدنا ياه.

ثانياً/ تلوين وتعطير الشمع

بنقطع جزء صغير من احمر الشفاه وبنخلطه مع الشمع وهو ساخن لحتى يذوب معه ويلوّنه.

ملاحظة/ لا ينفع اي ملون غذائي من اي نوع لتلوين الشمع جربت وما زبط الا احمر الشفاه او الايشادو او الوان الكرايون الشمع فقط.

—واثناء الشمع ماهو مذاب ضيفي عطرك المفضل وكوني كريمة شوي فيه لحتى تظهر ريحته مع اشعال الشمع.

ثالثاً/ صب الشمع

بنجهز الكاسات او القوالب يلي بدك تصبي فيها الشمع وبتثبتي فتيل الشمع باعواد اسنان زي ماهو واضح بالصور لحتى تتثبت في الوسط.

—بنصب الشمع وبنتركه يبرد تماااماً

—واحده من الشموع صبيتها في صدفه وطلعت رائعة.

رابعاً/

الشموع جاهزة ورائعة منظر حلو وريحة منعشه.

بتمنى تكون عجبتكم الوصفة وتجربوها .

105 تعليقاً

  1. نووووووور زاكي برجعتك يا غالية ربي يديم عليكي الصحة والعافية وتظلك تتحفينا بوصفاتك الي اكتر من روعة حبيبة قلبي أم جاسم

    ما شاء الله تبارك الرحمن حوطتك بإسم الرحمان انو يحفظك ويحميكي وصفتك رووووووووعة وصارت بالمفضلة على طوووول

    • منووور بوجودك ام عمرو ربي يسعدك ويبارك فيكي ويكتبلك الخير وين ما وجهّتي يارب
      والله خجلتيني بطيبة اصلك ودماثة اخلاقك
      مشكووورة على متابعتك وسؤالك عني ربي يجزيكي كل خير.

  2. ما شاء الله عنك يا غاليه فنانه الله يحميكي ويبارك بصحتك والله شتقنه الك لوصفاتك يا مبدعه دمتي بحفظ الرحمان 😘😘⁦♥️⁩🌹

  3. شموووووع شموووووووع
    دايما ام جاسم لابقلها الشمووووووع
    تيررررررا تيررررررررا
    يسعد مساك ياغاليه اشتقتلتك كوميات كوميات
    الي شي اسبوع فايته ع ملفك جدا رائع مشاركتك في المسابقه
    وعنجد عنجد كتير سهله طريقتك وخصوصا ,الشتا ع الابواب الشموع غير شكل رح تكون

    ام جاسم معلش بدي اطلب منك طلب
    بدي تنزلينا طريقة كيف نقلي المقالي من غير ماتكون متشربه زيوت يالله شوبعاني من قلي البتنجان
    والله بتكسبي فينا اجر
    بحبك انا ياغاليه

    • من بعد أذنها للمبدعه أم جاسم في طريقه انا كنت زيك بعاني من قلي البتنجان والطريقه كل الاتي بس تقشري البتنجان غطسيه بطحين وبعدين اقلي وشوفي ودعيلي على هل طريقه واذا عندك فاين المطبخ حطي بصحن البتنجان كمان يتشرب الزيت

    • اهلا هديل زمان عنك نووووورتيني
      الله يسعدك يارب

      بالنسبة للمقالي حكولك الصبايا مشكورات طرق ممتازة .
      وانا برش الباذنجان بملح قبل القلي بربع ساعة وبتركه بمصفى بلاقي ميته طالعه وبعصر كل قطعه قبل القلي ما بتشرب زيت وطبعا بعد القلي على مناديل مطبخ.

  4. يعطيكي الف عافية أكيد كالعادة ما في أبدع ولا أرقى من ام جاسم وافكاها الأكثر من رائعه اكيييييد ع المفضله دون تفكير💗💗

  5. بدي اسالكم الشيفات يلي بتبعثو وصفات
    هل بعطيكم اشعار ب( جاري رفع الوصفه )
    وبعد ما تروح بعطيكم( تم ارسال الوصفه )

    يا ريت تجاوبوني لانه زهقت وانا ابعث وما بعطيني اشعارات فبدي اعرف هالمشكله عند الكل ولا بس عندي

  6. ماشاءالله
    ما أحلاهم شكلهم رائع ويبعث على الهدوء والراحة وفكرة العطر جميلة
    الحمدلله ماقطعتي مشاركاتك وانتي مشغولة الله يعطيكي العافيه .

  7. اكيد ما في أحلى من الشموع والرواق .. ومع العطر ولون من الحمرة الله الله والله بيجنن
    تسلم دياتك المعدلة والله أم جاسم الرقيقة الراقية جدا 💖💖💖💖💖
    اسعدتيني بالأفكار والصور الله يجزيكي كل خير

  8. مسا الخير…اشرقت وانورت وعطرت جونا برائحة الشموع المعطره ……عطر ربي ذكرك بالايمان وطاعة الرحمن وموفقه بمشروعك وتشوفي كل خير ….دمتي بحفظ الرحمن

  9. اناا بجيب خيوط خاصة بالشمع وبملئ الكاسة ماء وبجيب زيت زيتون بحطة ع الوجة وبجي ورق نايلون ملون تبع الكتب المطبوعه الي بحطوة ع الوجه الغلاف الشفاف بقصة دائرة وبثقبة وبحط الخيط فية وبتصير جاهزة شعليها مثل الي بالصورة

اترك تعليقاً

لن يتم نشر عنوان بريدك الإلكتروني.