img
الرئيسة / كيكات / كيكة الديسباسيتو ملكة الحلويات الباردة

كيكة الديسباسيتو ملكة الحلويات الباردة

/
/
/
1736 مشاهدات

 

كيكة الديسباسيتو ملكة الحلويات الباردة

كيكة الديسباسيتو # ملكة الحلويات الباردة

كيكة الديسباسيتو ملكة الحلويات الباردة

كيكة الديسباسيتو ملكة الحلويات الباردة , معكم صديقة زاكي الشيف الموهوبة ,

المقادير

  • ٤ حبات بيض بدرجة حرارة الغرفة
  • كوب سكر او حسب الرغبة
  • ٥ ملاعق كاكاو خام نوعية جيدة
  • كوب حليب او ٤ ملاعق حليب مع كوب ماء
  • نص كوب زيت نباتي
  • باكينج باودر وفانيلا
  • رشة قرفة صغيرة
  • رشة قهوة
  • كوب طحين منخول ممكن تحتاجي اكتر او اقل
  • تشريب الكيك عبارة عن :
  • ربع كوب حليب دافئ
  • ملعقة كاكاو
  • ملعقتين نوتيلا او اي شوكولا سائلة
  • طبقة الكريمة :
  • ٢ باكيت دريم ويب
  • ٤ ملاعق نوتيلا او اي شوكلا سادة
  • ٢ ملعقة كاكاو
  • ربع كوب حليب سائل
  • علبة قشطة اختياري

الخطوات

مسى الخير صبايا ….. انا جديدة باللعبة شجعوني

اول شي بنبلش بالكيكة

بنخفق البيض كتير منيح مع الفانيلا وبنضيف السكر وبنخفق وبعدين الزيت والحليب و بعدين بنضيف الكاكاو الخام وبننخل الطحين وبنقلب بملعقة خشبية وهاد من اسرار نجاح الكيك انه الطحين ما بنخفق بالخفاقة الكهربائية وباخر نخلة للطحين بنضيف الباكينج باودر وبنخلطه بس شوي لانه الكيك ما بينخلط كتير بعد اضافة الباكينج باودر وهاد سر تاني

بنكون محميين الفرن وداهنين البايركس يلي بدنا نقدم في الكيكة بزيت او زبدة راشيين شوية طحين

بنسكب الكيكة وعلى الفرن

بعد استواء الكيكة بنخزقها بعود خشبي تبع الشواء وبنشربها بربع كوب حليب دافئ مع ملعقتين كاكاو وشوكولاتة سائلة

بنخفق الدريم ويب مع شوية حليب ونقطتين فانيلا

سائلة

وهلأ على الغاز بحط ربع كوب حليب وملعقة كاكاة او تنتين انا حسب النظر وملعقتين شوكولاتة او لوحين ازا كانت جامدة على نار هادية ٣ دقائق مش اكتر وممكن اضيف ملعقة زبدة بتخلي الخليط يلمع بعد ما نشيله عن الغاز بنضيف القشطة اختياري طبعا بس لازم تعرفي انه الخليط ما بيكون سائل بيكون متل قوام الطحينية

بنخليه لحتى يبرد وبعدين بضيفه شوي شوي للدريم ويب مع التقليب من تحت لفوق بتكون الكيكة باردة ومتشربة السائل بنضيف خليط الكريمة عليها وبنزينها وعلى التلاجة ساعة

وصحتيييييين وعافية

الشيف لولو

29 تعليقاً

  1. ممممممممممم فعليآ من اطيب الكيكات انا بحبها وبعملها كل شهر مرة عشان ما تدهور الصحة فوق ما هي مدهورة 😂😂😂😂
    يسلم اديكي يا قلب الف صحة وهنا يا رب 💖💖💖💖💖

اترك تعليقاً

لن يتم نشر عنوان بريدك الإلكتروني.