img
الرئيسة / سلطات و مقبلات / طريقتي لخزن طريقتين من الزيتون الأخضر رائع والطعم ولا أزكى

طريقتي لخزن طريقتين من الزيتون الأخضر رائع والطعم ولا أزكى

/
/
/
3032 مشاهدات

 

طريقتي لخزن طريقتين من الزيتون الأخضر رائع والطعم ولا أزكى

طريقتي لخزن طريقتين من الزيتون الأخضر رائع والطعم ولا أزكى

طريقتي لخزن طريقتين من الزيتون الأخضر رائع والطعم ولا أزكى

طريقتي لخزن طريقتين من الزيتون الأخضر رائع والطعم ولا أزكى , معكم صديقة زاكي الشيف الموهوبة ,

المقادير

  • ال٦ كيلو زيتون بنحتاج:
  • نصف كيلو ملح عادي
  • كوب عصير ليمون
  • كاسه شاي (خل عنب أبيض)
  • فلفل أخضر مقطع شرائح حسب الرغبه
  • بيضه (للعيار)
  • ماء

الخطوات

بسم الله نبدأ

بما إنه موسم الزيتون حبيت أفرجيكو طريقتي إلي بعملها من سنين والحمد لله كتير ناجحه والكل بشكر فيه

بالبداية بغسل الزيتون كويس من الغبره وبشيل كل الورق والأعواد إلي فيه بتركه على جنب

الطريقه الأولى:

بقاع المرطبان بحط شرائح فلفل وبعدين زيتون لما أوصل للنص بحط كمان فلفل بكمل باقي المرطبان زيتون وبالأخر بحط طبقه فلفل

الطريقه الثانيه:

نفس الخطوات بس الفرق إنه الزيتون دقيته بالهون جبت الهون وبالدقاقه ضربته ضربه خفيفه بس لتنفتح الحبه من النص وكملت باقي الخطوات

لمحلول الملح:

أنا بعاير بالأول الميه بالمرطبان بإنه بعبي المرطبان ميه وبخليه ناقص إشويه بعمل حساب الخل والليمون

عبيت المرطبانات بميه وخليتهم ناقصين إشويه

صبيت الميه بوعاء كبير وضفت الملح وحركت كويس لما داب حطيت البيضه بالنص لما ظهرت البيضه على قد عمله نقديه وسط هيك عرفت إنها تمام أو بطريقه تانيه بإنك تحطي ملح وتحركي لحتى يبطل يدوب الملح هيك بكون خلص تمام بعدين ضفت الخل والليمون بالاخر لو حطيتهم بالأول مع الملح الملح مش راح يدوب وحركت كويس

صبيت المحلول على الزيتون لعبيت المرطبانات عالأخر سكرتهم كويس وحطيتهم برف بالمطبخ يكون معتم إشويه

المرطبان إلي مش مدقوق بده تقريبا من شهر لشهر ونص وبكون إستوا

أما إلي مش مدقوق بده تقريبا من شهرين ل٣ شهور

وهي طريقتي بتمنا تعجبكو وتدعولي بالخير والعافيه

♡وصحه وعافيه بحبكم أنا ♡

78 تعليقاً

    • يا عمري تسلميلي يارب ربي يعافيكي من كل شر 😍
      جربيها كتير زاكي سبب المرار بأنك بتكوني حاطه شرايح ليمون بقشره أما لو عصير أطيب وألذ لأنو بتدخل النكهه لجوا 😉🌹😙

    • ام نعمان كمان متل ما حكت لين انقعبه وكبي ميته ثلاث ايام بروح المرار
      ام مصطفى انا بحط عصير ليمون بس بحط تقريبا بكل مرتبان حبتين ليمون مقطعين شرحات ما بشعر بالمرار ابدا

  1. افضل طريقه لعمل الزيتون ندق الزيتون وننقعه بلماء ثلاث ايام مع تغيير الماء كل يوم حتى ما يظل مر عند الاكل وبعد نعمل طبقات ليمون وفلفل اخضر حار ونضيف ماء عليه مالح ونسبه الملح الصحيحه لكل كوب ماء ملعقه كبيره ملح

  2. ماشاءالله عليكي ست بيت من المرتبة الاولى
    الله يسلم ايديكي ياعمري 😍
    فكرتك حلوة وجديدة علي رح جربا انشالله😘
    اما انا طريقتي متل ماحكت لين تحت كمان طيبة 😄

  3. يسلمووووا اديكي وعنيكي ام مصطفى يا عسل الله يحميكي وبارك فيكي يا قلبي بدي اجرب طريقتك أن شاء الله منظر الزيتون خرافي 😍⁦♥️⁩

  4. زماااان هالقمر ما باااان 😍يسلملي المعدل وتسلم زيتوناته ربي يسلمهم هالديااااات الي بتقلوا بالدهب ماشاءالله عنك حبيبتي ام مصطفى نورتِ زاكي بوصفاتك 😘🌹💞

  5. رووعه اللهم بارك يسلمو اديكي يا عسل
    اشتقنالك واشتقنا لوصفاتك العسل متلك
    الله يباركلك ويرزقك الذريه الصالحه عاجلا غير آجل يا رب 😘😘😘❤❤

  6. شرح وافي ومناظر بتجنن وبتفتح النفس وروح متل النسمة
    شو بدنا احلى من هيك😍
    ماشاء الله اللهم بارك معدلة وست بيت من الطراز الرفيع ياعمري
    ربي يسلم اناملك ياقلبي ويعطيكي الف عافية عالشغل المتقن 😀😙

اترك تعليقاً

لن يتم نشر عنوان بريدك الإلكتروني.