img
الرئيسة / سلطات و مقبلات / كروكيت بطاطا بالجبنة طعم لذيذ ومقرمش

كروكيت بطاطا بالجبنة طعم لذيذ ومقرمش

/
/
/
2217 مشاهدات

 

كروكيت بطاطا بالجبنة طعم لذيذ ومقرمش

☆كروكيت بطاطا بالجبنة طعم لذيذ ومقرمش☆

كروكيت بطاطا بالجبنة طعم لذيذ ومقرمش

كروكيت بطاطا بالجبنة طعم لذيذ ومقرمش , معكم صديقة زاكي الشيف الموهوبة ,

المقادير

  • اربع حبات بطاطا وسط مسلوقين
  • جبنة للحشو انا استعملت جبنة مجدلة
  • معلقة صغيرة ملح
  • نص معلقة صغيرة فليفلة حمرا ناعمة
  • مكعب ماجي
  • نص معلقة صغيرة فلفل اسود
  • معلقة صغيرة توابل كبسة
  • نص معلقة صغيرة كزبرة يابسة
  • نص معلقة صغيرة حبة بركة

الخطوات

يسعد كل اوقاتكن حبيباتي حبيت اقدملكن هالوصفة الراااااائعة بتزين سفرتك للعزومات وتقدم طبق مقبلات بتمنى تجربووو وتستمتعو بالطعم يلا نبلشششش

♡بسم الله الرحمن الرحيم♡

سلقت البطاطا بعد ماقشرتا

جبت المبرشة وبشرتا لحتى تكون ناعمة اذا بدكن فيكن تحطوا بالمكسر وتطحنوا حطيت عليها التوابل وحركتا لصارت عجينة دخلتا الفريزة ربع ساعة ترتاااح

غسلت الجبنة وصفيتا من المي كتيررر منيح (انتو بتحسنة تستخدمو اي نوع جبنة موجود عندكن موزريلا او اي نوع مهي يشط ويمط ههههه)

بعد ماارتاحت العجينة طالعتا وشكلتا قرص عأيدي بعد مادهنت ايدي زيت وحشيتا جبنة وعملتا شكل اصابع بللتا بالطحين اذا بتحبو بللوا بالبيض بعدين طحين بس انا حبيت الغي فكرة البيض من هي الوصفة

بعد ماشكلتن كلن قليتن بزيت حامي بس مو كتير لحتى ماتحترق يادوب اخدو خمس دقايق لياخدو لون حلو طالعتن ع محارم مطبخ وقدمتن بهالشكل

ان شالله تجربوا وتنال اعجابكن

ولاتنسوني من دعوة حلوة من قلبكن

♡والف عوااااااافي♡

107 تعليقاً

  1. صحتين وعافية على قلبك حبيبتي
    بدي اسأل فنانات الطبيخ الي ب زاكي شو النكهة الي بتنضاف للمعمول منشان يطلع طعمو زي طعم معمول زلاطيمو لانو بيكون فيه طعمة زكيه مو عارف شو يا ريت الي عندها خبر بالموضوع تفيدني واكون شاكره الها

  2. ⏰التذكير بالدعاء اليوم الأربعاء⏰

    ألحوا في دعائكم ..
    فما كان بعيداً يدنيه الدعاء
    وما كان عسيرا ييسره رب السماء.

    ✍🏻(إياك إياك أن تستطيل زمن البلاء
    وتضجر من كثرة الدعاء

    📌فإنك مبتلى بالبلاء متعبد بالصبر
    والدعاء
    ولا تيئس من روح الله وإن طال البلاء) .

    قيل لأعرابي : أتحسن الدعاء لربّك؟
    قال : نعم..
    قيل : فادع ..
    قال: اللهم إنك أعطيتنا الإسلام من غير أن نسألك فلا تحرمنا الجنة ونحن نسألك.

  3. بشهي يا هبة .. سبحان الله أي شي فيو بطاطا وجبنة بطلع زاكي ولا انا غلطانة ههههه
    تسلم دياتك المعدلة 💖💖💖💖💖💖💖💖💖💖💖💖💖💖💖

اترك تعليقاً

لن يتم نشر عنوان بريدك الإلكتروني.