img
الرئيسة / منوعات / العجوه البيتي بطريقه سهله ومضمونه

العجوه البيتي بطريقه سهله ومضمونه

/
/
/
1495 مشاهدات

 

العجوه البيتي بطريقه سهله ومضمونه

العجوه البيتي بطريقه سهله ومضمونه

العجوه البيتي بطريقه سهله ومضمونه

العجوه البيتي بطريقه سهله ومضمونه , معكم صديقة زاكي الشيف الموهوبة ,

المقادير

  • بلح مرطب
  • وعاء فيه ماء

الخطوات

بما إنه موسم البلح حبيت أفرجيكو طريقتي بعمل العجوه كتير سهله الطريقه بس

الصراحه ما كنت حابه أنزلها إلا بعد ما أطحنها لأنها بتتخزن بدون طحن بس حبيت أعطيكو الفكره قبل ما يخلص البلح يمكن حدا حب يجربها إن شاء الله بس أطحنها راح أنزلها مع وصفتي للكعك بس مو هالوقت بدي أعمله بالشتااااا لما تشتي بنكون قاعدين لا شغله و لا عمله لهيك بدي أتشغل بالكعكات أخ و الله إشتهيت ههههه

بسم الله نبدأ

برطب إيدي بشويه ميه علشان القشره تطلع على طول و بصير أبل إيدي و أشيل القشره و بفتح الحبه من النص و بشيل النواه و بصف على الصواني

لما خلصت الكميه حطيت الصواني بالشمس لما تحسي إنه جفو عالأخر بالضبط يومين و بالتالت رفعتهم

بعد ما نشفو عملتهم على شكل قرص و حطيتهم بالفريرز

ممكن تحتفظي فيها بره بس أنا بخاف يصير إلها شئ لهيك الأحسن بالفريزر و بتم سنه زي ما هيا ما بصير شئ عليها إن شاء الله

و هي طريقتي بتمنا تعجبكو و تدعولي بالخير و العافيه

♡و صحه و عافيه بحبكم أنا ♡

59 تعليقاً

  1. ماشاءالله بتجنننن روعه اللهم باركك وصورة لأخيرة انا وياكي عنصص الك علبه نوتيلا والي علبه ههههههه ربي يكرمك بذريه صالحه يارب العالمين

    • يا عمري تسلميلي يارب والله وأنا حماتي السنه هادي وهيا بتعمل كعك بحكيلها شو هادا لهيا بتقولي روح الكعك بحكيها شو زي الفانيلا بشم برحيتها لقيتها واو بجد😍
      لانا حكيت نعيش ونشوف ههههههه هيهم بيخترعو 🌹😙

    • عنجد نعيش ونشوف ونجرب 😄
      طيب احكيلي صايه بس اعمل كعك التمر بيبس معي مش عارفة ليش اسأليلي حماتك ام روح الكعك شكلها شاطرة .
      جربت عجنته مره بسمنه يبس
      ومره بزبدة كمان يبس ومره زيت كمان يبس
      حكيت اخر مره ما رح احط شي برضو يبس
      بتلاقي الكعك طري وما احلا والتمر زي الحجار.
      مابعرف التمر لاوم ينعجن كتير ولا شوي .

    • شايفه😄 والله ما بعرف بس إحنا بنلمه بالحليب السايل
      ومرت عمو بتبسه بالسمنه والزيت بس
      الزبده فيها نسبه ميه لهيك يمكن بيبس العجينه
      أنا بالنسبه للعجوه بنعجنها بالزيت وشويه جوز هند وقرفه وبس وبتكون طريه بالتشكيل
      وبالخبز لازم الحراره تكون متوسطة وووأخ إشتهيت والله😍😙

    • والله بيكون التمر طري ما احلاه قبل لأشتغل فيه بس بعد الخبز بخمس دقايق الله لايورجيكي 😣
      لو بخبط الحبة براس ولد لينزل دمه 😈

    • منى حبيبتي لازم اتضلي تعجني فيها وحطيلا سمنة لازم تكون العجوة رخوة مو جامدة لانو بس تدخل عالفرن بتمسك بيجوز مشان هيك بتمسك معك

      حبيت قصة اذا ضربتيا براس ولد بيطلع دم ههههه

    • والله يا عمري ما بعرف شو السبب
      إحنا بنحط زيت وبتطلع تمام 💚
      بس إنتي غيري النوع يمكن مش مضبوط
      إحنا ما بتشتري كل سنه بموسم البلح بنعمل وع العيد بنطحنها وبنعمل منها كتير طعمها بفرق الصراحه 😋

      روح الكعك هي بورده بيضا زي الفانيلا ريحتها زي دقه الكعك بس مركزه الريحه أكتر😍

  2. الله يسلم هالايدين معدله با ام مصطفى ربنا يباركلكم في ارضكم وبيوتكم وصحتكم وكل شي بتعملوه يا شعب الجبارين ربنا يجبركم ويبعد عنكم كل مكروه ويرزقكم من حيث لا تحتسبوا انتم وجميع حبايبنا بالوطن العربي

  3. يسلمو اديك
    ما شاء الله عنك
    بس بدي اسألك كيف بقدر اخلي البلح الصلب رطب أو تمر
    زوجي قبل فترة جابلي بلح لساتو مش مستوي
    وأنا بحثت عالنت وشفت طريقة وضع البلح بالفريزر لمدة أسبوع
    وزبطت معي
    بس أنا حابه طريقة تحافظ على البلح أطول مدة ممكنة

    • وديادك يا عمري 😍
      صح طريقه الفريزر مجربه وبقعد فتره طويله
      أنا بخليه بره الثلاجه ولما يرطب بعمله عجوه أول بخليه للاكل بس بره ما بيقعد فتره طويله الصراحه بس بالفريزر بيقعد🌹

  4. يختييييي المعدل انا لك شو هاد هههههههه
    اللهم بارك اللهم بارك
    صدقاً ماتوقعت شوف هيك وصفة
    والله برافو عليكي الله يجزيكي كل خير عالإفادة ياقلبي😀
    والحق معك تشتهي الكعك انا من شوفة الصواني عالصور نغمش قلبي بقى شلون انتي😂

اترك تعليقاً

لن يتم نشر عنوان بريدك الإلكتروني.