img
الرئيسة / منوعات / تونر تقوية بصيلات الشعر وتكثيفه سلسلة وصفات الجمال 9

تونر تقوية بصيلات الشعر وتكثيفه سلسلة وصفات الجمال 9

/
/
/
1707 مشاهدات

 

تونر تقوية بصيلات الشعر وتكثيفه سلسلة وصفات الجمال 9

تونر تقوية بصيلات الشعر وتكثيفه سلسلة وصفات الجمال 9

تونر تقوية بصيلات الشعر وتكثيفه سلسلة وصفات الجمال 9

تونر تقوية بصيلات الشعر وتكثيفه سلسلة وصفات الجمال 9, معكم صديقة زاكي الشيف الموهوبة ,

المقادير

  • ليتر ماء
  • راس بصل مقطع
  • 3 اسنان ثوم مقسومة نصفين مع القليل من القشر
  • 3 ملاعق اوراق السدر
  • ملعقة كبيرة قرنفل
  • ملعقة كبيرة اكليل الجبل
  • القليل من عيدان القرفة
  • 3 ملاعق من ماء الورد
  • 3 نقاط من زيت شجرة الشاي
  • نقطتين من زيت القرفة

الخطوات

السلام عليكم ورحمة الله وبركاته

خلصت مسابقة الابداع بس سلسلتنا ماخلصت وان شاء الله رح استمر بتنزيل وصفات بتجاربي الشخصية ودائماً الوصفات الطبيعة مابتعطي نتيجة سريعة يعني لاتمللي ولاتزهقي لأنه في وصفات بدها فترة حتى تعطيكي نتيجة ولازمها مداومة وفي وصفات ممكن من اول استخدام تحس بفرق ونتيجة حلوة وهذا التونر لازم تستخدميه بشكل يومي الك ولبناتك خصوصا للي بعانو من تساقط الشعر بس لازم نتأكد من انه ماعنا نقص حديد او نقص بڤيتامين د لأنه نقصهم بيعمل على تساقط الشعر بكثرة

بعتذر عالإطاله خلينا نشوف الطريقة

بسم الله نبدأ….

نضع البصل والثوم واوراق السدر واكليل الجبل وعيدان القرفة في طنجرة ونضيف الماء ونغطي الطنجرة ونضعها عالغاز لحد ماتغلي نوطي النار ونتركها تغلي لمدة ثلث ساعة.

بعد مامر ثلث ساعة على غليان التونر بنضيف 3 ملاعق ماء ورد وهون وظيفته حتى يساعد بتخفيف رائحة البصل بنتركه يغلي عشر دقايق ونطفي تحته.

بعد ماطفينا النار وبنترك الخليط مغطى لثاني يوم حتى نستخلص كل الفوائد من المكونات.

ثاني يوم بنصفي الخليط ونضيف زيت الشاي وزيت القرفة

وهون الزيوت عدا عن فوائدها بتقضي تماماً على رائحة البصل والثوم وبتعطي رائحة حلوة للتونر بالاضافة لماء الورد بنضع التونر بعلبة بخاخ ونحفظها بالثلاجة وتستخدم يومياً ترش على الشعر كامل وعلى الجذور ومكان فراغات الشعر ولاتغسلي شعرك بعد وضع التونر واذا ماعندك علبة بخاخ حاولي بللي شعري بالتونر وبقطنه اعملي كمادات ع مكان الفراغات .

للأخوات اللي مابصبغو شعرهم ممكن تضيفي ملعقتين حنا بعد ماتطفي النار على الخليط مباشرة بتضيفي الحنا والحنا غنية عن التعريف وفوائدها رائعة جداً لتقوية الشعر ومع الوقت بتعطي لون خمري للشعر .

بتمنى هالوصفة تنال اعجابكم مع تحياتي أم جيلان

61 تعليقاً

  1. ربي يجزيكي كل خير يارب 😍
    وأكيد ما راح نمل من هالسلسله إلي أكثر من رااااائعه ربي يبارك بصحتك وعافيتك ويرزقك من واسع فضله بجد روووووووعه💖😙🌹

  2. ماشاء الله عليك سلسلتك اكثر من روووعة تسلم ايدك والله يعطيك الصحة والعافية ي رب❤😘

    ي حبيبتي اذا عندك خلطة للنمش وصفاء الوجه ي ريت تفيديني وبكون ممنونتك😘😘

    • ربي يعافي قلبك خيتي وتكرمي رح انزل كريم طبيعي وان شاء الله هو حلو عالبشرة كثير ونتائجه مرضية

      وبالنسبة للنمش والتصبغات لسا في كريم بدي اعمله وأجربه بإذن الله واذا اعطاني نتيجة بنزله بعون الله

  3. مرحبا.اختي ام جيلان بدي اسالك عن صابون شوفان تشرحيلي كيف طريقه بتفصيل لانه حابه اعمله وخايف ما تزبط معي ارجوكي ردي علي لانه انا شغال ع مشروع .يعني كيف بكون القوام ومتى احط شوفان.وكيف بضمن نجاحها

    • حبيبتي ام عبود انتي شفتي وصفتي صابون الشوفان ؟؟
      اذا ماشفتيها ادخلي على ملفي بتلاقيها بالتفصيل وبالصور
      واذا مو فاهمة اي خطوة اسأليني ورح اوضحلك بإذن الله

      القوام رااااائع جداً لأنه السوائل كميتها مناسبة وخلال 24 ساعة بتكون الصابونة ممتاز للإستعمال بس احنا بنتركها كمان يوم ثاني تنشف قبل التغليف

    • شكرا الك ع رد بس انا شفتها ملفك وانا هسع شغاله ع صابون بزيت الزيتون وماء الورد حاولي اعملي بلبابونج لانه مجهز المواد وخايفه صراحه اعمل لانه اول مره بعمل بصابونه جليسرين

    • اهلا وسهلا فيكي اختي ام عبود وانا كمان من اربد لواء الرمثا

      تكرمي المواد عندي بس مشغولة هاليومين بالامتحانات لإبني ان شاء الله بعملها وبنزلها بأقرب وقت

      الشوفان سهل جدا عمل الصابونة واذا التزمتي بالمكونات الموجودة بالوصفة بإذن الله رح تزبط معك ولاتخافي ابدا المقادير مزبوطة مية بالمية والصابونة رااااائعة جدا بتبيض وبتنشف الحبوب وهالحكي عن تجربة ناس كثير ولله الحمد من قبل ومن بعد

    • وايديكي يارب
      اختي هاي الوصفة اذا ضفتيلها الحنا بتخفف من الشيب لكن بدها مداومة وان شاالله عندي وصفة لكن بدها تجربة عشان احكم اذا بتفيد او لأ واذا زبطت معي بإذن الله بنزلها

    • اختي اشكر مرورك على الوصفة
      استخدامات زيت الخروع للشعر للكثافة والطول بتفدري تخلطيه مع زيوت او تخففيه بزيت زيتون حسب ماتحبي
      ويستخدم لتطويل الرموش وتكثيف الحواجب وترطيب الشفاه

  4. يسلموا وصفه حلوه بس سؤال للاخوات اللي بحطوا الوصفات ليش ما بتابعوا الردود علشان اذا وحده عندها سؤال تجاوبوها هيك بتخلوا الكل يزعل منكوا

    • ازا بتحبي انا بعمل خلطة زيوت لبنتي شعرها كيرلي وبنفش رهيبه الخلطه بنصحك فيها زيتجنين قمح زيت لوز حلو زيت سمسم زيت حبة البركه زيت جوز الهند كلهم علبه ام الدينار حطيهم مع بعض وضيفي عليه فنجان قهوه زيت زيتون كل يومين والتالت حطيلها وخلي ساعتين تلات قد ما يطَل بكون احسن وحمميها وشوفي النتيجه وادعيلي

  5. لولا العنوان كان فكرت رح نسلق جاج ونعمل كبسة😁😄
    ربي يجزيك عنا خير الجزاء يا أختي ويا صديقتي الغالية وما يحرمنا هالوصفات الغنية بالفائدة والنفع للجميع..
    وحابة أتشكرك شكر خاص على وصفة جل الكتان للبشرة والشعر .. اللهم بارك اللهم بارك لاحظت الفرق لبنتي من أول استخدام وتغير شكل وملمس شعرها فورا .. سبحان الله العظيم
    بارك الله فيك ونفع بك وكتب أجرك🌹💚

    • 😂😂😂😂 كبسة للشعر

      ولكِ بمثل ياصديقتي…الحمد لله انك استفدتي من الجل اللهم بارك وان شاالله مع كثرة الاستخدام بيعطيكي نتيجة افضل
      جزيتي خيراً ريحانة زاكي على كلامك الجميل وربي يكتبلنا الاجر جميعا

  6. السلام عليكم ورحمة الله
    شكرا لجميع اخواتي وصديقاتي على كلامكم وتشجيعكم
    جزاكن الله خير الجزاء ياغاليات

    ملاحظة نسيت اذكرها في بعض الاحيان ممكن هاي الخلطة تحسي انها اعطتك ملمس خشن بعض الشيء
    اللي بتحس انه شعرها صار في نوع من الخشونة تستخدم حمام زيت بعد غسل الشعر او تعتمد وتدوام على جل بذور الكتان

اترك تعليقاً

لن يتم نشر عنوان بريدك الإلكتروني.