img
الرئيسة / منوعات / صابونة الخيار بأسهل طريقة ومكونات بسيطة سلسلة وصفات الجمال رقم 11

صابونة الخيار بأسهل طريقة ومكونات بسيطة سلسلة وصفات الجمال رقم 11

/
/
/
3045 مشاهدات
 

صابونة الخيار بأسهل طريقة ومكونات بسيطة سلسلة وصفات الجمال رقم 11

صابونة الخيار بأسهل طريقة ومكونات بسيطة سلسلة وصفات الجمال رقم 11

صابونة الخيار بأسهل طريقة ومكونات بسيطة سلسلة وصفات الجمال رقم 11

صابونة الخيار بأسهل طريقة ومكونات بسيطة سلسلة وصفات الجمال رقم 11, معكم صديقة زاكي الشيف الموهوبة ,

المقادير

  • صابونة نابلسية
  • نص كوب ماء ورد
  • حبتين خيار حجم وسط مبشورين
  • ملعقة نشا
  • مقادير انا ضفتها للفائدة :
  • ملعقة كبيرة عسل
  • ملعقة زيت جليسرين
  • ملعقة زيت الخزامى
  • كبسولة ڤيتامين e
  • ملعقة زيت لوز حلو

الخطوات

السلام عليكم ورحمة الله وبركاته

طريقة صابون بمكونات بسيطة وبدون تكلفة وبتقدر اي ست بيت تعملها رح اكتب طريقة بدون اضافات وطريقة مع الاضافات وخلينا نشوف الطريقة

بسم الله نبدأ…..

أولا :

نبشر الصابونة النابلسية(صابونة مفتاحين) وهي موجودة عند العطار ورخيصه بنفس الوقت ونضعها بطنجرة على حمام مائي ونضيف ربع كوب ماء ورد(ضروري الحمام المائي لهاي الصابونة لأنها بتنحرق عالنار مباشرة)

ثانياً:

نضع الخيار المبشور مع ربع كوب ماء ورد بالخلاط ونخلط حتى ينعم الخليط تماماً وبعدها نضيف ملعقة النشا ونرجع نخلط

ثالثاً:

بعد ماتذوب الصابونه نضيف خليط الخيار الناعم ونخلط جيدا وبعدها نفرغ الخليط بقوالب سيلكون ويفضل تضعي ورق زبدة اللي بنستخدمه بالكب كيك

رابعاً:

نترك الصابون بالقوالب مدة 3 ايام وبعدها نخرجه واذا كان طري من تحت نضعه بصينية ونتركه كمان يومين او حتى ينشف تماماً ونغلفه بنايلون تغليف الطعام.

الطريقة مع الاضافات رح اكتبها بشكل مختصر

نضع الصابون وربع كوب ماء الورد بطنجرة بحمام مائي

نخلط الخيار وربع كوب ماء الورد وملعقة النشا والعسل ونضيفه فوق الصابون ونخلط جيدا

نخلط الزيوت ونفرغ محتوى كبسولة الڤيتامين مع الزيوت ونضيفها للصابون ونخلط،جيدا وبعدها نفرغه بقوالب السيلكون .

ممكن استبدال الخيار بأي مكون

مثل البقدونس او البابونج او الكركم او الشوفان

البقدونس اتبعي نفس الخطوات بالضبط وضعي البقدونس بدل الخيار

البابونج استخدمي نصف كوب منقوع بابونج بدل ماء الورد واتبعي نفس الخطوات واستبدلي نصف كوب بابونج ناشف مطحون بدل الخيار واضيفي ملعقة زيت البابونج

الكركم اتبعي نفس الخطوات واضيفي ملعقة كبيرة كركم بدل الخيار

الشوفان اتبعي نفس الخطوات واستبدلي ملعقة من مطحون الشوفان وملعقة من مطحون الارز بدل الخيار

وبعد خلط المكونات للصابون اضيفي 3 او 4 ملاعق شوفان غير مطحون واخلطي جيداً وافرغيه بالقوالب.

بتمنى هالوصفة تعجبكم وان شاء الله انه الكل يستفيد الهدف من هاي الصابونه لأنه مو الكل تتوفر عنده مكونات الصابون اللي نزلت طرقه من قبل وعدا عن ذلك الكمية هاي بسيطة يعني بتعمل مابين 4 او 5 صابونات حسب القالب اللي عندك واللي ماعندها قوالب حطي ورق الزبدة الخاص بالكب كيك بزبدية صغيرة من اللي بنستخدمهم للكاتشب والمايونيز وان شاالله رح تفي بالغرض والاهم ماتتكلفو اكثر…. تحياتي لكم أم جيلان

24 تعليقاً

    • اختي الغالية حروق الشمس بدها متابعة بشكل يومي
      نزلت قبل اسبوع كريم الارز بتقدري تعمليه وعند كل استخدام ضيفي شوي كركم وعصير ليمون اذا بشرتها مش حساسه مع المداومة رح يسحب حروق الشمس

      وبتقدر تستخدم ماسك الشوفان وعصير البندورة

      او ماسك الارز المطحون وماء الورد

      او اللبن الزبادي والنشا مع قليل من عصير الليمون

      وبكل الماسكات اذا بشرتها جافة ضيفي عسل او زيت اللوز او زيت جوز الهند

      ولازم استمرارية ولاتنسي كل اسبوع عالاقل تعمل تبخيرة اعشاب لبشرتها وبعد التبخيرة ماسك وتغسل الماسك بماء عادي وبعدها لازم تغلقي المسام بماء بارد من الثلاجة او مكعبات ثلج ماء ورد او ماء عادي ضروري

    • حبيبتي ايام المدرسه كنت متلها …بس اروح كنت اقشر حبه بطاطا واعملها شرحات واوزعها ع وجهي وكانت تسحب كل الحروق وتشيل الاحمرار يلي من الشمس يلي بيقلب ع لون بني او كلف …جربيها ممتازة كمان

      وصفات ام جيلان الرائعه يلي حكت عنهم تحفه .. اللبن كتييير كويس بيسحب حم الحروق بس انا كنت اتحسس خصوصي مع حب الشباب

  1. السلام عليكم ورحمة الله

    جزاكم الله خير اخواتي وصديقاتي الغاليات ربي مايحرمني منكم ياأصيلات على كلامكم الجميل وربنا يسعدكم بالدنيا وبالآخرة على قد مابتسعدوني بتعليقاتكم
    اعذروني خواتي بتأخر بالردود عالتعليقات المشاغل مابتخلص ربنا يعطينا العافية جميعا ويكتبلنا الأجر المضاعف وكل من قال آميييين

    🌹🌹🌹🌹🌹🌹🌹🌹🌹
    ❤❤❤❤❤❤❤❤❤

  2. فوائد صابونه الخيار

    المحافظة على رطوبة البشرة، وزيادة نسبة الماء فيها. تعزيز إنتاج الخلايا وتجديدها، والتخلص من الخلايا الميتة وتقشيرها. تنعيم البشرة، وزيادة نضارتها. تنظيفها وتصفيتها من الشوائب والأوساخ، ويُفضل ترك الرغوة عليها مدّة خمس دقائق مع تدليكها بحركاتٍ دائرية. الحد من تقليل الإفرازات الدهنية التي تفرزها الغدد الدهنية. تفتيح البشرة وتبيضها.

اترك تعليقاً

لن يتم نشر عنوان بريدك الإلكتروني.