img
الرئيسة / معجنات / طريقة المطبق الاردني او الفطير المشلتت المصري او المسمن المغربي او الجزائري

طريقة المطبق الاردني او الفطير المشلتت المصري او المسمن المغربي او الجزائري

/
/
/
2546 مشاهدات

 

طريقة المطبق الاردني او الفطير المشلتت المصري او المسمن المغربي او الجزائري

طريقة المطبق الاردني او الفطير المشلتت المصري او المسمن المغربي او الجزائري هو كلو نفس الطريقة والمبدء بس عنجد كتييييير زاكي وانا من رأيي الشخصي اكثر اسم بلبقلها هو المسمن لانو عنجد بسمن وبدو رياضة وحمية اسبوع كامل عشان تنزلي الي سمنتي 😂😂😂😂 بس والله زاكي وما بتقاوم ههههههههه

طريقة المطبق الاردني او الفطير المشلتت المصري او المسمن المغربي او الجزائري

طريقة المطبق الاردني او الفطير المشلتت المصري او المسمن المغربي او الجزائري , معكم صديقة زاكي الشيف الموهوبة , هو كلو نفس الطريقة والمبدء بس عنجد كتييييير زاكي وانا من رأيي الشخصي اكثر اسم بلبقلها هو المسمن لانو عنجد بسمن وبدو رياضة وحمية اسبوع كامل عشان تنزلي الي سمنتي بس والله زاكي وما بتقاوم ههههههههه

المقادير

  • خمس كاسات طحين
  • معلقة كبيرة سكر
  • معلقة صغيرة ملح
  • ماء عادي بدرجة حرارة المطبخ
  • كاسة ونص سمنة سايحة للفرد

الخطوات

السلام عليكم ورحمة الله وبركاتة كيييييفكم يا حلوات اليوم جاية وجايبة معي هالمسمنات الي بسمنو هالكروشات ههههههههههه ومع مسمن ام حسن انسي الروجيم والدايت والدلع الزايد ههههههههههههههههه دللو نفسكم وانبسطو بحالكم وخليكم واثقات بكروشاتكم وثقات بنفسكم ولا تخلو حدآ يزعلكم عشان شوية كروشة المهم نرجع لموضوعنا المسممممممممن او المطبق او الفطير المشلتت ويلااااااا بينا

اول شي بنخل الطحين لحتى اضمن انو نضيف من الشوائب والتكتلات وبعدين بحطلو الملح والسكر وبعجن بالمي العادية لا تكون دافية ولا باردة وبعجن كتييييير منيح حتى تتشكل عندك عجينة طرية ومتماسكة وفيها مطة متل ما موضح بالصور وبعدين بدهن جاط بشوية زيت وبحطها بلالجاط وبتركها ترتاح من نص ساعة لساعة وبعدين بدهن صينية كبيرة وبقطع العجين كرات صغيرة وبتركها ترتاح مغطية بكيس نايلون كمان ربع ساعة وبعدين بجيب سدر ستيل ستيل وبدهنو شوية زيت وهسة بجيب السمنة السايحة وبحط فيها قطع العجين الي بدي افردها وبحط كل قطعة بالسدر وببلش افرد بإيدي طبعآ العجين روووووعة وبتفرد لحالها بس امسحي عليها ومدي ولحالها بتفرد وبس تفرد كاملة بمسكها بهدوء وبنقلها على صينية الفرن المدهونة بالزيت وبكمل باقي الكرات وكل فطيرة بدها ١١ كورة بنفرد بنفس الطريقة وبنحطهم فوق بعض لحتى اخلص كل الطبقات بعدين بمسكها وبردردها من الجوانب لحتى تتشكل عنا كرة وبتركها ترتاح وبس اخلص باقي الكمية ببلش ارجع على اول وحدة وبفردها بالصينية وبدخلها الفرن الحامي وبحمرها وبعدين بس تجهز بطلعها وبرشها بالقطر وبرش على وجهها جوز الهند وبس وهين بنبلش نسمن قصدي ناكل بس طبعآ استنوها تبرد ما تستعجلو هههههههههههههههه

ملاحظة :

اذا بتحبي تحشيها كمان بتحشيها بعد الطبقة السادسة بالحشوة الي بدك ياها ممكن قشطة الكنافة او فستق حلبي او مكسرات متل ما بدك نوووعي على راحتك

114 تعليقاً

  1. وعليكم السلام والرحمه
    ي هلابك نورتينااااا

    شكلهااا كثير بيشهي ماشاءالله عنك😍

    هذه الاكله خاطري فيها من زمان بس سبحان الله للحين ماذقتها حبيتها من شكلها..
    بس مع طريقتك اكيد الطعم كله لذاذه
    ماننحرم منك ي عسل❤

    • حبيبتي ام علي واديكي يا قلب تسلميلي 😙😙😙😍😍😍💖💖
      وبنوتي الحمد لله بفضل الله ومن ثم دعائكم احسن ولله الحمد مشكورة حبي ع السؤال 😙😙😙😙😙😙😙

  2. أخ يا قلبي تشلتت والله من هالمنظر 😍
    ما شاء الله عليكي يا عمري والله مبين كتيررر زاكي ربي يسلم ديادك ويبارك بعمرك وصحتك ويحفظلك اولادك يااااارب😙🌹

    • 😂😂😂😂😂😂😂
      جبتيها من الأخر فعلآ ما النا غيرهم دللو كروشاتكم يا دبدوباتي الغاليات 🤣🤣🤣🤣🤣🤣🤣
      حبي تحرير كيفك يا عسل شو اخبارك طمنيني عنك اشتقتلك يا حب 😍😍😍😙😙😙😙💖💖💖💖

    • الغالية ام علاء اشتقتللللللللللللك قد الدنيا كلها
      والله العظيم مشتااااقة لدعواتك الحلوة ولحنانك ومحبتك الصادقة
      طمنيني عنك ياغالية كيف صحتك وكيف الوالدة ان شاء الله بخير
      انا واولادي بنبوس راسك ياغالية

    • حبيبة قلبي ام حسن سامحيني احتراما لام علاء علقتلها بالاول
      حبيبتي. انا بخير الحمد لله ودائما ببالي ذكريات جمعتنا سوا ايام رشا
      انت الك بقلبي حب و احترام كتير كبير بسبب موقف صار بيوم من الايام ابدا مابنساه
      انت انسانة قمة بالاحترام والأخلاق الرائعة
      💗💗💗💗💗

    • يا عمري ام علاء الها كل الاحترام والتقدير واكيد ما رح ازعل يا حب وانتي كمان الك كل الحب والله مشتاقة لهذيك الايام والله ربي يجمعنا بالدنيا والاخرة يا رب 😍😍😍

    • حبيبتي تسلميلي 😍😍😍😍😙😙😙💖💖💖
      يسلم دياتها ستك وزاكية كمان بحشوة الموالح والله زاكي بكل اشكالها 😋😋😋😋😉😉😉

  3. ما شاء الله تبارك الرحمن الصوره لحال حكايه بتجنن هلوصفه ومتشوقه اساويها الف صحه وهنا لكل الي تذوقوها🤩😘

    • حبيبت قلبي تسلميلي يا عسل جربيها والله روعة روعة رح تضلي تعمليها على طول وتدعي علي مع الكروشة 😂😂😂😂😂
      😙😙😙😙😍😍😍😍💖💖💖💖

    • 😂😂😂😂😂😂
      عنجد بشههههههي جربي ودعيلي عند الطبقات بس تخلصيهم كلهم بتفوتي الأطراف لجوا وتعملي كرة واتركي يرتاح وبعدين بتفردي بالصينية وبتشوي وصلتك الفكرة كيف 😉😉

      حبي تسومي تسلميلي اشتقتلك واشتقت للصبايا كيفك شو عاملة 😍😍😍😍

    • حقكم علي بس والله تعبانة مش بإيدي بعين الله
      والله ما نتبهت على وصفة ام مصطفى اسف والله وبالنسبة للمطبق بعمل اربعة محرزات هههههههههه

  4. حسبي الله ونعم الوكيل بعدوينك😭
    انا شو ضربني هلأ خلاني شوف الوصفات مابعرف
    ريتن يسمنو هالايدين يختي اي 😁
    الله يعطيكي العافية وكم كيلو متل ماعذبتيني بهالمنظر ههههه
    عنجد شكلها بشهي اللهم بارك وابدعتي ام حسونة😘😍

    • 😂😂😂😂😂😂😂😂😂
      الله يسامحك بس اكتر من هيك اسمن هههههههه يسعد عمرك وروحك يا حب جربيها ودعيلي اشي ناهي عنجد 😋😋😋😉😉😉💖💖💖💖💖😙😙😙😙😍😍😍

    • ياااااا بعد عمري والله من بعدك انا يا حب تسلميلي يا عسل والله انك كلك زووووق ورقة ربي لا يحرمني منك يا عسل 😍😍😍😙😙😙😙😙💖💖💖💖💖💖

اترك تعليقاً

لن يتم نشر عنوان بريدك الإلكتروني.