الرئيسة / وصفات للريجيم / وصفه رائعه للتنحيف

وصفه رائعه للتنحيف

/
/
/
2923 مشاهدات

 

وصفه رائعه للتنحيف

وصفه رائعه للتنحيف 🤗

وصفه رائعه للتنحيف

وصفه رائعه للتنحيف , معكم صديقة زاكي الشيف الموهوبة ,

المقادير

  • معلقة زنجبيل مطحون
  • ملعقة قرفة مطحونة
  • معلقة كمون مطحون
  • كاسة عصير ليمون …بدون ما تكسريها بمي

الخطوات

طبعااااا الوصفه هاي شخصيااا بنفس الاسبوع اعطتني مفعول ولاحظت الفرق صدقااا صبايا ….جربو وادعولي …..اللي بدها لزيادة الوزن وصفه …بالتعليقات تحت تكتبلي او اي استفسار جاهزة حبيباتي ….

_نبلش طبعا بتحطي بكاسه معلقة كمون ومعلقة قرفة ومعلقة زنجبيل وبتحطي عليهم كاسة عصير كاملة

_ملاحظات :

-ثلاث مرات يومي

-ممنوع للحامل او المرضع

-بتمنى اكون افدتكم حبيباتي

65 تعليقاً

  1. يسسلمو ايديك ي حلوه

    بأذن الله نجربها وبتفيدناااا

    واذا ع الصوره فعلًا مثل ماحكيوا الصبايا
    لاجل ماتتحملي اثمهااا والله لايحرمك الاجر والمثوبه

    لاتحرمينا من ابداعااااتك❤

  2. شكرا عالوصفة وبالنسبة للصورة ما في مشكلة كلنا صبايا عالغروب ، بعدين هيك بتشجعكون لتصيروا متل الصبية اللي بالصورة👰👰👰💝

  3. الحمد لله والصلاة والسلام على رسول الله وعلى آله وصحبه، أما بعـد:

    فاعلم أن نشر صور النساء المتبرجات لا يجوز، ولا ريب أن ظهور المرأة كاشفة عن عورتها التي أمر الله بسترها محرم شرعا. قال تعالى: وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ {النور:31}  فكشف المرأة لشعرها وصدرها ونحو ذلك محرم تحريما شديدا، ومع هذا فهو أقل بشاعة من كشف عورتها المغلظة (الإباحية)، وعلى كل، فإنه يحرم نشر صور لنساء متبرجات لما في ذلك من الإعانة على الإثم والمنكر. قال تعالى: وَلَا تَعَاوَنُوا عَلَى الْإِثْمِ وَالْعُدْوَانِ {المائدة: 2}

    والله أعلم.

  4. يسلمو على الوصفة
    بدي منك وصفه للبطن علمك بعد العمليه والولاده
    انا كان وزني٧٢ وهلأ صار ٦٤ ضايل شويه جوانب بدي وصفه إلها
    اما على صورة فهيي عادي لأنها من النت

  5. يسلموا ياعسل
    بس احنا لازمنا قنابل لنسف الدهون 😁😁

    الاخت يلي بتحكي أنه كلنا بنات بالجروب للأسف كلامك غير صحيح وفي رجال بيتصفحوا زاكي
    انا مثلا زوجي أحيانا بيفتح زاكي لأنه بيعرف أنه بعلق عليه
    وفي كتير متل زوجي

  6. عزيزاتي … لا يعني الصورة من النت يعني عادي انزلها
    انا ما بقصد ازعلكم بكلامي … اعتبروها نصيحة من اخت ما بترضالكم الا الخير
    انتبهي اختي بالمرة القادمة كي لا تاثمي … هذا برنامج عام فيه رجال ونساء
    وحتى النساء لا يجوز ان يشاهدن هذه الصورة لان عورة المراة على المراة من السرة الى الركبة … والعورة هنا ظاهرة على ما يبدو لي

  7. يعطيكي الف عافية

    الوصفة حلوه بس ملاحظة مش كل معدة بتقدر تتحمل كمية الليمون هاي المطلوب اذابة الدهون مش المعده !!!!!

    انا كنت ٧٨ كيلوا نزلت ١٩ك بخلال ٧شهور وحتى الان محافظة الحمدلله وزني ٥٩ 👌🏻

    بدك تنحفي بدون حرمان وتاكلي كبسة وتاكلي محاشي ومعجنات كمان ؟؟؟؟

    اتبعي نظامي
    سهل ومن نفس اكل بيتك يلي بتطبخيه لعيلتك
    ابتعدي عن السموم البيضاء الي هي ((الدقيق الابيض والمكرونة والسكر والملح )))
    هتحكي طب انا هيك ايش ضل اكل 🥺

    شو ما طبختي من طبيخ اكيد بتعمل لعيلتك جنبة رز صح
    لا تاكلي انتي رز فلفلي الك كاسة برغل خشن وكلي قد مابدك
    معلومة البرغل والفريكة بيساعدوا على رفع معدل الايض اي الحرق بالجسم وما بيتخنوا

    حتى لو عاملة كبسة خدي مرقة منها وحطيها اشوي بالفريزر وهتلاقي الدسم جمد على الوجه ارمية وحطي عليها برغل واعملي لنفسك كبسة وهكذا حتى المحاشي كام حبة الك بالبرغل وهتاكلي وهتشبعي بدون حرمان

    المعجنات شوفان مع اشوي دقيق اسمر وخميرة وملح وسكر اشوي واعجنيهم واحشي او اعملي بيتزا واشبعي بدون ما صميرك يزعل منك🤣

    والبطاطا مسلوقة او مشوية ودجز ما بتخن الا اذا قلينها او اضفنا لها الزيدة والكريمة

    وعندك المشروب الحارق
    بتغلي مي وبتحطي بترمس معلقة كبيرة من كل من
    كمون
    زنجبيل
    كركم
    قرفة
    عصير ليمونة وحده كبيرة
    فتلتين شاي اخضر
    وصبي عليها المي واشربي منها طول اليوم خليها قدامك على الرخام
    ممنوعة للحامل نهائي✋🏻

    والي عندها كرش تستمر على المشروب هادا و
    منقوع الزعتر الورق
    هتلاحظ تغير بلون ورائحة البراز اعزكم الله
    بسبب ان الزعتر بينضف الامعاء من فضلات متراكمة من سنين

    وبالاخر انتي وارادتك الي بيطلع بيدهم ينحفوا مو اقوى منك

    والحلو بنظامي هادا مافيه جوع اتذكروا الي بيخلينا نخرب اي رجيم وتضعف ارادتنا 👻 هو الجوع👻
    يعني طول ما الكرش مليان ايدينا ما هتروح لصباع محشي برز ولا صنية منسف😂😂😂😂
    استودعكم الله

  8. يجزيكي الخير حبيبتي انا عملت هاي الوصفه بس ماكان هدفي النحافه وحده وصفتلي اياها للكحه الله وكيلك شربتها مره وحده عملت عندي قرحه شديده بالمعده اسبوع مابقدر اكل شي لما راجعة الطبيب حكالي القرحه ملتهبه عندك بشكل فضيع حكتلو عن المشروب بحكي هاد الخلطه هي السبب بالوضع يلي انتي فيو المعدهما بتتحمل هدول سوا هاد مشروب حارق للمعده المفروض الليمون يتخفف بالمي يعني بطبيعة الحال الزنجبي حارق والقرفه حارقه واليمون حامض مع المكوناد الحارقه يعمل على اذابة غشاء المعده انتبهو صبايا

  9. بعد ازنك حبيبتي هذه الوصفة مضرة جدا” للمعدة والقولون.فهي تزيد جدا” من حموضة المعدة وحدوث قرحة المعدة والمصران . هذه المشروبات تجعل الامعاء بحالة تهيج على انواع كثيرة من الاطعمة وتصبح الامعاء عرضة لاي بكتيريا وخاصة” جرثومة الامعاء اللتي تكره حموضة المعدة ولكي تتجنبها تهاجم جدار الامعاء لتحتمي من الحموضة وهنا تاتي الكارثة بعلاج القرحة وعلاج الجرثومة المكلف والمزعج وهو علاج طويل وان تناسيتها توءدي الى سرقان الامعاء. حبيبتي اعذريني على تطفلي لكن جميع المشروبات الحامية هي دمار للجهاز الهضمي.

  10. انا معك ست نسب تحليلك كتير منطقي نفس كلام الدكتور يلي حكالي اياه بتوقع قرأتي تعليقي احنا ما بدنا نعالج شي ونتلف شي مكانو

  11. شو رأيكم بهل وصفه الي بتعرف تفيد
    🍋🍋🌱🌱🌿

    سوف يتم تهكير حسابك نهائيا غدا الساعة 23:00 ضع عشرة ملصقا لتفادي الهكر الضار
    مولود سلسال عمري الابدي
    #البقدونس و الليمون للتخسيس السريع
    المكونات :
    •باقة بقدونس
    •باقة نعناع
    •عصير 3 ليمون
    •ملعقة كبيرة مبشور قشر الليمون
    التحضير:
    نغلي الماء جيدا و نضيف المكونات و بعد ذلك نتركها ساعتين نطحنها في الخلاط و نصفي قبل الشرب.
    الاستعمال
    كوبين على الريق و كوبين قبل النوم و باقي الكمية حسب الرغبة.
    يجب اعتماد المشروب اسبوع كامل مع الحرص على ان يكون البرنامج الغذائي لا يتعدى 1200 سعرة حرارية موزعه

  12. بالنسبة الي اخواتي ما بستخدم اي وصفات بس بمنع حالي من الاكل بكثرة وبنفس الوقت ما بحرم حالي من شي مثل اخصص صحن الي واحط مقدار بسيط من كل شي وما اقتصر نهاري ع وجبة او تنتين لازم يكون في سناك متل حبه فواكة يعني اشياء خفيفة والعشا علبة لبن مع عصرة ليمون وبعد الساعة 6ما في اكل الا علبة اللبن والاهم شرب المي بكثرة قدر الامكان ورياضة المشي حتى لو بالبيت
    انا هاد نظامي بتمنى اكون فدتكم اخواتي🌹

اترك تعليقاً

لن يتم نشر عنوان بريدك الإلكتروني.