img
الرئيسة / أطباق رئيسية / الباطرش الحموي الرائع من سلسلة وصفات حول العالم 13

الباطرش الحموي الرائع من سلسلة وصفات حول العالم 13

/
/
/
1684 مشاهدات

 

الباطرش الحموي الرائع من سلسلة وصفات حول العالم 13

الباطرش الحموي الراااائع من سلسلة "وصفات حول العالم" 💓13💓

الباطرش الحموي الرائع من سلسلة وصفات حول العالم 13

الباطرش الحموي الرائع من سلسلة وصفات حول العالم 13 , معكم صديقة زاكي الشيف الموهوبة , مرحبااااااااا يا أميرات زاكي اي ريتا تسلملي هالطلة كل وحدة منعنسة اكتر من التانية بحلقو عيونكن لشووووف وركزو معي برضايي عليكن يامو
ترى هي الوصفة حموية أصيلة وأكلة معتبرة وتحفة وبستغرب انها مو عالمية
نطو معي نشوف المقاديييير

المقادير

  • للطبقة الأولى:
  • بيتنجان
  • ملعقتين ك لبن
  • ملعقتين ك طحينة
  • سنين توم او اكتر حسب الرغبة
  • ملح
  • رشة فلفل
  • للطبقة التانية:
  • أربع حبات بندورة متوسطة
  • ملعقة صغيرة دبس بندورة
  • ملح
  • رشة سكر
  • رشة فلفل
  • للطبقة الثالثة:
  • لحمة مفرومة ناعم
  • للوش:
  • سمنة
  • رشة بقدونس
  • جوز أو لوز أو بدون مابأثر ((أصلا البدون أطيب نوع مكسرات ههههه))

الخطوات

“بسم الله الرحمن الرحيم”

& أول شغلة رح نشوي البيتنجان

إما عالغاز ومنترحم عالغاز وعوضكم على الله.. وإما بالفرن منحطهم على صينية بعد مانعمل فيهم فتحتين تلاتة صغار براس السكينة ومنحط الصينية قريب عالشواية ومنقلبهم بعد شوي

وبس يستوو ونقشرهم ويبردو منطحنهم بشكل يدوي او بالهراسة بس مو عالخلاط لحتى ماينعمو زيادة ومنضيف عليهم مكونات الطبقة الأولى ومنخلطهم سوا

& أثناء شوي البيتنجان ممكن نحضر الطبقتين التانيات

طبقة صلصة البندورة بس منفرم البندورة نااااعم ومنضيف معها الدبس والملح والسكر والفلفل ومنخليها تغلي عالنار لتتسبك منيييييييح وبس تبرد شوي منضيفها فوق طبقة خليط البيتنجان

& الطبقة الثالثة منحمس اللحمة بشوياية زيت ومنحطها فوق صلصة البندورة

& آخر خطوة رح نحمي شوية سمنة عالغاز ونطشششششها عالوش ونستمتع بالموسيقا الصادرة منها

ومنرش شوية بقدونس ومكسرات اذا حبينا وبسسسس

“”ام مصطفى شايفتك حاج تلطشي وتقرشي من الجوزات””

ملاحظاااات

* اللبن اللي بحطوه بالوصفة الأصلية لبن غنم تقيل وفي شوية حموضة لهيك اذا مو متوفر هاللبن استخدمو اللبن العادي وحطو معو شوية عصير ليمون

* رشة السكر بصلصة البندورة بتساعد عالتسبيك بشكل رائع

* صح انا كريت كتير بس حبيت وضحلكم الوصفة لأنو من قلبي متمنية تجربوها

الوصفة سهلة كتييير ولذيذة ومميزة بنفس الوقت

يارب تكون عجبتكم وماتنسوني من دعواتكم بالبركة وبكل شي حلو متل قلوبكم ودمددمددمددمدمدمتم دمتم سالمين ههههه

123 تعليقاً

  1. يم يم يم يممممممميي يا عيني يا عيني على الأكل الزاكي والباذنجان اللي بشهي
    بحبو بكل حالاته مقلي ومشوي ومتبل ومطبوخ ومقدوس ومخلل ووووو
    يسلمو ايديكي يا عسل وصحة وعافية ع قلبكم 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼 🌼

  2. ​​#بدعة_المولد_النبوي

    👍الحب هو الاتباع ، أنا لا أتصور أن تخالف من تحب أبدا ، قال تعالى ( قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ ۗ وَاللَّهُ غَفُورٌ رَّحِيمٌ ) آل عمران – 31

    👌وبذلك يكون الإحتفال بمولد النبي صلى الله وسلم بدعة ، لماذا ؟

    ❓هل جمع النبي صلى الله عليه وسلم الصحابة يوما وقال لقد جمعتكم بمناسبة عيد ميلادي ؟ لا
    ❓ هل كان صلى الله عليه وسلم قادرا على أن يفعل ذلك ؟ نعم لكنه لم يفعل .
    ❓ هل النبي صلى الله عليه وسلم فاته شيء من الخير لم يفعله ؟ لا
    ❓هل كتم شيئا من الوحي ؟ لا
    ❓هل قصر في البلاغ ؟ لا

    🔮 فالنبي صلى الله عليه وسلم لم يكتم شيئا من الوحي ، ولم يقصر في البلاغ ، و كان قادرا على أن يجمعهم في يوم ميلاده ومع ذلك لم يجمعهم .

    ❓ هل الاحتفال بعيد مولده خيرا ؟!!!! ، لو قلت أنه خير فبذلك تتهمه صلي الله عليه وسلم أنه فاته خير وأنت أدركته .

    ❓ هل فعلها واحد من الصحابة ؟ لا ، واحتفالنا نحن به كأننا نتهم الصحابة جميعا أنهم لم يكونوا يحبوه وأهملوا ذكراه فننسب بذلك هذا الجيل كله إلى التقصير في حقه صلى الله عليه وسلم وهذا لا يستقيم .

    • احسنت ..لابد للمسلم ان يقف من الشرع وقفة المستكفي لا المستدرك
      بالاضافة انه اختلف العلماء بموعد ولادته على اقوال لكن اجتمعوا ان تاريخ المولد الذي بحتفل به مدعو الحب هو تاريخ وفاته صلى الله عليه وسلم

    • إنَّ أهل العِلْم – رحمهم الله تعالى – مختلفون في تحديد يوم مولد النَّبيِّ ﷺ على أقوالٍ عدَّة :

      1️⃣ فمنهم من زعم أنَّه في الثَّامن من ربيعٍ الأوَّل.
      2️⃣ ومنهم من قال: بل وُلد في اليوم العاشر.
      3️⃣ ومنهم قال: بل وُلد في اليوم الثَّاني عشر.
      4️⃣ ومنهم من قال: بل وُلد في اليوم الثَّامن عشر.
      5️⃣ ومنهم من ذكر أنَّ النَّبيِّ ﷺ لم يولد أصلاً في ربيعٍ الأوَّل؛ بل وُلد في رجب.

      ⬅️ واختلافهم – رحمهم الله تعالى – في تحديد مولد النَّبيِّ ﷺ يُفضِي إلى عدم صحَّة تعيين اليوم الثَّاني عشر بالاحتفال بميلاد النَّبيِّ ﷺ؛ لأنَّ أهل العلم لم يُجمعوا على أنَّ ميلاده ﷺ كان في ذلك اليوم.

      وإنَّ مِمَّا اتَّفق عليه أهل العلم -رحمهم الله تعالى – أنَّ وفاة النَّبيِّ ﷺ كانت في الثَّاني عشر من ربيعٍ الأوَّل، فلو سُلِّم عملُ يومٍ للنَّبيِّ ﷺ لكان عمل يومٍ يُحزن فيه على النَّبيِّ ﷺ أوْلَى من عمل يومٍ يُفرح به؛
      لأنَّ اليوم الذي ولد فيه النَّبيُّ ﷺ واتَّخذ فرحًا قد تعدَّدت الأقوال فيه،
      أمَّا اليوم الذي مات فيه النَّبيُّ ﷺ فقد جُزم بأنَّه اليوم الثَّاني عشر من ربيعٍ الأوَّل.

  3. هههههههه كيف شفتيتي يقطع شرك شو مهضومه ونغشه😂🙊

    المنظررر دمار شامل 😍

    أللهم بارك ربي يسلم ديادك ويبارك بعمرك وصحتك ياغاليه أبدعتي كالعاده😙

    هاتي الجليات أنا بجليهم عنك بحبه والله😄
    بحبببببببك أناااااا ❤

  4. اه ع الباطرش و ايامه😍😍😍ذكرتيني بأيام سوريا الخير..

    الله يعم الأمن و الأمان و تمام الصحه والعافيه علينا وعليكم وعلى جميع المسلمين يا رب

    تسلم ايدك و تاكلوا بألف صحة وعافية يا رب
    شي نااااهي😍😍😍

  5. ماشاء الله عليك ننوشه اكله زاكيه مادام فيها باذنجان وطحينه تسلم ايدك يارب، ام مصطفى اتركي الجوزات 😁😄😄😄

  6. اها هاد متبل بلوك جديد
    يسلموا يانور والله وصفه رهيبه
    الله يعينك عىالجلي وانا متلك تاركه المطبخ بيغني من الصبح
    احترت بعشا اليوم واجت بوقتها يسلموا كتير

  7. ربي يسلم هالديات يا مبدعة بسم الله ما شاء الله تبارك الرحمن حوطتك بإسم الرحمان انو يحفظك ويحميكي ويخليلنا اياكي يا غالية وتظلك تتحفينا بوصفاتك الي اكتر من روعة حبيبة قلبي نور الغالية ما شاء الله وصفة صحية وبتشههههههي

    ربي يديم عليكم النعم ويحفظلك عيلتك من كل سوء 😍😍😍😍😍😍

  8. وبما اني عاملة دايت بتوقع الوصفة هاي تفيدني محسوبتك خلصت وهيي تعمل رجيمات قبل ما يفوت علينا الشتا الله وكيلك ازا فات علينا الشتا واحنا مدبدبين غير نطلع منو متل الفيل هههههههههههههههه لهيك من هسا عم سيطر ه الوضع 😂😂😂😂😂😂😂

  9. أممممم على الباتنجان بكل أشكاله بشهي.. ووصفتك بالذات يا نوارة بتفتح النفس
    يسلموا إيديك على هالوصفة والله يزيدك من نعيمه يارب 💞

  10. تقى
    الله يسلم اديك
    ويسعدك شو إنك مهضومة
    عجبتني صورة الجليات
    لأنو هيك بصير معي بكون متحمسة أعمل أكلة او حلويات وبس أخلص بصيبني إحباط من منظر الجلي😂
    بس يلا مو مشكلة المهم انجزنا اشي ناكله😋

  11. ههههههه هاي نهايتنا كلنا بعد الوصفات
    اما بالنسبة للوصفة ما شاء الله قنبلة ونكهات متعددة رااائعة يا نوارة زاكي ربي يعطيكي الف عافيه والف صحة وهنا.

  12. امممم شكلها بشهيييي بس بالنسبه لصورة الجليات مو متلي انا بوخد وقت معي الطبيخ لاني المهلقه اللي بحرك فيها بجليها مباشره ما بخلي ولا قطعه عالمجلى موسوسه كتير من الجلي وربي يسلم ايديكي وعنيكى على الوصفه اكيد راح اجربها بكره انشاءالله 💋😍❤

    • انا كمان دايما انا وعم اطبخ بجلي بالتدريج لحتى مايتكوم عندي ومابعرف ارتاح او نام اذا في جلي بالمجلى
      لازم عطول المجلى والغاز نضاف ههههه
      بس الفرق لما كون بدي نزلها للوصفة بصير بدي صور انا وعم اطبخ فبروح الوقت بالصور بدل الجلي وبيتكوم شوي😁

  13. اللهم بارك أكلة من الآخر وعن تجربة طيبة كثير وبتستاهل توقفي عالمجلى وتجلي كومة هالجلي
    ربي يعطيكي العافية يانوارة زاكي ويبارك لكِ وعليكِ
    عجبني قوام بيتنجاناتك نحاف شكلهم من جماعة الدايت ههههههههههه

  14. *🔸 بعض الحالات التي تجعل الملائكه تدعوا لك فاستكثِر منها ، وإِيّاك أنْ تُفرِّط فيها 🔸*

    قال ابن جماعة رحمه الله :

    ” اعلم أنه لا رتبة فوق رتبة من تشتغل الملائكة وغيرهم بالاستغفار والدعاء له وتضع له أجنحتها ، وإنه لينافَس في دعاء الرجل الصالح ، أو من يظن صلاحه ؛ فكيف بدعاء الملائكة ؟ ” انتهى من ”

    📚 تذكرة السامع ” (ص٥٢) .

    📝 *‏١ – عند وقوفك في الصّف الأول في الصّلاة.*

    قال صلى الله عليه وسلم :

    *” إنّ الله وملائكته يصلون على الصف الأول “* – حسنه الألباني

    📝 *‏٢ – عند جلوسك في المسجد تنتظر الصّلاة وعند الأنتهاء من الصّلاة.*

    قال صلى الله عليه وسلم :

    *” إنَّ الملائكة تصلي على أحدكم ما دام في مجلسه ، تقول : اللهُمّ اغفر له ، اللهُمَّ ارحمه ، ما لم يُحدِث “* – صحيح مسلم

    📝 *‏٣ – عند عيادة مريضٍ.*

    قال صلى الله عليه وسلم :

    *” ما من رجل يعود مريضا ممسيا إلا خرج معه سبعون ألف ملك يستغفرون له حتى يصبح ومن أتاه مصبحا خرج معه سبعون ألف ملك يستغفرون له حتى يمسي “* – صحيح الجامع

    📝 *‏٤ – عند زيارة أخٍ لك في الله.*

    عن أبي هريرة ، عن النبي صلى الله عليه وسلم :

    *” أن رجلا زار أخا له في قرية أخرى، فأرصد الله له على مدرجته ملكا، فلما أتى عليه قال : أين تريد ؟ قال : أريد أخا لي في هذه القرية. قال : هل لك عليه من نعمة تربها ؟ قال : لا، غير أني أحببته في الله عز وجل. قال : فإني رسول الله إليك بأن الله قد أحبك كما أحببته فيه “* – صحيح مسلم

    📝 *‏٥ – عند الدعاء لأخيك بظهر الغيب.*

    قال صلى الله عليه وسلم :

    *” دعوة المرء المسلم لأخيه بظهر الغيب مستجابةٌ ، عند رأسه ملك ، كلما دعا له بخيرٍ قال الملك الموكَل به : آمين ، ولك بمثل “* – صحيح مسلم

    📝 *‏٦ – عند نومك على طهارة*

    قال صلى الله عليه وسلم :

    *” من بات طاهرا بات في شعاره ملك لايستيقظ ساعة من الليل إلا قال الملك اللهم اغفر لعبدك فلانا فإنه بات طاهرا “* – حسنه الألباني

    📝 *‏٧ – عند تناولك السّحور*

    قال صلى الله عليه وسلم :

    *” إنّ اللهَ تعالى وملائكته يصلون على المتسحرين “* – السلسلة الصحيحة

    📝 *٨ – عند الصدقه والإنفاق*

    *” ما من يوم يصبح العباد فيه إلا ملكان ينزلان، فيقول أحدهما : اللهم أعط منفقا خلفا، ويقول الآخر : اللهم أعط ممسكا تلفا “* صحيح البخاري

    📝 *‏٩ – عند تعليم الناس الخير :*

    قال صلى الله عليه وسلم :

    *” إنّ الله وملائكته وأهل السموات والأرض حتى النملة في جُحرها ، وحتى الحوت ، ليصلُّون على مُعلم الناس الخير “* – صححه الألباني

  15. ‏الحُزنُ لا يَستَلزِم اليَأس ..!

    فَقَد يحزَنُ المَرء وَهُوَ فِي قمةِ التَّفَاؤل..

    فَهَذا يَعقُوب – عَليهِ السَّلام – :

    ﴿ وَابْيَضَّتْ عَيْنَاهُ مِنَ الْحُزْنِ فَهُوَ كَظِيمٌ ﴾

    ثُمَّ قَال :

    ﴿ وَلَا تَيْأَسُوا مِن رَّوْحِ الله }

  16. اويييييل قلبوشك ما احلاكي يسعد عمرك يا نعنوشة الفرفوشة هههههههه عنجد يسلم اديكي يا رب شكلها اكلة راااااائعة وطيبة يسلم هالإيدين العسل يا عسل 💖💖💖💖💖😍😍😍😍😙😙😙😙😙😙

  17. يسعد صباحك يا ورده …..احلى وصفه عجبتني كتييييير رح اعملها ….الله يا نور يسعدك ويسعدك ويرضى عليكي ….بكره الجلي بس مضره اجلي وانظف وسبحان الله ربي لا يحرمنا الاجر في شغل بيتنا ونظافتهُ …..ويعطينا القوه والقوه والقوه يارب ياكريم …

    • ويسعدك ويسعدك ويسعدك بدون حدود وفوق مابتتخيلي واكتر من ما بتستاهلي يا غالية
      سبحان الله متل النسمة وين ما انوجدتي بتسعدي اللي حواليكي⁦♥️⁩
      آمين ياعمري الله يسمع منك ويهون علينا وعليكي ههههه
      بنصحك تسمعي شي انتي وعم تجلي قرآن أو دروس مفيدة بمر عليكي الوقت أسرع وبتستفيدي كمان 😁

اترك تعليقاً

لن يتم نشر عنوان بريدك الإلكتروني.