img
الرئيسة / أطباق رئيسية / لما السورية تحاول تتطبخ فلسطيني

لما السورية تحاول تتطبخ فلسطيني

/
/
/
1568 مشاهدات

 

لما السورية تحاول تتطبخ فلسطيني

لما السورية تحاول تتطبخ فلسطيني😅

لما السورية تحاول تتطبخ فلسطيني

لما السورية تحاول تتطبخ فلسطيني , معكم صديقة زاكي الشيف الموهوبة ,

المقادير

  • رز
  • زهرة
  • شعيرية
  • باذنجان
  • زيت للقلي
  • دجاج
  • بهارات
  • ملح
  • خضراوات للسلطة

الخطوات

والله حسيت المقلوبة اصعب من امتحان البكالوريا او التوجيهي…

اكلت المقلوبة من اكتر من مبدعة فلسطينية..وكنت اسمع من هون ومن هون كل وحدة شو بيميز مقلوبتا..وانو مقلوبتا منقطعة النظير..ويلي بتحط فيها قرفة ويلي بتحط فليفلة ويلي ويلي ويلي لحتى قلب مخي من هالمقلوبة وقررت اعمل مقلوبة من وحي فنانات فلسطين..

نقعت رز

بعدين بلشت بسلق الدجاج..امي ادامها الله واعطاها الصحة علمتني..

بعد غسل الدجاج وتقطيعه وتنضيفه وغسله بالملح والخل نقلي بصلةونضع الدجاج يتحمر شوي مع فلفل اسمر وملح..نضع الماء اول غلية ازا طلع زفرة او رغوة بنشيلها بعدين بنحط بهارات فلفل اسمر ملح ورق غار حبل هيل بصل وتوم مقطعين ونص حبة ليمون وكم حبو قرنفل وعود قرفة ورشة زنجبيل..

الدجاج ينسلق والزيت حامي لقلي الزهرة والباذنجان..وقليت الدجاج وشعيرية..

المهم مابعرف وانا وعم اكتب حسيت قلب مخي كمان مرة وبلشت خربط..لك والله مو سهلة المقلوبة يعني الكبة اسهل منها ..

ماعلينا بعد القلي طبقت المقلوبة على فكرة يمكن الصور تشرح شو عملت ههههه عم دوخ بس اتذكر الجلي يلي طلع من ورا المقلوبة

بتتطبق بالطنجرة وبينحط عليها مرقة الدجاج وعنار هادية لبين ما الله يفرجها عليكي وتحسي انو استوت بتقلبيها ومع السلطة واللبن..بس طلعت طيبة بفضل الله..

المرة الجاي مسخن

تم بحمد الله ثم الصلاة على رسول الله

39 تعليقاً

  1. 😂😂😂😂😂يا عيني مغلاها وهي بتجرب بطبختنا الفلسطينيه طالعه معك تحفه معدله ورائعه اللهم باركك يسعد قلبككك منغشك بختيي 😍😍😍😍😍😍😍😘

  2. هههههه وإحنا لشو جابونا مش للجلي؟؟
    بس والله شهيتيني تخيلتها قدامي لاني كثير جوعانه
    صحه وهنا عقلوبكم بننتظر لمسخن إن شاء الله تعالى

  3. ههههههههههه الله يعطيكي العافية حبيبتي..انا بس اعمل المقلوبة بختصر جلي كتير.😁..هاد لانك اول مره بتطبخي مقلوبة بصير عندك ازدحام بالصحون والطناجر ….الخ….ههههههههههه😉..يسلم اديكي حبيبتي..امبارح طبخت مقلوبة الحمدلله…😋❤

  4. اللهم بارك يسلمو ايديكي وصحة وهنا عالمقلوبه ،،، بالنسبة للمقلوبة انا بعتبرها من اسهل الطبخات واسرعها ولله الحمد بس بالجلي كثير بتكوم ههههههههه وان شاء الله مع تكرار طبخها رح تحسي بسهولتها

  5. يعطيك الف عافيه ويسلم هالايدين ما شاء الله عنك ابدعتي
    بس بدي احكيلك ملاحظه للمرة الجايه لما بدك تعملي مقلوبه لا تحطي فليفلة لأنها بتغير طعم الاكل كله بس اكتفي بالبطاطا والباذنجان والزهرة
    وإن شاء الله تكون عجبتك
    ومرة ع مرة بصير يطلع جلي اقل من المرة الأولى لا تخافي

  6. تسلم ايدك حبيبتي رووووعه وبتشهي رح تلاقيها سهله كثير مع التكرار
    انتي ركبي الدجاج على النار وانقعي الرز على حنب وبلشي بالقلي بتكوني انهيتي الثلاث مراحل مع بعض بس متل ما حكتلك اختنا في تعليقها الفليفله بتغير طعمتها ما بنحطها ابدا بالمقلوبه الا اذا كانت رغبتك هيك….الف صحه وهنا

  7. يسعد عينك.. شهيتيني آكلها من تحت دياتك.. من قد مو منظرها بشهي.. انا مقلوبتي ما بحطلها لا شعيرية ولا فليفلة وبعدين أنا ببهر وبملح الرز لحاله.. والمقالي ببهرها وبملحها لحالها.. مشان أضمن انه النكهة تكون راكزة😋😍😇

  8. يسلم هالايدين انتي تعالي عندي بس
    محسوبتك في الاسبوع ٤ مرات مقلوبه انقلب مخي موتت منها ولاد ي بحبوها و٣ ايام الباقيات صواني جاج بخضار هي شو بطبخ طول الاسبوع بجوز يمرق يوم هيك اعمل ملوخيه كبسه بالغصب بوكلوه حامييين بالي هسا بنادولي اهلي وجارتي دار ابو المقلوبه يوم بعد يوم 😠😠😠😠😠😠لما اشتهي منسف اللبن بنروح عند امي وع هالمنوال

  9. يسلموا ايديك ويعطيك العافية.

    (( إذا عَمِلْتَ سيئةً فأتبِعْهَا حسنةً تَمحُهَا ))

    ▪️ قَالَ رَسُولُ اللَّه ﷺ :

    (( إذا عَمِلْتَ سيئةً فأتبِعْهَا حسنةً تَمحُهَا
    قالَ : قلتُ يا رسولَ اللهِ ! أمِنَ الحسَناتِ لا
    إلهَ إلَّا اللهُ ! قالَ : هيَ أفضَلُ الحسَناتِ ))

    📚 صحيح الترغيب – رقم : (3162)

اترك تعليقاً

لن يتم نشر عنوان بريدك الإلكتروني.