الرئيسة / أطباق رئيسية / محاشي من الوءة

محاشي من الوءة

/
/
/
1595 مشاهدات

 

محاشي من الوءة

محاشي من الوءة

محاشي من الوءة

محاشي من الوءة , معكم صديقة زاكي الشيف الموهوبة ,

المقادير

  • كوسا صغيرة
  • باذنجان صغير
  • دوالي يمي
  • بقدونس مفروم ناعم
  • رز مغسول ومنقوع
  • راس بصل صغير مبروش
  • لحمة مفرومة خشن مع شوية لية
  • رشة نعنع ناشف اختياري
  • بهارات
  • فلفل اسود
  • رشة ملح ليمون
  • ماجي
  • زيت زيتون
  • حبتين بندورة اختياري

الخطوات

السلام عليكم ورحمة الله وبركاته

كيفكم صبايا بعرف دايما بتستغربو من كمية وصفاتي بحب احكيلكم انه احنى عيلة صغيرة واكلنا كتير كتير خفيف واحنى كتير نحاف اعطوني طريقة للتسمين الي و لولادي يعني عمري ٣٢ ومبينة طالبة صف عاشر و ابني الكبير بصف خامس مبين صف تاني يعني بحس انه احنى بنوكل بس علشان ما نموت

المهم نبلش اول شي بحفر الكوسا والباذنجان وممكن كمان تحفري بطاطا بتشهي

على الغاز بحط طينية بحط فيها البصل وانا ببرشه برش لانه زوجي ما بيحب البصل بالكل الا على المسخن ….. بحط البصل وزيت زيتون واللحمة المفرومة وبهارات وفلفل وبشوح اللحمة ….في ناس بيحطو اللحمة نية انا بحب اشوحها شوي بس ما تنشف على الاخر بشيلها عن الغاز

بنكون مقطعين البندورة والبقدونس بحطها على اللحمة وبعدين بحط الرز وملح وملح ليمون بيعطي طعم خيال وماجي طبعا

ازا بدك اياه بجاج بتسلقي الجاج نص سلقة وبعدين بتقليه وبتحطؤ بقاع الطنجرة

ازا بدك اياه بلحمة بتسلقي اللحمة وبتحطيها بقاع الطنجرة

بتحشي الكوسا والباذنجان وبتحطيهم على الجاج او اللحمة وبعدين الدوالي

بحط عليها كمان قرص ماجي ورشة فلفل ورشة بهارات ورشة ملح ليمون وشوية زيت زيتون او ذرة ومي وعلى الغاز لحتى تستوي

وصحتين وعافية ❤

47 تعليقاً

  1. يا عيني عليك يا ألوءة.. وصفتك زاكي وسفرتك مرتبة.. وجاطك اللي قبال المراي بيفتح النفس.. ويا حبيبتي خليك نحيفة لأنه النصاحة بسرعة بتيجي.. والله يتم الصحة والعافية عالجميع يارب 🥀💞🥀

  2. يا عيني صحه ومية هنا اشي بشهي وتسلم اديكي ويعطيكي الف عافية ما شاء منطرهم بيفتح النفس
    وبالنسبة لولادك اعمليلهم فحص حديد واعطيهم فاتح شهيه
    لانوا انا ابني بياكل بس ما بنصح ابدا بالعكس بيتحف بزياده عملتلوا فحوصات طلع نقص بالحديد وكمان اميبيا هاي الاميبيا ما بتخليه يستفيد من اي اشي كأنوا ما بيوكل ابدا بس الحمد الله اعتيطوا ادويه وتعالج وتحسن كتير ومع فاتح الشهيه اختلف كتير
    والله يحميلك ويخليلك اياهم

  3. بكل امانه اكتسحتي زاكي بكل جدارة اللهم بارك
    وبالفعل هاي وصفاتنا بحدافيرها
    بالنسبه انك حابه تنصحي انتي وولادي اول شي التجاي الي الله بسجودك ظلك ادعي ربنا يفتح شهيتكم
    تاني شي كلام ست دودو لاغبار عليه
    تالت شي انتي صيري اعملي سندويشات واعطيهم لولادك وهما بدرسوا وهما ع تلفزيون يعني كل ساعتين اعملي شي وكلوه كمان الحلبه مع الحليب شي تاني بنصح وبفتح الشهيه
    اما هالمحاشي ياسلام اشي بفتح النفس اللهم بارك

  4. يعطيك الف عافيه ويسلم هالايدين كتيييير زاااكي
    حبيبتي ضروري تعطي أولادك فاتح شهيه بينباع بالصيدليات وفي انواع حسب العمر وكمان اعمليلهم فحوصات
    ولما يشبعو من الأكل ما تخليهم يقوموا عن السفرهحاولي انك تطعميهم كمان يعني لو كل مرة زياده اربع او خمس لقم هيك بتتوسع معدتهم
    وشوفي أخصائية تغذيه كتير رح تستفيدو

  5. يسسلمو ايديك ي عسسل
    شكلهم زاكي كثييير..

    ربي يعطيك الصحه والعافيه..
    بالنسبه لزيادة الوزن (استخدمي الزبيب والعسل

    وبعد استخدمي الحلبه مع الحليب

    بيزيدوا الوزن..

    واهم شي اعملوا فحوصات زيادة اطمئنان
    ولتعرفي ايش المشكله..

    وربي يحفظكم❤

    • الحمدلله يارب..

      اجل خليك ع الحلبه مع الحليب بماان الشتا جاي تنفعهم وزن وكمان تدفيهم..

      والتمر والزبيب..

      عندنا بالسعوديه للاطفال الصغار يقولوا الشاي فاتح للشهيه وفعلًا بيفتح شهيه الطفل..

      مع سندويشات او بسكويت او ان شاءالله لوحده..
      نستخدمه حنا مع اطفالنا من عمر سنه..

  6. وبالنسبة للنحافة .. غاليتي ضروري جدا تعملوا فحوصات للغدة الدرقة والحديد .. وفي بعض الأشخاص بكون السبب عندهم ديدان في المعدة والأمعاء .. نسأل الله لنا ولكم العافية

  7. وإذا كل شي تمام وما في أمراض بإذن الله .. فبكون معدل الحرق عالي بالجسم ..
    وممكن تعملي بعض الوصفات وتقدميها لأطفالك وإلك بين الوجبات مثل كوكتيل الموز والتمر بالحليب الكامل الدسم .. وممكن تقدميلهم الفواكه المجففة بين الوجبات
    كمان انتبهي من شرب المي قبل الوجبات أو معها ما تشربو كميات كبيرة لانها بتشبع وبتملى المعدة . وكمان الخضار قلليلهم اياها وما ياخدوها بين الوجبات ..
    وما تقلقي اذا كانت الفحوصات سليمة لانه النحافة والسمنة ممكن يكون إلها عامل وراثي وطبيعة أجسام .. سبحان الله
    وربي يمتعكم بالصحة والعافية

  8. – لعلَّ ابتلاءك أحيا قلبك.
    – لعلَّه -سبحانه- أراد تمحيصك.
    – لعلَّك دعوت أن تُستعمل فاستعملك.
    – لعلَّك لم تُحقق بعدُ تلك العبادة التي اختُبرت لأجلها.
    – لعلَّه -سبحانه- بنى لك منزلةً في الجنة لم تكن لتدركها بعباداتك.
    – لعلَّك حين قلت “اهْدِنَا الصِّرَاطَ الْمُسْتَقِيمَ ” أراد -سبحانه- أن يختبر صدقك في قولك.
    – لعلَّه -سبحانه- أراد أن يستخرج منك طاعةً لم تكن لتصدر عنك لولا اختباره
    – لعلَّه -سبحانه- أراد منك الكف عن ذنبٍ خفيٍّ غفلت عنه، أو استعصى عليك تركه؛ فهان عليك حين اختُبرت.

  9. الف صحة وهنا يارب
    وبعيد الشر عن قلوبكم يارب
    انا بعرف التمر مع الطحينية للتسمين وفي وصفة لأم عبدالله الفارس قبل اسبوع يمكن نزلتها طحينية وتمر جربيها بتسمن كثير.

  10. ماشاء الله تبارك الرحمن مبدعة ومرتبة ألوءة 😍
    المنظر بياخد العقل وبجووووع ههههه
    تسلم ايديكي حبيبتي وان شاء الله هنا وعوافي الك ولعيلتك😘

    ومشان موضوع التسمين فعلا وصفة ام عبد الله رائعة للتسمين ومفيدة كتير كمان💝

  11. حبيباتي انا اسفة ازا ما برد على كل تعليق خصوصا من شيفات عمالقة متل شيفات زاكي بس والله هاي الفترة كتير تعبانة مع الحمل والوحام اعذروني وادعولي امانة
    وشكرا على تعليقاتكم الحلوة على وصفاتي الي كتير متواضعة ❤

اترك تعليقاً

لن يتم نشر عنوان بريدك الإلكتروني.