الرئيسة / أطباق رئيسية / دجاج بالقناني من الوءة

دجاج بالقناني من الوءة

/
/
/
2488 مشاهدات

 

دجاج بالقناني من الوءة

دجاج بالقناني من الوءة

دجاج بالقناني من الوءة

دجاج بالقناني من الوءة , معكم صديقة زاكي الشيف الموهوبة ,

المقادير

  • ٣ جاجات
  • ٤ ملاعق خل
  • علبة لبن صغيرة
  • ٤ ملاعق كاتشب
  • زيت الزيتون
  • ٢ ملعقة صلصة بندورة
  • ملح
  • فلفل اسود او ابيض
  • بهارات مشاوي
  • ضرسين ثوم مهروسين
  • بصلة مبروشة
  • فلفل اخضر حار
  • دبس رمان اختياري
  • عصير ليمونة
  • زعتر اوريجانو اختياري
  • طبعا التتبيلة متل ما بتحبي مش ضروري تلتزمي بهاي التتبيلة اي تتبيلة بتعمليها للمشاوي ممكن تحطيها

الخطوات

مسا الخير صبايا ….. انا اليوم عرفت خبر كتير حلو الحمدلله طلعت حامل بعد ابني الصغير ٨ سنوات ولهيك جبتلكم وصفة جديدة ممكن مش الكل بيعرفها وهاي الوصفة عملتها مرت اخوي الله يتمملها حملها على خير ويفرحها بشوفة ابنها يا رب

المهم …. اول شي بننظف الجاج كتير منيح وافضل شي لتنظيف الجاج الخل وزيت الزيتون والليمون واخر شي الطحينية بتجنن بتخلي الجاج ابيض وريحته بتشهي

بتضيفي كل المكونات مع بعض وبتبلي فيهم الجاجة من قبل بيوم او اقل شي ٣ ساعات

بتجيبي قناني ببسي فاضية بتعبي القنية لنصها مي وبتوقفيها بالقنية

بعدين بتحطي عليها الجاج المتبل وبتدخليها الفرن ساعتين بس ضلك تفقديها كل ربع ساعة

وصحتين وعافية

46 تعليقاً

  1. يسلمووو اديكي رائعه لوحه فنيه ما شاء الله حبيبتي الله يتمم حملك على خير انتي مرت اخوكي دمتي بحفظ الرحمان غاليتي 😘😋⁦❤️⁩

  2. يم يميييي على هالجاجات ما أحلاهم😍
    تسلم ايديكي وايدين مرت اخوكي ألوءة الحبوبة وان شاء الله مبارك حملك ياقلبي
    الله يتتملكم على خير انتي وياها وتقومو بالسلامة وبأتم الصحة والعافية انتو وبيبياتكم ان شاء الله 😍😘

  3. مبارك مبارك الحمل يتمملكوا ع خير يارب
    ومبارك علينا وصفاتك
    ياعيني عليكي متل طريقتي بتنظيف هالجاجات الإنسات
    الطحينه خرافيه ع الجاج
    طريقتك دايما متل طريقة امهاتنا وجدتنا الفلسطينيات
    اللهم بارك شي ناهي كتير
    وبدنا همتكم تشاركي بلمسابقه وانا اول الداعمات الك

  4. بدي استغل فرصة واطلب من خواتي وحبيباتي في زاكي انهم يدعولي لعل وحده من اخواتي اقرب مني الى الله
    انا بعد يومين بدي اعرف جنس المولود ادعولي تكون بنت انا عندي ٣ اولاد وحموت ونفسي ببنت هتكون فرحت عمري لو تطلع بنت امانه ادعولي

    • ياااااا رب بنت بنت بنت بنت بتجنننننننن
      خلقة تامة وسليمة وبارة بوالديها…
      الله يتمملك حملك على خير وسلامة …😙😙😙

    • حبيبتب دودو فعلا البنت بعد الاولادعسل بنتي الله اعطاها بنت بعد الاولاد قبل خمس ايام وفعلا كانت فرحه كبيره للجميع لانه البنات هم زينة البيت ربنا يرزقك بنوته متل القمر تسليكي وتحبك وتحبيها وتكون من الصالحات البارات👭👭👭👭

    • الله ينولك مرادك يا دودو ويرزقك ببنوتة حلوة وهادية وبارة بوالديها وتقومي بأتم الصحة والعافية إنت والبنوته
      حبيبتي دودو خبرينا شو بده ربنا يبعتلك 💖

    • شكرا كتير الكم يا رب ومبرروك كتير لبنتك وبوسيلي البنوته الصغيرة انشالله اكيد راح اخبركم
      وشكرا كتير لمحبتكم ودعواتكم

  5. ما شاء الله عليكي مبارك حملك الله يتمملك حملك على خير…
    بس ياقلبي انتبهوا من فيش الميكرويف لانه مكشوف وكتييير خطر الله يسلمكم منه… 🌷

  6. ماشاءالله ابدعتي ب وصفتك اللذيذه ماننحرم من ابداعاتك ي جميله❤

    الف مبروك الحمل تبارك الرحمن ربي يتمم لك ع خير ويرزقك باللي يسسعدقلبك يارب ويقومك بالسلامه😍

    وربي يقوم زوجة اخوك بالسلامه ويتمم حملها ع خير يارب..

  7. مبااااارك الحمل والله يتمللك على خير وتقومي انتي والنونو بالسلامة يارب.
    يسلمهم ها الايديييين 😋😋😋
    مين متلي بشوف شكل الدجاجة ع القنينة بضحك😂😂

  8. ما شاء الله تبارك الرحمن الله شو هل زكاوة بجننو وطريقه حلوه يعطيك ألف عافية

    وعجبوني شكلهم زي صف الدبكه ههههه تسلم ايدك😍

  9. حبيباتي انا اسفة ازا ما برد على كل تعليق متواضعةخصوصا من شيفات عمالقة متل شيفات زاكي بس والله هاي الفترة كتير تعبانة مع الحمل والوحام اعذروني وادعولي امانة
    وشكرا على تعليقاتكم الحلوة على وصفاتي الي كتير متواضعة ❤

اترك تعليقاً

لن يتم نشر عنوان بريدك الإلكتروني.