img
الرئيسة / حلويات / التمريه النابلسيه ملكه الشتاء

التمريه النابلسيه ملكه الشتاء

/
/
/
3740 مشاهدات
 

التمريه النابلسيه ملكه الشتاء

التمريه النابلسيه ملكه الشتاء

التمريه النابلسيه ملكه الشتاء

التمريه النابلسيه ملكه الشتاء , معكم صديقة زاكي الشيف الموهوبة ,

المقادير

  • 3 كوب طحين ابيض
  • كوب ومعلقتين كبار ماء دافئ تقريبا حسب نوع الطحين
  • رشه ملح
  • مقادير حلاوه السميد
  • كوبين سميد
  • سبع اكواب ماء
  • كوب ونص سكر او حسب الرغبه
  • زيت غزير للقلي
  • سكر مطحون للتزيين .

الخطوات

بنخلط الطحين والمي ورشه الملح وبنعجنهم اقل اشي عشر دقايق لما نحصل على عجينه ناعمه وملساء

بنقطعهم قطع صغيره بحجم البيضه تقريبا وبنضعهم بصينيه فيها شويه زيت وبنغطيهم بنايلون غذائي وبنتركهم يتريحو اقل اشي ثلاث ساعات

وبنحضر حلاوه السميد

على البارد بنخلط المي والسكر والسميد وبنضعهم على الغاز مع استمرار التحريك لما يشتد الخليط ويتماسك بندير بصينيه كبيره وبنتركو يبرد منيح وبنقطعو مربعات صغيره

بنبلش بنرق اول قطعه من العجينه بمساعده الزيت بنرقها كتير رقيقه وشفافه وبنحط بوسطها مربع من حلاوه السميد وبنسكر العجينه على بعض متل المكتوب وبنضغط عليها شوي ضغطه خفيفه لنمد الحشوه فيهة وبنبلش نقليها بزيت غزير حرارتو وسط منشان تستوي العجينه منيح

وبنقلبها بالزيت لما توخذ اللون الذهبي وبنطلعها وبنحطها على ورق المطبخ لتمتص الزيت الزياده وبعد هيك بنضعها بطبق التقديم وبنرش عليها السكر الباودر وبنقدمها بارده او سخنه حسب الرغبه والف صحه وهنا

بعتذر منكم ما صحلي صور الخطوات

معوضه بالوصفات الجايه ان شاء الله وان صحلي اعملها قريبا رح اصوورلكم الخطوات كامله بإذن الله

بتمنى تجربوها وتعجبكم

ولا تنسوني من فضل دعواتكم الحلوه

تحياتي الكم جميعا رشا ام احمد

98 تعليقاً

  1. نور زاكي يا غاليه ما شاء الله وصفه روعه من إيدين أروع أللهم بارك ربي يسلم ديادك ويبارك بعمرك وصحتك بتشهييي 😍
    صحححححه وعوافي ياااااعسسسسسل🌷😘

    • حبيبتي ام مصطفى منور بوجودك يا قلبي
      تسلميلي على كلامك الحلو ان شاء الله بظل دايما عند ثقتك وحسن ظنك
      ربي يخليلي ياكي ويحققلك كل يلي بتتمنيه يا رب 😘😘❤

    • حبيبتي تحرير تسلميلي عكلامك الحلو ❤
      وكتير انبسطت لانك عرفتي انها وصفتي 😅😉
      ان شاء الله بظل دايما عن ثقتكم وانا بكبر فيكم وبمحبتكم ❤
      نورتي الوصفه بحروفك الي متل العسل
      الله يخليلي ياكي يا احلا ورده بزاكي
      كيف اولادك الحلوين طمنيني عنهم ❤😘

    • ياقلبي والله انت العسل وكلامك العسل
      انا نحلة صغيرة😂😂
      الحمد لله احنا بخير ومشتاقين لحبيبة قلبي ام احمد 💗💗
      ماشاء الله تبارك الرحمن مصورتنا المبدعة مزينة الوصفة
      الله يحميها ويباركلك فيها يااارب العالمين

    • حبيبتي سمر تسلميلي على مرورك الحلو وتعليقك الاحلا

      في سببين بس شو الصح مش متأكده
      بسموها تمريه نسبه لحلواني من قريه طمره الفلسطينيه فتح محل حلويات بمدينه بنابلس وانشهرت كثير بهالوقت بهالاسم
      والسبب الثاني لانو بسكرو العجينه على الحشوه او بمعنى اصح انهم بطمرو العجينه طمر ولهيك سموها طمريه بس الاسم المتعارف عليها بين الناس تمريه لسهوله حفظها ونطقها بيحكولها تمريه مش طمريه
      بتمنى اكون افدتك بهالجواب وبشكرك كثير يا قلبي نورتي الوصفه يا عسل
      بتمنى تجربي الوصفه وتعجبك 😘😘

    • تسلميلي يا حنونه على كلامك الحلو ربي يسعد قلبك يا رب وزاكي منور بوجود الغاليين امثالك الله يخليلي ياكي وما يحرمني من حنيتك وكلماتك الحلوه ❤😍😍😘

  2. حبيبتي سمر تسلميلي على مرورك الحلو وتعليقك الاحلا

    في سببين بس شو الصح مش متأكده
    بسموها تمريه نسبه لحلواني من قريه طمره الفلسطينيه فتح محل حلويات بمدينه بنابلس وانشهرت كثير بهالوقت بهالاسم
    والسبب الثاني لانو بسكرو العجينه على الحشوه او بمعنى اصح انهم بطمرو العجينه طمر ولهيك سموها طمريه بس الاسم المتعارف عليها بين الناس تمريه لسهوله حفظها ونطقها بيحكولها تمريه مش طمريه
    بتمنى اكون افدتك بهالجواب وبشكرك كثير يا قلبي نورتي الوصفه يا عسل
    بتمنى تجربي الوصفه وتعجبك 😘😘

  3. أهلاً بأم أحمد نورتي زاكي بطلتك الحلوة يا قلبي.. ويا عيني على إبداعاتك اللي ما إلها حدود.. يسلموا إيديك على التمرية اللذيذة
    وصفتك رائعة 💞💖💞

    • بالمهلي حبيبتي ام صبحي ربي يسعدك والله لساني بيعجز عن شكركم وشو محكيت ما بوصللكم جزء كبير من احترامي وعرفاني الكم ولتشجيعكم ومحبتكم الله يديمها يا رب
      نورتي الوصفه بتعليقك الي متل الورد ❤😘❤

    • تسلميلي يا قلبي
      الله يسعدك ام عبدالله نورتي الوصفه
      جربيها وان شاء الله تعجبك😘😘

      وذكرت للاخت سمر سبب تسميتها رغم انو ما في بمكوناتها تمر 😉😅

  4. اشهى اكلة بالشتوية كنا واحنا صغار نروح ناكلها مع خالتي من جبل الحسين ولا ازكى منها عملتها مرتين بالبيت زكاوتها والدنيا نازلة كبس مطر …يسلمو اديكي جبتي عبالنا كتير ذكريات بهالوصفة

  5. انتي كل وصفاتك غريبة ورائعة ومهمة وفتاكة وزاكية ويا ويلي من وصفاتك شو بتدبحني 🤗🤗🤗🤗
    يعطيكي الف عافية يا رب عنجد الوصفات الي بتعمليها بتطلب منك مجهود كبير …….يسلمو ايديكي يا غالية 😘😘😘😘😘😘😘😘😘😘

  6. هلا ومية حلا …نور زاكي ….كيفك ..ان شاء الله بخير ….رهيبه في هاي الوصفه ««غاب وجاب »»هني وعافيه يارب وان شاء الله ربي يشافيكي ويعافيكي كيف صارت رجلك خف وجعها ……سلامتك الف سلامه اختي ام احمد

    • منور بوجودك يا قلبي تسلميلي
      انا الحمد لله بخير يعني والله مرات برجع الوجع ومرات برورح لحالو الحمد لله على كلشي
      وشكرك ام البنات على سؤالك واهتمامك ربي يسعد قلبك ويجبر بخاطرك يا اروع صديقه ❤😘❤

  7. يعطيك الف عافيه ويسلم هالايدين ما شاء الله كتيييير زاااكيه وبحبها بالشتا
    🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀 🌹 🥀

  8. الجميلة والمُبدعة رجعت من جديد نور زاكي
    ما شاء الله على وصفاتك إتقان وإبداع تسلم ايديكِ
    والله يعطيكِ العافية والصحة
    وشكراً للمبدعة شادية على هذا التصوير المميز 💖

اترك تعليقاً

لن يتم نشر عنوان بريدك الإلكتروني.