img
الرئيسة / حلويات / حلى الحليب البارد روعة في الشكل وفي الطعم

حلى الحليب البارد روعة في الشكل وفي الطعم

/
/
/
7713 مشاهدات
 

حلى الحليب البارد روعة في الشكل وفي الطعم

حلى الحليب البارد روووعة في الشكل وفي الطعم

حلى الحليب البارد روعة في الشكل وفي الطعم

حلى الحليب البارد روعة في الشكل وفي الطعم , معكم صديقة زاكي الشيف الموهوبة ,

المقادير

  • كوب سكر
  • 4 كوب حليب سائل
  • 1 كوب طحين ابيض
  • 50 غم زبدة او نصف اصبع
  • م. ص فانيلا
  • جوز هند كمية غير محددة
  • للحشوة:
  • مكسرات
  • للكريما:
  • 3/4 كوب حليب سائل
  • 3 ظرف كريما بودرة

الخطوات

السلام عليكم ورحمة الله وبركاته

بداية اعتذر عن التأخير في المشاركة ولكن حصل معي مشاكل في النت عدا انه حبيت اعمل وصفات جديدة وما حبيت اكرر نفسي فاعذروني على التقصير.

هاي الوصفة شفتها اكثر من مرة هون وعلى اليوتيوب والغريب انها فعلا عليها ملايين المشاهدات فاستغربت ولما عملتها للأمانة كنت عملتها عشان انتقدها في الفيديو لانعا ما كانت مقنعيتني وحسيت انه طعم الطحين ظاهر فيها، بس لما عملتها صراحة غيرت فكرتي كليا وطلعت كثير طيبة وسهلة ومافي طعم طحين ظاهر ابدا.

خلينا نشوف الطريقة

أولا/الخليط

بنخلط كاسة الحليب والطحين والفانيلا والسكر وبنحركهم كويس وبنغليهم عالغاز مع التحريك المستمر لحتى يثقل الخليط.

ثانياً /

بنرفعها عن النار وبنضيف الزبدة وبنحرك مزبوط رح يصير القوام كريمي اكثر.

ثالثاً/الفرد

بنكون مجهزين صينية مستطيلة وحاطين فيها كمية كبيرة من جوز الهند عشان ما يلزق الخليط.

بنفرد الخليط بالتساوي.

رابعاً /الكريما

بنكون خافقين الكريما ومجهزينها وممكن تستخدمي كريما على اي نكهه بتحبيها، اختي جربت الوصفة مع كريمة فراولة وطلعت رائعة جدا ومنظرها بفتح النفس وصور تطبيقها بالاخر.

بنفرد الكريما فوق الهليط وبنرش جوز هند ومكسرات وبنتركها تبرد تماااماً.

خامساً/ التقطيع و لف القطع

بعد مايبرد بنقسم الحلو بالسكينة بالحجم اللي بنحبه اقسام طولية مستطيلات وبنصير نلف كل قطعة بلطف وهيه رح تنلف معك بسهولة وبندحرجها بجوز الهند.

سادساً / التقديم

بنقدمها على زوقنا انا حببت ازينعا بالفستق الحلبي وقطع بخرز السكر.

أتمنى تكون الوصفة عجبتكم وتجربوها قبل ما يبرد الجو مزبوط. والوصفة موجودة عندي على القناة.

ساااااااااااااابعاً/ شكر وتقدير

بحب أشكر كل وحدة تفضلت وزارتني واشتركت عندي في القناة وتركت أثر أو حتى بس شاهدت الوصفة بشكركم من كل قلبي انتوا نا بتعرفوا كيف شعوري لما اشوف اي حد منكم عندي بحس اني بين اهلي وقرايبي وبدونكم بحس بالغربة والله العظيم سبحان من جمعنا وجعل بينا هالمودة. وأخص بالذكر أختي

ام جيلان

وام عبدالرحمن

ام محمد

ام جنى

ام كاظم

ام مصطفى

وصفات لولو

ام عمر

ام علاء

ام عبدالله الفارس

رشا ام احمد

ام زيد

سوزاان

ربداوية

هدهد اليمن

واسفة لو نسيت اي اسم

وأتمنى اللي ما تفضلت بزيارة قناتي على اليوتيوب تتفضل وتشترك وتنورني وتدعمني بتعليق او مشاهدة او اعجاب وبكون َممنونة جداً.

(وطلب خاص للأدمن الرائعة تمار بتمنى تنوريني بالقناة المتواضعة كثييير رح يكون دافع الي)

اسم القناة

أشهى الأكلات وأحلى الأفكار

203 تعليقاً

  1. ما شاء الله ابداع ام جاسم يسلمو اديكي وصحه وعافيه يارب😘
    الله يشفي ابنك يارب
    كانت صاحبتي متل هيك اي شي تاكلو من مشتقات القمح تدخل مستشفى
    بس وين الفيديو؟؟؟

  2. لولو

    ام جاسم شفت الفيديو اول مانزل
    بسم الله ماشاءالله الله يحميه ويعطيه الصحة وطول العمر
    ان شاءالله ربنا بشفيه وبتشوفي باعلى المراتب

    قليلو خالاتك بقلولك برافو عليك يابطل
    لازم الانسان يكون قوي ومايحتاج حدا
    وان شاءالله هل حرمان من المرض بيتعوض بس تشفى بأذن الله

  3. ما شاء الله عليك ام جاسم😋😋
    ام جاسم انا متابعة قناتك وما شاء الله في تحسن من ناحية جودة التصوير.
    بس ملاحظة وحدة الصوت المضاف مزعج.
    فيديو جواد الله يحفظه ويسعده ها الزاكي كان افضل بدون صوت.
    وتقبلي مني 🌹❤️

    • ربي يسعدك توت والله معك حق الصوت حتى انا زاعجني بس اضطريت اضيفه لأن بدون صوت بالمرة مش حلو الفيديو ومع صوت لازم التزم بحقوق الملكية وما بصير احط صوت الا من اللي بيعطيني ياهم نظام يوتيوب وكلهم اغاني وموسيقى وانا مابدي اضيف اغاني ومالقيت الا صوت طبيعي بس صوت غابات بالليل ههههه شو بدي اعمل اضطريت.
      بس مفكرة ابطل احط صوت بالمرة وخليني على صوت الشغل اللي بشتغلة وتحملوا طرطقة صحون وملاعق ههههه.

    • ام جاسم في قناة اسمهاapron ما بتحط صوت بس ببقى صوت الخفق والشغل بشكل جميل لو تشوفي عندها فيديو.
      وياريت لو تجربي وصفاتها وتحوليهم للعربي هي اجنبية.. ووصفاتها جديدة علينا.. بناخدها من عندك مترجمة احسن 😅😅😉
      الله يوفقك يارب وتوصلي للي بتطمحيله.
      احب طموحك واصرارك ❤️❤️

  4. وعليكم السلااااام ورحمة الله وبركاته
    نورتييي بوصفاتك الأنيقة واللذيذة ياغالية
    ماشاء الله وصفة بتشهي وشغل متقن ومرتب الله يباركلك😍😘
    اشتقنالك كتييير⁦♥️⁩
    أنا ضمن المشتركين اللي بضلو يشوفو فيديوهاتك ويتفاعلو معها لكن مابقدر قول اسمي
    لأنو للأمانة عادة لا بشترك ولا بعمل اي شي لأي فيديو
    هالشي كان استثناء بقناتك
    طبعا لو عليي ماعندي مشكلة بس الحجي عندو تحفظات ببعض وسائل التواصل الاجتماعي 😁
    حبيت احكيلك هالحكي لتعرفي اني داعمتك من كل قلبي وبكل شي بقدر عليه ولو ماعرفتي مين أنا بس صدقا فخورة كتير بكل شي عم تعمليه ومابقدر قصر معك😘
    أما بالنسبة لجواد ربي يحفظو ويحميه ويباركلك فيه ويفرح قلبك وقلبو بالشفاء التام ياعمري
    سبحان الله شو قريب من القلب وبينحب 😍
    الله يهنيكي فيه ويهنيه بأم رائعة متلك ويباركلكم ويباركلكم ويباركلكم😘💝

    • ربي يسعدك يا نوارة زاكي يلي بتشعّي سعادة وين مارحتي وانا لو حتى ماعلقتي بالمرة بعرف انك داعمتيني ومن أوائل الناس يلي شجعوني واخدت بنصيحتك لما حكيتيلي غيري اسم القناة لإني بوثق فيكي، بس لازم اكتشف مين انتي من بين المعلقين راح اروح واراجع كل التعليقات هههههه
      نووورتيني وشرفتيني

    • حبيبة قلبي ام جاسم والله هيك اللي بحسو تجاهك واكتر بكتير من ما بتتخيلي
      الله بيعلم بغلاوتك💝
      ههههه ما تتعبي هلأ انتي بس ترقبي هاليومين يمكن شي اسم يلفت نظرك😁
      المشكلة مو عارفة وضحلك صدقا بخاف من هالموضوع لأنو الحجي بهيك شغلات حازم جدا😅

      لك ميمو حجيي عمرو 29 سنة يعني في ريعان الشباب هههههه😂😂
      قال 60 قال
      انا بدلعو الحجي مابعرف ليش 😁

    • آمييييييييييين حبيبتي ميمو
      يوم المنى والله
      ربي يكرمك على هالدعوة الحلوة ويطعمكم مثلها ان شاء الله 😍

      حبيبة قلبي ام جاسم ربي مايحرمني منك يا أصيلة😘
      اي اعتقد رح تعرفيني ههههه
      يسعدلي قلبك دايما⁦♥️⁩

    • يسعدلي اياكم ما اروعكم عنجد حسيت اني قاعده معكو بمكان واحد علقد محنا قريبين من بعض
      ميمو حبيبتي جوزي دايما بضل يناديني حجه 😉. بس يمكن انا حجه عمري 43 سنه يارب يطعمنا ويطعمكو الحجه بجاه حبيبنا محمد

  5. يسعد اوقاتك ي جميله..
    ماشاءالله شغلك اكثر من رائع ومبدعه
    وغير كذا أنيق ومرتب تبارك الرحمن

    الكلمات بجد ماتوفيك حقك لكن ربي يبارك لك ويرزقك من واسع فضله ويحقق لك امانيك
    ويارب عقبال ماتفرحي بـ أول مليون مشترك بـ قناتك..

    ع فكرة بـ اتابعك انا بس أسمي fatimah al shammri😂

    ونشرت لك عندي ماشاءالله لان شغلك مميز ويحفز الواحد يتابعك من جمال شغلك😍

    وربي يحفظ لك جواد واخوته ويرزقك برهم❤

    • ربي يسعدك ويبارك فيكي يارب ام كادي اصيلة بنت أصول، هههههه منيح يلي حكيتيلي اسمك عشان اعرفك مشكووورة عالدعم والكلام الطيب الله يجزيكي الخير يا رب منووريتني هون وهناك

  6. اليوم عملتها كثير طيبة بس ما لفت معي لانو حجم الصينية كان زغير ع الكمية بس جد ررروعة و دبرت حالي وقدمتها قطع وحبوها الجماهير تسلم ايديكي يا ام جاسم

  7. ما شالله المكتوب ببين من عنوانو يعني هل اناقه والدقه اكيد جنبها ام جاسم الله يوفقك ويسلم ايدك وان شاء الله تكون هل قناة فاتحه خير عليكي واكيد ع المفضله واكيد حنضل ندعمك حبيبتي ربي يشفيلك جواد الحلو ما شالله عليه ما الزو الله يحفظكم لبعض😘😘

    • تسلمي يعمري بس حبيت اشاقه وياج لان انتي كولش عزيزه ع قلبي ظروف النت عندنا بالعراق ضعيفه بس حبيت وصفتج و وصفاتج كولهن يخبلن عاشت ايدج حبيبتي😘😘😘

  8. ما شاء الله اللهم بااارك رووعه وكتييير مرتبين
    يسلمو اديكي ام جاسم ما شاء الله عنك من تقدم لتقدم ان شاء الله الف صحه وهنا يا رب 😘
    وما في داعي لتشكرينا ابداا وهاظ واجبنا كأخوات الك اكيد انتي مبدعه وبتستاهلي كل خير الله يباركلك ويشفيلك جواد يا رب
    😘❤

  9. يعطيكي الف عافية…
    وصفاتك حلوة وبتفتح الشهيه وبتحسسك انك بتقدري تعمليها
    بس ياعمري جربتها ولكن ما لفت معي بتوقع انها شوي مرتفعه يمكن لازم تكون رقيقه كتير الطبقه الاولى … ولكن اشكرررررررك ولك كل الاحترام والتقدير ❤❤❤

اترك تعليقاً

لن يتم نشر عنوان بريدك الإلكتروني.