الرئيسة / منوعات / استفساراتكم وأسئلتكم عن كل ما يخص الأسنان⁦♥️⁩

استفساراتكم وأسئلتكم عن كل ما يخص الأسنان⁦♥️⁩

/
/
/
3333 مشاهدات
 

استفساراتكم وأسئلتكم عن كل ما يخص الأسنان⁦♥️⁩

استفساراتكم وأسئلتكم عن كل ما يخص الأسنان⁦♥️⁩

استفساراتكم وأسئلتكم عن كل ما يخص الأسنان⁦♥️⁩

استفساراتكم وأسئلتكم عن كل ما يخص الأسنان⁦♥️⁩, معكم صديقة زاكي الشيف الموهوبة ,

ادرس طب اسنان وبإذن الله هذه آخر سنة لي، لذا أحببت أن أفيدكم بكل ما أعرفه عن طب الاسنان، ويمكنكم هنا سؤالي عن أي شيء له علاقة بالاسنان وإن شاء الله سأقوم بالإجابة على أسئلتكم⁦♥️⁩⁦♥️⁩.
أنا أعتذر على التأخير في النشر أتمنى أن ترى الأخت عبير تعليقاتكم وتجيب عليها وشكراً جزيلاً دكتورة على هذه البادرة اللطيفة أدمن تمار

207 تعليقاً

  1. بانه
    دكتوره بدي اسئلك الخل والليمون الهم تأثير على تآكل الاسنان
    احيانا باخد كاسة مي مع ملعقة خل طبيعي او عصير ليمونه هل شي باثر
    وشكرا

  2. السلام عليكم بدي اسالك دكتوره قمت بخلع طاحونتين متاكلات من حوالي شهرين والى الان عندي الم وصار باعلى الفك مثل النفخه مع الم فهل هاد الشي طبيعي ومع العلم اني اخذت دواء وشكرا

  3. السلام عليكم
    دكتورة أنا بغسل أسناني 3 مرات في اليوم ومع ذلك بعاني من مشاكل كتيرة زي تراكم الجير بسرعة والتهاب اللثة ورائحة الفم الكريهة ده غير اني حشيت ضرسين من سنين في الناحية اليمين ومن فترة مبقتش قادرة آكل علي الناحية دي خالص عشان بقي فيها ثقب كدة والأكل بيدخل فيها وبيسبب لي أبم فاتراكم فيها الجير أعمل ايه عشان أعالج المشاكل دي كلها؟

    • اسفة حبيتيي بعتذر كتير اني ما رديت بس شكلي ما انتبهت
      بالنسبة لتراكم الجير يمكن انتي طريقة التفريش مو صحيحة مئة بالمئة حاولي تشوفي فيديوهات باليوتيوب عن طريقة تفريش الاسنان الصحيحة وحاولي كمان تستخدمي الخيط كمان لانو مرات يتراكم الاكل بين الأسنان واستخدمي كمان غسول فم ولازم كل ست شهور تروحي عند طبيب الأسنان يعملك تنظيف ضروري

    • بالنسبة للسنين يلي حشيتهم لازم تروحي عند الدكتور يرجع يعملك حشوة غيرهم يشيل القديمة ويحط وحدة جديدة.
      وعالاغلب بس مو اكيد انو يمكن السنين بدهم سحب عصب بما انك قلتي عم تتوجعي منهم بس الافضل تروحي الدكتور وهناك راح يسوي فحص لسنك ويتاكد اذا بس استبدال للحشوة ولا سحب عصب بالاول وان شاء الله تكون بس حشوة⁦♥️⁩

  4. انا مركبي هوليود سمايل وطلعلي خراج ومابدي روح ع دكتور مع اني والله بفرشي مرتين وغسول ومعتني بسناني كتير بس حظي عاطل هلكت من سناني وتعب كتير كرهت دكتور السنان

  5. عبير الله يوفقك وينجحك الله يجزاك الخير ع كل فائدة او معلومه بتقدميها للصبايا ويوفقك وتتخرجي وتصيري احلى دكتوره بالدنيا ويحفظك لهدهودتنا

    الي عندك سؤال انا كنت عامل تلبيسه ووقعت التلبيسه و حكالي الدكتور انو سني صار بدو جسر ومو حابب اعمل جسر حكيت بدي ازرع زراعه بس سني ما خلعتو ضل الجذر بس الجذر فاضي عملتلو حشوة حتى الله يفرجها وازرع
    بس الحشوه وقعت بس المشكله اني حاسس انو اللثه عم بتغطي ع السن في مشكله حتصير بعدين ولا لأ
    وكمان ضرس العقل عندي بدو خلع بسمع انو خلعو بأثر ع شكل الاسنان مزبوط

    ع فكرة أنا عندي كل سن حكايه هههههه
    تعي كملك كيف بعرف انو اسناني بدها تقويم
    مع انو شكلهم مرتبين بس بحس لما بسكر اسناني ع بعض ما ليطبقو مزبوط معقول كان لازمني تقويم 😅جرايد تحمليني الله يوفقك يا قلبي ويعافي الجميع ربي

    • مرحبا حبيبتي وأمين يارب وتسلمي ع دعواتك الحلوين😍⁦♥️⁩
      بالنسبة لينك والجذر يفضل دائما تخلعيه وتزرعي مكانو على طول لانو السن اصلا مات وما ضل منو غير الجذر فهاي كلها عبارة عن بكتيريا وجراثيم فلازم ينخلع ، بس لازم بس تخلعي تزرعي مكان السن على طول عشان ما يتحلل العظم يلي كان فيه السن، شوفي متى بتحسي حالك مستعدة تزرعي واخلعي عشان فورا بعد الخلع تزرعي.
      بالنسبة لخلع سن العقل ف لا ما بأثر ع شكل الاسنان بس ممكن يعمل مرات بعد الخلع انتفاخ للخد، وفي مرات بكون وضع أو مكان سن العقل خطر ف هون لازم تختاري دكتور او دكتورة يكونوا كتييييير شاطرين حتى يخلعوه لانو اي غلط ممكن يسببلك مشاكل.
      بالنسبة للتقويم اذا بتحسي حالك مو قادرة تطبقي ع اسنانك صح معناتو عالاغلب بدك تقويم بس للاحتياط روحي دكتور اسنان وخليه يشيك لك اسنانك واطباقك هو بنفسه احسن.

    • تسلميلي حبيبتي عبير الله يجزاكي الخير يا قلبي ما شالله عليكي الله يوفقك وينولك يلي ببالك وتصلي لأعلى المراتب يا رب

  6. مرحبا دكتورتنا لحلوه في عندي سؤال انا حامل وسناني كتيرررر عم يوجعوني وفي جهة عندي مابقدر اكل عليها ولاحتى وقت فرشي اسناني قرب عليها هوي هر من لسن شقفه كتير صغيره ومن بعدها بلش لوجع يزيد وفي عندي سن منخور وكل مالو عم يكبر فيني شو بتنصحيني اعمل وفيني روح ع دكتوره وانا حامل ومابآثر هل شي ع لجنين

    • اهلا حبيبتي وبعتذر عن التاخير
      بالنسبة لاسنانك اه بتقدري تروحي تشوفي شو مشكلتهم وإذا هما سحب عصب أو حشوة.
      بس قبل ما يبدأ شي لازم تحكيلو انك حامل حتى ما يعرضك للأشعة لأنها مضرة وراح تأثر ع الجنين.
      حسب علمي لو سحب عصب يمكن ما يبدأ علاج لانو عندنا بالعيادات بالجامعة دائما بسحب العصب بنضطر ناخد أشعة كتير.
      انتي روحي واحكيلي شو بصير معك وان شاء الله تكون حشوة عادية.

  7. صباح الخير دكتورتنا الحلوة

    اسناني من امبارح بيوجعوني وجع لا يحتمل لدرجة اني صرت اخبط براسي من الوجع وللاسف حتي المسكن ماجاب نتيجة

    ان شاء الله اليوم لازم اروح عالدكتور
    بس عندي سؤال
    شو احسن نوع مسكن لالم الاسنان
    وهل بنج الاسنان الموضعي(البخاخ ) مضر وكيف احسن طريقة لاستعماله

  8. يعطيكي العافيه دكتوره عبير
    بدي اسالك انا اسناني من برا بحس عليهن زي القير ورحت دكتور وحكهن لالي بس رجعن

  9. السلام عليكم دكتورة أنا بنتي عمرها خمس سنين أسنانها الأماميات مسوسات وديبات يعني رايحات على الآخر وبضل ينزل دم من لثتها وهي نايمة شو بتنصحيني أسوي

    • خليها تروح عالدكتور يشوف مشكلتها عالاغلب يا خلع يا سحب عصب بس حسب ما قلتي اتوقع انو حيكون خلع بس خلي الدكتور يشوفهم وياخد أشعة يتأكد

  10. السلام عليكم دكتووره
    اناا بعاني من خروج دماء اثناء تنظيف الاسنان مع العلم معي فوبيااا من اطباء الاسنان بسبب تجربه مريره الله لا يعيدهااا استخدمت كبسولات عن التهابات الثه بس ما نفع اشي و ما اقدر ما انظف اسناني لا بد يومي من التنظيف والحل دكتورتنااا 😔

    • هو نزيف اللثة دائما بكون سببه التهاب باللثة والتهاب اللثة سببه انو الاسنان ما عم تتنظف منيح ، ضروري انتي كل ست شهور تروحي عند الدكتور يعملك تنظيف لانو عند الدكتور بنظف كمان اللثه من جوا فاللثة بتتحسن وبتبطل تنزف مع الاستمرارية يعني بتفريشها تفريش صح واستخدام الخيط وغسول الفم.
      بالنسبة لتجربتك غيري الدكتور لانو احيانا في دكاترة بكونوا شوي ايدهم تقيلة بس انتي اسالي عن دكتور او دكتورة شاطرة وروحي عندهم لا تخلي تجربه وحدة تعطيكي انطباع انو كل الدكاترة هيك وانو علاج الاسنان بوجع بالعكس علاج الاسنان ما بوجع ولا شي.

اترك تعليقاً

لن يتم نشر عنوان بريدك الإلكتروني.