الرئيسة / حلويات / سينابون رولز بصوص الشوكولاتة

سينابون رولز بصوص الشوكولاتة

/
/
/
1403 مشاهدات

 

سينابون رولز بصوص الشوكولاتة

سينابون رولز بصوص الشوكولاتة

سينابون رولز بصوص الشوكولاتة

سينابون رولز بصوص الشوكولاتة , معكم صديقة زاكي الشيف الموهوبة ,

المقادير

  • عجينة العشر دقايق
  • بيضه
  • الحشوه:
  • سكر ابيض
  • قرفه
  • كاكاو حسب الرغبه
  • صوص شوكولاته اي نوع معتمديته

الخطوات

بصراحه ياعزيزاتي كلامكم شجعني انزل الوصفات وحبيت اشارككم فيها لتجربو الطعم الطيب وهاي اول تجربه الي بالسينابون ولاني مابحب صوص الجبنه جربتها بصوص الشوكولاتة المحبوب
اول شي اذا عندكم عجينه معتمده اعملوها او عجينة العشر دقايق بإضافة حبة بيض وحده ورشة فانيلا

بنترك العجين يتخمر ساعة زمن

بنفرد العجينه بسُمك. متوسط واذا شفتوها كبيره اعملوها قطعتين

انا عملت حجمها صغير

بعدها بنوزع زبده ذايبه وبنرش القرفه والسكر والكاكاو وبنلفها رول

الكاكاو اعطاها طعمه طيبه

بندهن البايركس او اي صينيه بزبده او زيت

بنصف السينابون وبنترك فراغ بسيط بين الحبات

بنغطيها وبنتركها تتخمر كمان مره نص ساعه اواكثر حسب الجو لانه صار بارد.

بنخبزها بالفرن وبس نتاكد انها اتحمرت خفيف من تحت بنشويها عالشوايه لتاخد لون مش لتتحمر

انا مادهنت الوجه لابيض ولاشي

بنطلعها من الفرن وبنستنى كم دقيقه وبنضيف الصوص

انا زينتها بجوز وفستق حلبي

واستمتعو بالطعمه الطيبه

74 تعليقاً

  1. ما شاء الله يا ام علي انتي موهوبة الرولز رائعين وصوص الشوكولاته معطيهم منظر وزكاوة اكيد، هذا موضوع
    والتصويير موضوع ثاني يعني انتي متعددة المواهب بحب تصويرك خاصة للقطعه المفردة جايبيتها بزاوية صح وروعة. الف صحة وهنا يارب

  2. ياجمالوووووووووو وأناقتو الحلوة😍😍
    اللهم باااااارك ياعمري وصفة بتشهيييي والله ومنظرهم طالع تحفة
    الله يباركلك ويسلم دياتك ويهني أهل بيتك فيكي😍
    دايما بتتواضعي زيادة وبعدين بتقدميلنا وصفات بتخلينا نحط ايدينا على خدنا ونتأمل ههههههههه

    • ييييي. ربي يكررمك كرم كبييييييير ماله حدووود

      والله مابتواضع. بس انا شو. مقابل كمية الفن والابداع منكم
      دايما وصفاتك لوحه فنيه مميزه
      ربي يسعدك 💞💞💞💕💕💕💕❣️❣️❣️❣️❣️🧡💙💚

    • اول مرحله ٢كوب مي دافيه مع ٢كوب طحين و٢معلقه كبيره سكر و٢معلقه كبيره خميره
      بنتركهم عشر دقايق وبنغطيهم
      بعدها بنضيف معلقه صغيرة ملح و٢معلقه كبيره حليب بودره ونص كوب زيت ذره و٣اكواب طحين
      بنخلطهم سوا. ممكن تحتاجي اقل او اكثر طحين حسب نوعه

      اتركيهم يتخمرو نص ساعه او اكثر وبلشي فيها

      واذا للسينابون ضيفي بيضة بالمرحله الثانية من العجين

اترك تعليقاً

لن يتم نشر عنوان بريدك الإلكتروني.