img
الرئيسة / حلويات / كنافه الشعر بالطريقه الغزاويه بطعم ولا أروع على ذوقي ملكه الشتاء

كنافه الشعر بالطريقه الغزاويه بطعم ولا أروع على ذوقي ملكه الشتاء

/
/
/
1569 مشاهدات

 

كنافه الشعر بالطريقه الغزاويه بطعم ولا أروع على ذوقي ملكه الشتاء

كنافه الشعر بالطريقه الغزاويه بطعم ولا أروع على ذوقي ملكه الشتاء

كنافه الشعر بالطريقه الغزاويه بطعم ولا أروع على ذوقي ملكه الشتاء

كنافه الشعر بالطريقه الغزاويه بطعم ولا أروع على ذوقي ملكه الشتاء , معكم صديقة زاكي الشيف الموهوبة ,

المقادير

  • للقطر:
  • ٢ كوب سكر
  • كوب ونص ماء
  • عصير نصف ليمونه
  • م.ص فانيلا
  • نص كيلو كنافه شعر
  • كميه من السمنه
  • للحشوه:
  • ٤ أكواب ماء أو حليب سائل(أنا إستخدمت ميه)
  • ٤ م.ك حليب بودره
  • ٣ م.ك نشا
  • ٤ م.ك سميد(أي نوع)
  • م.ك سكر
  • علبه قشطه
  • م.ك فانيلا
  • زينه حسب الرغبه

الخطوات

بسم الله نبدأ

بالبداية بنجهز القطر بحط السكر والميه في طنجره وبتركهم يغلو مع بعض

بضيف الليمون وبعدها ب عشر دقايق بضيف الفانيلا وبحركه كويس بتركه كم من دقيقه بعدها بطفي النار وبتركه ليبرد

هالوقت بدنا صنيتين مقاس بعض بجيب الصينيه الأولى بدهنها بالسمنه كويس

بحط شعر الكنافه فيها وبحط كمان معلقتين كبار سمنه وبصير بأطراف أصابعي أفرك شعر الكنافه مع السمنه وبحاول أكسرها لقطع وسط برفع منها قد كبشتين كبار وبحطهم على جنب

باقي الشعر بفرده بقاع الصينيه بشكل متساوي هالوقت بجيب الصينيه التانيه وبحطها فوق شعر الكنافه وبكل قوه بضغط عليها بهالمرحله إستعيني بجوزك هههههه بجد لازم كتير تكبسيها لما تحسي إنو شعر الكنافه تجمع على بعض وصار طبقه وحده

*لعمل الحشوه أو المهلبيه*

بحط كل المكونات مع بعض بطنجره ما عدا القشطه والفانيلا

بقلبهم على الغاز مع بعض لتغلي ويشد قوامها بطفي الغاز بضيف عليها القشطه والفانيلا وبحركهم كويس

بوزع خليط الحشوه بالتساوي على شعر الكنافه بحاول ما أجيب على الأطراف بعدها بجيب شعر الكنافه إلي رفعته وبضيفه على الحشوه بالتساوي برشه رش

بحط الصينيه بالفرن على درجه حراره متوسطه مع تدوير الصينيه من فتره لتانيه

لما الأطراف يتحمرو كويس بجيب الصينيه التانيه وبحطها فوقها وبقلبها حتنزل بسهوله لأنو كميه السمنه منيحه

برجعها للفرن شئ خمس دقايق بس ليتحمر القاع إشويه بس لما تطلع بشربها بالقطر وبزينها

وتقددددددم سااااااخنه

آخر صوره من شغل أختي حبيبت قلبي

بتمنا هالوصفه البسيطه تعجبكم وتدعولي بالخير والعافيه يا عسولاتي

♡وصحه وعافيه بحبكم أنا ♡

88 تعليقاً

  1. ام مصطفى …..كنافة وبالأجواء الرائعة وشمس الصباح الرايقة والجو فيه لسعة برد خفيفة وصينية كنافة سخنة ……..والله انتي دمار لأزعم ريجيم …….😭😭😭😭😭😭😭😭😭😭😭😭😭
    يسلمووووووووووووووووووووووووو كتير ويعطيكي ألف عافية يا رب …😘😘😘😘😘😘😘😘😘😘🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️🏃‍♀️

  2. يسلمو يا ام مصطفى بتشهي ما شاء الله عليكي معدلة والله
    .. ههههه ضحكتيني والله اذا بدي أستعين بزوجي بجوز يوكلها وهي لسا شعر نية هههههه بموت عالكنافة كتير

  3. ماشاء الله شو هالابداع والفن اللهم بارك الله يحسن ما بين اديكم يا رب
    يسلمو اديكي وادين اختك وصليلها سلامنا
    والف صحه وهنا الله يرزقك كل يلي بتتمنيه يا احلا ام مصطفى بالدنيا كلها ❤🌹❤

  4. ماشاء الله 😍 كتشهي الوصفة في مفضلتي لانه الكنافة اصبحت تباع عندنا في هذه السنوات الاخيرة الا انه احنا استغليناها لتزيين اطباق المالحة و الحلوة او البسطيلة في المناسبات و الاعراس فقط.تبارك الله عليك ام مصطفى و شكرا على الوصفة فتحتي لي المجال اجرب الكنافة بطريقتها الاصلية ❤

    • حبيبتي تسلمي يا رب ربي يبارك فيكي ويسعدك نورتيني ياااعسل ربي ما يحرمني منك😙
      الحمد لله إنها متوفره عنكو وإن شاء الله بتجربيها وبتعجبك كتير زاكيه 😍🌷

  5. يا عيني عليكي رورو يسلملي المعدل والمرتب صحه وهنا حبيبتي بس يلي بيبهرني المناظر الطبيعية مع وصفاتك الحلوة تسلم ايدك

  6. ماشاء الله تبارك الرحمن شو هالابداع ياعمري
    الوصفة بتشهي وانا بموووت عليها
    يسلم اديكي ياقلبي ويسلم ايدين اختك العسل
    ابدعتوا بصراحة 👍👍
    بس سؤال القشطة كيف بيطلع قوامها 🤔لأنه حابة اجربها ان شاء الله

    • حبيبتي تسلمي يا رب ربي يبارك فيكي ويسعدك نورتيني ياااعسل ربي ما يحرمني منك ومن دعواتك الي زي العسسسل يا غاليه 😘😍🌷
      زي قوام المهليبه تقريبا أو مهليبه السميد خليها جامده إشويه 😄👍

  7. هاد المنظر واوااااااااا😭😭😭
    بوجع القلب والجوارح ههههههه
    ماشاء الله اللهم بارك اللهم بارك اللهم بارك
    منظر خرافييييي وبياخد العقل والله
    تسلم ايديكي وايدين أختك😘😘
    مبدعاااات والله ربي يسعدكن ويحميكن ويهديكن لتحسبو حسابي بشي صينية😭

اترك تعليقاً

لن يتم نشر عنوان بريدك الإلكتروني.