الرئيسة / أطباق رئيسية / محشي الجزر الاحمر

محشي الجزر الاحمر

/
/
/
1204 مشاهدات

 

محشي الجزر الاحمر

محشي الجزر الاحمر

محشي الجزر الاحمر

محشي الجزر الاحمر , معكم صديقة زاكي الشيف الموهوبة ,

المقادير

  • جزر احمر
  • رز
  • لحمة مفرومة
  • بهارات مشكلة
  • فلفل اسمر
  • قرفة
  • زيت قلي
  • تمر هندي
  • تومة
  • ملح

الخطوات

مرحبا يا حلوين كيفكم اليوم حبيت انزللكم وصفة شتوية موسمية مش كتير ناس بيعرفوها طبخناها عند بيت حماتي و طلعت كتيير زاكية

اول شي بنقشر الجزر و بنضفو منيح و بنحفرو و بنخليه خميل بينحفر من الجهتين و طبعا ما بنكب اللب بعدما بنفحرو بنغسلو كمان مرة

و بنغسل اللب و بنركبو مع شوية زيت قلي مع رشة فلفل اسمر و بكيت ماجي ازا بتحبو لغاية ما يتدبل

بنحشي الجزر و بنخليه مليان بس الرز بيكون مفرهد تتبيلة الرز لحمة مفرومة والرز و البهارات المشكلة و الفلفل الاسمر و رشة قرفة و ملح

بعد ما نحشيه بنقليه لغاية ما يتحمر

طبعا عبل ما نخلص قلي الجزر بيكون اللب استوى

بنحط الجزر فوق اللب

بنكون ناقعين التمر الهندي قبل بيوم بنحطو بنطحنو عالمولينكس و بنصفيه كتير منيح و طبعا بنزيد مي و بنحط عليها ماجي ازا بتحبو و ملح و فلفل اسمر و بنخليه يغلي و بعدين بنديرو على الجزر لغاية ما يستوي الجزر و الرز الي بقلبو بنكون مجهزين التومة بنقدحلو بالتومة بعد ما يستوي و بنخليه يغلي عشر دقايق و بنطفي عليه

و بالعافية

و لا تنسوني من دعواتكم

54 تعليقاً

  1. تقى
    يسلمو اديك
    أنا بعرف الجزر البرتقالي
    بس كانت ستي تحكيلي عن هذا الجزر بس شكلو مقطوع عنا بالضفة
    شوقتيني بزيادة لحتى اذوقه😋

  2. بسم الله ما شاء الله عليكي يا عسل بشهييي يسلمووو يا رب وصحه وعافيه يارب 😍
    كتير زاكي ربي يسلم ديادك الي حفره هههههه لأنو قاسي شويه😄
    إحنا بنعمله بطحينه زي المخشي وكتير زاكي وحامض بكون يمي يمي 🌷😙

  3. لولو

    ماشاءالله تسلم ايدك
    فعلا لذيذ منطبخه بس بغير طريقة

    صحيح ام مصطفى بده قوة 😀😀
    بحلب كان ستي الله يحفظها تاخده عند شخص بيحفره بلكهربا مابعرف بشو بس بعرف هيك لان ماكنت اشوف كيف 😃😃
    وحالا بالغربة منحفره على ايدنا اذا توفر

  4. صرت فايته الوصفه ٢٠ مرااا مش عارفه ليش بتخيل بطعم 😂😂😂😂سبحان الله بطلع على لون الجزر بحاول استوعبو😂😂😂😂😂😂😂😂😂😂😂😂😂😂

  5. 🤤🤤🤤🤤🤤🤤
    يماااااااااا فتحتي المواجع على كروشتي عنجد هاي الاكلة اكلتها عند تيتا بس بالجزر العادي ياااااااوووويييييليييييي شو زاكي حامض حلو مالح عنجد خراااااافي وكنت صايمة كمان عنجد طعمو رهيييييب يسلم دياتك يا عسل ريتو الف صحة وهنا يا رب😍😍😍😍😍😍😙😙😙😙😙😙😙😙💖💖💖💖

  6. يااااا الله ياام احمد شو بتحمل ذكريات هالاكلة
    الله يرحم ابوي كان دائما يجيبوا وامي الله يطول بعمرها تعمله ونتجمع وناكلها سوا وبعد ماتزوجت كل مايعملوها ابوي يبعتلي لأنه عارفني بحبها😢😢

    جد يسلم اديكي حبيبتي والله هالاكلة زاكية كتير ومفيدة وصحية كتير
    الله يسعدك حبيبتي دنيا وآخرة 😘😘😘

  7. (( إذا عَمِلْتَ سيئةً فأتبِعْهَا حسنةً تَمحُهَا ))

    ▪️ قَالَ رَسُولُ اللَّه ﷺ :

    (( إذا عَمِلْتَ سيئةً فأتبِعْهَا حسنةً تَمحُهَا
    قالَ : قلتُ يا رسولَ اللهِ ! أمِنَ الحسَناتِ لا
    إلهَ إلَّا اللهُ ! قالَ : هيَ أفضَلُ الحسَناتِ ))

    📚 صحيح الترغيب – رقم : (3162)

  8. يسلمووووووو هالايدين الله يسلمايدين اللي حفرهم لأنوكتير بغلب هاي الاكله كتير زاكية وانابحبها كتييييير 😋😋😋😋الله يعطيكي العافيه زكرتيني لماكنا نسويها عنداهلي🤗♥️♥️♥️♥️♥️🤤🤤🤤

اترك تعليقاً

لن يتم نشر عنوان بريدك الإلكتروني.