img
الرئيسة / حلويات / المعجنات المورقه الذهبيه بحشوه الكاستر وحبيبات الشوكولاه ملكه الشتاء

المعجنات المورقه الذهبيه بحشوه الكاستر وحبيبات الشوكولاه ملكه الشتاء

/
/
/
1630 مشاهدات

 

المعجنات المورقه الذهبيه بحشوه الكاستر وحبيبات الشوكولاه ملكه الشتاء

المعجنات المورقه الذهبيه بحشوه الكاستر وحبيبات الشوكولاه روووعه ملكه الشتاء

المعجنات المورقه الذهبيه بحشوه الكاستر وحبيبات الشوكولاه ملكه الشتاء

المعجنات المورقه الذهبيه بحشوه الكاستر وحبيبات الشوكولاه ملكه الشتاء , معكم صديقة زاكي الشيف الموهوبة ,

المقادير

  • اربعه كوب طحين ابيض
  • معلقتين كبار عسل او قطر ثقيل القوام
  • بياض بيضتين
  • معلقتين صغار فانيلا سائل
  • معلقتين كبار لبن يوغرت
  • تقريبا كوب الا ربع ماء دافئ للعجن حسب نوع الطحين
  • رشه ملح
  • معلقه صغيره خميره فوريه
  • معلقه صغيره مسح بيكنج باودر
  • اربع معالق كبار زيت او زبده سايحه
  • كوب شوكولاه حبيبات
  • مقادير كريمه الكاستر:
  • 2 كوب حليب
  • معلقتين كبار زبده
  • معلقتين كبار نشا
  • صفار اربع بيضات
  • معلقتين صغار فانيلا
  • نص كوب سكر
  • للتوريق:
  • 50 غرام زبده بارده وطريه
  • معلقتين كبار نشا
  • نص معلقه صغيره بيكنج باودر
  • لتلميع المعجنات فور خروجهم من الفرن:
  • نص كوب قطر ثقيل القوام
  • لتلميع المعجنات قبل الخبز:
  • صفار بيضه
  • معلقه حليب سائل
  • معلقه فانيلا

الخطوات

بسم الله نبدا

بوعاء للعجن بنضع الزيت وبياض البيض واللبن والعسل او القطر ورشه الملح والفانيلا والبيكنج باودر والطحين والخميره وبنضيف الماء بالتدريج مع استمرار العجن لما تتشكل عنا عجينه ناعمه وطريه شوي بندهنها شويه زيت وبنغطيها وبنتركها تختمر منيح وبهالوقت بنحضر كريمه الكاستر

بنسخن الحليب على الغاز

وبوعاء بنضع صفار البيض والسكر والفانيلا ورشه وبنحركهم عطول لمتزجو منيح وبعدين بنضيف النشا ورشه الملح وبنبلش نضيف عليهم الحليب الساخن بالتدريج مع التحريك المستمر لنحصل على قوام ناعم جدا بنضع الخليط على النار مع استمرار التحريك ليشتد ويتماسك عناو بعد هيك

بنطفي الغاز وبنضيف معلقتين الزبده وبنحركهم ليمتزجو وبنغطيهم ببلاستيك غذائي وبنراعي انو يكون البلاستيك ملامس سطح كريمه الكاستر حتى ما تتشكل عنا طبقه ناشفه غير مرغوب فيها ليبردو وهيك بكونو جهزو للاستعمال

وبعد متكون خمرت العجينه بنرقها مستطيل كبير وبندهنها بخليط الزبده وبنسكرها على بعض ثلاث طبقات وبنرجع ندهن زبده بين كل طبقه اثنار تسكير العجينه لما نحصل على مربع من عده طبقات بنغطيها منيح و بنريحها بالثلاجه عشر دقائق وبعد هيك بنرقها بمساعده رشات خفيفه من الطحين لمستطيل كبير وبندهنو بخليط الكاستر وبنرش فوقهم الشوكولاه الحبيبات وبنلفو رول وبنقطعو قطع متساويه وبنصفو على ورق الخبز وبنغطيه وبتركو نصف ساعه قبل الخبز

وبندهنو بخليط صفار البيض وبعد هيك بنخبزو بفرن محمى مسبقا عنار هاديه تقريبا من 170 ل 180درجه لمده عشرين دقيقه وحسب الفرن اكيد لما يوخذو اللون الذهبي من تحت بنحمر وجهم على الخفيف لنحافظ على لونهم بنطلعهم من الفرن وعطول بندهنهم بخليط القطر ويترك ليبرد ويقدم والف صحه وهنا بتمنى تجربوها وتعجبكم ولا تنسوني من فضل دعواتكم الحلوه

تحياتي الكم جميعا رشا ام احمد

147 تعليقاً

  1. اللهم صل على سيدنا محمد وعلى آله وصحبه أجمعين اللهم بارك اللهم بارك ماشاءالله رائعه انتي والعسل شاديه وصفتك بتجننن تصوير بجننننن اللهم بارك لك وبارك عليك ياقلبييي

  2. اكيد هدول زريعاتك اللي التهيتي فيهم عنا😂😌
    الوصفه خطيييييره
    والمصوره خطيييييره
    وانت ام احمد خطيييييييييره

    الله يسلم اديكِ يااارب 💕💕💕

  3. ماشاءالله ام احمد حبيبتي..مابعرف شو بحكي ع الجمال والوصفة اكثر من رائعة وتجنننننن…وتصوير الحلوة شادية ربي يحميها اكثر من رائع…ان شاءالله اجربها شهية وكثير سهلة…واكيد اكيد وبلاااا نقااااش ع المفضلة…

    • انا الي بشكرك من كل قلبي على هالكلام الحلو والرائع من انسانه رائعه متلك ان شاء الله تجربيها وتعجبك وان شاء الله اكون قد الثقه يا رب نورتي الوصفه يا قلبي ♥️🌹😘😘

  4. ماشاء الله الكلام عاجز عن وصفك يااروع شيف بالعالم
    يعني ماشاء الله الوصفة ساحرة الجمال والمصورة الصغيرة ماشاء الله ابدعت بالتصوير وكملت جمال الوصفة
    الله يباركلك حبيبتي بصحتك ويفرح قلبك بكل شي بتتمنيه 😘😘😘😘

    • اللهم آمين يا رب جميعا ان شاء الله
      تسلميلي حبيبتي تحرير على هالكلام الحلو الله يخليلي ياكي يا قلبي وما يحرمني من صحبتك الطيبه نورتي الوصفه بطلتك العسل الله يرحم والدك ووالدي واخواتي وجميع اموات المسلمين يا رب ♥️🌹♥️

    • اللهم آمين يارب العالمين

      ياعمري الكلام هاد قليل عليكي ماشاء الله انت مبدعة ووصفاتك عالمية وكلامي لا يوفيكي حقك

      وانت اخت غالية عقلبي بفرح لفرحك وبزعل لزعلك
      الله يديم المحبة والأخوة بينا 😘😘😘

  5. ما شاء الله عنك الله يحميكي شغلك عنجد روووعه وفنااانه يعطيكي العافية يارب ويعيشو هالايدين
    🌷 🌹 🌷 🌹 🌷 🌹 🌷 🌹 🌷 🌹 🌷 🌹 🌷 🌹 🌷 🌹 🌷 🌹 🌷 🌹 🌷 🌹

  6. الله يسلم دياتك يا احلى واطيب رشا بالدنيا…شو هالفن شو هالابداع وشو هالتصوير ما شاء الله ..اللهم بارك..جد شغلك بيفتح النفس كتير..يعطيكي العافية يا رب..💘

    • تسلميلي حبيبه قلبي ام جود رايك شهاده وبعتز فيها وكتير مبسوطه من رايكم بوصفاتي الله يخليلي ياكم ويباركلي فيكم يا اعز واروع واحن صحبه بالدنيا منوره الوصفه يا عسسل 😘🌹😘

    • اللهم إني أرجو أن تحمي صديقتي التي أحب من شر حاسد اذا حسد ، أرسل لوجهها الابتسامة، ولقلبها الراحة، فأنا أحب صديقتي فوق الحب حباً…💐

  7. ما شاء الله ما اروعها هالوصفه وشكلها بشهي
    وبفتح النفس الله يسلم دياتك يا رب
    ويسلم ديات شاديه عالتصوير الرائع
    ووصفاتك جميعها قمه في الروعه
    بالاخص الشغل يلي فيه عجين ومعجنات
    ما شاء الله متميزه

    • حبيبتي ام محمد يسعدلي قلبك متل مأسعدتيني
      بهالكلام الحلو الله يخليلي ياكي وما يحرمني من حلاوه كلامك وكلامك شهاده وبعتز فيها وان شاء الله اكون عند ثقتكم وحسن ظنكم دايما يا رب 🌹😘😘
      بالنسبه للمعجنات انا عشقي وعالمي الخاص
      بتريح كثير وانا بعملهم بفرغ كل طاقتي فيهم لو عشر ساعات متواصله
      واذا بجلي شويه جلي عطول بتعب ههههه

  8. ماشاء الله عليك يا أم أحمد.. وما شاء الله على إبداعك وإتقانك في شغلك.. وصفتك روووووووعة ومجهودك واضح بالوصفة.. الله لا يضيعلك تعب يا قلبي ويزيدك من نعيمه وتبدعي 💞
    وما شاء الله عليها شادية شو عندها حس فني وعندها أبعاد لإظهار حكايا الصورة
    أبهرتيني يا قلبي 🥀🥀

    • اللهم آمين يا رب🌹
      تسلميلي يا قلبي وبشكرك على دعواتك الحلوه الي طالعه من القلب لانو الي بيطلع من القلب بيوصل للقلب وانا وصلتني دعواتك الصادقه الله يخليلي ياكي ويباركلي فيكي يا رب الحمد لله الي رزقني بصديقات رائعات امثالكم
      🌹😘❤

  9. ما شاء الله تبارك الله انا طبعا ما استغربت الابداع لانك ملكة الابداع الراقي كل شي طيب وزاكي وغريب من تحت دياتك الحلوين ربنا يحميك حبيبتي ويحميلك شاديه الي زادت الوصفه اناقه بتصويرها الراقي والوردات الحلوين لحالهم حكايه تبارك الله ربنا يزيدكم علم ونور يا احلى ام احمد

    • يسعدلي كلماتك الحنونه يا حنونه وغاليه انتي الله يخليلي ياكي وما يحرمني من دعواتك الحلوه 😍😘وكلماتك العسل وسام على صدري وتاج على راسي 💕💕💕الله يحفظك ويسعدك ويباركلك بعيلتك انا بكبر فيكم وبتشجيعكم ودعمكم المستمر انا شو لولا صحبتكم الطيبه
      عيلتي الثانيه احلا واغلا واروع واعز ناس بالدنيا كلها الله ❤❤

  10. ما شاء الله تبارك الرحمن الله يحميكي رشرش والله انك مبدعة ومميزة وتستاهلي كل الدعم يا قلب انتي مميزة بكل شي اللهم بارك والله لازم تعملي قنتة يوتيوب نستفيد منك اكتر واكتر عنجد يسلم اديكي يا عسل وربي يجزيكي الخير على كل شي بتقدمي 😙😙😙😙😙💖💖💖💖

    • لك تسلملي العسل يارا الله يخليلي ياكي يا قلبي
      الله يجمعني فيكم على خير وهداه بال يا رب
      ان شاء الله بس آجي رح اعلمك كل وصفه بتطلبيها مني 😉🌹❤😅😅

  11. روووووووووعاااااتك 😍😍😍😍😍😍😍 تسلم ايدك ياعمري بتششششهي شكلها جد.دمار الابداع اساسك والله يا قلبي ..اللهم بارك الله يحفظك ويخليلك هالوردات بناتك والوردات الزريعه 😂 شو ما حكيت ما بيوصف ابداعك الراقي واللامتناهي

    اما التصوير فحبيبه قلب خالتو شادو زادتها جمال تصوير قمه بالروعه ….زوايا التصوير مبهره رائعه كل مالها بتتقن اكتر تبارك الله 😍😍 سلامي الها ولاحلامها الحلوة 😘😘😘😘

    • الله يسعد قلبك ام آدم على هالكلام الحلو متلك الله يباركلي فيكي وبدعواتك الصادقه بيعجز لساني عن شكرك بيحتارو كلماتي قدام حكياتك العسل الله يخليلي ياكي وما يحرمني منك يا رب 🌹💕😘
      نورتي الوصفه يا عسسل 😘😘

  12. 👈ما هو عذرك عند الله….؟

    قال العلامة المفسر عبد الرحمن بن ناصر السعدي رحمه الله :

    ( فياأيها المعرضون عن طلب العلم!
    ما هو عُذركم عند الله ، وأنتم في العافية تتمتعون !
    وماذا يمنعكم منه وأنتم في أرزاق ربكم ترتعون !

    أترضون لأنفسكم أن تكونوا كالبهائم السائمة !
    أتختارون الهوى على الهدى والقلوب منكم ساهية هائمة !
    أتسلكون طرق الجهل وهي الطرق الواهية ، وتَدَعُون سُبُل الهدى وهي السُّبُل الواضحة النافعة !

    أترضى إذا قيل لك:مَن رَبُّكَ وما دينك ومَن نبيك لم تحر الجواب!
    وإذا قيل : كيف تصلي وتتعبد أجبت بغير الصواب !؟

    وكيف تبيع وتشتري وتعامل وأنت لم تعرف الحلال من الحرام !؟
    أمَا والله إنها حالةٌ لا يرضاها إلا أشباه الأنعام ،

    فكونوا -رحمكم الله- متعلمين،
    فإن لم تفعلوا فاحضروا مجالس العلم مستمعين ومستفيدين ،

    واسألوا أهل العلم مسترشدين متبصرين فإن لم تفعلوا وأعرضتم عن العلم بالكلية فقد هلكتم وكنتم من الخاسرين .

    أما علمتم : أنَّ الاشتغال بالعلم مِن أَجَّلِ العبادات ،وأفضل الطاعات والقربات ومُوجِبٌ لِرِضَى رَب الأرض والسماوات .

    ومجلس علم تَجلِسُهُ خيرٌ لك مِن الدنيا وما فيها ، وفائدة تستفيدها وتنتفع بها لا شيء يزنها ويساويها !؟

    فاتقوا الله عباد الله ، واشتغلوا بما خلقتم له من معرفة الله وعبادته .وسَلُوا ربكم أن يُمدكم بتوفيقه ولطفه وإعانته .

    ( أَمْ مَنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الآخِرَةَ وَيَرْجُو رَحْمَةَ رَبِّهِ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لاَ يَعْلَمُونَ إِنَّمَا يَتَذَكَّرُ أُولُو الأَلْبَابِ ) .

    المصدر: كتابه [الفواكه الشهية في الخطب المنبرية ] رقم ( 66 )

  13. ما شاء الله تبارك الرحمن 😍
    إبداااااااع بمعنى الكلمة
    الوصفة بتشهي ومتقنة ولذييييذة الله يعطيكي العافية😘
    والتصوير أكتر من مبهر اللهم بارك😍
    تسلم ايديها الفنانة الرائعة شادو ⁦♥️⁩

  14. بسم الله تبارك الرحمن شو هالجمال يا قلبي ربي يسلم ديادك ويبارك بعمرك وصحتك 😍
    الوصفه بتشهييي والتصوير راااائع ربي يحفظلك هالجوهره وإن شاء الله بتشوفيها بأعلى المراتب 😙🌷

اترك تعليقاً

لن يتم نشر عنوان بريدك الإلكتروني.