زبدة الفول السوداني بمكون واحد فقط وبأقل تكاليف

164 5٬644
 

زبدة الفول السوداني بمكون واحد فقط وبأقل تكاليف

زبدة الفول السوداني بمكوّن واحد فقط وبأقل تكاليف

زبدة الفول السوداني بمكون واحد فقط وبأقل تكاليف

زبدة الفول السوداني بمكون واحد فقط وبأقل تكاليف , معكم صديقة زاكي الشيف الموهوبة , 

المقادير

  • نصف كيلو فول سوداني ني

الخطوات

السلام عليكم ورحمة الله وبركاته

كيفكم صديقاتي جميعاً؟

وصفة اليوم سهلة خفيفة لطيفة ومغذية جدا وسعرها بالسوق غالي، زبدة الفول السوداني لذيذة جدا بالسندويشات مع نوتيلا رووعة بتطلع ومع الحلويات الها استخدامات متعددة ورح اقدمها بطريقة بسيطة جدا جدا خلينا نشوف الطريقة

أولاً / تحميص الفول السوداني

بنفرد كمية الفول بصينية فرن واسعة على طبقة وحدة عشان تتحمص مزبوط وبندخلها الفرن شغال فوق وتحت عشر دقايق مع تفقدها بين حين وحين وتقليبها.

ثانياً /الطحن

لازم نطحن الفول السوداني وهو ساخن فور خروجه من الفرن بنفرغه بجاط عميق وبنطحنه بالمطحنة اليدوية، ممكن بمطحنة القهوة او المحضرة اذا كانت قوية انا للأمانة جربت بالكبة ما زبطت وجربت بمطحنة القهوة مازبطت واخيرا بالخلاط اليدوي والنتيجة اكثر من ممتازة.

بنطحن الفول السوداني وبنستمر بالطحن ما نملّ لإنها بتاخد وقت يمكن عشر دقايق بدها وريحي الخلاط عشان ما ينحرق انه تشغلي وتطفي طحن متقطع يعني.

بنتابع طحن لحتى ينعم معنا ويصير سائل تقريباً طبعا الزيوت الطبيعية فيه بتخرج مع التحميص ومع الضرب وهيه يلي بتحوله لزبدة.

ملاحظة /

اذا بتحبي الزبدة تكون كرنشي يعني فيها قطع خشنة بتاخدي ملعقتين او ثلاث منه قبل ما ينعم وهوه لسا مطحون خشن وبتتركيهم على جنب لحتى تطحني كل الكمية وتنعم بتضيفي الملعقتين الخشنين وبتقلبي بالملعقة.

ثالثاً/ نكهات وخيارات والحفظ

ممكن تتركيها زي ماهيه سادة وطعمها رائع

ممكن تضيفي للطحن ملعقتين عسل بتصير بطعم حلو.

ممكن تضيفي رشة ملح (وهو المفضل عندي) بتصير بنكهه مالحة.

لك الخيار.

*الحفظ بمرتبان زجاج بالمطبخ عادي ما بتخرب او بالثلاجة بتجمد اكثر.

رابعاً / شكرا شكرا شكرا

بشكركم من كل قلبي على دعمكم المستمر الي هون وبالقناة ربي يبارك فيكم ويجزيكم كل خير ولو اشكركم طول العمر ما بوفيكم حقكم صح انتوا بتحكولي مافي بينا شكر بس لا من لا يشكر الناس لا يشكر الله انتم سبب رئيسي لنجاحي ولاستمراري بكفي انكم بتبيضوا وجهي بتعليقاتكم الرائعة دايما وبتمنحوني سعادة من نوع نادر لإنه هذا العطاء منكم يلي بدون مقابل هو اروع وارقى عطاء. ربي يشهد اني احبكم في الله. كل المحبة والاحترام لكم جميعا وللأدمن تمار يلي بتسمحلي ابعث هذا الكلام على منصتها الخاصة جزاكي الله خيرا ادمن.

واخييييييرا

الوصفة موجودة عمليا على القناة

( أشهى الأكلات وأحلى الأفكار)

بتمنى من يلي ما اشتركوا يشتركوا وينوروني سعيدة جدا وفخورة جدا جدا فيكم.

دمتم بكل خير

عرض التعليقات (164)