لانشون بيتي بأبسط مكونات وبدون مضافات وألوان صناعية

139 7٬544
 

لانشون بيتي بأبسط مكونات وبدون مضافات وألوان صناعية

لانشون بيتي بأبسط مكونات وبدون مضافات وألوان صناعية

لانشون بيتي بأبسط مكونات وبدون مضافات وألوان صناعية

لانشون بيتي بأبسط مكونات وبدون مضافات وألوان صناعية , معكم صديقة زاكي الشيف الموهوبة ,

المقادير

  • دجاجة كاملة بالجلد وزن كيلو ونصف
  • بصلة
  • 2 جزر
  • 3 ورق غار
  • 3 حب هال
  • ملح وفلفل للسلق
  • م. ك بابريكا
  • 2 سن ثوم مهروس
  • م. ص فلفل اسود مع الطحن
  • كوب ونصف من مرقة سلق الدجاج
  • ملعقة كبيرة ونصف جيلاتين بودرة (من عند العطار)
  • حبة شمندر
  • للنكهات الاختيارية
  • زيتون مقطع
  • فلفل حب
  • فستق حلبي

الخطوات

السلام عليكم ورحمة الله وبركاته

وصفة اليوم صحية 100 % وهي بديله للانشون الجاهز يلي الله اعلم شو مطحون فيه وشو مكوناته هذا عدا المواد الحافظة.

وصفة بسيطة ونتيجتها ممتازة وان شاء الله تعجبكم خلينا نشوف الطريقة.

أولاً / سلق الدجاج

بنسلق الدجاجة مع الخضار وورق الغار والهال والملح والفلفل لحتى تستوي تماماً.

# بنقدر نعمل نصف دجاجة او صدور لوحدها او اوراك لوحدها لك الخيار ويفضل الجلد يكون موجود.

ثانياً / طحن الدجاج

بنترك الدجاجة تبرد شوي وبنفتتها بايدنا لقطع صغيرة وبنتخلص من كل العظم وبنحتفظ بالجلد مع اللحم.

# بنضيف البابريكا والثوم والفلفل

وبنكون بارشين حبة الشمندر وبنحاول نستخرج منها السائل بالضغط عدة مرات عليها بنحتاج ملعقتين من عصير الشمندر للون.

# بنضيف عصير الشمندر

# كوب ونصف من مرقة الدجاج مع ملعقة ونص جيلاتين والمرقة دافيه بنذوب الجيلاتين فيها وبنضيفها للدجاج.

# بنبدأ نطحن كل الخليط بالمطحنة اليدوية او الكبة لحتى تصير معجونة ناعمة.

ملاااحظة /

ممكن اضافة البصل والجزر يلي مع السلق لخلطة الدجاج ونطحنهم معها.

ملاحظة / نكهات

ممكن بعد طحن الخليط اضافة النكهات من زيتون او فلفل او فستق حلبي وتقليله مع الهليط جيدا طبعا مع النكهات اطيب بس اولادي بحبوها سادة.

ثالثاً / التعبئة

بنحتاج علبة ببسي لتر بنقص الجزء العلوي منها وبنغسلها وبنعبي فيها العجينة وبنضربها عدة ضربات على الرخامة عشان نتخلص من فراغات الهواء وبمساعدة عود خشب طويل (سيخ الشوي)

بنتخلص من الفراغات.

# الكمية ملأت علبة البيبسي وعلبة ماء صغيرة.

بنغلفهم وبنتركهم بالثلاجة لثاني يوم.

رابعاً / النتيجة والطعم والحفظ

ثاني يوم بنلاقيها جمدت واخدت شكل القنينة بنقص طرف البلاستيك من فوق وبنكمل باليد بنفتح العلبة وبنستخرج اللانشون.

# بنقطعه زي ما بنحب نتيجته ممتازة لونة رائع وقوامه ممتاز وطعمه يشبه الى حد ما اليونيوم المرتديلا المعلبة المعروفه. ولكنه أطرى شوي.

# يحفظ في الثلاجة ويستهلك خلال ثلاث ايام.

لذا اذا كنتم عائلة صغيرة او مش من محبي اللانشون اعملي نصف دجاجة او ربع فقط.

ملاحظة مهمة جدا/

هذا اللانشون لا يجب ان يتعرض للحرارة يعني ممنوع القلي ممنوع ااتحمير ممنوع عالبيتزا لانه الجيلاتين رح يسوح وبالتالي تفرط اللحمة.

خامساً /

الوصفة موجودة عملياً على قناتي في يوتيوب

( أشهى الأكلات وأحلى الأفكار)

أتمنى يلي ما شاف الوصفة يشوفها ولكم جزيل الشكر. دمتم بكل خير

عرض التعليقات (139)