img
الرئيسة / أطباق رئيسية / لفائف المسخن بأقل وقت وجهد عطريقتي والطعم رووعه

لفائف المسخن بأقل وقت وجهد عطريقتي والطعم رووعه

/
/
/
4057 مشاهدات
 

لفائف المسخن بأقل وقت وجهد عطريقتي والطعم رووعه

لفائف المسخن بأقل وقت وجهد عطريقتي والطعم رووعه

لفائف المسخن بأقل وقت وجهد عطريقتي والطعم رووعه

لفائف المسخن بأقل وقت وجهد عطريقتي والطعم رووعه , معكم صديقة زاكي الشيف الموهوبة ,

المقادير

  • 2 كيلو صدور جاج مسحب
  • اربع رووس بصل كبار
  • معلقتين كبار سماق
  • معلقه صغيره ملح
  • خبز صاج

الخطوات

بسم الله نبدا

بالبدايه بنسحب صدور الدجاج من العظم وبنقطعهم شرحات طويله وبعد هيك بنفرم البصل فرم وسط وبنحوسو بزيت زيتون وبس يذبل البصل بنضيف الدجاج وبنحوسو معو لما يستوي بنضيفلهم السماق وبنحركهم وبنطفي الغاز

وبنبلش حشي ارغفه خبز الصاج وبنلفهم رول وبنصفهم بصينيه الفرن المدهونه زيت زيتون وبس نخلص الكميه الموجوده عنه. بنزينهم بالسماق قبل الخبز او بعدو و بنخبزهم بالفرن عنار وسط تقريبا 190 درجه لمده عشرين دقيقه او اقل اكيد حسب الفرن الموجود عندك وبعد هيك بنحمر وجهم وبنطلعهم وبنقطعهم ووبنقدمهم ساخنين مع المقبلات الي بتفضلوها

حسب رغبتكم بتمنى تجربوها وتعجبكم ولا تنسوني من فضل دعواتكم الحلوه❤❤

وهاي ضمه ورد مني لاروع وافضل صديقات عندي الله يخليلي ياكم ويباركلي فيكم وبشكركم على دعمكم وتشجيعكم الدائم الي

تحياتي وتقديري رشا ام احمد♥️

181 تعليقاً

  1. ما شاء الله لا قوة الا بالله عليكي أم أحمد ..
    باسم الله عليكي اشي بفتح النفس وراقي وزاكي
    أكل مفرح والله سبحان الله
    الله يسلم ايديكي يا قلبي ويسعدك ..
    سلميلي على شادية وعلى باقي الصبايا الله يحفظلك اياهم هم والشباب آمين يا رب
    💕💕💕💕💕💕💕💕💕💕💕

    • حبيبتي فنون تسلميلي يا قلبي
      كلامك شهاده وبعتز فيها الله يخليلي ياكي ويجمعني فيها عن قريب منوره الوصفه
      وبوساتي للعسولين الله يحميهم 😍😍🌹

  2. مافي مافي حكي يوصف والله بتشهي زاكيه وابداع، تسلم دياتك ي ام احمد وبنتك شاديا ربي يحفظكم موهبتين مكملات بعض 😘😘

  3. وووو ما شاء الله ع الابداع
    انا رديتلك ع وصفه الي قبل ياريت تشوفي انا مو دايما معي نت كل ما بيصحلي بنط لعندكو

  4. لكل الصبابديا الي بيشتكو انو الخبز بيقسا معهم بعد الخبز ادهنو اللفايف بعد الحشي وقبل الخبز مباشره بزيت الزيتون وما تخلوهم يكولو كتير بالفرن وبتقدرو كمان بعد الخبز تغطوهم ربع ساعه ليضرو طريين.

    واللفايف الي انا عملتهم كانو مقرمشين من براا ومن جوا طريين كثير بتمنى تجربو طريقتي وتعجبكم

  5. يسعد صباحك …رغم بساطة الوصفه لكن انتي عملتيها مفخره تسلم يمينك احنا بنجيب خبز شراك يدوي يالله شو زاكي لانو مخبوز على النار اشي مرتب بطلع طري وزاكي ماشاء الله

    شاديه انتي فنانه الله يسر امرك وينور دربك

  6. حبيبتي ام البنات تسلميلي على تعليقك الحلو ربي يسعدك وما يحرمني منك وانا عامله
    الخبز هاد خبزي انا خابزيتو على صاج الحطب
    يوميا بخبز على الصاج مش منشان وصفه معينه هههه هاد روتينا اليومي والضروري

  7. ما شاء الله ع الابداع الي معودييتنا عليه رشا وقدي هالوصفه بتشهي والطريقه مبسطه جدا يسلمو ع تعبك ومجهودك يعطيك الصحه والعافيه وع طول تضلك مبدعه .شيف زاكي بامتياز والفنانه شاديه يسلم ايديها من اجمل الصور الي بشوفها الله يحفظهم عائله الفنانين اي شي من ايديكو ذهب

  8. ما شاء الله تبارك الرحمن اول مرة بشوف مسخن بهالاناقة والجمال والترتيب ربي يحفظك من كل شر يارب ويخليلك شاديه المبدعة واخوانها يارب.
    وصور الخضار والتزيين تححفة من التحف الحقيقية اللهم بارك

    طبعا كنت معلقلك قبل بوقتها وماطلع تعليقي

  9. روعاااااتك رشروووشة
    وروعاتك شادو كمان ههههه
    تبارك الرحمن عالجمال والرتابة
    شي بشهي والله
    تسلم ايديكي حبيبتي وايدين الفنانة شاديا الله يحميها ويباركلك فيها😍😘

  10. بسم الله ما شاء الله
    ربي يبارك بهالجمال والأناقة رغم بساطة الوصفة إلا إنها بتحمل كمية إبداع غير طبيعية.. اللهم بارك
    جزاك الله خيرا عزيزتي ونفع بك🌷

    • آمين يا رب تسلميلي حبيبتي ام عبود على تعليقاتك الحلوه والمشجعه الله يخليلي ياكي وما يحرمني من دعواتك الحلوه
      منوره الوصفه يا قلبي ♥️😘🌹

اترك تعليقاً

لن يتم نشر عنوان بريدك الإلكتروني.