صينية باتنجان باللحمه والطعم رهيب

71 5٬013
 

صينية باتنجان باللحمه والطعم رهيب

صينية باتنجان باللحمه والطعم رهيب

صينية باتنجان باللحمه والطعم رهيب

صينية باتنجان باللحمه والطعم رهيب , معكم صديقة زاكي الشيف الموهوبة ,

المقادير

  • لحمه مفرومه
  • باتنجان مقطع دوائر
  • بندوره مقطعه دوائر
  • ثوم مفروم وشرائح
  • زيت قلي
  • ملح
  • فلفل اسود
  • دبس رمان
  • علبة صلصة بندوره صغيره
  • معلقة سكر

الخطوات

السلام عليكم ..يسعد أوقاتكم بكل خير ..

اليوم بقدملكم صينية الباتنجان رااائعه وطعمها رهيب وسهله وسريعه ..كنت محتاره ايش اعمل غدا فخطرت عالبالي وبالفعل تعتبر وصفه بتنقظ بهيك ورطات هههه

لما تحتارو ايش تعملوو غدا اعملوها وجربوها جدا لذيذه

يلاااا نشوف الطريقه ….

& بنقلي الثوم المفروم بشوية زيت قلي وبعدين بنضيفلهم اللحمه المفرومه عالنار عاليه وبنقلبهم سواا بنخلي النار عاليه لانه ما بدنا ميتها تنزل بس مجرد تقلايتها

وهي بتستوي عالسريع هادا احسن شي فيها ما بتغلب

بعدين بضيفلها رشة ملح وفلفل أسود ودبس الرمان وبقلبها وبخليها شوي وبعد هيك بطفي النار تحتها

اللحمه صارت جاهزه معنا

& الان بنقشر الباتنجان وبقطعه دوائر وبقليه وبضعه بصينيه وبوزع اللحمه عليه وشرائح البندوره وشرائح الثوم وفلفل اخضر حار ..ورشة ملح وفلفل أسود

& بنفس القلايه يلي قليت فيها اللحمه بضع صلصة البندوره علبه صغيره مع معلقة سكر ومعلقتين زيت وبقلبهم سوا ..هالخطوه مهمه طعمها افضل والسكر بوازن طعمها

بضيفلهم تقريبا كوبين مي ساخنه وبقلبهم وبضيفهم عالصينيه وبدخلها الفرن عالنار عاليه تتسبك لحتى تتنشف ميتها ..بحمرها وهيك بتكون جاااهزه معنا

نزلت قبل فتره طريقة باتنجان مع اللحمه بس الطريقه فيها اختلاف شوي

وصحه وعافيه مقدما للي حاب يجربها

دمتم بكل الخير

عرض التعليقات (71)