حلا الويك اند بمكونات وبسيطة وطعم ولا أروع

100 6٬107
 

حلا الويك اند بمكونات وبسيطة وطعم ولا أروع

حلا الويك اند بمكونات وبسيطة وطعم ولا أروع

حلا الويك اند بمكونات وبسيطة وطعم ولا أروع

حلا الويك اند بمكونات وبسيطة وطعم ولا أروع , معكم صديقة زاكي الشيف الموهوبة ,

المقادير

  • للطبقة الأولى:
  • كوب سميد ناعم
  • كوب حليب بودرة
  • م. ص قهوك تركية
  • م. ص نسكافيه
  • نصف علبة حليب مكثف محلى
  • ثلث كوب حليب سائل
  • للطبقة الثانية:
  • نصف علبة حليب مكثف محلى
  • 3 حبات جبنة مثلثات او مربعات
  • م. ك نسكافيه
  • م. ك كاكاو

الخطوات

السلام عليكم ورحمة الله وبركاته

كيفكم اخواتي جميعاً

حبيت اقدم صنف حلو سهل وبسيط ولذيذ ومابده فرن واسمه كمان حلو ( ويك اند) ان شاء الله يعجبكم وتجربوه خلينا نشوف الطريقة

أولاً/ تحميص المواد الجافة

بنخلط السميد والحليب البودرة وبنحمصهم عالغاز لحتى يتغير لونه للبني الفاتح طبعا مع الاستمرار بالتحريك ما تشيلي ايدك منه ابدا وعلى نار هادئة جدا.

ثانياً / عمل الطبقة الأولى

بعد تحميص السميد والحليب بنضيف القهوة والنسكافيه وبنخلطهم بايدنا كويس وبعدين بنضيف الحليب المكثف وبنخلط وبعدين الحليب السائل وبنعجنهم لحتى تصير عجينة بتتشكل بنفردها في جاط صغير قياس 20 *20 وبنحاول نخليها متساوية بضهر ملعقة.

بنغطيها وبنتركها تبرد.

ثالثاً /الطبقة الثانية

في الخلاط او المحضرة بنحط كل المواد الحليب المكثف والجبنة والنسكافيه والكاكاو وبنضربهم رح يصيروا سائل كثيف بنصبه فوق الطبقة الأولى وبنتركه يبرد بالثلاجة ساعتين.

ملاحظة/

ممكن بعد صب الطبقة الثانية نحطه تحت الشواية خمس دقائق بس يتماسك الوجه وبعدين نتركه يبرد وهذا اختياري انا ماعملت هالحركة بحب الطبقة الثانيه تكون طرية وسايحة.

رابعاً /التقطيع والتزيين والطعم

بعد ما يبرد بنقطعه مربعات بعمل 9 مربعات حجم منيح يعني ل 9 اشخاص.

وبنزينة بخطوط من الصوص الأبيض وموجودة طريقته بملفي وممكن بفتات بسكويت مطحون ممكن بجوز الهند لك حرية الاختيار.

والطعم كثييير زاكي ومختلف عن اي وصفة بالسميد حتى مارح حد يحزر انه فيها سميد بسبب التحميص تغير كلياً. والقهوة اعطته النكهه المحبوبة الرائعة.

خامساً /

أتمنى تكون الوصفة عجبتكم وتجربوها وتعطوتي رأيكم.

ملاااااااااحظة

لا تنسوا الوصفة كاملة بالتفاصيل العملية موجودة على قناتي في يوتيوب اتمنى اللي ما اشترك يشترك واللي ما شاهد الوصفة يشاهدها ولكم جزيييييل الشكر والعرفاان.

إسم القناة ( أشهى الأكلات وأحلى الأفكار)

أتشرررف بزياراتكم

100 تعليقات
  1. om’ali💐 :

    ام جاسم الخرافيه…تسلم ايدك
    هون واليوتيوب رووووعه

    بقدر اعمل الطبقه الأولى بسكوت شاي مغمس نسكافيه؟؟

    1. أنثى ♀ :

      حبيبتي ازا بدك بسكوت مطحون مع نسكافية باودر ناعم واخلطي بزبدة عشان يجمدو وتعرفي اطلعيهم قطع مرتبة 😉😉

    2. om’ali💐 :

      مشكلتي مابحب طعم البسكوت المطحون ومخلوط بزبده
      من شان هيك حتى التشيز كيك مابحبه🤔😑

    3. 💠أم جاسم💠 :

      يسعد قلبك ام علي يا زووووق
      ام علي الوصفة بسيطة العبي فيها زي مابدك مافي شي ما بصير بس بقترح عليكي تضاعفي كمية الصوص وتعمليها على طبقتين يعني بسكوت صوص بسكوت صوص عشان تطلع قطعة كويسة.
      هيه اصلا بتعمل جاط صغير بس 9 قطع متوسطة.

    4. om’ali💐 :

      ان شاء الله
      تسلمي يااارب ❤️❤️❤️❤️

  2. رشا رشا :

    اروع من الروعه ما شاء الله تبارك الرحمن
    بتشهي
    يسلمو اديكي يا مبدعه وست المبدعات
    بالتوفيق ام جاسم 😘😘😘♥️

    1. 💠أم جاسم💠 :

      يسلمك ربي ام احمد ويسعدك غمرتيني بلطفك وكلامك الحلو ربي يفرحك بأولادك ويكرمك بكرمه

  3. ام محمد ❤ :

    رااااااائعة ام جاسم
    مبدعة دائما
    ربي يحفظك ي قلبي💖

    1. 💠أم جاسم💠 :

      انتي الأروع ام محمد يسعدك ويبارك فيك يا رب

  4. الياسمين💕💕 :

    لا اااااااا هيك كتير منظرها وااااااااو
    رائعه ام جاسم ابدعتي سهله ومكوناتها بسيطه
    عند من كل قلبي حبيييييييييييييت👍😘
    يااااات👑👑👑👑👑

    1. 💠أم جاسم💠 :

      انتي الأروع الياسميين يسعدك ربي شو بحب تعليقاتك الحلوة بس زماان عنك وين هالغيبة لعلها خير ان شاء الله

    2. الياسمين💕💕 :

      والله مدارس واولاد
      وامي الها فترة عندي
      وخالتي
      والله ضروفي مابتسمح اضل على الموبايل
      الله يسعدك والله كتير مشتاقلكم💕

    3. الياسمين💕💕 :

      وعلمك ام جاسم بس تكون حماتك وأمك عندك مع بعض ياسلاااااااااام😂

  5. ام زكريا :

    ام جاسم انتي مبدعة حقا تبارك الرحمن

    1. 💠أم جاسم💠 :

      ربي يجزيكي كل خير ام زكريا ويكرمك كلك زوووق نوووورتيني

    2. ام زكريا :

      انا من متابعينك على قناتك ويسعدني صداقتك واكثر ما يعجبني عدم وجود الموسيقى بارك الله بك ربنا يسعدك والى الامام ان شاءالله

  6. خواطر :

    يسلمو ديادك يا قلب …خرااااافي منظرهاااا … ..احلا ويكاند والله بوجود ام جاسم وصفاتهااا الرائعه😍😍

    1. 💠أم جاسم💠 :

      يسعد قلبك ويسلمك ربي خواطر اشكرك من قلبي على هالتعليق الرائع

  7. أم صبحي :

    روعاااتك يا أم جاسم وأحلى لايك لعيونك
    يا عيني عليك وعلى وصفتك اللي بتشهي.. يسلموا إيديك حبيبتي على هالإبداع المميز باللمسه السحرية 🥀🥀
    أبدعتي 👌

    1. 💠أم جاسم💠 :

      يسلمك ربي اختي وغاليتي ام صبحي يلي كلامك مثل البلسم يلي بداوي الجروح دائما بتسعديني وبتفرحيني ربي يبعثلك من عنده فرح يغمرك ويملأ حياتك.

  8. نائله :

    ياعيني على لمعدلين بكل اشي يسلمو ما شاء الله

    1. 💠أم جاسم💠 :

      يسلمك ربي نائلة شكرا جزيلا نووورتيني

  9. غزل :

    ما شاء الله شكلها زاكيه صحه وعافيه

    1. 💠أم جاسم💠 :

      على قلبك غزل شكرا جزيلا

  10. ام اصيل :

    احلاااااااا تعليييييق واحلاااااا لاااااايك لعيوووونك شفتها بتجنن الووووصفة ريتو الف صحححه وهنااااا يا رب على قلبكم

    1. 💠أم جاسم💠 :

      الصحة لقلبك وعيونك يارب يا اصيلة انتي
      الله يجزيكي الخير يا رب

    2. ام اصيل :

      تسلميلي يا قلبي

  11. دودو :

    يسلم ايديكي يا احلى ام جاسم والله

    1. 💠أم جاسم💠 :

      واديكي دودو ربي يسعدك

  12. جوري :

    ماشاء الله عنك ام جاسم شي مبنتهى الفخامه والاناقه رح اجربها بأقرب وقت بأنتظار المزيد من الوصفات الرائعه لك

    1. 💠أم جاسم💠 :

      اشكرك جوري كلك زوووق ولطف وكلامك بيسعدني وان شاء الله تجربيها وتعجبك
      الف صحة وهنا مقدماً

  13. ام راشد 👩‍🍳 :

    ابدعتي عزيزتي شكلها بيشهي اكيد رح اجربها ع المفضله 😋😋😋😋😋

    1. 💠أم جاسم💠 :

      يسعد قلبك ام راشد حبيبة قلبي

  14. ام راشد 👩‍🍳 :

    وبلا رجيم بلا هم 😉😉😉😉

    1. 💠أم جاسم💠 :

      ههههههه يسعد قلبك

  15. أنثى ♀ :

    روعاتك الله ام جاسم 😍 😍 هاد الطبق لما شفتك عامليتو عاليوتيوب نويت إن شاء الله اعملو لليلة رأس السنة بس بعد إذنك غيرت اسمو week years 😉

    1. 💠أم جاسم💠 :

      انتي الأروع أنثى ربي يسعدك ويبارك فيكي
      سميه شو مابدك على كيفك وزوقك وان شاء الله الف صحة وهنا يارب مقدماً.

  16. أمي جنتي :

    ماشاءالله
    شكلها رووووعة
    الله يعطيك العافية ويبارك لكم .

    1. 💠أم جاسم💠 :

      الله يعافيكي ويسعدك يارب ام عمر نووورتيني

  17. 🌟 أم معتصم 🌟 :

    ابدعتي أم جاسم يا قلبي
    ما شاء الله لا قوة الا بالله عليكي وعلى اجوائك وايامك وصباحاتك يلي بترد الروح ..
    شفت فيديو الصباح واجواءه عندك والفطور باسم الله عليكي بجوز شفته 20 مرة وكل مرة كأني اول مرة بشوفه من جماله
    انا عشقي الصباح وعشقي الناس يلي بتعرف تنبسط وبتعرف تعيش برواق وهدوء اللهم بارك عليكي يا قلبي 🌷🌷🌷🌷

    1. 🌹🌹🌹 :

      صفاء وأنا كمان الله بيعلم كم مرة شفت الفيديو
      عن جد ما شاء الله لا يمل😄

    2. 💠أم جاسم💠 :

      ههههههه ربي يسعدكم وينور طريقكم ما أحلى هالكلام والله بيعلم قديش بفرح لما اسمع هيك كلام ربي يجزيكم كل خير يارب ويدخل الفرح والسرور على قلوبكم.
      والله أجواء الصباح وريحة المطر والهدوووء أجواء بتروق دم الواحد وبتريح الاعصاب.

    3. 🌟 أم معتصم 🌟 :

      يا حبيبتي الله يسعدك ويبسطك كمان وكمان
      اه والله معك حق
      الله يبارك بحياتك واعمالك كلها يا رب 🌷🌷🌷🌷🌷🌷🌷🌷🌷🌷🌷🌷🌷🌷

  18. ام محمد 🌹🌹🌷 :

    الله يعطيكي العافيه ياارب كل وصفاتك روووعه هون وع اليوتيوب الله يسلم دياتك كلو ع المفضله بس نفضى بنجرب هههههه 😂😂😅 حبيبتي ام جاسم 😍😍

    1. 💠أم جاسم💠 :

      الله يعافيكي ويسعدك يارب ام محمد وان شاء الله بتتفضي بالعطلة وبتجربي كلشي ههههه

  19. هناء مؤمن محمد :

    شي فاخر تسلم ايدك

    1. 💠أم جاسم💠 :

      ربي يسلمك هناء شكرا جزيلا

  20. Om AMR :

    ما شاء الله عنك يا حبيبة قلبي أبدعتي

    1. 💠أم جاسم💠 :

      يسعد قلبك ام عمرو منوورة بالاسم الجديد

  21. ام ابراهيم من اليمن :

    الله يعطيك العافيه على كل وصفاتك الجديده

    1. 💠أم جاسم💠 :

      الله يعافيكي ام ابراهيم ويكرمك يارب

  22. ام جنى :

    ماشاء الله رووووعه تسلم ايدياتك

    1. 💠أم جاسم💠 :

      الله يسلمك ام جنى ويسعدك يارب

  23. عائشة مغربية :

    دائما في القمة

    1. 💠أم جاسم💠 :

      اشكرك اختي عائشة

  24. أم جود :

    ألف لايك..ما شاء الله…روعه كتير اسألو مجرب ههههههه..كتير طيبه..يسلم اديكي ويعطيكي العافية حبيبتي

    1. 💠أم جاسم💠 :

      الف الف صحة وهنا يارب على قلوبكم ام جود
      الله يجزيكي الخير يا رب على ثقتك ومتابعتك وتعليقاتك الحلوة

    2. أم جود :

      على قلبك حبيبتي…الحق يقال …يسلمووو كتير..😘❤

  25. إم مصطفي 😉 :

    ما شاء الله أللهم بارك صحه وعافيه يا قلبي وربي يسلم ديادك ويسعدك ويعطيكي الصحه والعافيه الصراحه شكله رووووووعه إبداع كالعاده😍😘🌷

    1. 💠أم جاسم💠 :

      ربي يجزيكي كل خير ام مصطفى ويكرمك والله خجلتيني بكلامك الحلو كلك زوووق

  26. ام علاء ابو يحيى :

    تسلم ايدك حبيبتي ام جاسم ابدعتي على التيوب وعلى زاكي تبارك الله ربنا يزيدك علم ونور وتقوى ويجعله بميزان حسناتك يا غاليه😚😚

    1. 💠أم جاسم💠 :

      اللهم آمين ويسعدك ويكرمك ام علاء الغالية ربي مايحرمني منك ومن كلامك الطيب

  27. نووور :

    ماشاءالله رووووعه

    1. 💠أم جاسم💠 :

      شكرا جزيلا نوور نووورتيني

  28. ام حمزه :

    ماشاء الله وصفاتك رائعه وترتيب واناقه الف صحه وهنا عليكم

    1. 💠أم جاسم💠 :

      انتي الأروع ربي يبارك فيكي ويسعدك

  29. اولادي سعادتي ( ام آدم) :

    تسلم ايدك ازكى حلا تبارك الله 😍😍 عليكم بالف هنا وصحه حبيبتي ..اخخخ بس لو ما فيو قهوة كان عملتو 😍 😭😭😭

    1. أم معتز😍 :

      ليش بتحبيش القهوة

    2. اولادي سعادتي ( ام آدم) :

      نهائيا ولا بشربها ولا بحب ريحتها 🤢

    3. 💠أم جاسم💠 :

      يسلمك ربي ام ادم ويحفظك يا رب
      فاجأتيني بموضوع القهوة صراحةً كان بتهيألي انك مدمنة قهوة ههههه
      بس عادي استثني القهوة من الوصفة انا اصلا ضايفيتها من عندي اضافة للوصفة الاصلية.
      وتهني ولا تحرمي حالك

    4. اولادي سعادتي ( ام آدم) :

      هههههههههه لا شو مدمنه اعوذ بالله …بحب النسكافيه كتيير ..خلص رح اعملها بنسكافيه لعاد ان شاء الله 😍

  30. 🌹🌹🌹 :

    يسعدلي الناس الرايقة 😉
    ما شاء الله شكلها بشهي ومميزة كمان.
    الله يسعدك ويبارك فيك أم جاسم .

    1. 💠أم جاسم💠 :

      ويسعدك ربي تقى ويكرمك كلك زوووق

  31. taj :

    يسلم اديكي يا ام جاسم… كل وصفاتك احلى من بعض… الله يجزيكي الخير

    1. 💠أم جاسم💠 :

      واياكي يارب ربي يكرمك ويسعدك

  32. أم معتز😍 :

    يسلمو ايديكي انا مشتركة بقناتك بس مو كل الوصفات بيجيني اشعارات ليش

    1. 💠أم جاسم💠 :

      الله يسلمك ام معتز ويسعدك
      يمكن مش مشغلة اشعارات يوتيوب عندك من الضبط شوفيه ضبط الت ط ب ي ق ا ت

  33. ام احمد :

    ابداعاتك يا قلبي شكلها لزيزة الف صحة وهنا

    1. 💠أم جاسم💠 :

      يهني قلبك ربي ويكرمك

  34. ربداويه😘😘 :

    ماشالله عليكي ياأم جاسم ابدعتي

    1. 💠أم جاسم💠 :

      يسعد قلبك ربداوية

  35. 💖نور💖أحمد💖 :

    رائعة ومتألقة بكل شي بتعمليه حبيبتي ام جاسم
    الحلو بشهييي ماشاء الله
    ربي يباركلك ويسلم ايديكي وتحققي كل شي بتتمنيه ياقلبي😘😍

    1. 💠أم جاسم💠 :

      ربي يسعدك ويبارك فيكي نوارتنا الحلوة

  36. 🍒أم محمّد🍒 :

    وصفة حلاااا من اطيب ما يكون
    بحب الحلويات البارده واكيد راح اجربها قريبا يسلم دياتك وصحه وعافيه

    1. 💠أم جاسم💠 :

      يسلمك ربي ام محمد ويسعدك ان شاء الله تعجبك الف صحة وهنا مقدماً

  37. sara ateia :

    تسلم ايدك سهل ولذيذ 😍❤

    1. 💠أم جاسم💠 :

      الله يسلمك يارب نووورتيني

  38. القدس عربية :

    أم نبيل
    يعطيكي الف عافية ويسلم ايديكي وعينيكي ما شاء الله عنك 👍 👍 👍 👍

  39. قانتة لله :

    متألقة مافي كلام💋

  40. نادية :

    وصفة دماااار تسلم ايدك ياملكة

  41. ريحانة🌿 :

    وعليكم السلام ورحمة الله وبركاته
    صحتين وعافية عليكم أم جاسم

  42. أم عبدالله الفارس :

    روووووعاتك يا قمر و بالهنا عليكم إن شاء الله حبيبتي

  43. وردة الصحراء :

    ماشاء الله على هل جمال😍😋😋😋

  44. Fatima Aljaloudi :

    روووووعه تسلم ايدك

  45. ماما عايدة المغربية :

    تبارك الله عليك حلوى كتشهي 😍 ام جاسم الرائعة اتفرج في الفيديو بعد بإذن الله ليتم الاعجاب درون تردد لانه وصفاتك متقنة ماشاء الله و تشجع على التجربة 😘 بالتوفيق دائما

  46. am Sara :

    تسلم ايدك يارب صحه وهنا يارب بتشهيييي الللهم بارك جبيبتي ام جاسم انا متابعك على اليوتيوب بس بقدرش اعلق نهائي اللهم بارك وصفاتك تقديمك كلو روعه الله يبارك بصحتك كتيررر عجبتني الحديقه الي ببيتك الله يهنيكي ويبارك فيكي ياقلبي

  47. 🌸جمانة🌸 :

    يعطيكي الف عافية

  48. ام ابراهيم :

    عجبتني لذيذه يسلمووو⚘

  49. نهلة الزعبي :

    يسلم دياتك
    عنجد بتشهي

  50. joudi :

    ما شالله تبارك الرحمن الله يعطيك العافيه يا قمره فنانة واكيد ع المفضله

اترك رد

لن يتم نشر عنوان بريدك الإلكتروني.