img
الرئيسة / أطباق رئيسية / طريقة لف وطبخ ورق السلق الاخضر

طريقة لف وطبخ ورق السلق الاخضر

/
/
/
2434 مشاهدات
 

طريقة لف وطبخ ورق السلق الاخضر

طريقة لف وطبخ ورق السلق الاخضر

طريقة لف وطبخ ورق السلق الاخضر

طريقة لف وطبخ ورق السلق الاخضر, معكم صديقة زاكي الشيف الموهوبة ,

المقادير

  • ضمتين ورق سلق اخضر او اكثر
  • نص كيلو ارز
  • لحمه مفرومه
  • ملعقه صغيره ملح او اكثر حسب الرغبه
  • ملعقة صغيره فلفل اسود
  • رشة بهار
  • حبة بندوره مفرمه ناعم
  • بقدونس نفروم
  • فنجان صغير زيت نباتي
  • راس بصل صغير مفروم ناعم
  • لعمل السلطه:
  • عصب السلق مسلوق ومفروم ناعم
  • معلقتين طحينه
  • سنين توم
  • عصير ليمون
  • رشة ملح

الخطوات

بسم الله نبدا

يسعد اوقاتكم صبايا كيفكم ان شاء الله الجميع بخير….بعتذر عن انقطاع وصفاتي عنكم بسبب الظروف وحبيت اطمن عليكم جميعا من خلال هالوصفه البسيطه والسهله

تعالو نشوف مع بعض طريقة عمل ملفوف ورق السلق

اول شي بنغسل ورق السلق لانه بكون كله اتربه وبنتركه يتصفى على المصفى وبعدها بنقوم بفصل الورقه عن الساق وبنحتفظ بالساق لعمل السلطه الخاصه بهذه الاكله وبنرتب الورق حتى ما نتغلب اثناء لفه

نقوم بتسخين الماء وقبل ان تغلي نضع الورق لمده ثواني فقط يعني لو طولنا شوي بنتغلب بلفه يختلف عن ورق العنب والملفوف لانه ورقته ناعمه وبتتلف اذا طولنا عليها وبنكون محضرين جاط فيه مي بارده وبنضع فيه الورق المسلوق لانه الحراره الموجوده بالورق بعد سلقه ممكن انها تتلفه لانه رقيق جدا وبعد ما ننتهي من سلق الورق بنسلق الاضلاع او العصب هذا بتحمل حراره لو طولتي عليه لازم يكون نضج

طبعا بنكون ناقعين الارز وبنحضر الحشوه الي كلكم بتعرفوها للمحاشي وبنبلش لف مثل ما هو موجود بالصوره وبعد ما ننتهي نن اللف لازم نضع اي شي بقاع الطنجره اما من نفس العصب تبع السلق او بطاطا متل ما بتحبي لانه الورقه ناعمه وبلاش تخسري اخر طبقه احتمال تنشعط منك وعند الطبخ بنرش ملعقه ملح صغيره على صغيره على وجه الطنجره مع قليل من الزيت وبنغمرها بالشوربه او الماء وبنولع عليها الغاز على العالي وبعد ما تغلي بنوطي الغاز شوي وبنتابعها حت تنضج والف صحه وهنا

طريقة عمل السلطه من اضلاع او عصب السلق…..

اول شي بنفرم السلق ناعم بعد ما نسلقه وبنضيفله معلقتين طحينه وعصير ليمون وسنين توم مهروسين ورشة ملح وقليل من الماء رح تطلع معك اشهى سلطه لهذه الاكله اخوانا اللبنانين لا يمكن ياكلو لف ورق السلق الا مع هذه السلطه

والف صحه وهنا يا حلوين جربوها اذا بتقدور ما رح تخسروشي اهم شي طريقه السلق بالمي

الف صحه وهنا سامحوني على الاطاله حبيت اقدملكم كل شي بالتفصيل

استودعتكم لله الذي لا تضيع ودائعه

85 تعليقاً

  1. ربي يسلم هالديات يا ست الكل ربي يحفظك ويحفظ عيلتك ما شاء الله عنك يا مبدعة طالعات معك بيشههههههو وانا بعشق السلق بس ما بطبخو جوزي ما بحبو وما بتشجع أطبخو لإلي الله يخليلي ماما كل ما أنزل عندها ويكون موسمو بتعملو وباكل ذكرتيني فيهم الله يهدي بالنا يا رب

  2. يا الله شو بحبو المشكله بخاف اعملوا لأنو بسرعة بذوب وباكلو عند حماي طبختو خطيرة يسلمو ايديكي حبيبتي وصحة وعافية يا رب 😍😍😍

  3. ما شاء الله تبارك الرحمن لونه روعة وهو ني وهوه مستوي الف صحة وهنا يارب ام علاء نور زاكي بوصفتك.
    عندي بالحديقة زرعت شوية سلق وكبروا ف رح اعمل الاسبوع الجاي ان شاء الله محشي سلق.

  4. يا أهلا وسهلا بأن علاء الغالية وبوصفاتها الأصيلة .. ما شاء الله تبارك الرحمن واضح انها لذيذة وشهية
    وصفة جديدة علي تماما وما شفتها قبل
    جزاك الله خيرا على الإفادة ونفع بك🌷

  5. يا هلا وغلا بالغاليه خالتو ام علاء نور زاكي بوصفتك يا قلبي❤
    ما شاء الله الصوره بتحكي عن طعمته أللهم بارك صحه وعافيه يا قلبي وربي يسلم ديادك ويبارك فيهم ويعطيكي الصحه والعافيه 🌷😘

  6. ياعيني عليك يا أم علاء وصفاتك دايماً مميزة بالأصالة.. اللون لحاله حكاية.. مع السلطة إشي ناهي وإلا الجاط وعليه شرحات الليمون بيفتح النفس.. يسلموا إيديك حبيبتي على هالوصفة المبتكرة 👌

    • انتي المميزه بتعليقاتك وكلامك الجواهر يا ام صبحي الله يكرمك يا عمري ويكثر من الطيبين امثالك كلك زوق لانك مزوقه بتشوفي الأشياء البسيطه مميزه…..ربنا يكرمك حبيبتي

  7. أم نبيل
    يعطيكي العافيه ويسلم ايديكي يارب زمان عن وصفاتك
    الله يسعدك يارب ولا يحرمنا من طلتك يا رب
    انا هاي الاكلة بحبها كتييير
    🌹❤️🌹❤️🌹❤️🌹❤️🌹❤️

  8. يا سلااااااام عليكي خالتو ام علاء ……
    ما شاء الله اللهم بارك الله يعطيكي الصحة والعافية يا رب …….اول مرة بعرف لنه ورق السلق بينلف ….شجعتيني كتير …..لازم أجربه .كتير بيطلع عندي بالأرض بس بفرمه مع السبانخ ….
    وما شاء الله وصفتك مرتبة الله يجزيكي كل خير يا رب 😘😘😘😘😘😘😘😘😘

    • حبيبتي ام عبود خضره اسمها سلق بكسر السين طبعا وهي متل السبانخ بس ورقتها كبيره وطعمها يختلف شوي عن السبانخ متل الصوره بالزبط وهاي الخضره معروفه بتنزل بفصل الشتاء عنا بالاردن اسمها السلق ما بعرف الها اسم ثاني

  9. وأوقاتك كلها ياغالية ربي يسعدك ويسعد اكلاتك الطيبة
    نورتي زاكي بطلتك ومشاركتك والله
    اشتقنالك كتيييير واشتقنا لوصفاتك الحلوة⁦♥️⁩
    السلق طالع معك روعة ودافي كتيييير وفعلا هلأ وقتو
    ربي يسلم ايديكي ويباركلك بصحتك وحبايبك ومايحرمنا منك 😘

اترك تعليقاً

لن يتم نشر عنوان بريدك الإلكتروني.