الرئيسة / منوعات / ابتسامات ٢

ابتسامات ٢

/
/
/
2278 مشاهدات

 

ابتسامات ٢

ابتسامات ٢

ابتسامات ٢

ابتسامات ٢, معكم صديقة زاكي الشيف الموهوبة ,

واليوم كمان ابتسامتين عالسررريع.. اضحكو شوي
بمناسبة الصوره.. من دون تعليق سلبي لو سمحتو 
..الابتسامة الأولى

الزوج : حضريلي البدله ….. لأن الليلة عرس صاحبي

الزوجة : أي بدله فيهن بالله ؟

الزوجة : قال عرس قال

الزوجة : و ليش صاحبك مش عامله مختلط لتاخذني معك ؟

الزوجة : عرس صاحبك ولا رايح تقابلك وحدة ؟

الزوجة : أصلاً مين اللي بدها تتطلع فيك غير الخايبة إلي مثلي ؟؟

الزوجة : دايماً دافّني بهالبيت ومابتطلعني .. و لا بتسهر معي و دايماً تعبان، يا عالكمبيوتر

يا عالتلفون يا قاعد عم تشوف التلفزيون

الزوجة : لأ وقال تلفونه برقم سري….. ليش مين مهتم يعرف أسرارك

الزوجة : أنا أصلاً كان لازم أشتغل، كنت كونت شخصيتي و صرت أحسن

الزوجة : شو مفكر حالك رح تضحك علي بالمصاري إلي بتعطيني ياها ؟

لتكون مفكر حالك اشتريتني ؟؟

الزوجة : بس شاطر تسأل شو طابخة عالغدا، و شو عاملة للعشا

الزوجة : بعدين متى آخر مرة قلتلي بحبك؟؟ ….. قال عرس قال !!

الزوجة : و بعدين صاحبك وين رايح شهر عسل من غير شر ؟؟

و لا بده يضحك عليها متل أغلب الرجال و ياخذها كم يوم على فندق ؟؟

الزوجة : عن جد أنت ما عندك رومانسية و ظالمني معك و ما ساويتللي

و لا شي بدّي ياه بهالحياة !!

الزوجة : أنا أصلاً كل مشاكلي الصحية من وراك ….أخذتني مافيني شي و لا بشتكي من شي، شوف حالتي هسا بس الله كبير

الزوجة : و شو يعني إذا كنت بتجبلي كم شغلة بدّي ياها !!!

الزوجة : أنا بدي حنان بدي رومانسية بدي اهتمام … قال عرس قال !!

الزوجة : ما عمري رحت معك ع طلعة إلا و هلكتني …. يلا يلا يلا ما بدنا نتأخر عالناس

الزوجة : اصلاً انا غلطانة اللي برد عليك و بروح معك !!!

الزوجة : جد بطّل إلي نفس أحكي

الزوجة : خليني ساكته أحسن

الزوجة : ليش ما بترد؟ رد

الزوج : البدله إلي لونها رمادي

الابتسامة ٢

أنا بحاجة ل وحدة تقلي صباح الخير مدام

قلها صباح النور لوسي صحيوا الولاد؟!

تقول اي مدام و اتروقو و راحوا عالمدرسة،

و المستر طلع ع الشغل ، و ما حب يوعيكي

و أنا قلها طيب نزلي حضري الترويقة و طلعيلي النسكافيه ل برا عالجنينة قدام المسبح⁦⛱⁩

تقلي حاضر مدام

عفواً لوسي

شكراً مدام

واهم من كل هيدا

مدام نسيت قلك مستر قال الغداء جاهز اليوم من المطعم

قسماً بالله نفسيتي ارتاحت بس من الكتابة

بدي هيك شي

وانتو. ارتاحت نفسيتكن

54 تعليقاً

  1. هههههههههه اضحك الله سنك ام علي.. ربي يسعدك ويفرحك متل مابتفرحينا بمنشوراتك
    اما بالنسبه لصحن ام علي بالصورة شكله بشهي جاي عبالي… اعزمينى ع ام علي يا ام علي♥♥♥😂😂😂😂😂

  2. أم نبيل
    😄😄😄😄😄😄😄😄😄😄😄😄😄😄😄😄😄😄😄
    يما شو ضحكت عليهم التنتين
    الله يسعدك يارب ويجبر بخاطرك يا احلى ام علي بالدنيا
    ❤️🌹❤️🌹❤️🌹❤️🌹❤️🌹

  3. هههههههههههه يا عليكي يا ام علي تبعت نهفات والله قلبي وقف قد ما ضحكت لأنو انا دايمن بعد الغدا بقول لوسييييي تعالي حبيبتي شيلي الغدا كل أولادي بطلعو علي وجوزي بقلي الله يشفيكي حبيبتي هههههههه

اترك تعليقاً

لن يتم نشر عنوان بريدك الإلكتروني.