img
الرئيسة / سلطات و مقبلات / أروع وأسهل عشاء شتوي دافي ممكن تجربوه

أروع وأسهل عشاء شتوي دافي ممكن تجربوه

/
/
/
3528 مشاهدات
 

أروع وأسهل عشاء شتوي دافي ممكن تجربوه

أروع وأسهل عشاء شتوي دافي ممكن تجربوه

أروع وأسهل عشاء شتوي دافي ممكن تجربوه

أروع وأسهل عشاء شتوي دافي ممكن تجربوه, معكم صديقة زاكي الشيف الموهوبة , مرحبا يا أميرات زاكي اشتقتلكن كتير وبتمنى تكونو بأحسن حال ومربربات ودفيانات بالشحمات والدهنات هههه
وصفة اليوم سهلة وسريعة وطعمها تحفة والله وخصوصا بالسهرة مع عيلتكم غير شكل
نطو معي نشوف المقادير

المقادير

  • فطر
  • فليفلة خضرا
  • بطاطا
  • قشقوان
  • درة
  • شرائح زيتون أسود
  • رشة ملح وفلفل أسود (بالإضافة لرشة بابريكا للبطاطا)
  • شوية زبدة أو زيت
  • لمسة ايدي السحرية على قولة عبورة الأمورة

الخطوات

&بسم الله الرحمن الرحيم&

* أول شي منجهز البطاطا

حاولو تختارو حبات صغنوتة وكيوت متلكن

منغسلهم منييييح لأنو رح نتركهم بالقشرة ومنغلفهم بالقصدير ومنلحشهم على شبك الفرن ينشوو لحتى يستوو

بصراحة مابعرف البطاطا شو عاملة بحياتها لحتى منجرب فيها كل ألوان التعذيب (اللي بتعرف تقلي هههه)

بأثناء شوي البطاطا بالفرن منجهز باقي المكونات

* بعد مانغسل الفليفلة ونفضيها من البذور منحشيها شرائح زيتون مع قشقوان طعم الزيتون معها رهييييييب ومنغلفها بقصدير كمان

* والفطر منقيم الساق تبعو ومنحط مربع قشقوان وعليه درة متل مو موضح بالصور

* بس تموت البطاطا قصدي تستوي منيح منطالعها ومنحط الفطر والفليفلة بالفرن لبين مانشتغل بالبطاطا

* منفتح القصدير عن البطبوطات ومنقسم بالنص بس مو عالأخير

بحيث نعمل مكان نحط فيه القشقوان

مندهن قلبها بشوية زبدة ومنرش من البهارات ومنحط قشقوان

انا خليت شي بس بقشقوان ووحدة ضفتلا درة ووحدة ضفتلا زيتون والتلاتة اطيب من بعض هههه

* المهم منطالع اللي بالفرن ومنفتح عالفليفلة مشان تتحمر من فوق ومندهنها بشوية زبدة ومنحط البطاطا معها هية والفطر ومنرجعهم ليسيح القشقوان وياخدو نتفة تحميرة حلوة

ومنطالعهم عالنم نم

ماتشوفو الحكي كتير بس مافي اسهل من تطبيقها

بعملة تاك تاك بتكون خالصة

ان شاء الله تجربوها وتعجبكن حبيباتي وماتنسونا من دعواتكن الحلوة..

106 تعليقاً

  1. ابداااععع بلا حدود اللهم بارك تسلم ايدك حبيبتي صحه والف هنا يارب بتشهييييييي معدله وانيقه كتير يمييييي خاصه البطاطا روعه بتشهييي هاتيلك حبه

  2. ماشاء الله عليكِ ننوشه سفره كامله مكمله تسلم ايدك يارب ،،
    الله يشفي عمك يارب ويشفي كل مريض اللهم آمين،،،

  3. ياااا سلام على الكياتة يا ناس بسههههي المنظر واكيييد الطعم ربي يسلم هالديات الي بيلتفو بالذهب المنظر حكااااية ربي يعطيكي حتى يرضيكي ويرزقك الذرية الصالحة

  4. اللهم بارك بتشهيي ماشاءالله تبارك الرحمن الله يحميكي ياقلبيي بشهوووو تسلم ايدك يا قلبي الف صحه وهنا على قلبككك ياربب نونه بدي حبة بطاطا مشوي بتشهيي حسبي حسابي بحبه هي رابع مرا بعلق للأسف ما بظهر تعليقي مش عارفه ليش

  5. أم نبيل
    يممممممممممميييييي هاي الأكلات بعشقها خاصه البطاطا والجبنه بحبهم في كل حالاتهم واشكالهم،، عنجد بتحزن هالبطاطا 😢
    إن شاء الله بعيشو هالايدين ويعطيكي الصحه والعافيه يارب
    الله يسعدك يا نور وربنا يحققلك اللي في بالك يا رب
    😍 😍 😍 😍 😍

  6. ماشاء الله عليك يا نوارة.. إنت لما تفوتي المطبخ وتحوسي فيه بيطلع معك أكل فاخر بهاللمسة السحرية.. يسلموا إيديك يا قلبي على هالوصفة اللي بتشهي 🥀🥀

    • وانتي لما تكتبي بتلامسي قلوبنا بنقاءك وصدقك وكلماتك الدافية😘
      صدقا بكل وصفاتي بدور على تعليقك وبفقدلك⁦♥️⁩
      ربي يكرمك ويجزيكي عنا خير الجزاء يا طيبة الأصل😘

  7. يسعد صباحك ……وصفه هاديه وانيقه وقيد التجربه ان شاء المولى على الفطور ……واحلى اشي اني دورت على مكون عندك ما لقيتو موجود عندي …..لمسة ايديكي السحريه…..الله يارب يهنيكي بصحتك وعافيتك ويديمها عليكي يارب …

    • ياحبيبة قلبي انتي ما ألطفك⁦♥️⁩
      سدقيني بتطلع معك أطيب مني
      متل مو قلبك طيب اكيد نفسك طيب وكل شي بتعمليه بجنن😘
      ربي يباركلنا فيكي ويكرمك بكل شي بتتمنيه ومايحرمنا منك يا أصيلة⁦♥️⁩

  8. ما شاء الله تبارك الرحمن شو بتشهي وبتفتح النفس ربي يسلم ديادك ويبارك فيهم حبيبتي ويعطيكي الصحه والعافيه
    انتي لو عملتي شندويشه زعتر بتطلع معك بتشهييييي❤😍😘

  9. اووووووووووبااااا 😍 هاد هو الزاكي بحد ذاتو 😍😍😍 تحفه هاتيلك حبايه بطاطا ع السريع امسح ثمي فيها 😍😍😍

    لا لحظه ان شاء الله هاد عشا …لعاد هاتي حبتين 😂😂😂

    تسلم ايدك نونا المجنونه ..اوووه قصدي المزيونه 😜😜😜😜😜😜😜

  10. يا سلام كل هاذ عشا خفيف يقطع شرك ههههه
    هاي يا نور البطاطا التركيه بتعرفي عنا في الضفه وتحديدا نابلس فاتحيين محلات للبطاطا التركيه شو الاقبال عليها ما شاء الله
    والبطاطا بتتعذب كل هالتعذيب مش عارفه ليش 😏عشان بتعمل ديفوهات والكرش طيات ووووووووو………🤐🤐🤐هههههه
    بتمنى تشوفي تعليقي بحبك واشتقتلك كوميات شو اخبارك شو صار معك لساتك بتركيا ياي بحي الصورة الي كتبي اسمي عليها من تركيا بضل افتح اتفرج عليها يومها نزلتها ع الحاله من قلب تركيا احلى شيف سوريه نور احمد قلبي 💋💋هذول البوسات من روز بنتي 🤭

    • والله العظيم مو عرفانة من وين بلش
      عنجد مشتاقتلك كتيييييير
      اول شي سامحيني كتييير تأخرت لشفت التعليقات هون ورديت عليكن😔
      ونفسي احكي معك بس الحجي شغلو صرلو كم شهر بالبيت
      بيشتغل من البيت عالانترنت
      بقى ماعم اعرف احكي😩
      تسلمي لقلبي انتي وروز الله يحميها ويباركلك فيها
      وعاشت الاسامي يارب😍
      بوسيلي ياها كمشة بوسات
      ومشان الصورة اكيد بتذكرها وبحبها كتير وبتذكر ورجيتيني كيف كانت عالحالة ههههههههههه
      يسعد قلبك ياعمري والله انك أصيلة⁦♥️⁩

    • ومشان البطاطا والله معك حق طييييبة وبتنفش ههههه
      ايوا طلعت الكمبير الها شعبية مرتبة عندكن
      هون منتشرة كتير وبحبوها العرب ومكوناتها مشكلة ملونة
      كل مرة بغير شي شغلة فيها 😁

  11. شهيتينييي😂😂😂 لازم ترسلي صحن كامل اللي للامارات عشان اجربه ههههههه، الشكل خوورااافي وتحفه ويجنننننن ودائما طريقة تقديمك للاكل تفتح النفس وتشهي الواحد للطبق اكثثثر مبدعععة من الاخررررر😍⁦♥️⁩⁦♥️⁩⁦♥️⁩⁦♥️⁩

    • هههههههههههه بترسليلي برسلك وشكلين مابحكي😂😂
      يسعد قلبك عبورة علواه اقدر ارسلك حلة مو صحن ههههههه
      الله يكرمك ياقلبي ويجزيكي الخير على طيب كلماتك
      راقية متل ماتعودت عليكي وعلى امك الله يحفظها😘😘

  12. يا سلام سلم شوووووو هالأفكار يا مبدعة عنجد كلك زوووووووء على هالأختيارات الحلوة ربي يسلم ايديكي ويباركلك يا قلبي 😙😙😙😙

    بس ديري بالك هاي الاكلات بتسمن فيها فيتامين سمنة وبدانة وبنسبة مش بطالة كمان هههههههههههههههه

  13. شووووو هااااااد يا نوووووووووررر دمررررتينااااااا قصصصفتي الرجيم وياااا هووووووملاااااالي هههههههههه بس والله فكرة بتجنن وبتششهي وبتفتح النفس من الصماااااصيم ههههههههههه
    الله يوفقك ويكرررمك ويررزقك ويسسسعدك وينوووور دربك يااا نوووارررتنااا ونوارة زاااكي
    يعطيكي العافية يا قلبي

اترك تعليقاً

لن يتم نشر عنوان بريدك الإلكتروني.