img
الرئيسة / أطباق رئيسية / كرشات اكله شتويه مئة بالمئة على طريقتي

كرشات اكله شتويه مئة بالمئة على طريقتي

/
/
/
3404 مشاهدات
 

كرشات اكله شتويه مئة بالمئة على طريقتي

كرشات اكله شتويه مئة بالمئة على طريقتي

كرشات اكله شتويه مئة بالمئة على طريقتي

كرشات اكله شتويه مئة بالمئة على طريقتي , معكم صديقة زاكي الشيف الموهوبة , معكم صديقه زاكي الشيف ام صالح اتمنى وصفتي اليوم تنال اعجابكم
الكرشات او الكوارع تعددت الاسماء والطعم واحد اكله شتويه زاكيه ومفيده بس المشكله بدها تعب وشغل كثير اتمنى منكم اللي بتحبها اتعلق تعليق حلووو واللي مابتحبها تعمل حالها ما شافت الوصفه يعني بإختصار جماعه اليع والقرف ممنوع المرور

المقادير

  • كرشات
  • رز حبه قصيره
  • بصل
  • ملح
  • كركم
  • حبه بندوره
  • كميه مناسبه ليه خروف
  • لحمه مفرومه
  • ورق غار للسلق
  • بهارات مشكله كميه بسيطه
  • كزبره
  • لبن او شنينه
  • ابره وخيط

الخطوات

السلام عليكم كيفكم ي حلوات جبتلكم اليوم اكله شتويه وطبعن هالطبخه بدها شغل وتنضيف وتعب كثير ومن زمان اولادي طلبوني اطبخها وانا ااجل فيهم للعطله والحمد لله عملتها واكلوها بالهنا والعافيه وحبت اشارككم طريقتي المهم اول شي من لما بنذبح الخروف بنضف الكرشه او بنشتريها من السوق وبنضفها وكل وحده منكم بتعمل هالطبخه عندها طريقه بالتنضيف انا بنضفها بالمي السخنه والخل واليمون واشويه ملح وزيت افركها منيح وانقعها واغسلها ٣ او ٤ مرات لحتى تنضف تماما بعدين بنقعها باليمون والخل شي ساعه واقطعها حسب الحجم اللي بدي اياه وكونه عيلتي صغيره بطبخ قطعتين او ٣ والباقي بفرزها بالفريزر لحين الحاجه واليوم ي حلوات ما تغلبت بالتنضيف لانه طلعتها من الفريزر منضفه جاهزه للطبخ الحمد لله طولت عليكم بالحكي بسم الله نبدا بالطريقه او شي بننقع الرز واثناء النقع بنفرم راس بصل وحبه بندوره وبنجهز الحمه المفرومه واليه كمان مفرومه وفوقم الملح والبهارات كميه بسيطه والكركم والكزبره مفرومه وبنغسل الرز وبنخلط الحشو مع بعضه ونتركه على جنب لنخيط الكرش ونترك فيها فتحه صغيره للحشي بس انكمل عمليه التخييط وهي صعبه اشويه بنحشيها وبنرجع نخيطها مزبوط وع طنجره الضغط مع بصله مقطعه ارباه وورق غار ورشه ملح ومي كميه مناسبه واذا عندك قطعه لحمه او عضم للنكه مع المرقع بيصير اتضيفيها وبعدها نغلق الطنجره وعالغاز لمده ساعه كامله وبهاي الاثناء بنجهز اللبن بنحركه ع الغاز لحتى يغلي عشان ما يفرط وبس يمر ساعه نفتح عنها اتكون مستويه تماما انطلعها ونحطها فوق البن المغلي ونصفي اشويه من شوربتها على البن عشان النكهه ونتركها تاخذ غلوتين مع البن وبنجهز فتته الخبز ويفضل خبز اشراك من تحت دياتي بنشرب الخبزات بالبن وبنطلع هالزواكي اتشرف ع السدر عشان التصويررر

والف صحه وهنا علينا وعليكم ربي يديم هالنعم ع الجميع والله تعبت بالطبخ واتعبت بالكتابه ربي يعطيني الف عافيه

استودعكم الله الذي لا تضيع ودائعه

120 تعليقاً

  1. ام صالح🤨😐😐😐
    ااااخ شو بحب هالاكله ورغم تعبها اللي بيقعد ٣و٤ اياام الا انها بتستااااهل 😋😋😋😋😋😋😋😋😋😋😋
    اولادي طلبوها مني من فتره وانا باجل فيها
    احلى شي فيها اللمه والضحك مع هالاكله🤭🤭الله يعطيكِ مليون عافية ع تعبك

  2. اقف احتراما واضرب سلام للست المعدله الي تخبز على ايديها …….هاي طبخة زوجي واولادي المفضله ««««وانا بكرها بس شاطره بطبخها الحمد لله»»
    هني وعافيه على قلوبكم
    لو ايش ما صار ما باكلها …..

  3. أم نبيل
    يعطيكي الف عافيه يا رب ويعيشو هالايدين ما شاء الله عنك
    انا بحبها كتييير هاي الاكلة بس كل سنتين ثلاث لحتى آكلها مرة لانه ما بعرف اعملها 😢😢

    • هلا وغلا نورتيني انا بحشي المصران الكبير اما اللي بكون صغير يعني مش واسع بلفعه ع المعلقه بحط شرحات بصل وبلق فوقهم المصران وكل ما تكثر طبقات اللف بحط خلالهم شرحات بصل والف فوقهم بيعطي نكهه زاكيه هاي الاضافه نسيت اكتبها وبس يستوي بتسحبيه عن المعلقه بيضل محتفظ بشكله ملفوف لف وبتقطعيه بيكون جاهز للاكل

  4. أللهم بارك صحه وعافيه يا قلبي وربي يسلم ديادك ويبارك فيهم ويعطيكي الصحه والعافيه 😘🌷
    أكله متعبه جدا من تنظيفها لاكلها بس بتستاهل أنا كنت أحبها بس من تحت ديات أمي بس هالوقت ما باكلها بالمره لأنو جوزي بيئرف مني لو اكلتها هوا ما بطيق إسمها هههههههه🙈😂

  5. يعطيك العافية يارب😍 اكله زاكيه والله أنها متعبه ،،،، انا مره عملتها قعدت 4ساعات بس احشي واخيط كانو منضفات بالفريزر بالاول 😄بس بضلو من تحت ايدين أمي غيييييير شكل،،،
    تسلم ايدك يارب،،وصحه وعافيه على قلوبكم،،❤❤

  6. ربي يسلم هالديات يا وردة أبدعتي ما شاء الله عنك من أشهى وأطيب الأكلات الأسبوع الماضي أكلتها عند بيت حماي عزمتني حماتي عليها بس شو طلعت روووووووعة 👌👌👌👌

  7. تبارك الله عليك فكرة اللبن جديدة عليا ، احنا في المغرب ايضا نعمل الكرشة محشية بالارز و الحمص و نطبخها في مرق احمر،بصحتكم و راحتكم❤❤ و اذا ممكن تكتبي ليا مقادير و طريقة الخبز عجبني 😘

    • هلا ام عبود انا بحشيها كامله بس فراغ قليل فيها يعني تقدري اتقولي الربع او اقل اشويه لانه فيها ليه وبصل وبندوره ولحمه فهاي الحشوه رح تذوب او تتقلص والرز ياخذ مكانها وكمان مده الطبخ ساعه كامله يعني رح يستوي الرز براحته حتى لو مليانه لو حطيت فيها بس للنص رح يطلع الرز مستوي زياده او رخو معجن ع بعضه هيك بيستوي الرز وبضل ينثر كل حبه بحبتها طول عمري بعملهن هيك وبطلع الرز مستوي وبجنن اتمنى اكون وصلتلك الفكره

  8. وعليكم السلام ورحمة الله وبركاته
    يا هلا بأم صالح وبوصفات أم صالح

    أنا ما بحبها لهالأكلة ولا بعملها .. بس لازم أحكيلك الله يعطيك العافية ويسلم دياتك وصحتين وعوافي على قلوبكم💕

    الأكل نعمة ورزق وأذواق وهيك رب العالمين خلقنا مختلفين في الأذواق ..

    والنبي صلى الله عليه وسلم ما عاب طعاما قط.. كان إن اشتهاه أكله وإن لم يشتهه سكت.

    ربي يباركلكم في رزقكم ويديم عليكم النعمة ويحفظها من الزوال🌹

  9. مع اني مابحبها بس سدقيني تعبك واضح عليها وبتستحقي كل الشكر والتقدير⁦♥️⁩ وبكفي انك عم تفيدي كتييير بنات بتنزيل الطريقة
    وكمان نعم رب العالمين مابصير حظا يتكبر عليها 🌺
    الله يسلم اناملك ويجزيكي كل خير ياقلبي طالعة معك بتشهي😘

  10. يماااااااا يا ام صالح اجيتي ع الوجع انا بموووووت على هالأكلة ولا اطيب من هالأكلة بالشتا يسلم ايديكي يا عسل 😙😙😙😙😙

اترك تعليقاً

لن يتم نشر عنوان بريدك الإلكتروني.