فتة الحمص بالشاورما طعم ولا اشهى

199 4٬572
 

فتة الحمص بالشاورما طعم ولا اشهى

فتة الحمص بالشاورما طعم ولا اشهى

فتة الحمص بالشاورما طعم ولا اشهى

فتة الحمص بالشاورما طعم ولا اشهى , معكم صديقة زاكي الشيف الموهوبة ,

المقادير

  • مقادير الحمص كوبين حمص مسلوق ومطحون وكوب حمص مسلوق حب
  • كوب الا ربع طحينه
  • نص كوب عصير ليمون
  • سن ثوم
  • معلقه صغيره كمون
  • معلقه صغيره خل ابيض
  • معلقه صغيره ملح
  • معلقتين كبار زيت زيتون
  • كوبين من الخبز العربي مقطع مربعات ومحمص
  • معلقتين كبار زيت زيتون
  • رشه كمون
  • للمساعده في لتنعيم طحن الحمص:
  • ربع كوب مكعبات ثلج
  • مقادير شاورما الدجاج:
  • كيلو صدور دجاج مقطعه شرايح او حسب الرغبه
  • ملح حسب الرغبه
  • فلفل اسود حسب الرغبه
  • كمون حسب الرغبه
  • معلقه كبيره من السبع بهارات
  • معلقه صغيره من بهارات الشاورما
  • نص معلقه هيل مطحون
  • رشه صغيره قرفه مطحونه
  • نص معلقه صغيره بودره البصل
  • نص معلقه صغيره بودره الثوم
  • كوب لبن زبادي
  • معلقتين كبار من برش الليمون وبرش البرتقال
  • معلقتين كبار خل ابيض
  • نص معلقه صغيره ببريكا
  • عصير ليمونه كامله
  • معلقه صغيره دبس الفليفله
  • اربع معالق كبار زيت
  • التزيين حسب رغبتكم:
  • مكسرات
  • بقدونس
  • بابريكا

الخطوات

بسم الله نبداا

بالبدايه بننقع الحمص بماء مغلي ليله كامله والماء المغلي بسهل خروج قشره الحمص وبنسلقو عنار هاديه لما تذوب حبات الحمص وتستوي منيح

وبتقدرو تريحو حالكم من كل هالغلبه وتستعملو الحمص المطحون الجاهز وبترخوه شوي ليسهل علينا فردو بشويه عصير ليمون ومعلقتين لبن وشويه صغيره مي

بنيجي لمرحله نقع الشاورما

بعد غسل وتقطيع صدور الجاج لشرحات بنضع جميع مقادير خلطه النقع وبنخلطهم منيح وبنغطيهم وبنتركهم بالثلاجه لثاني يوم وبعد هيك بنجهز الشاورما بمقلاه كبيره وغير لاصقه لما تنشف منهم السوائل ويتحمرو مع مراعاه تحريكهم بين كل فتره وفتره ويوخذو اللون الذهبي وبننتبه ما ينشفو كتير منا لنحصل على شاورما طيبه وطريه

بعد ميبرد الحمص منيح بنضع كوبين من حب الحمص بالخلاط وبنضع عليه الطحينه والملح وعصير الليمون والكمون والخل والزيت والثوم ومكعبات الثلج وبنشغل الخلاط وبنريح الخلاط خلال الطحن لما نحصل على خليط حمص ناعم واذا احتجنا بنزيد ربع كوب من ماء سلق الحمص لنحصل على خليط حمص رخو بعض الشيئ

وبعد هيك بنحمص الخبز بمقلاه وبنضع رشه كمون ومعلقتين كبار زيت زيتون وبنظل نقلبهم لما يتحمصو وما بنخليهم ينشفو يا دوب تتحمر قشره الخبز من برا بس لنحصل على خبز مقرمش من برا وطري من جوا

وبإمكانكم تحمصو الخبز بالفرن الخيار لالكم

بنصف الخبز المحمص بصحن الفايريكس او الصحن المراد التقديم فيه وبنشربو تشريبه خفيفه من ماء سلق الحمص وبنضع بضع حبات من الحمص الحب

وبعد هيك بنضيف طبقه من الحمص المطحون وبنفردها منيح وبنثر حبات الحمص حب وبعد هيك بنضيف طبقه الشاورما وبنفردها فوق طبقه الحمص المطحون وبنضع زيت زيتون على الوجه وبنزين الصحن حسب الرغبه

وتقدم ساخنه بتمنى تجربوها

والصور الاخيره للهوت شوكليت على طريقه الغاليه وحبيبه الكل العسسل ام علي الطريقة هنا

يسلمو اديكي يا قلبي لانو كان

كتتتير طيب ♥️♥️

تحياتي الكم جميعا رشا ام احمد

199 تعليقات
  1. :

    كتييييير بتشهي ، يسلموا دياتك 😍😋😋

    1. رشا رشا :

      واديكي حبيبتي تسلميلي يا قلبي منوره ♥️😍

  2. ام حازم :

    تسلم الايادي

    1. رشا رشا :

      واديكي حبيبتي واختي الغاليه ام حازم
      ربي يسعدك وما يحرمني منك يا غاليه
      منوره الوصفه يا قلبي ♥️♥️🌹

  3. Farah Masoud :

    حبيت الفكرة
    يسلم دياتك حبيبتي مبدعة

    1. رشا رشا :

      واديكي حبيبتي فرح تسلميلي
      ربي يسعد قلبك منوره 😘😘

  4. 🍒أم محمّد🍒 :

    ما شاء الله ..وصفه رائعه وفكرتها حلوه
    ومنظر الفته بشههههي
    والصور دمااار كثير حلوين يسلم دياتك
    وديات شاديه عالتصوير الحلو

    1. رشا رشا :

      حبيبتي ام محمد ربي يسعدك ويخليلنا ياكي يا عسسل
      منوره الوصفه بتعليقك الحلو 🌹😘

  5. 💓EMAN💓 :

    يعطيك الف عافية أم أحمد
    دائما متألقة يسلموا اديك حبيبتي🌹🌹

    1. رشا رشا :

      الله يسعدك ويعافيكي حبيبتي
      تسلميلي على تعليقك الحلو
      منوره حبيبتي 😘😘🌹

  6. am.hamzah :

    الله يعطيك العافيه يا قمر انا بحب كل وصفاتك بتشهي يسلمووو اديكي وعنيكي حبيبتي دمتي بحفظ الرحمن ورعايته 😋😋😋

    1. رشا رشا :

      الله يعافي قلبك حبيبتي ام حمزه ربي يسعدك وما يحرمني من تعليقاتك المميزه والرائعه متلك
      نورتي الوصفه 😘🌹

  7. ام عبود وحبيب 💕 :

    شو بدي احكي لاحكي يا رشا

    ماشاءالله عليكي صحتين وعافيه يارب

    وبنتك ماشاءالله عليها تصويرها رووعه الله يحماها….

    1. رشا رشا :

      ربي يسعدك ويعافيكي حبيبتي ام عبود
      منوره الوصفه بكلامك الحلو الله لا يحرمني منك يا قلبي 😘🌹🌹

    2. ام عبود وحبيب 💕 :

      ولا من وصفاتك الحلوه يا عمري

  8. 📮📮 :

    يسلموا ايديك ويعطيك العافية.. وصفة أكتر من رائعة الله يباركلك..
    دائماً بشعر انه وصفاتك بتعكس أناقتك ورقيك بأخلاقك وتعاملك كمان..تصوير أكثر من رائع أيضاً
    بارك الله لكما واستعملكما في طاعته

    1. رشا رشا :

      الله يسلمك ويسعدك يا احلا واعز صديقه ربي يخليلي ياكي ويباركلي بصحبتك الطيبه
      منوره الوصفه يا قلبي 😘😘🌹

  9. 📮📮 :

    ‏قال ‎ابن القيم رحمه الله :

    “من أدام التسبيح أنفرجت أساريره ، ومن أدام الحمد تتابعت عليه الخيرات ، ومن أدام الإستغفار فتحت له المغاليق” .

    الداء والدواء

    1. رشا رشا :

      🌹🌹

  10. ريحانة🌿 :

    تبارك الرحمن .. الله يباركلك في رزقك عزيزتي ويديم عليكم النعم
    والوصفة بتحمل كل معاني اللذاذة اللهم بارك🌹

    1. رشا رشا :

      آمين والك بالمثل يا رب
      تسلميلي ام عبود على هالدعوات الحلوه
      ربي يخليلي ياكي وتظلي منوره وصفاتي بحروفك الحلوه 😘🌹🌹

  11. ام ملك......... :

    ماشاء الله
    اللهم بارك
    يسلمو ايديكي ياقلبي

    1. رشا رشا :

      حبيبتي ام ملك تسلميلي يا عسل
      ربي يسعدك وما يحرمني من تعليقك الرائع متلك 😘🌹

  12. رشا رشا :

    الصبيا الي سألو عن الهوت شوكليت
    الادمن ضافت رابط وصفت ام علي

    1. om’ali💐 :

      الله يسعدك ام احمد 💞💞
      والله من شاديه غيييييير

    2. رشا رشا :

      آمين واياكي يا قلبي 😘🌹

  13. 💖نور💖أحمد💖 :

    إبدااااااع اللهم بارك 😍
    تسلم ايديكي حبيبتي رشا الوصفة بتشهي وكل الأكلات بشهو وبخلوني حس بالجوع هههه
    وشاديااااا اه من شاديا رهيبة اللهم بارك 😍
    ربي يحميلك ياها وتشوفيها من المتفوقات دائما😘
    وتسلم ايدين العسولة ام علي الهوت شوكلت بجننننن ماشاء الله 😋😍

    1. om’ali💐 :

      نوارة العسل تسلميلي

    2. رشا رشا :

      اللهم آمين يا رب
      تسلميلي حبيبتي نور هلى هالكلمات الحلوه
      ربي يسعدك وما يحرمني منك يا عسسل
      نورتي الوصفه يا قلبي 🌹😘😍

  14. خواطر :

    ماشاء الله شوو الإبداع يا قلبي بشهي صحتين

    1. رشا رشا :

      عقلبك حبيبتي خواطر تسلميلي 😘😘🌹

  15. rolla hassan :

    ما شاء الله وصفة جديدة اكيد شهية قيد التجريب ان شاء الله والصور بتجنن فن وابداع كلك ذوق يا عسل 💕

    1. رشا رشا :

      تسلميلي حبيبتي رولا ربي يسعدك
      بشكرك على هالكلام الحلو منوره الوصفه بتعليقك الرائع متلك 😘🌹

  16. أم جود :

    ما شاء الله…الله يسلم اديكي وعينيكي…شي فاخر من الآخر …ويسلم ادين شادووو على هالتصوير الله يحفظها

    1. رشا رشا :

      آمين يا رب
      تسلميلي حبيبتي ام جود على تعليقك الحلو منوره الوصفه بكلماتك العسسل 😘😘

  17. غير معروف :

    مرحبا ام احمد يسلمو ايديكي مبدعه….ارجوك بدي تحكيلي ام حمزه والعنود اذا هم لسا تتواصلي معهم ع ..ك…بليز بدي ام حمزه تحكيلها انارشا بدي اتواصل معها ردلي خبر ع هاي الوصفه
    ارجوك ضروري …..

    1. رشا رشا :

      انتي رشا ما غيرها ام عباده ؟؟

  18. 🐝🐝 :

    يسلمو ايديكي….ام احمد انتي لاهسا تتواصلي مع ام حمزه والعنود….على..ك….بليز بدي ام حمزه ضروري ردلي خبر اول ماتشوفي تعليقي

    1. رشا رشا :

      تسلميلي حبيبتي ربي يسعدك
      اها حبيبتي بتواصل معهم
      شو احكيلهم شو بدك اوصللهم

    2. العنود :

      تعالي

      1. غير معروف :

        ياحبيبتي شو اشتقت الكو كتيرررر😘😢😢😢
        مابقدر اتواصل ع ك صعب خلينا هون
        كيفك عنودح

    3. العنود :

      انا العنود

    4. العنود :

      بتلاقيني مكان دايمن

    5. العنود :

      باسم العنود وجنب اسمي حرفH بالون الاحمر

  19. رشا رشا :

    وصلت رسايلك لام حمزه ان شاء الله بس ترد علي بحكيلك

  20. رشا رشا :

    حبيبتي رشا تواصلت مع العنود على الواتس
    وكثير انبسطت انو رجعتي

  21. رشا رشا :

    عفكره مش مصدقه انك رشا رجعتي اخيرا وطمنتينا عنك
    الحمد لله انك بخير ربي يسعدك ويوفقك 😘😘🌹

    1. العنود :

      والله مش مصدق اسمي هناك يارشا العنود وجنب اسمي حرف H بالون الاحمر والله ايدي برجو صارلنا سنه مابنعرف اشي عنها

    2. العنود :

      رشا ام عباده ابعثيلي امانه ردي

    3. غير معروف :

      يسعدك يا ام احمد شو اخبارك كيف اولادك. وكيف كرم

  22. غير معروف :

    ياحبيبتي شو اشتقت الكو كتيرررر😘😢😢😢
    مابقدر اتواصل ع ك صعب خلينا هون
    كيفك عنود

    1. العنود :

      انتي كيفك ليش غبتي

    2. العنود :

      انا اجتني بنت سميتها ريم ونشميه جابت يوسف

    3. العنود :

      نزلي لو يوم

    4. العنود :

      والله دايمن بنفكر فيكي

    5. العنود :

      احنا بنتواصل اخدنا ارقام بعض

    6. العنود :

      ام حمزه توفا ابوها

    7. العنود :

      رشا المسا برجعلك لانه عرس عم جوزي وايدي تربطت

  23. غير معروف :

    بالله شو احكيلكي شو صار معي مابتصدقي ….صارت معي مشاكل كتيررررر….وهذا سبب غيابي ….حسبي الله ونعم الوكيل
    بس الحمدالله انا بخير …..صعب جدا اتواصل معك ع ك يا ام قيس والله صعب اعذريني بس حبيت اتطمن عليكو وإني ملنسيتكو ابدا

    1. العنود :

      خلص خلينا هون

    2. العنود :

      المسا بدي ارجع الاقيكي

  24. غير معروف :

    بالله شو احكيلكي شو صار معي مابتصدقي ….صارت معي مشاكل كتيررررر….وهذا سبب غيابي ….حسبي الله ونعم الوكيل
    بس الحمدالله انا بخير …..صعب جدا اتواصل معك ع ك يا ام قيس والله صعب اعذريني بس حبيت اتطمن عليكو وإني ملنسيتكو ابدا حتى

    1. العنود :

      ادخلي علي وصفتي وصفه الكبسه وخلص خلينا هناك

    2. العنود :

      ماشي

    3. العنود :

      ابعثيلي هناك

  25. غير معروف :

    اوكي خلينا هون بتواصل معك المساء بلك ام حمزه تجي

    1. العنود :

      رح جيبها

  26. غير معروف :

    اوكي راح استناك عوصفه الكبسه

    1. العنود :

      اه ورح جيب البنات ماشي

  27. غير معروف :

    اوكي انا رايحه ع وصفتك هلا….تعالي هناك

  28. رشا رشا :

    حبيبتي رشا الحمد لله الكل بخير كروم واخوانو وبناتي بسلمو عليكي
    كيفك انتي وكيف اولادك
    لو تعرفي قديش مشتاقينلك وقديش ضربنا اخماس بأسداس بس تركتينا فجأه هناك
    وما عرفنا كيف نوصلك لنتطمن عليكي
    المهم انك بخير الحمد لله 😘😘😘♥️🌹

    1. غير معروف :

      الحمدانكو بخير كلكو…..حماس بسداس🤣🤣….والله فارقتني ضحكه من يوم مافارقتكو ..ارجو انك تقدرو أنه كل الغايب الي صار غصب عني والله أمور خرجت عن اردتي….ولا لوبيدي ملتركتو كل هالفتره

    2. رشا رشا :

      حبيبتي رشرش ربي يسعدك ويفرجها عليكي
      دنيا وآخره يا رب
      سبحان الله والله ولا مره رحتي من بالنا وعطول بنتذكرك وبنتمنى تكوني بخير اهم اشي 😘😘

  29. leen :

    رشا بشحمها ولحمها وين هالغيبه ولك جد قلقنا عليكي شو اخبارك طمنيني عنك

    والله تسنيم لتطير من الفرحه ولك عند حاله نفسيه تعرف عنك شي هههه

    1. غير معروف :

      هههههههههه هلا لينو كيفك …وكيف تسنيم
      يسعد ائلبك

    2. غير معروف :

      مين حاله نفسيه…..،،؟؟؟

    3. leen :

      بقلك تسنيم صابتها حاله نفسيه وهي تدور عليكي ههههه كل ما تلاقي وحده بتكتب زيك او تشك في وحده تفكرها انتي هههههههه

  30. غير معروف :

    اها

  31. غير معروف :

    ياعمري ياام ادم 😢بجد اشتقت الكم كلكلم

  32. غير معروف :

    طب طمنوني ع ام عبدالرحمن ولين شو اخبارها😢

    1. رشا رشا :

      الحمد لله منيحه هيه واولادها
      ومستمره معنا هون مبارح كان الها تعليقات على الوصفات

  33. 🌸جمانة🌸 :

    سلمت يداكي رشا حبيبتي انيقة جداااا

    1. رشا رشا :

      واديكي حبيبتي جمانه تسلميلي يا قلبي
      منوره 😘😘♥️🌹

  34. اولادي سعادتي ( ام آدم) :

    اخخخخخخ بس يا قلبي رح يورم 😂😂😂 من هالمنظر تسلم ايدك ياعمري لاااا والتصوير شللل زيادة كمان 😭😭😭 اتركوني ابكي بصمت لو سمحتم 😭😭😭

    هههههههه بالصحه والهنا ياعمري ع فتة الحمص بالشاورما …مش ئرديحي متل بعض ناس 😒😒😒

  35. om hasn :

    ما شاء الله ام احمد والله اشي فخامة ربي يباركلك يا غالية مبدعة دوووووم حبي ومتألقة ربي يباركلك يا عمري 😙😙😙😙😙😙😙😙😙

    1. رشا رشا :

      آمين يا رب
      تسلميلي حبيبتي ام حسن
      منوره يا قلبي 😘🌹

  36. joudi :

    روعاتك يا ام احمد اذا الصور هيك تسلم ايدك شوشو فكيف الطعم ما شالله تبارك الرحمن

    1. رشا رشا :

      حبيبه قلبي جودي منوره يا عسسل تسلميلي
      😘🌹

  37. ♥AmSaif♥ :

    ماشاءالله تبارك الرحمن بشهوو يمي يمي😋😋😋

    1. رشا رشا :

      حبيبتي ام سيف تسلميلي 😘😘

  38. ام اصيل :

    يا سلاااااااااام شووو هااااد مش طبيييعي الوووضع
    شكلهاااا يخليكي تغممي من حلاوووتها اللهم بااارك مش عارفه كيف رايحة عني هالوصفة تبارك الله عليكي ربي يعطيكي الصحة والعافية ويديم عليكم النعم

    1. رشا رشا :

      حبيبتي ام اصيل تسلميلي على كلامك الحلو
      الله يباركلي فيكي يا قلبي منوره 😘😘🌹

  39. […] ٢__وصفه فته الشاورما لحبيبه قلبي ام احمد […]

اترك رد

لن يتم نشر عنوان بريدك الإلكتروني.