الكبة بطريقتي

82 3٬071
 

الكبة بطريقتي

الكبة بطريقتي

الكبة بطريقتي

الكبة بطريقتي , معكم صديقة زاكي الشيف الموهوبة , اول شي اسلام عليكم ورحمة الله وبركاته كيفك أخواتي جميعآ دون استثناء حفظكم اليوم جيت وجبتلكم معي طريقة الكبة بطريقتي وطبعآ انا تعلمتها من والدتي ربي يحفظلي اياها ويطووووول بعمرها أعوام مديدة وصدقآ من أطيب أنواع الكبة الي ذقتها بحيااااتي كتير بذوق كبة بس ما بتعجبني بس هاي روووووووووووعة وبتمنى منكم تجربوها وتدعولي دعوة حلوة متل قلوبكم الصافية وعلى بركة الله نبدأ

المقادير

  • نص كيلو برغل ناعم
  • قية لحمة عجل ما فيها ولااااااا نتفة دهن لأنو الدهن بيخلي الكبة تتفتت معنا
  • كمون ملعقة صغيرة
  • ملح حسب الرغبة
  • فلفل أسود نص معلقة صغيرة
  • رشة كاري
  • ٣ رووس بصل
  • كيلو الى ربع لحم مفروم سن خشن للحشي ( طبعآ كل وحدة رح تحتاج لحمة حسب ما بتحب تحط كمية جوا الكبة انا بحب أدحشها ههههههههه ) والكم حرية الخيار

الخطوات

اول شي مننقع البرغل بعدين مناخد البرغل ومنروح على اللحام منطلب منو وقية لحم عجل ومنخلي يفرملنا اللحمة مع البرغل على الماكينة الناعمة شي مرتين تلات كل ما نعمت كل ما كان النتيجة أفضل

بعدين منحط العجينة الي كملناها فوق ومنحط عليها كمون وملح فقط لا غير ومنعجنهم مع بعض شوي ومنكون جبنا لحمة مفرومة خشن ومنحوسهم مع البصل بعد ما منفرمو على الآله ناااااعم ومنحط البهارات والملح منحركهم لحتى تنشف عنهم المي منحطهم بالمصفاة يتصفو منيح وبعدين بقلي صنوبر وبحطهم ع اللحمة وبخلطهم بستنى عليها تبرد بعدين ببلش أكبكب بالكبة وأحشيهم باللحمة ( أسفة جدآ جدآ على عدم تصوير الخطوة هاي بس والله من الأطافيل الي عندي يا دوب أقدر أصور النتيجة بس )

بعدين بحط بالمقلاة زيت غزززززير وحااااامي جدآ بعدين بحط حبات الكبة بس يكونو بعاد عن بعض ع شان أعرف أقلب الحبات بعد ما أحط حبات الكبة بوطي النار لنص يعني لاااا حامية النار ولا واطية بظل أقلب فيهم حتى يتحمرو ومنحطهم على مناديل المطبخ

وبعدين منقدمهم ومنقدم جنبهم التبولة والمقبلات

وهيك بتكووووووون خلصت وصفتنا لليوم يا رب أكون وصلتلكم الفكرة وبحبكم كووووووووميااااات خواتي وحبيبات قلبي(( طبعآ برجع بوضح هاي طريقتي ولكل وحدة مننا طريقتها الخاصة ))

وريتووووووو عواااااافي يااااا رب يا ريت تكون عجبتكم وصفتي المتواضعة

أستودعكم الرحمان الذي لا تضييع ودائعه أختكم في الله أم عمرو

82 تعليقات
  1. ربداويه😍😍 :

    ماشالله عليكي منظرهم بشهي صحتتين وعافيه يارب 😍

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

  2. نائله :

    روعه يسلمو

    1. Om AMR :

      مرورك الاروع يا قلبي

  3. 💖نور💖أحمد💖 :

    عنجد يمي يمييييييييييي😋😋
    روعاااتك حبيبتي ام عمرووووو بجننو والله
    ربي يباركلك انتي ووالدتك ويطزيكن كل خير ويسلم هالأنامل😍
    شكلك آخدة النفس الطيب منها ههههه😋😋
    الله يحميلك أطافيلك ويعطيكي العافية عالشرح الوافي وعالتعب الواضح بكتابة الوصفة😘😘

    1. Om AMR :

      ههههه فعلآ اكلي متل اكل امي بس أكيد ما في بعد نفس الأم على الأكل

    2. Om AMR :

      بطبخ الطبخة وامي بتطبخها ونفس الشي منعملها وطبخة امي بتطلع أطيب ربي يحفظلي اياها من كل سوء ويحفظلك الوالدة ويديم عليهم الصحة والعافية ياااااا رب

    3. Om AMR :

      وبالنسبة الك انتي يا أختي وحبيبة قلبي وصديقتي الصدوووووووقة ربي ما يحرمني من كلامك العسل يا عسل إنتي

    4. 💖نور💖أحمد💖 :

      ههههههه عنجد معك حق
      الله يكرمهن ويبارك بعمرهن ويديم عليهن الصحة والعافية
      انا والله لهلأ في اكلات مابعملعا بدون امي أبدا
      يامنعملها سوا يا لأ😁😁
      بحس معها بتطلع الطعمة غير سبحان الله ههههه

    5. 💖نور💖أحمد💖 :

      ولا يحرمني منك غلاتي😍😘

  4. القدس عربية :

    أم نبيل
    يسلمو ايديكي يا عسل ويعيشو هالايدين ما شاء الله عنك الكبه طالعه بتشششههيي ريتو عوافي يا رب
    🌹🌹🌹🌹🌹🌹🌹🌹

    1. Om AMR :

      أم نبيل والله دايمآ مخجليتني بكلامك الطيب يا طيبة انتي ربي يخليلي اياكي وما يحرمني منك

  5. ام حمزه :

    ماشاء الله يسلمو اديكي ويطول عمر والدتك ويعطيها الصحه يارب الف صحه وهنا عليكم

    1. Om AMR :

      حبيبتي ام حمزة ربي يسعدك دائمآ وأبدآ زي ما بتسعدني بكلامك المعسول

  6. ام سليم :

    تبارك الرحمن اللهم صل على سيدنا محمد بتشهي ربي يسلم هالأيدين يا عسل ما شاء الله عنك مبدعة صحه وعافيه يا رب

    1. Om AMR :

      حبيبتي أم سليم بعض ما عندكم يا غالية شرفتي ونورتي وصفتي بتعليقك العسل متلك

  7. ماما عايدة المغربية :

    روعة ماشاء الله و باينة الكبة من الذ الوصفااات 😆 شهيتوني اجربها ان شاء الله قريبا و شكرا على الوصفة و الشرح المفصل 😘 تبارك الله عليك و بصحتكم 😋

    1. Om AMR :

      فعلآ الكبة من أشهي الأطباق عنا جربيها وما رح تندمي نهااااائيآ بالعكس رح تدعيلي

    2. Om AMR :

      وازا احتجتي اي شي حبيبتي نحنا بالخدمة تكرم عيونك

    3. Om AMR :

      شرفتيني ونورتيني بمرورك الطيب متلك

  8. إم مصطفي 😉 :

    ما شاء الله عليكي منظر ولا أروع سلمت يداك يا قلبي وإن شاء الله بالصحه والعافيه عليكو بتشهيييييي😍😘

    1. Om AMR :

      حبيبتي ام مصطفى بعض ما عندكم نورتيني بتعليقك الطيب متلك

  9. سارونه❤ :

    يا قلبي والله انك مبدعه بكل تفاصيلك سلمت يداك وصحه وهناااا 😋😋😋

    1. Om AMR :

      خواطر يا خواطر ربي يجبر بخاطرك ويعطيكي حتى يرضيكي على هالكلام العسل متلك

  10. نادية :

    بتشهييييي روووعة تسلم اناملك

    1. Om AMR :

      واناملك يا غالية شرفتي ونورتي وصفتي بتعليقك العسل متلك

  11. دودو :

    يا عيني والله مع الجو البارد بدها كبة يسلم ايديكي ويعطيكي الف عافية ما شاء الله شكلها بتشهي

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

  12. ريحانة🌿 :

    تبارك الله شو طيبين
    الله يسلم هالديات يا معدلة🌹

    1. Om AMR :

      بعض ما عندكم غاليتي ريحانتنا الجميلة

    2. Om AMR :

      شرفتيني ونورتيني بمرورك الطيب متلك

  13. om’ali💐 :

    يااهلت فيك وفي طريقتك وفي كباتك😁😁
    عوافي

    1. Om AMR :

      يا أهلا وسهلا فيكي انتي يا غالية بوصفتي المتواضعة

    2. Om AMR :

      الله يعافي عمرك من كل سوء نورتينى بتعليقك الطيب متلك

  14. om saleh :

    ربي يعطيكي العافيه على هالكبات شو زاكيات تسلم ايدك الحلوه على هالشغل المرتب

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

  15. أم صبحي :

    يسلموا إيديك يا أم عمرو على هالشرح الوافي ووصفتك شكلها بشهي ومرتبة الحبة بتشبه أختها بالفن والذوق والترتيب
    أبدعتي يا قلبي 💞

    1. Om AMR :

      حبيبتي ام صبحي والله عند تعليقاتك بوقف خجلآ من كلامك الجميل ربي يجبر بخاطرك ويعطيكي حتى يرضيكي شرفتيني ونورتيني بمرورك الطيب متلك غاليتي

    2. أم صبحي :

      حبيبتي أم عمرو.. تعبك بالوصفة واضح يا قلبي وهادا بدل على إنك ست بيت معدلة ومبدعة.. يعني تعليقي على وصفتك نابع من إنجازاتك وتقديمك لزاكي 🌹🌹
      الله يعطيك العافيه ويرفع قدرك كمان وكمان 💗💗

  16. خواطر :

    رررررروعاتك يا قلبي بتشهي

    1. Om AMR :

      انتي الأروع والله يا قلبي ربي يحفظك

  17. رشا رشا :

    بتشهي
    ماشاء الله عنك يسلمو اديكي ام عمرو
    الف صحه وهنا يا قلبي 😘😘

    1. Om AMR :

      حبيبتي رشرش بعض ما عندكم نورتيني بتعليقك الطيب متلك

  18. غزل :

    صحه وهنا بتشهيي

    1. Om AMR :

      ع قلبك يا عسل

  19. rolla hassan :

    ما شاء الله عليكي ام عمرو شو معدلة وست بيت الله يحفظك لولادك يا رب ويحميلك اياهم انشالله 💝💝💝

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

      وربي ما يحرمني منكم يا أخواتي

  20. أم جود :

    ما شاء الله…بتشهي ومنظر الكبة روعه..عشقي الكبة..يمممي..يسلم اديكي حبيبتي

    1. Om AMR :

      وايديكي يا غالية شرفتي ونورتي وصفتي بتعليقك العسل متلك

  21. ام محمد ❤ :

    ام عمرو
    وصفتك رائعة
    وانتي الأروع حبيبتي

    1. Om AMR :

      والله انتي ومرورك الأروع نورتيني بتعليقك العسل متلك

  22. 🍒أم محمّد🍒 :

    روووعه ام عمر الله يسلم دياتك يا رب
    صحه وعافيه

    1. Om AMR :

      حبيبتي أم محمد انتي الأروع والله يا قلبي ربي يحفظك شرفتيني ونورتيني بمرورك الطيب متلك

  23. ام اصيل :

    روووووعة صحححتين وهنا ياقلبي

    1. Om AMR :

      انتي الأروع والله يا قلبي ربي يحفظك شرفتيني ونورتيني بمرورك الطيب متلك

  24. أمي جنتي :

    ماشاءالله تبارك الله
    شكلها يفتح النفس تسلم يدك مبدعتنا .

    1. Om AMR :

      حبيبتي نحنا من بعدك يا قلبي ربي يحفظك شرفتيني ونورتيني بمرورك الطيب متلك

  25. االــــغفرااــن 💕💞💐 :

    ماشاءاللہ🍊🍇 زاكي

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

  26. ام ابراهيم من اليمن :

    تسلم يداكي ياغاليه

    1. Om AMR :

      وايديكي يا غالية شرفتي ونورتي وصفتي بتعليقك العسل متلك

  27. ام عبود وحبيب 💕 :

    يسلمو ايديكي يارب الكبه عشقي 😋😋

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

  28. taj :

    يسلم اديكي… وصفتك سهله ومرتبه
    صحه وهنا

    1. Om AMR :

      ع قلبك يا عسل تسلمي حبيبتي نورتيني بتعليقك العسل متلك

  29. الآء محمد :

    تسلم ايدك أبدعتي

    1. Om AMR :

      حبيبتي هاد من زوئك ربي يحفظك ونورتيني بمرورك الطيب متلك

  30. الهام عالم :

    تسلم ايدك ام عمرو وبالتوفيق

    1. Om AMR :

      حبيبتي نورتيني بتعليقك العسل متلك

  31. Om AMR :

    بشكرررررركم كتيييير صبايا من كل قلبي على تعليقاتكم الطيبة متلكم ربي يخليلي اياكم

  32. 🌸جمانة🌸 :

    يسلم هالايدين الكبة الها معزة خاصة عندي….

    1. Om AMR :

      ههههههه فعلآ عند الجميع والله الها معزة خاصة

    2. Om AMR :

      شرفتيني ونورتيني بمرورك الطيب متلك

  33. am Sara :

    صحه ام عمورة بشهوو

    1. Om AMR :

      حبيبتي أم سارة هاد من زوئك ربي يحفظك ونورتيني بمرورك الطيب متلك

  34. om hasn :

    ما شاء الله تبارك الله شكلها بتجنن هالكبة ربي يسلم ايديكي يا عسل 😙😙😙😙

    1. Om AMR :

      وايديكي يا غالية شرفتي ونورتي وصفتي بتعليقك العسل متلك

  35. joudi :

    صحة وعافية تسلم الأيادي حبيبتي كتير بحب هل اكلات الزاكيه تسلم ايدك

    1. Om AMR :

      وايديكي يا غالية هاد من زوووووئك ربي يحفظك ونورتيني بمرورك الطيب متلك

  36. ♥AmSaif♥ :

    تسلم ايدك أبدعتي ما شاء ♥الله

    1. Om AMR :

      حبيبتي هاد من زوئك ربي يحفظك

    2. Om AMR :

      شرفتي ونورتي وصفتي بتعليقك العسل متلك

اترك رد

لن يتم نشر عنوان بريدك الإلكتروني.