img
الرئيسة / معجنات / اروع واهش فطاير جبنه رح تجربوها

اروع واهش فطاير جبنه رح تجربوها

/
/
/
3267 مشاهدات
 

اروع واهش فطاير جبنه رح تجربوها

اروع واهش فطاير جبنه رح تجربوها

اروع واهش فطاير جبنه رح تجربوها

اروع واهش فطاير جبنه رح تجربوها , معكم صديقة زاكي الشيف الموهوبة ,

المقادير

  • كيلو طحين ابيض
  • 2 كوب حليب دافي
  • نص كوب لبن بدرجه حراره الغرفه
  • نص كوب زيت
  • بيضه
  • معلقتين كبار خميره
  • 3 معالق كبار سكر
  • معلقه كبيره ملح
  • معلقه صغيره بيكنج باودر
  • معلقه كبيره خل ابيض
  • سمسم للوجه
  • خليط التلميع:
  • بيضه مخفوقه مع
  • معلقتين حليب
  • معلقه خل صغيره
  • الحشوة:
  • جبنه مبرووشه او اي نوع حشوه انتو حابينها متل لحمه مفرومه او صدور جاح او بطاطا الاختيار الكم اكيد

الخطوات

السلام عليكم

بسم الله الله جبتلكم وصفه فطاير جبنه كثير رووعه وهشه وبتستحق تجربوها

بسم الله نبدا

بوعاء العجن بنضع الخميره والحليب الدافي

والسكر وبنتركهم يتفاعلو شوي

وبعد هيك بنضيف البيضه واللبن والملح والخل

وبنحركهم منيح وبنبلش نظيف الطحين الي خلطنا معو معلقه البيكنج باودر وبنعجن كثير منيح لما نحصل على عجيينه نااااعمه وطريه

مده العجن اقل اشي لازم تكون عشر دقايق او اكثر لنحصل على نتيجه افضل

بنغطي العجينه وبنتركها بمكان دافي لتخمر وبعد ميتضاعف حجمها بنبلش نقطعها كرات الحجم الي بدنا ياه وبنرقها وبنحشيها بالجبنه وبنسكر اطرافها منيح وبنصفها على صينيه الخبز

بس نخلص تشكيل كل الكميه يلي عنا بنغطيهم

وبنخليهم يتضاعف حجمهم بمكان دافي تقريبا لمده نصف ساعه او اكثر وقبل الخبز مباشره بندهنهم بخليط التلميع وبنرش عليهم السمسم وبنخبزهم بفرن محمى مسبقا عنار هاديه 180 درجه لما نحصل على اللون الذهبي اللامع خبزهم تقريبا بيحتاج من عشرين دقيقه لنص ساعه حسب حراره فرنكم اكيد

انا عملو معي صينيتين و وشكلتهم بطريقتين متل خبز الفينو ومتل خليه النحل

بتمنا تجربوها وتعجبكم

وهاي صورتلكم كمان الفطاير وهيه وسخنه

وصورتها وهيه بارده وشوفو كيف رووعتها

الف صحه وهنا

تحياتي الكم جميعا رشا ام احمد

180 تعليقاً

  1. ماشاءالله تبارك الله مبدعه ومميزه ب وصفاتك
    ولك طابع خاص فيك من ناحية الوصفات واختيارها ومن ناحية ابداع التصوير تبارك الله..

    انتي جد من الشيفات اللي بس اشوف الصوره قبل ادخل الوصفه اعرف انها لك

    ربي يمتعك ب صحتك وعافيتك
    ❤️

    • الله يباركلي فيكي وبكلامك الطيب حبيبتي ام كادي تسلميلي يا قلبي ربي يسعد قلبك متل مأسعدتيني بهالكلام الحلو
      وكتير فرحت لانو بتتعرفي على وصفاتي قبل متفتحيهم
      منوره الوصفه يا عسل الله لا يحرمني ❤😘😘

  2. شو هالفن والابداع والاتقان ما شاء الله المعجنات بتشهي والتصوير بجنن اللهم بارك حبيبتي مبدعة بكل معنى الكلمة الله يسعد قلبك يا عسل 🌹💟🌹

    • الله يسلمك ويسعدك وما يحرمني من تعليقاتك
      العسل متلك بشكرك رولا على كلامك الحلو
      الله يخليلي ياكي وما يحرمني منك يا قلبي 😘😘❤

    • حبيبه قلبي ياسمين تسلميلي يا عسسل
      بشرفني تكون وصفتي بمفضلتك الله يخليلي ياكي وما يحرمني من طيب كلماتك الرائعه
      منوره الوصفه حبيبتي ❤😘😘

  3. هلأ شفت تعليقك إنتِ تباركيلي في بنتي…
    الله يبارك فيكي يا قلبي ..عقبال ما تفرحي في ولادك يا عمري وتشوفي كرومي أحلى عريس وتفرحي فيه قد الدنيا❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

    • اللهم آمين ان شاء الله يا رب
      تسلميلي انتي ودعواتك االصادقه الي متل الشهد
      الله يحفظلك اولادك ويفرحك بنجاحاتهم يا رب 😘😘❤🌹

  4. هالله هالله هالله
    شووو هالجماااال والحلااااوة والمنظظرررر الخرررافي تبارك الرحمن شوو بجننو وبشهو فنااااانة بكل معنى الكلمة الله يعطيكي الف العافيه رووووعة صحححتييين وهنا

  5. ما شاء الله عنك رشرش شهادتي بيكي مجروحه دايمآ وصفاتك الهن طابع مميز و بحس حالي بياخذني فعلن لعالم ثاني معحناتك حلويات الطبخ شي مفتخر للامام حبيبتي وبتوفيق ان شاء الله

    • ان شاء الله يا رب تسلميلي حبيبتي جوري على هالكلام الرائع متلك الله يخليلي ياكي وما يحرمني من محبتك وطيبه قلبك يا رب
      منوره الوصفه يا غاليه 😘😘♥️🌹

  6. تسلمولي حبيباتي على تعليقاتكم الحلوه الله يحفظكم ويخليلي ياكم بيعجز لساني عن شكركم وشو ما حكيت ما بوفيكم حقكم بدعمكم المتواصل الي ❤❤😘😘

  7. أم نبيل
    يسلمو ايديكي يا وردة ويعطيكي الصحه والعافيه يارب ما شاء الله عنك فطاير رووووعه
    ع طووول على المفضلة وإن شاء الله رح اجربها قرييييبا 😋 😋 😋 😋

    • يسعد مساكي ام محمد
      واديكي يا قلبي ربي يسعدك

      مقادير لصيميه لحجم بيتزا كببير

      انا بستعمل الكوب المعياري 250 مل

      3 كوب طحين ابيض

      ربع كوب زيت زيتون او زيت كانولا

      معلقه كبيره خميره

      معلقه كبيره سكر

      معلقه صغيره ملح

      نص معلقه صغيره باكنج باودر

      معلقتين كبار حليب جاف

      كوب ونص تقريباا مي دافيه يمكن نحتاج اقل حسب نوع الطحين

      معلقه صغيره خل ابيض

    • الطريقه
      بنخلط المكونات الجافه مع بعض
      بنبلش نضيف المي ومعلقه الخل شوي شوي مع العجن المستمر بعد هيك بنضيف الزيت تدريجيا لما يسير عنا عجينه ناعمه وملساء كل معجناها اكثر بتعطينا نتيجه افضل اقل اشي مده العجن تكون عشر دقايق
      وبنغطيها وبنخليها تخمر مده نص ساعه او ساعه لانو الجو بهالوقت بارد
      بعد هيك بنقطع العجينه و بنرقها وبنخزقها بالشوكه او شوبك البيتزا وبندهنها بصلصه البيتزا

  8. ماشاء الله اللهم باااااارك
    تسلم ايديكي رشروشة
    من اطيب انواع المعجنات عندي وحسرت لو اكلتها لازم فيق تاني يوم سمنانة وهلأ حاسة حالي سمنت على شوفة الصور 😂
    مبدعة حبيبتي الله يحميكي ويحمي شاديا الفنانة😍

  9. ما شاء الله
    تبارك الله
    اللهم صل وسلم وبارك على سيدنا محمد
    شووووو هالفن والإبداع ربي يباركلك يا قلبي ويحميكي ويحسن ما بين ايديكي الذهبية ربي يسلم ايديكي وعينيكي على هالوصفات الأكتر من روووووعة 😍😍😍😍😍😙😙😙😙😙😙

اترك تعليقاً

لن يتم نشر عنوان بريدك الإلكتروني.