الرئيسة / منوعات / جرووب زاااكي ساعدوني

جرووب زاااكي ساعدوني

/
/
/
2484 مشاهدات
 

جرووب زاااكي ساعدوني

جرووب زاااكي ساعدوني😢😢

جرووب زاااكي ساعدوني

جرووب زاااكي ساعدوني , معكم صديقة زاكي الشيف الموهوبة ,

مرحبا كيفكم حبيباتي واخواتي اعضاء جروب زاكي

كتيير بحبكم

انا اسمي ايناس وعمري 17سنة يعني توجيهي وعندي مشكلة……

المشكلة انو انا طول حياتي من الاوائل ومعدلي عاالي

بس لما صرت توجيهي صرت كتيير اخاااف واتوتر وقلق مش طبيعي وبحيااتي ما كنت هيك

والتوتر هااد صار يعمللي نسيان انو انسى المعلومة كاملة لدرجة انو ما اتذكر انو انا درستهمم

وافكااري بتحكيلي مستحييل تقدري تنجحي ….

وجد صابتني حالة نفسية انو حابة افرح اهلي الي تعبوا علي

والخوف مسيطر علي….

سااااعدوني ورح آخد بنصيحتكم وادعوولي اماانة

واي حد عندو معلومة ما يبخل علي فيها

بحبكم

50 تعليقاً

  1. هلا وغلا حبيبتي
    بالنسبة للتوجيهي خوديها قاعدة متلو متل اي صف درستي قبل خلي بنظرك انو اشي عادي وانسي اي افكار بتيجيكي
    وانصحك بأذكار الصباح والمساء التزمي فيهم
    واهم اهم اهم شي انك تلتزمي بالصلاة على وقتها والدعاء
    وانصحك كمان بأنك تقرأي على قزازة مي الرقية الشرعية وضلك اشربي منها وكل ما تنقص زيديها وخليكي مستمرة عليها
    وادعي اللهم لا سهل الا ما جعلتة سهل وانت تجعل الحزن اذا شئت سهلآ
    والله ينجحك ويوفقك والك منا الدعاء ان شاء الله حبيبتي 😉😉😉❤❤❤

  2. نصيحة حبيبتي كلي عسل ومكسرات نية كتير ممتازة بتنشط الذاكرة والاهم اصحي الفجر صلي وبلشي دارسة بتكون الذاكرة نشيطة وسريعة الحفظ وخدي بريك وقت الظهر وبعدها كملي اعملي جدول منظم
    الله ينجحك يا البي وييسر امورك بالتوفيق

  3. حبيبتي الله يوفقك وينجحك
    داومي على صلاتك وسورة البقرة جزء واحد بس باليوم وشوفي كيف راح يفتح مخك ويهدى بالك ان شاء الله
    وكمان شرب مغلي الروزميري(حصا البان)كتير ممتاز للذاكرة انا كنت مداومه وقت كنت بعمرك كان رهيب بيساعدك يصحصح عقلك ان شاء الله

  4. حبيبتي الله يسهل امرك …مرحله التوجيهي مهمه جدا بنسبه الك هي الي بتثبتك امام كل من يقول ما تقدر اثبتي نفسك انتي تقدري لا تخافي انك بتحسي انك تنسي هاي امور طبيعيه كل طالب توجيهي بحس بهاي الشعور لا تخافي فكري انها مرحله متل اي مرحله اكتر اشي راح بساعدك انك بتقربي صلتك بالله تعالى من صلاه من دعاء من قراءه قرأن اي شي بتحسي فيه خير اسعي معه اشربي اكليل الجبل بزيد من التركيز هي عشبه بتغليه وبتشربيه حاولي تبتعدي عن السكريات لانها تضعف الذاكره ضعي جدول دراسي بتنضمي وقتك كل 45دقيقه بعديها توخذي بريك 15دقيقه لا ضغطي على حالك كتير حطي لحالك يوم استراحه ايضا خدي نفس الشهيق والزفير بعد ما تخلصي دراسه اكثري من شرب الماء والاكثر اهميه قدمي لنفسك كلام ايجابي حتي لو بتقولي كلام تاني مع كتره الكلام بتقولي انا عنجد اقرا اذكري دائما انها اول فرحه بتقدميها لاهلك هاي الفرحه مش الك لوحدك هاي الامك الابوكي لكل الاهل اثبتي نفسك …يا رب يا قلبي تنجحي وتتيسر امووورك يا رب

  5. حبيبتي الله يوفقك يارب وينجحك وتصيري بأعلى المراتب يارب انا كمان أبني توجيهي هاي مرحلة سهلة لا تخافي صف زي اي صف هيك لازم تفكري واشربي أعشاب تروقك وخلي ثقت بنفسك قوية لا تسمحي لتفكر سلبي يأثر عليكي الله ينجحك يا رب العالمين انتي وكل طالب عم يتعب على دراستو

  6. حبيبتي انا كمان توجيهي متلك وبدي احكيلك انه عادي ما تخافي التوجيهي متله متل اي صف انا بالأول كنت بخاف وكتير كمان بس لما سألت طلاب التوجيهي إلي كانوا قبلي حكوا إلي ما تخافي لأنه الخوف مو منيح يعني لو كنتي دارسه وخايفه ما راح تعرفي تجاوبي على الأسئله وكمان احتمال كبير انه انتي بتنسي بسبب خوفك وبالنسبه لوقت الدراسه انا ببلش دراسه من اول ما بصحى لحتى نام ما في وقت محدد وكمان بدي احكيلك انه تراجعي حتى ما تنسي وما تراكمي على حالك دروس وكمان انا سئلت كل الطلاب والمعلمات وحكوا لألي انه بجيب أسئلة سنوات سابقه وبدرس عليها والتزمي بالصلاة والدعاء وبالنهايه كل واحد راح يوخد نصيبه بتمنالك الخير
    أدعوا إلي😘

  7. حبيبتي لاتخلي فكرة النسيان تسيطر عليكي. انتي ادرسي واجتهدي وربنا ما بيضيع تعبك. ودائما بعد ماتدرسي وتحفظي استودعي الله ما حفظتي وقولي.”استودعتك الله ماحفظت وان ترده لي عند حاجتي”واللهم لاسهل الاماجعلته سهلا وانت تجعل الحزن ان شئت سهلا”والله يوفقك ويسعد اهلك بنجاحك

  8. انا راح انصحك ما ضيعي هاي المرحلة من حياتك بالخوف وتوتر لانوا بعد ما تخلصي راح تكتشفي انها كانت احلى وقت لنا لو خياروني بسنة من السنين ترجع لحياتي لاختار التوجيهي وما دامك اصلا شطورة ما تخافي انتي لدرسي وسبيها لربنا وادرسي ما تفكري اذا متذكرة ولا لاء وقت الجد ما راح تكوني ناسيه وبتوفيق يا حبيبتي

  9. احكي في ساعات الخوف اللهم يا ولي نعمتي وملاذي عند كربتي اجعل ما اخافه وأحذره بردا وسلاما علي كما جعلت النار بردا وسلاما على ابراهيم وفوضي امرك لله وما تخافي واقنعي حالك دائما انك انتي قدها و رح تجتازي التوجيهي باذن الله وتنجحي

  10. الله ينجحك و يفرح بك والديك
    اولا خففي تفكير في الامتحان و صعوبته و ترجمي خوفك مراجعة و تحضير، و التحضير يكون مقسم على شكل برنامج منظم حسب المدة الزمنية لي تبعدك عن الامتحان و حسب المواد و صعوبتها بالنسبة لك يعني تبدئي باصعب مادة و تركزي فيها مع ترديد كلمة انا قادرة على الفهم .
    ثانيا اهتمي بالنوم الجيد في الليل و الراحة خلال فترات النهار و خلي ساعةو نص للترفيه او الخروج كي تتركي مجال للعقل يستريح و يستوعب المعلومات و يحافظ عليها، تكديس المعلومات في مخك و ارهاقه بالحفظ دون توقف يخليك تنسي اي شيء حفظتيه.
    ثالثا: اهتمي بالتغذية الجيدة كلي تمر و زبيب لوز و شكولاطة سوداء اذا كانت في المتناول كل يوم خدي سلطات متنوعة ضروري جدا و اشربي الماء و العصائر طبيعية دون سكر، ابتعدي عن الاكثار من القهوة و الشاي خاصة في الفترة المسائية و عوضيهم بالحليب الدافئ للنوم الجيد و تخفيف التوثر
    كل هذا و استعيني بالله كلما بدأتي التحضير و خلي حصة للاستماع للقرآن و اكثري الدعاء بالتوفيق و السداد.
    هذه كل التدابير لي على امر السنين كنت اطبقها مع اولادي ،الله يوفقك و ييسر امرك و يفرح بك امك و ابوك و يفرحنا بخبر نجاحك ان شاء الله❤.

  11. اكتبي هلدعاء على عورقه وكرريه يوميا
    اللهم يسر امري اللهم ألهمني الصواب وذكرني ما نُسيت وعلمني ماجهلت وزدني علماً اللهم وفقني إلى كل خير وذلل لي كل صعب اللهم يسر امري واشرح صدري واحلل عقدهً من لساني يققهوا قولي
    بلتوفيق بنتي
    ولاتنسي ترقي نفسك بلفاتحه وايه الكرسي والمعوذات

  12. حبيبتى خدى الامور ببساطه مفش داعى للخوف ولا اي توتر لانها سنه متل كل السنين وبسيييطه لا تضيعى حالك
    هتعدى هالمرحله وتصيرى بجامعه وكانو امر توجيهى اشي بسيط بالنسبه للجامعه
    وتوجهى ما بتخوف ولا شي هما بس مشان تتاقلمو ع جو جامعه وامتحانات وهيك
    وممكن يكون خوفك سببو كلام الناس ما تسمعى لحد اتحدى نفسك والناس كلها خليكى قويه وعندك ثقه بنفسك تتعدى هاى المرحله
    وربنا سبحانه وتعالى ما بعطي حد فوق طاقتو
    والى خلصو توجيهى قدرو يتعدو ويجبو مجموع ليش انتى لا ضلي ررددى ببالك انا بقدر انا قويه انا دكيه كلامات محفزة مو انو بخاف وما بقدر لااا اوعك
    وربنا يوفقك يارب وينجحك باعلى مراتب حبيبتى

  13. حبيبتي لما قدمنا توجيهي اخذنا الامور ببساطه واعتبرناه مثله مثل غيره والحمد لله مرت السنه بسلام هدي اعصابك اقرأي اذكارك ووردك وارقي نفسك واتكلي على رب العالمين يا قلبي حتى ما تتركي مجال للشيطان يلعب باعصابك اهم شيء ما تخافي لان الخوف سبب العلل والضعف..وانا حاليا ابني توجيهي ربي ينجحك وينجحه وينجح كل طلاب العلم ويرزقكم السكينه والاطمئنان النفسي ويبعد عنكم كل مكروه

  14. كونك من الاوائل حبيبتي ما شاء الله عنك خساره كبيره تضيعي حالك بسبب شوية خوف خليكي قويه واكسري حاجز الخوف وشدي الهمه بدنا معدل يرفع الراس بلا خوف بلا هم انا بعرف انه الطالب الضعيف بخاف مش المتفوق

  15. هلا ايناس ما شالله عليكي تبارك الله بدك نصيحة مني لما كنت بعمرك لما خوض اي اختبار بحياتي بحس حالي ولا كأني درست هذا كلو بسبب ضغط المعلومات وكميتها فأنتي اول شي حاولي تنضمي وقتك مو بس وقتك كمان لازم تنضمتي المواد يلي حابه تتدرسيها وبلشي بلمادة السهله يلي انتي بتحبيها وخلي. كراسة وقسميها بعدد المواد واي شي صعب وبتحسي انك رح تنسي اعمل منو رؤس اقلام ع الكراسه وبترجعيلو بعد ما تخلصي موادك كلها ولا تنسي الدعاء لتسهيل دراستك بإذن الله ( اللهَ لا سهل إلا ما جعلته سهلا وانك تجعل الحزن إذا شئت سهلا) ان شاء الله كون قدرت فيدك واكيد خلي وقت بسيط لراحتك لاتضغطي نفسك بالدراسه ٢٤ ساعه بعتقادك انك ما درستي مزبوط واتكلي ع رب العالمين وان شاء الله تكوني من الاوئل وتفرحي اهلك فيك (موفقه)

  16. حبيبتي اول شي خصصي من وقتك ساعة والأفضل بعد صلاة الفجر أقرئي فيها قرآن وآيات الرقية الشرعية والورد اليومي من الدعاء وبإذن الله راح تشوفي فرق شاسع من الراحة النفسية واتوكلي على الله

  17. حبيبتي خذي الأمور ببساطة أكثر ولاتنسي لن يصيبنا إلا ماكتب الله لنا اصحك تتوتري وتضيعي حياتك بالعكس فكري انو فرصتك وحيدة بس هذي السنة شوية تعب ورح تنسي بطعم النجاح

  18. حبيبتي ايناس ربي يوفقك ويفتح عليكي فتوح العارفين ويفرح قلبك وقلب أهلك بنجاحك بأعلى العلامات يارب انتي وكل طلاب التوجيهي😘⁦♥️⁩
    الصبايا كفو ووفو بالنصايح ربي يجزيهن كل خير وفعلا التفسية بتأثر كتيييييير على موضوع النسيان فماتسمحي لحالك بالتفكير بأشياء تزيد الضغط عليكي
    انتي عملي اللي عليكي وتوكلي على رب العالمين وان شاء الله بينجبر خاطرك وخاطر اهلك وبتفرحينا بنجاحك وتفوقك😘⁦♥️⁩

  19. مرحبا حبيبتي ..ليش تخافي ..التوجيهي بس تنجحي وتخلصي بتكتشفي انو متلو متل اي صف قبلو بس لانو مرحلة مصيرية وبتطلعي ع الجامعة ..لاتخافي وتوكلي ع الله هاد وسواس عندك لازم تتغلبي عليه ..اهم شي رضا ربنا وطاعةالوالدين هو التوفيق الكامل بحياتك …ديري بالك ع حالك واقرئي قران وكل ماتيجيكي وساوس استغفري ..واستغفري واستغفري ..ربنا قال…ومن يتق الله يجعل له مخرجا …والله يوفئك

  20. اهلين فيك ي عسسسل

    ربي يوفقك ويحقق لك كل أمانيييييييك
    وهذه مرحله بأذن الله وتعدي المهم وكلي امرك لله ولاتخافي ولاتسمعي اي كلام سلبي..

    انتي قدمي اللي عليك
    رتبي جدولك ع يومك واعطي نفسك راحه..
    لاتنضغطي لانك راح تتوتري وقتها..
    انا كنت دائما احس حالي مو مذاكره اي شي وناسيه كل شي.. بس اوكل امري لله واسلي نفسي اني ذاكرت..
    ولما يجي الاختبار الحمدلله اقرأ اذكاري وادعي ربي والحمدلله ربي ماضيع لي تعب..

    انتي مجتهده ومتفوقه تبارك الرحمن
    بس هدي حالك ولما تشوفي نفسك منضغطه توضي وصلي لك ركعتين واقرأ لك وجه من القران بتهدين..

    وربي يوفقك وينجحك بالمعدل اللي تطمحي له ويفرح قلبك وقلب امك وابوك..

    وطمنينااااا عنك بس تخلصي ع خييييير

    ❤️😉

  21. التوجيهي في نوع من التوتر لانه مرحلة تقرير مصير و مرحلة انتقالية…..بس صدقا مش صعب ابدا ادرسي اول باول ولا تتوتري وربنا يوفقك حبيبتي انتي و كل الطلاب……ربنا يوفق ابن ام علاء ….

  22. هي حبيبتي عين صابتك وما صلت على النبي عليه افظل الصلاه والسلام انتي بحاجه للرقيه الشرعيه وقراءة وسماع سوره البقره كل يوم مع قراءه الاذكار والادعيه و تكرار الصلاه على سيدنا محمد عليه الصلاه والسلام والفاتحه قبل القراءة والحفظ وفي النهايه الاتكال على الله سبحانه وتعالى وتوكيل الامر لله والسلام عليكم اختك في الله ام عبدالله…….

  23. صباح الخير كيفك حبيبتي انا من ٣سنين كنت توجيهي وهلا بالجامعة والله انا كنت متلك من الأوائل ولما وصلت التوجيهي كنت كتير خايفة وشو ما ادرس احس انو مو دارسة شي وبعدها أقنعت حالي انو ما في داعي للخوف ولا لأي توتر متلو متل اي صف كنت ادرس شوي وبعدها أعمل أي شي غير الدراسة وارجع ادرس المقصد انو ما اضغط على حالي كتير والحمد لله انجحت بمعدل 92.2 وهلا بدرس محاسبة بالجامعة الهاشمية وما ظل شي لاتخرج وعنجد خلي عندك قناعة انك رح تنجحي وتفرحي وتروحي على الجامعة ورح تنبسطي كتير والله يوفقك يا رب

  24. انا العام كانت بنتي توجيهي وعشت الخوف بس انتصرت عليه ونجحت والله يلي كان يشوفني ما يعرفني من التوتر وهي مش كتير شطوره بس الدعاء والصلاه والاراده بتلعب دورها بالتوفيق حبيبتي الله ينجح جميع يلي تعب وبنتي معكم،، 💕

  25. السلام عليكم
    ابنتي هذا أمر عادي لكن استعيني بالله
    وقولي هذا الدعاء
    اللهم لاسهل إلاماجعلته سهلا وأنت تجعل الحزن إذا ما شئت سهلا
    وأيضا اللهم أجعل القرآن العظيم ربيع قلبي
    ونور صدري وجلاءحزني وذهاب همي

  26. حبيبتي استعيدي بالله وأقرأي الاذكار وبعدي الوساويس من عقلك لان العقل الباطني يترجم الحاله اللي عندك وبالتالي فعلا يخلي هذه المرحله صعبه عليك لكن انت دايما خلي في بالك ان هذه المرحله سهله والله يوفقك ويسهل امورك

  27. توكلي ع الله وخلي املك كله بالله عز وجل وهاد الخوف انتي لازم تبعديه عنك طبعا بالصلاة والأذكار والدعاء
    والله يوفقك وينجحك…

  28. حبيبتي خوفك ما بجيب نتيجه…
    انسي كل الافكار السلبيه..(تفائلو بالخير تجدوه)
    كلنا مرينا باللحظه هاي بس خوفك الزايد ما بينفع…
    توكلي على الله … ودائما ثقي بالله وكوني على يقين انه الله ما بينسى تعب حدا رح تلاقي الراحه.. 🌹

اترك تعليقاً

لن يتم نشر عنوان بريدك الإلكتروني.