الرئيسة / معجنات / بيتزا رائعة على طريقتي رووووعة

بيتزا رائعة على طريقتي رووووعة

/
/
/
2707 مشاهدات
 

بيتزا رائعة على طريقتي رووووعة

بيتزا رائعة على طريقتي رووووعة

بيتزا رائعة على طريقتي رووووعة

بيتزا رائعة على طريقتي رووووعة , معكم صديقة زاكي الشيف الموهوبة ,

المقادير

  • خمس كاسات طحين
  • كاستين ماء دافي
  • نصف كاسة زيت نباتي
  • بيضة
  • تلات ملاعق حليب بودرة
  • ملعقة كبيرة خميرة
  • ملعقه كبيرة ملح
  • تنين ملعقة سكر
  • ربع ملعقة ص خل ابيض
  • مقادير صوص البيتزا:
  • خمس حبات طماطم مبشورة
  • ملعقتين زيت زيتون
  • تلات فصوص ثوم مهروس
  • ملعقه ص سكر
  • ملعقة ص ملح
  • رشة اوريجانو
  • ريحان مفروم
  • رشة فلفل اسود
  • تنين ملعقة رب البندورة
  • مكونات الحشوة:
  • فلفل الوان
  • فطر معلب
  • زيتون اسود مخلي
  • شرائح زيتون اخضر
  • علبة ذرة حلوة
  • طماطم مفروم ناعم
  • رشة اوريجانو
  • مجموعة من الأجبان:
  • موتزاريلا
  • جبنة شيدر
  • جبنة صفراء

الخطوات

السلام عليكم ورحمة الله وبركاته

كيفكم يا حلوين…. اشتقتلكم كتير بتمى تكونو بألف خير اخواتي الغاليات شيفات زاكي المبدعات

حبيبت اشارككم بطريقتي للبيتزا وأكيد كتير منكم بيعملها وكل وحدة الها طريقتها ولمساتها المبدعة ل هالاكلة بتمنى تجربو طريقتي وما رح تندمو…

كتير كنت اعملها بالكاتشب ورب البندورة ويطلع الطعم عادي… بس صراحة لما طبخت الصوص بالبيت وكل شي طبيعي كتير حسيت بالفرق العجيب ان شاء الله بتنال اعجابكم عزيزاتي

بسم الله نبدأ….اولا بجهز العجينة وهي عجينة العشر دقائق …بحط كاستين طحين وكاستين ماء دافي والخميرة والسكر وبخلط منيح وبتركها عشر دقائق حتى تتفاعل الخميرة….وبعديها بضيف تلات كاسات طحين وزيت والحليب والخل والملح والبيضة وبعجنها كتير منيح لمدة عشر دقائق وبغطيها ترتاح لمدة ساعة….

بنروح لتحضير صوص البيتزا بحط عالنار كل مكونات الصوص المذكورة وبتركها تتسبك وتغلي منيح عالغاز وبتركها تبرد لحتى اجهز باقي المكونات.

لما تخمر العجينة بقطعها بالحجم اللي بدنا اياه وبفرد عليها ملعقتين من الصوص وبوزع باقي الخضار عليها والجبن على الوجه وبخبزها بالفرن من تحت ولما تتنشف وتبدأ الجبنة تسيح بشغل الشوايه عليها بس ثواني وهيك بتكون جاهزة.

وألف صحة وهنا يا رب

دمتن في حفظ الرحمن

66 تعليقاً

  1. وعليكم السلام ورحمة الله وبركاته 😍
    بسم الله ما شاء الله تبارك الرحمن شو بتشهي وشكلها بجنن أللهم بارك صحه وعافيه يا قلبي وربي يسلم ديادك ويبارك فيهم ويعطيكي الصحه والعافيه 😘🌹

  2. روووووووووعة ماشاء الله شكلها بشهيييي وخصوصا هية وعم تمطمط
    مطمط قلبي معها😂😂
    ربي يباركلك ويسلم ايديكي ياقلبي مبدعة ماشاء الله عنك ونحنا اشتقنالك كمان😚😍

    • الله يسلمك ويسعد قلبك يا غاليه… انتي المعدله والله…. والي الشرف انو وصفاتي المتواضعة تعجبك… حبيبة قلبي انتي ست بيت مبدعة وفنانة… ما شاء الله عنك ربي يحميكي 💜

اترك تعليقاً

لن يتم نشر عنوان بريدك الإلكتروني.