img
الرئيسة / حلويات / كعك التمر الاساور بكل تفاصيله واسراره دوره الحلويات ٣

كعك التمر الاساور بكل تفاصيله واسراره دوره الحلويات ٣

/
/
/
3994 مشاهدات
 

كعك التمر الاساور بكل تفاصيله واسراره دوره الحلويات ٣

كعك التمر الاساور بكل تفاصيله واسراره ( دوره الحلويات ٣ )

كعك التمر الاساور بكل تفاصيله واسراره دوره الحلويات ٣

كعك التمر الاساور بكل تفاصيله واسراره دوره الحلويات ٣ , معكم صديقة زاكي الشيف الموهوبة ,

المقادير

  • عجينه الكعك:
  • كيلو طحين بما يعادل ٥ كاسات
  • نصف كوب سكر
  • كوب سمنه مخلوط بزيت قلي
  • كوب زيت زيتون
  • معلقتين سمسم
  • معلقتين قزحه ( حبه البركه)
  • معلقتين كمون حب
  • معلقين شومر حب
  • معلقتين يانسون حب
  • بهارات الكعك معلقه من كمون واليانسون والشومر مطحونين
  • ضرف خميره
  • كوب ماء دافئ
  • حشوه التمر:
  • كيلو تمر مطحون
  • معلقتين زيت زيتون
  • معلقتين قطر بارد او عسل
  • معلقه من كل ما يلي حب طبعا
  • سمسم
  • قزحه
  • كمون
  • يانسون
  • شومر

الخطوات

اولا بوعاء كبير بننخل الطحين وبنضيفله السكر والمطيبات المذكوره فوق

وبنضيف السمنه والزيوت وبنبسهم بطرف الاصابع

بعد هيك بنحط الخميره مع معلقه سكر ع الماء وبنختبر الخميره وجودتها

بنضيف الخميره ع الطحين وبنعجنها عجن خفيف ما بدنا نضيع هشاشتها

لتصير زي مهو موضح بالصوره

نضع العجين في مكان دافئ لتختمر نصف ساعه ما بدنا تخمر وتفوش الحبه وتصير بطابيط الكعك 😂

بهالاثناء يا حلوات بنعجن التمر مع مطيباته وبنعمله رول وبنقطعه قطع مناسبه قليلا لسهوله فرده بالعجين

******

بعد ما تخمر العجينه شوي بنعجن كل شوي لحال

لتتماسك وبنفردها رول وبنقطعها بالسكين زي الصوره قطع متساويه تقريبا

بنفرد العجين المقطع وبنضع التمر فيه بشكل رول وبنلفه اساور وهيك لتخلص الكميه

بنكون محمين الفرن ع حراره ٢٠٠ وبنلش نخبز الكعك ع الرف الاخير

مو ع النار مباشره ارفعي الشبك درجه

بس تتنشف الكعكه بكون استوت واتحمر اسفلها بتحتاج من ١٠ الى ١٥ دقيه حسب حراره فرنك

بس انتبهي عليهم ما يحترقو بس يصيرو ذهبي بكفي

بنحمر وجها وبدنا ننتبه ما نحرقهم ما بياخذو وقت ع التحمير

***** هلا ملاحظات لسلامه وجوده الكعك *****

& بس يتحمر الكعك خليه بالصنيه ٣ دقايق مشان ما يفتت معك ويتشرب كميه الزيوت

& انقليه ع حافظه بدون اغلاقها فقط حطي عليه فوطه نظيفه ضروري هالحركه مشان ما ينشف الكعك ويصير احجار الكعك

&&بعد ما يبرد تماما انقليه لحافظات مغلقه جيدا

هيك بتحافضي ع هشاشه الكعك

&& لكعك طري جدا استخدمي بدل الماء حليب وبدن زيت قلي استبدليه بزيت الزيتون

&& لكعك هش زي طريقتي بالزبط

&& لكعك قاسي اعجني جيدا و بدل زيت الزيتون حطي زيت قلي طبعا حسب العيارات المذكوره

&& الحليب يقلل من مده صلاحيه الكعك وممكن بعد ٥ ايام يتغير طعم الكعك

&& كميه الطحين المذكوره بتعمل ٢ كيلو كعك جاهز

&& كيلو التمر ما رح تحتاجيها كلها رح يضل اقل من نصها احفضيها بالثلاجه للمره المقبله

&&& واي استفسار انا جاهزه وتحت الطلب

بتمنى تجربوها وتعجبكم مضمونه ١٠٠%

والي مو حابه تغلب حالها تشتري من عندي

بعمل طلبيات للكسلانات

♥️♥️♥️احببببببكم كلللللللم ♥️♥️♥️♥️

114 تعليقاً

  1. بلبله ماشالله عليكي بشهو وانا بعشق الكعك الأساور كتيير
    هسا سؤال بدل الزيت الزيتون مابصير زبده لانه مابحب احط زيت زيتون ع الكعك وكيف الطعم بزيت الزيتون بظهر طعمه

    • حبيبتي ماما عايده
      ويوسع ع الجميع يا رب
      مو غريب الكمون ع الحلويات التراثيه وبالعكس بعطيها طعم رائع
      بتمنى تجربي وصفتي المتواضعه

  2. تسلم الايادي بلبله على المعلومات المهمه خاصة للمبتدئين ما قصرتي 👍
    أنا من عشاق كعك الاساور
    مع كاسة شاي من الاخر ابدعتي😋😋😋

    الله يفتح عليكي يارب

  3. ماشاء الله كعكاتك بشهوا.. ومقادير الوصفة بتفتح النفس بتنوع حبوبها وألوانها.. وشكل الأساور روعة.. يسلموا إيديك حبيبتي على هالوصفة اللي بتشهي
    صحة وهنا 💕💕

  4. غرد يا بلبل
    روعاتك يا بلبل
    ما شاء الله الكعك ما بزكى إلا بالشتاء
    احنا عنا بتكثر عمايله بفصل الشتا
    ليه ما بتحطي سميد
    انا كيلو ااطحين بحطله نصف سميد

  5. ماشاءالله تبارك الله
    عمل رائع
    يعطيكي العافية
    بلبوله الجميله
    الله يحفظك راجعي وصفة الأخت أم إبراهيم الاخيره او اللي قبل الاخيره فيها فتاوى عن ظهور اليد إن شاءالله تستفيدي

اترك تعليقاً

لن يتم نشر عنوان بريدك الإلكتروني.