كاسة شاي

128 6٬116
 

كاسة شاي

كاسة شاي

كاسة شاي

كاسة شاي , معكم صديقة زاكي الشيف الموهوبة ,

بعيدا عن جو المسابقه والستريس الررهيب اللي عايشينه.. وكل شوي نفوت نشوف الرقم ع يمين الوصفه ههههه حبيت اغيرلكم جو
) كاسة الشاي بلونها الخمري الفاتح… الله الله

ياسلام ع كاسة الشاي بالنعنع بسبح ع وجهها… بحس حالي انه انا اللي بسبح ولا احسن حورية بحر..

كاسة الشاي بالنعنع ميرميه. زعتر بري((ووينك ياام تقى تقومي تعمليلنا ابريق)) هي الكاسات والابريق تحت ههههه

بكل اضافاتها زاكيه وبتمزمز الدماغ عالاااخر…

عنا بالاردن وفلسطين اول مشروب بتقدم للضيف كانه بتحكيلي اهلا وسهلا بهالكاسه.. وهو عليم الله بشربها كانها احسن من كابتشينو ولا هوت شوكلت..

وهو قبل ماييجي بكون شارب نص الابريق بدارهم.. هههههه

ياسلااام سلّم ع كاسة الشاي لما يكون في كعك وخاصه قرشله.. ولا زي زمان لما كانت الحجه تفت فيه خبز ونوكله بالمعلقه ولا احسن كورن فليكس.. ههههه

وعشان نستمتع صح بذكريات بكاسة الشاي.. بتكون الكاسه اصليه بتقطها عالارض بتضل صامده محاربه هههههه مش زي الموديلات الجديده وحده بخصر ووحده بزنار ووحده بربطه عالجنب تقول بترقص ومابتعرف من وين تمسكها…

الشاي عنجد مفيد جدا بسكر معتدل طبعا…

ممممم خليني اوقف كتابه واقوم اعملي كاسه تعدل الدمااغ

وانتو.!!؟؟؟

وبهاي المناسبه.. بهديكم اغنية :

انا انا انا ابريء الشاي

ايدي كدا بوزي كدا

اصب الشاي وارجع كدا…

اللي غنتها. الها ضمة نعنع ههههه

ان شاء الله تكونو غيرتو جو…. يا كرموشات

عرض التعليقات (128)